شُعورٌ لا يُقال، وإذا قِيلَ لا يُفهَم.
بدون تصويتاتكم وتعليقاتكم ماكدر استمر
⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩 .𖥔˚
انضرب الباب ودخلت ريحان وبيدها جدرية اكل وياهلا بريحة هلي
ريحان بنت جوارينة و من الطفولة اني وياها اصدقاء تهتم بأمي هواي وتحبها ودائما هية يمنة تطبخ وتنظف وتلعب اصلا صرنة نعتبرها فرد من البيت تفرح على فرحنة وتبجي على حزنة ماحسها أنسانة غريبة
هية جزء منة
ـ سلام عليكم
اجت حبت راس امي
ـ حبيبتي ليش تعبتي نفسچ الحمدلله صرت احسن من گبل احمد صار ياخذني للمستشفى وجاي أكدر اطبخ
واجت حبتني بخدي مثل كل مرة
ـ اي اعرف خالة بس ماگدر اذا ماجيب الكم اكل هيج مارتاح شني خوما ميعجبكم اكلي
ودارت وجهاا علية ورفعت حواجبها
ـ لايمعود شني ميعجبنة غير الحس الجدر كلة منگدما طيب
ضحكو واخذت الجدر للمطبخ تجهز الاكل رحت وراها اساعدها اطلع الها المواعين حتى تصب
ـ أي شخبارك شو ماكو تغيرت من صرت عايش بمجتمع الاغنياء خوما اكو وحدة طارة عقلك
ـ لا وين أني ابن الريف ماتهزني سوالفهم
ـ أي عفية مو تسوي سوالف مكسرة
ضحكت ومشيت الموضوع لان لاحظتها تصرفاتها متغيرة من اليوم الي گلت الهم بي تعينت حماية يم مسؤول بس همة ميعرفون اني اشتغل مساعد رجل عصابات لان مراح يقبلون اكمل وياة
گعدنة تغدينة وحجينة بمواضيع مختلفة خلصت و
طلعت من البيت متوجهة للاستاذ التنين..
⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩 .𖥔˚⋆.˚ ᡣ𐭩
بعد اليلة الي فاتت تغيرة حياتي من كل النواحي صرت احس بقلبي يخفق قوي وأدرت أني وقعت بحبة وللاسف نسيت تصرفة الغريب وياية وجان هاذا اسوء شي سويتة أستمرت الايام وصرنة نتقابل أكثر بس ماطلعت من حدود القصر
وبيوم من الايام..
ـ اريد اسوي شي بس خايفة منة
لزم ايدي ومسد على بهدوء
ـ طولما أني وياج ماريد تجيبين طاري الخوف على لسانج
ضليت احوص برجلي واطگطگ بأصابيعي
ـ احجي سالفتج مو خالية
ـ أوپرا
ـ عيون أوپرا
خليت خصلات شعري ورة اذني وحجيت بتردد
ـ باجر ماما وبابا يروحون للمدينة وراح ابقة وحدي واني خايفة
أنت تقرأ
ترنيمة التنين
Aksiyonنبذه لازم يكون بين الحوش شخص لطيف وهلشخص هاذا هوه أنا ! او يجوز الحوش هوه أنا ! بنت وحيده لأهلها منعزله عن العالم تحب الكتب لكن يحصل شي غير متوقع وتقع بحب عدو أبوها لكن هوة مو عدو عادي ! هوة الي يخلك تتمنى الموت وماتحصلة ! اتوقع صار واضح منو الش...
