ترنيمة التنين

تُخبِرهُم بِإنكَ مَيّت! 15

خَبِئ مَوتُكَ فِي جَيّب سُترتِك،لا تُخبِرهُم بِإنكَ مَيّت!

بدون دعمكم وتعليقاتكم ماكدر استمر💗

ـــــــــــــــــــــــــــــــــــــــــــــــــــــــــــــــــــــــــــــ

سمعت صوت فززني طلعت للبلكونة وعيوني انملت دموع واني اشوف هلمشهد المروع

بزونة(قطة) صغيرة بلون الابيض يركضون وراها اربع جلاب بس هية مقاومة وتركض منهم لزمت راسي حسيتها نفس حالتي تايهة وخايفة من الوحوش

نزلت جوة بسرعة حتى انقذها
فتحت الباب وركضت عليها سبحتها منهم وهية تنزف واضح عليها متاذية لكن الي خفت منة صار الجلاب جوعانة ويدورون على فريسة ركضو وراية واني من الخوف ضليت اركض لحدما مشيت مسافة وابتعدت عن القصر المضلم المليان حقد وظلم شفا دراجة نارية تتقرب مني لوحت بأيدي حتى ينقذني والبزونة بأيدي والجلاب يركضون وراية

ماحسيت غير على صوت اربع طلقات متتالية من صاحب الدراجة
جسمي خدر وکفت بمكاني شفت ايدي الشاش مليان دم وگف قريب مني صاحب الدراجة ونزل وماتوقعت من شفت أحمد صاحب الدراجة

ـ ليش هلدم من وين اجة خوما اذيتج
الفتت وراية اشوف الجلاب واگعين وميتين اثر الطلقة
زفرت نفس براحة
ـ شكرا الك لو ماجيت جان هسة صرت اكل الهم

ـ العفو بس شمطلعج بهل ليل
انتبهة على الي بيدي وعقج وجهة
ـ شنو هل بزونة

ـ جانو يركضون وراها ونزلت حتى انقذها وانتهى بية المطاف واني بهل حالة

ـ مچان المفروض تضحين بنفسج علمود بزون!!

ـ البزون روح!
ـ خل يفيدج لعد
ـ طبعاً هسة صار عندي اجر

طلع باكيت الجكاير وسحب وحدة وصار يدخن
ـ لگيت خبر عن أوپرا
ـ لا عبالك الارض انشگت وبلعتة

فقدت أملي نزلت راسي بحزن
ـ ايدج بنزف وليش لافتة
ـ ماكو شي مهم والدم مو مني من البزونة

عضيت شفتي بقلة حيلة
ـ ماعرف اعالج البزونة هسة شلون
ـ سهلة جيبيها اوديها للبيطري يعالجها

ابتسمت بفرح
ـ صدك؟؟
ـ اي انطينياها

انطيتياها
ـ انتبهة الها لاتوکع من ايدك
هية البزونة من الخوف والوجع خانسة بيدة

ـ يلا راح اوصلج للبيت اخاف هم اكو جلاب
مشيت گدامة بهدوء وحزن طبيت للبيت
وهوة راح يعالج البزونة

مر وقت طويل واني گاعدة بلبلكونة والهوى البارد يگصب بية لحدما شفت ضوة دراجتة عرفت أجة نزلت جوة ومن وصلت لغرفة نبيل غميتة
ـ كل هاذا الي صار وانت نايم ورجليك بلشمس عمة