ترنيمة التنين

27 لَمْ يُنحّتْ لَهُ فَّمٌ.

كلَوحَة تُجسِّد الصّمتْ و كَتِمثَالٍ لَمْ يُنحّتْ لَهُ فَّمٌ.

لزمتها قوي من زندها وشديتها علية
ـ اطلعي من غرفتي احسنما اموتج
ـ ليش؟ انتة خايف تتأثر بية وتكون وياية من جديد

ضحكت بعلو صوتي
ـ اطلعي احسنما اموتج

سمعت صوت الباب عرفت خافت وراحت
رفعت ايدي باوعت بتقزز
ـ تحترگ الأيد التلمس غيرها
نزلت جوة للمحزن التحتي
مليان اسحلة ومدفئة جبيرة استعملها وقت الحاجة
جبت حديدة
وخليتها على النار حتى تحمة
صار لونها احمر
غمضت عيني وبجيت بدون صوت
تذكرت نظراتها وحرگت ايدي الاثنين عدة حروق

ضليت أهلوس بكلمة
ـ تحترگ الأيد التلمس غيرها
أستوعبت هية وين هسة وية منو

طلعت من المخزن ووو فتحت الابتوب دورت بعيني عليها
لان بكل الغرف مخلي كامرات

حتة بغرفة أهل نبيل اخاف يسوون بيها شي
شفتها نايمة
ابتسمت بحزن وهمست
ـ ياريت اكون يمچ وأواسيج
دخلت لغرفتي شفت العاملات يجهزون ملابسي وجنط السفر تارسة الغرفة...

ـــــــــــــــــــــــــــــــــــــــــــــــــــــــــــــــــــــــــــــ

بچيت هواي لحدما حسيت حرارتي ارتفعت
اخذت دوش سريع مليان دموع
وطلعت الحمدلله نبيل لحد الان مجاي
انتبهت للسرير عضيت شفتي بقهر
ـ لو هسة هوة وياية مجان عافني
وانفجرت بلبجي للمرة الاف

مريضة وابوية انقتل وحبيبي الفاعل ومتزوجة شخص ماحبة بمكان ماحبة بحياة مجهولة فدنوب أختنگت
من الحرارة لفلفت نفسي ونمت

شفت شي خلاني اموت بمكاني

التنين واگف بلغرفة لابس ابيض وملابسة دم

وابتسامتة مرعبة بيدة راس وسجين!

بس موراس أي أحد هاذا راس ابوية!
ينگط دم ودماراتة متدندله

صيحت بفزاع وگمت من الكابوس
وحجيت بصياح
ـ اريد ماما ماماااااااا
حضني نبيل قوي
ـ اششش حبيبتي امج بخير
ـ لا لا اريد ماما الله عليك گول ماما وين

ـ امج بخير بس ارتاحي انطاني گلاص مي حتى اهدء ومنضر ابوية وأوپرا ميروح من بالي

گالي وهوة مركز بأهتمام
ـ حلمتي بأمچ؟
هزيت راسي بلا بعدما نزلت المي من ايدي

ـ لعد ليش صيحتي بأسم امچ

بلعت ريگ وتغرغرت الدموع بعيوني
حچيت بداخلي
ـمهما الام موزينة وقاسية وتأذي بلنهاية تبقى ام وبأي شي سيء ومفرح يصير نتذكرها

سكتت ماجاوبتة وهوة تفهم هلشي

تمدد ردت احاول انام لان متوترة من وجودة
وهوة تمدد بصفي دعيت بگلبي ميلمسني
شفت ايدة انرفعت وراد يحضني