ترنيمة التنين

حَسْنَاءَ 4

الكاتبة أنارا ستوري

حَسْنَاءَ بارعة الجمال كأنَّها
وَردَة نَادِرَة بِلبِستان"

............ ............ ............ ............ ............ ....... ...........

سمعت صوت بره البلكونه گمت واني المرض ماخذ حيلي فتحت الپرده (ستاره) الي الهوى يطيرها حركت عيوني بتعب وانصدمت من شفته شاد عيونه مثل كل مره ونطقت

-انتة شجابك هنا!!
ـ سلمي بلأول وشكريني
خليت ايدي على راسي

ـ انت صاير كأنك كابوس
انطاني نظرات غريبه

ـ اعتذر لان صاير كابوسج
ـ فهمني شلون اجيت

كملت كلامي ولزمتني دوخه قوية صرت اشوف الدنيا تهتز
لزمني بسرعة
ـ لازم ترتاحين انتِ مريضة
تمالكت نفسي وحاولت اسند نفسي
ـ بخير بخير لاتلمسني رجاءً
ـ حلگج يابسه انتِ شاربه و ماكله شي؟
ـ لا

شالني واني استسلمت لان حالتي سيئه

ـ شوكت اخر مرة اكلتي
ـ قبلما اجي للنهر

ـ يعني صارلج يوم كامل بدون اكل خانم امج ابوچ
وينهم عنچ

حجيت بصوت تعبان
ـ عوفهم
ـ الله ياخذ ابوچ
ـ شنو؟
عقد حواجبه بصدمة
ـ شنو شگلت؟

ـ سمعت دعيت على ابويه

ـ شهل حجي مگلت هيج شي تتخيلين من الجوع

ـ شلون اجيت وانت شاد عيونك واصلا شلون وصلت

خله ايده على راسي ولمس خدودي
ـ حرارتج مرتفعه

وگف وراح اتجاهه البلكونه وصار حاجب بيني وبينه بسبب الپرده(ستاره) ومبقى ضليت الهج بلذكر

لفلت نفسي بلغطه بعد تقريباً ساعه سمعت صوت اقدام بل بلكونه صرت اذرف دموع لا ارادي من خوفي

دخل للغرفه وبأيده كيس ابيض وبأيده ثانيه علبة كارتون بلون الاحمر

وعيونه لحد لان شادها زاد خوفي اكثر منه والگلوبات مطفيه ونور القمر الي داخل من البلكونه
نطق بصوته اليخوفني

ـ جبت لج كيك من عالم السفلي
برطمت وانفجرت بلبجي

ـ شبيج شكو شو باوعيلي ملاذيي
لزم وجهي واني منهارة من الدموع
ـ احجي منو المضوجج اموته هسه

حجيت واني الدموع بعيوني
ـ انت تخوفني اخاف منك عوفني لاتأذيني

ـ الله ياخذني تره الكيك جبته من محل طبيعي مو من عالم السفلي اني بس حبيت اضحكچ

ـ انت شبح
ـ لا موشبح اني اصلا اكرهه هيج القاب أني...

سكت وماكمل رفعت تك حاجبي
ـ انت شنو
ـ ولاشي

يلا هسه انتِ مريضه وبهل ليل ماشفت غير محل الكيك  مفتوح وجبته حته تتغذين وتبلعين دوه
ـ ليش