- شُعورٌ لا يُقال، وإذا قِيلَ لا يُفهَم.
ـ عمي أني اتزوج ريحان
ساد صمت قوي ومخيف توقعت كلشي الا هل موقف
اردفت ريحان وهية تگوم من أيد أخوانها مدماية بلكامل
ـ موافقة اتزوج أحمد
شهگو واخوانها گامو يردون ياخذون روحها ركضت احتمت وراية
أبوها جان جامد ويباوع بنص عيني
الفرح دخل لقلبي وحسيت نفسي طاير من گال
ـ شوكت تجيب مشاية حتة تخطب بنتي؟
ضحكت و حضنت ابو ريحان وبست ايدة الكل تغير مزاجة وانگلبو بيهم الچان فرحان وبيهم الجان ضايج من هلقرار وبيهم الحزن مالي گلبة ومتندم والي هي!
ريحان
منزلة راسها وحسيتها ندمت على علقرار وكأن اكو شي عائق بطريقها
رحت ردت اوصل الها جرني اخوها الصغير
كلش حباب الوحيد اليختلف عنهم مكمل دراسة ومثقف وفاهم
اردف بضحك
ـ يلا برة يلا متشوفها لحدما تصير حلالك
ضحكت مجمالة بس بداخلي افور اريد اعرف سبب حزنها
معقولة مجبورة؟ بس هية الي وافقت لو ماموافقة جانو رفضوني
طلعت من بيتهم وأمي شبعتني بوس كلما تشوفني تجي تبوسني وتسمعني گولات
وابوية فرحان من كل گلبة
مر اسبوع ومأشفتها أشكد حاولت ماگدرت
طلبت من التنين يحضر لمشيتي لان ماعندي احد غيرة فرحلي هواي وهوة بنالي غرفة فوق السطح
وجاب احسن العمال خلال اسبوع كملو أهم الاشياء التخص الغرفة وبقت اشياء بسيطة
حتة غرفة النوم هوة الي اشترى
ماقبلت ورفضت وحتة زعلت منة بس هوة ضل على رأية وكلما جنت احجي وارفض مساعدتة يگولي
ـ خليني براحتي اني ماعندي اخ والله عوضني بيك
هلكلام چان يطبق علية هم لان وحيد الااهلي
قبل يوم لخطوبتي صار عدنة أجتماع مهم ببيت تورهان خلصنة الاجتماع طلعت بلحديقة شغلت جگارتي ادخن وافكر بمعشوقة گلبي ريحان
حسيت على صوت خلخال عقدت حاجبي من عرفت صاحبة الصوت التفت شفتها بزيها الاثري گلبية زرقة منقشة بلذهب الخالص فاتحة شعرها الاسود وعيونها منطي موج خيالي وية لبسها
لاحضتها ماتحجي وية احد غير أهلها واني الوحيد!
هلشي خلاني استغرب بس بعدين گلت يجوز تعتبرني مثل اخوها لان اخوها يثق بية
اردفت وهية مبتسمة
ـ صارلك فترة مختفي واضح اكو شي مهم ببالك
نزلت راسي بأبتسامة
أنت تقرأ
ترنيمة التنين
Acciónنبذه لازم يكون بين الحوش شخص لطيف وهلشخص هاذا هوه أنا ! او يجوز الحوش هوه أنا ! بنت وحيده لأهلها منعزله عن العالم تحب الكتب لكن يحصل شي غير متوقع وتقع بحب عدو أبوها لكن هوة مو عدو عادي ! هوة الي يخلك تتمنى الموت وماتحصلة ! اتوقع صار واضح منو الش...
