شلت مسكة الورد
وفتحت الباب واني متحطمة
شهگت بقهر من الي شفتة
نبيل واگف بصف الدرج لابس زي عربي
يعني خلص؟
اني راح اصير اله
لهل درجة طلعت رخيصة لأوپرا
نزلن دموعي هفيت على وجهي حتى اطلع لة طبيعية
لاحضني اخيرا
ابتسم وصعد لفوگ
واهلة بدو يهلهلون بس امي واگفة بعيد بعيونها دموع
طشو چكليت ويصيحون بگولاتهم
وهوة بصفي فرحان شبك ايدة بأيدي
وهمس
ـ لتبجين حبيبتي كلما تشتاقين لأهلج اجيبچ
وعد
هزيت راسي
نزلنة جوة
ـ الف الصلاة والسلام عليك ياحبيب الله محمد
طگوها بهلاهل اقوة
دخلت اختة بين السنوان
وصاحت
ـ اخونة خوش اخو يستاهل الهوسة
وبدو يرگصون
واني روحي طالعة بس اريد اخلص شهل اغاني والستايل والگولات وين عايشين
اجت سلمت علية بنية حلوة وسمرة تشبهة نبيل شوية
قدمني الها نبيل
ـ لارا اختي الصغيرة انتِ مشايفتها
ابتسمت الها وبادلتني حسيتها حبابة
طلعت من القصر وانصدمت من الموكب الچبير
وصوت الطبول والحديقة متزينة بطابع راقي
مليان ورود
ابتسمت بتوتر گعدوني على الكرسي اني ونبيل
ومبقة وحدة مأجت تسلم علية وبتبوسني من اهل نبيل
حسيت حلگي انعوج
بس اهل امي وابوية جانو غير عنهم يسلمون من بعيد ويرجعون لمكانهم
دخلو زلم يلعبون جوپي
ويهزون بچتافهم بطريقة لبقة
سحبو نبيل واخذو يرقص وياهم خلصو فقرت الچوبي
دخلو النسوان يهلهلون ويرگصون اجوي علية حتة أگوم بس رفضت احس نفسي مخنوگة
فوق الهم همين
واهلي مستغربين من الي يصير لان بلعادة حسبما امي سولفت لي اعراسنة مو بهل طريقة
رجع نبيل گعد بصفي
يسولف ويسولف واني مجاي افتهم شي
صوت طلق نار قوي
سيارات ضخمة شحطت يم بابا الحديقة كلهن بلون اسود
الا سيارة وحدة چانت سودة واطرافها ذهبي ركزت بتمعن وبلعت ريگ عبالك عرفت شنو المنتظرني
طلعو كومة زلم واحد بيهم فتح باب السيارة السودة والذهبية
رجف گلبي من شفت أوپرا وحدة ويا وأحمد نزلو سوة
شابك ايدة بأيدها انتبهت للبنية سمرة
وحلوة جذابة اكثر مني تجمع الدموع بعيني
شديت على فستاني بقهر و
باوعت لأهلي بخوف
هز راسة ابوية الي بمعنى لاتتوترين
اجتي امي گومتني لان اجة الشيخ حتى يعقد علينة
گمت من مكاني
وتقربو مني
باوعت لأوپرا بحقد وابتسمت
لزم ايد نبيل قوي گدامة
أوپرا بادلني الابتسامة بس بشر وكأنة متوعد بشي
نبيل سلم على أوپرا بحرارة أستغربت
معقولة همة اصدقاء او شي
وجهة كلامة الي
ـ مبروك عروستنة بس ديربالج على نبيل خوش ولد ترة
سويت نفسي عادية وابتسمت بتصنع
ـ طبعاً نبيل راح اخلي بعيوني بس مو المفروض العكس؟
ـ لا انتِ متخصيني نبيل يخصني ولازم اوصيج على
أنت تقرأ
ترنيمة التنين
Actionنبذه لازم يكون بين الحوش شخص لطيف وهلشخص هاذا هوه أنا ! او يجوز الحوش هوه أنا ! بنت وحيده لأهلها منعزله عن العالم تحب الكتب لكن يحصل شي غير متوقع وتقع بحب عدو أبوها لكن هوة مو عدو عادي ! هوة الي يخلك تتمنى الموت وماتحصلة ! اتوقع صار واضح منو الش...
