ترنيمة التنين

أحنيلك الايدين؟16

شسوي حتةَ ترجع أحنيلك الايدين؟ الحنك الاغنيات
اشعلك العشر شموع؟ راضي أنا بكلشي بس ارجعلي ياهوستي بين السكوت

هواياتي علقو بين الفقرات لان جاي اقرة كل تعليقاتكم واتشجع انزل اكثر واكثرر

ـــــــــــــــــــــــــــــــــــــــــــــــــــــــــــــــــــــــــــــ

لزمني من زندي وهزني قوي وخلة عيونة بعيوني
وگال كلام صدمني وخلة كلشي بعقلي يتغير

ـ أوپرا حبچ لان عبالة انتِ قوية ودائما يحچيلي عن صبرج وقوتج بس طلع غلطان انتِ اكثر شخص مهزوز وبلا قوة شفتها

خليت ايدي على شفتي بنرفزة من كلامة
ـ اششش لاتحجي خلص
ردت اطب للقصر وقفني

ـ لا احجي مع الاسف طلعتي بهل ضعف

ركضت على وحجيت بعصبية لان وضعي مايسمح انتاقش واجة هاج علية المواجع
ـ شتريدددد ارگص وأني الاحبة واليحبني ماتتتت شتريد بلضبط
ـ ماريدج ترگصين بس انتِ زوجة اوپرا وملازم تسوين بنفسج هيج وتستسلمين للحزن

ابتسمت من گال زوجة اوپرا

ـ أني مو زوجة اوپرا
ـ ههه صدكيني لو هوة عايش لحد لان مراح ينتظر اكثر ويتزوجج

اهتز نبرة صوتة بأخر كلماتة

دمع عيونة وهوة بحجي
ـ اوپرا ويانة دائما وابداً وهسة جاي يشوفنة واكيد جاي يغلط علية لان جاي احجي وياج

ضحكت بنص دموعي
ـ لازم تكونين قوية وتتخلصين من السجن الي انتِ عايشة بي واني موجود هنا لحمياتج وتحت أمرچ لانج وصيتة
ـ وصيتة؟

ـ بليلة اختفائة اجالي بلحلم و وصاني عليج

شهگت باچية تدمر گلبي

عفتة وطبيت للقصر

قررت فعلا اليق بأسم اوپرا واتخطى الحزن بس اه من الشوق...

دائما اتخيلة يرجع واضمة بين ضلوعي

لكن للاسف مر اسابيع وشهور وهوة مأجة
أباوع للبلكونة انتظرة بفارغ الصبر

صرت اطلع كل ليلة اقرة قصص وأني ابچي عسى ولعل يرجع

أموت بليوم الف موتة
أجة الخريف واوراق الاشجار صارو يوگعون مثل دموعي

-النهر انترس دموع عاشقة تبچي بلا أمل
اعذرني يانهر بس كسرتي مو سهلة إنة خسرت اعز ناسي-

چنت نايمة بتعب حسيت بأوپرا يمي عطرة ترس صدري اي هوة أني متأكدة هوة!!

حاربت النوم وفتحت عيوني بس مالگيتة

گلبي صار ينبض قوي غمضت عيوني بتعب ونزلت جوة
طبيت للمطبخ
شفت نبيل مجهز نفسة وگاعد يفطر ويريد يطلع
ـ صباح الخير