ترنيمة التنين

إجَرؤ 6

إِجَرِؤٌ عَلَىَ ذَلِكِ وَأَقْتُلُ وَاحِدٌ تِلْوَ الْاخْرَى لَكِنْ وَقَعْتُ عَلَى كَاحِلِي عِنْدَمَا رَأَيْتُ عُنُقَهَا -

.......... ............ ............ ............ ............ ............ .........

فتحت عيوني بصدمة من شفت القصر متزرف من الطلق على شكل كتابة قريت المكتوب ونصدمت من الي قريتة واشوف ابوي وضعة تخربط
مكتوب بوضوح على الحايط

ـ التنيــن

وگع ابوية وجسمة صار يهتز وشراين عيونة بينت خفت هواي علية
صاح علية بقسوة وكأنة وحش

ـ امشي طبي للقصر
طبيت للبيت بدون نقاش بس هواية ضجت صعدت لفوك ودفرت الباب وسديتة قوي الصوت ارتجم بكل انحاء القصر

الدموع انملة عيوني بس ماتنزل صايرة ماگدر ابچي ألا من اقرة روايات وهلشيء غلط المفروض اطلع الي بگلبي وماكتمة

سكتت للحظات أفكر بلي صار اليوم شنو المقصد من كلمة التنين وليش ابوية وضعة تخربط دقيقة دقيقة فتحت عيوني ورجف جسمي بس لا الشبح الي جاي اشوفة هوة التنين ضربت على راسي بقوة

دسكتي يمعود أبو عيون الحلوة رجال راقي مايسوي هاي الاشياء مال همج بعيدين هوة مأجة البارحه بقة بگلبي واحس مخنوگة

ماطلعت من غرفتي اليوم كلة أجة ساعة بلوحدة وسمعت صوت بلبلكونة أبتسمت بمكر من عرفت من صاحب الصوت

............ ............ ............ ............ ............ ............

صوت الاغاني عام بكل الملهى وتنين گاعد فوگ التخم يشرب بملل ولازم تلفونة تغير هواية

من شافها صار اصلا نادر يدخل للملهى
يجي بس للشرب عكس گبل مچان يشبع من وحدة لا لازم خمس بنات بحضنة ورگص وسربتة

ابتسمت بحزن وهمست الحب يگدر يغير أكبر واحد
معقولة التنين اوپرا گاعد وتخمة بدون نسوان اويلي
رحت گعدت يمة گلت خلي اغير مزاجة

اولما گعدت غلق الموبايل ورفض حواجة بأنزعاج
مخليتة يحچي گبل گمت انعي

ـ يبو يلفحل تخمك مابي نسوان يبوو

بدون مقدمات شال الكاس مليان ثلج وكسرة براسي
وگعت بلگاع مثل الطير المذبوح

ـ هيج احسلك كم مرة اگول لاتاخذ ميانة زايدة

حجيت بيني وبين نفسي بهمس

ـ اشكد معقد
فزيت من گال
ـ سمعتك ولك

ـ لايمعود جاي احسب الكراسي چم معقد
هز راسة بعدم تصديق
گمت اسحل بروحي للحمام اولما دخلت شفت ثنين يفعلون اعمال شنيقة واني اريدها من الله لان اكرهه هيج قرف

ضليت اضرب بباب الحمام بشكل هستيري وهمة وگفو مصدومين ركضت على المرة دفرتها وطلعتها
ولزمت الرجال شبعتة بوكسيات لان اعرف محد راح يحاسبني لاني من زلم التنين سحلتة وطلعتة خطية بعيد يتوب اصلا يلمس بنية