موجات حارقة

الجزء 4

#موجات_حارقة
#فردوسة
الحلقة 19
بقلم لينا صبرينة
أنا هكداك حتا خرجت جارة قدامي _خير بنتي وشبيكي تخبطي وتبكي ماتقوليش برك راجلك حاوزك _هيا تهدر وهيثم جاء سمعها قالها ماحاوزت مرتي لا والو برك طولت فالخدمة وهيا ماعندهاش المفتاح تاع دار _مالا علاه راهي تبكي وتخبط وحالتها هكدا دايرة  _يااا مادام ادخلي لدارك ماعندو مادخلك فيا وفي مرتي _قدم وقفني وفتح الباب وحكمني من دراعي دخلني وهاديك مازالت غبر تتفرج فينا . دخل وغلق الباب بالقوة وشاف ليا .علاه حابة تفضحينا علاه حالتك هكدا كما لمهابل واش ندير لعزرينك _جاتني حالة هستريرية وبديت غير نعيط ونبكي نتا ليهبلتني نتا ليدخلتني في عقلي وخليتني مانسواش قرام حيوان ارحم منك يالخبيث حسبي الله ونعم الوكيل _قدم وحكمني من رقبتي وخبطني فالحيط وسعلي عينيه .غمي فمك وسكتينا ولا نعرف كيفاه نسكتك مادامك رجعتي تقبلي عقليتي هادي ولا قودي عليا نقصان هرج _طلق يدو عليا ومشا وانا فشلت قعدت فالأرض قريب ماخنقني شفتو عاود رجع هز الكابة وبقا يفتش فيها حتا جبد الساشي ليحطيت فيها ذهبي .ضحك وهزهم في يدو ورما عليا الكابة ودخل لشومبرة شوي وخرج لقاني كما راني
_أسمعي ذهب لي أنا درتوهلك يبقى عندي غير نهار يجيك كاش عرس نصدقهم عليك تلبسيهم وتعاودي ترجعيهم ليدي ( فهمت قصدو مليح خاف نديهم ونبيعهم ولا كاش ماندير بيهم بصح ماقدرتش نكون خبيثة ونكارة وإستغلالية لهادي درجة ) هزيت روحي حطيت الكابة فالبيت وغلقت الباب قعدت حتا حبس هو الحس وانا رحت دوشت ورجعت صليت ورقدت من ليوم هادي هيا شومبرتي _لغدوا نضت مالقيتوش تهنيا فطرت وجبت قشي ليفشمبرة لينحتاجو وحطيتو فالخزانة تاع البيت وقدمت زوج كاناببات مع بعض باسكو الكانابي وحدو ضيق وانا والفت لعراض وفرشت بلاصتي رجعتها شومبرة وسيقت الدار ولو عضامي مازالو يوجعو فيا ربي يجيبلو كسرة ليديه (قلت هكدا ومبعد تراجعت لعنت الشيطان ربي يغفرلي خلي ندي طرابح على روحي المهم يديه يبقاو صحاح على جال المرضى باه يداويهم كنت كيفهم ونعرف واش يعني مرض ونحس واش يعني طبيب يتابع حالتك ويديرلك العملية ويبقى يستناك حتا تفطني وترجعي صحتك وزيد حنا بلادنا ناقصة أطباء جراحين واخصائيين لهادا ماكالاه ندعي عليه ونكتفي بالهداية ونوكل ربي )وقت الظهر وانا نصلي سمعتو دخل للدار وبقا واقف عند باب البيت . بقيت مدة غير ندعي باه تفرج عليا .كيكملت ونضت هو راح تكسل على سرير وانا نشوف فيه بطرف عين و بدون مقدمات قالي هيا لعندي حاب حقي _مانيش قادرة وماش حابة لا نقرب ليك ولا نشوفك _مالا علاه قدمتي الكانبيات الزوج مع بعض حسباتلي حابة تبدلي روتين _درتها لروحي لعمري باه من ليوم نتا حدك في شومبرتك وانا حدي هنا فالبيت _وانا طالب حقي _ماكااانش وبرا عليا ماش حاملاتك. سكت زمان ولا ناض . ماعليش بصح تسلكيها غالية _خرج راح لشومبرة وانا غلقت عليا الباب وحبست روحي .من بكري مسلكتها غالية ماش جديدة عليا _ كيوصل ليل سمعتو كيخرج و لقيت روحي ميتة بلجوع قلت لازم نتقوى شوي باه نعرف نخمم في مصير حياتي وكيفاه نديرو باه نفضح عمايلو السودة . نضت درت عشا خفيف تعشيت وعاودت رجعت للبيت  شعلت تيلي (لمزية كاين واحد هنا شعلتو باه نتونس بيه ). حتى نسمع فلباب تفتح تخلعت قلت درك يزيد يجي يطلب حقو وهو يحوس غير على سبة باه يضربني . غطيت راسي ودرت روحي راقدة حتى نسمع في هدرة ثانية معاه كيركزت مليح عرفتها زاد جاب الخامجة تاع صوفيا معاه .شوي ودخل عليا وقفني _روحي ديريلنا كاش ماناكلو _تاكلو الرهج ماش خدامة عليك وعلى الخامجة تاعك _جرني للكوزينة وقالي منا على ربع ساعة نلقا الماكلة واجدة ولا نكمل عليك ليوم _خرج وغلق الباب وانا عارفة ماعندي حتا مهرب نصايرو ونشوف آخرتي وين دايتني رحت حطيت من عشايا ليبقا في صحن في بلاطو فتحت لفريجيدار جبدت منو الطون والفرماج وكاشير وزيتون لقيت غير سقايط( هو دايما يقضي ويعمر لفريدار وجامي يبخل )حطيتهم فالصحن وخرجت سمعتو قالي جيبي لماكلة لهنا _استغفرت ورحت هزيت لبلاطو وجاتني فكرة .جبدت ثلفوني ودرت فيه تسجيل صوتي وحطيتو في جيب البيجامة ورحت عندهم ورجليا تقال عليا .دخلت عليهم لقيتهم واقفين شفت فيها لقيتها لمعري كثر من لمغطي كما بنات لملاهي قلبي تشق على زوج تعيف .حطيت لبلاطو وهربت للبيت وماحبيت نقول والو عارفة يذلني قدامها و ندي طريحة وانا مزال جسمي يوجع فيا من ضرب لفات جبدت ثلفون حبست التسجيل الله غالب ماقدرتش نشوفهم هكدا لازم نزيد نصبر وزيد تسجيل ماش راح يفيدني بزاف .خممت المرة الجاية نحطلهم ثلفون يصور ولا حاجة بصح راح تكون صعيبة خايفة يحكمني مالقيت كيفاه بصح لازم نتشجع ونلقا حل  _سمعتو كيقال وهادي ماكلة وبقا غير يعاير فيا ولا قفل الباب تاع شومبرة بالقوة وسكت وانا غير دموعي يسيلو وبقيت نشكي لربي معنديش غيرو هو يرجعلي حقي منو ورقدت على دموعي هكذاك .
الحلقة 20
بقلم لينا صبرينة
لصباح نضت نسمع غير فالضحك تاعهم والهدرة  . ستنيت حتى خرجو ومبعد خرجت دخلت لشمبرة هذيك نشوف غير فحوايجها مرمين فالأرض عارفة دارتها مكرة فيا وحتا لفراش فاسد كامل وحوايج محطوطين على لاطابل دونوي (مانقدرش حتا نقولكم عليهم الشيئ لينقدر نقولو انهم عيب ونلقاوهم غير عند المتزوجين) بصح هادو تخطاو الحدود ويديرو في حاجة حرام في حرام وماش خايفيين من ربي _اشمئزيت من هادي الحالة والعيشة ياربي واش ندير انا درك واش ندير ياربي أعطيلي حل واش ندير كيفاه نبقى نشوف في هادا لخماج قدامي ونسكت ونتظاهر أني ماشفت ماسمعت!! . قعدت غير هكذاك مكتفة اليدين _ فاتت سمانة وهو كل يوم هكذا يجيبها فليل ويبات معاها من يدخلو لدار ديراكت لاشومبر وانا غير وذني تسمع وهادي صوفيا تقول ماعندها اهل مايحوسو عليها  _حتا لوحد ليلة كيجابها كانت 12 تاع ليل حسباتلي كيطول راح يبات فسبيطار بصح لقيتو دخل ومعاها ولقاوني فالكوزينة .مادرت حتا ردة فعل .سمعتها قاتلو حبيبي اسبقني زدرك نجي ندخل لدوش برك .هو راح وانا جيت نمشي حكمتني من يدي . ماعليش توجدلينا الدوش_نحي عليا يدك الخامجة ومانيش خدامة عندك ياساقطة _انا قلت هكدا وهيا ضربتني كف ولقيتها تحولت الى الضالمة الى المظلومة وتبكي وتعيط عليه حتا جاء وبقا محضن فيها ويقولها وشبيك وهيا قاتلو مرتك بلا سبة ضربتني _ضحكت من تصرفها وخليتها ومشيت عارفة ولو ندافع على روحي ماش راح يصدقني وراح يصدق الهجالة تاعو _جيت نغلق الباب جاء حكمني من شعري وزادلي حتا هو كف بالسبان والكفريات وفيك ولي فيك وهيا عاجبها الحال من وراه .كيكره راح وانا غلقت الباب بقيت مصمرة مع روحي مادرت حتا ردة فعل شغل بردت من كلشي _بقيت غير نسمع في حسهم شوي ولقيتو يطبطب قالي هاتي سيشوار نحتاجو بقا يطبطب ويتحلف باه نفتحلو _اسمعي منا على 5 دقايق ماتجيبيهش علابالك واش يصرالك .وليت نضت جبدتو وخرجت عندو عند الباب . هاااك سشوار _دخليه لعندنا _استغفر الله واتوب إليه _دخلت عندهم كيشفتهم واقفين مع بعض وهو يتغزل بيها ولابسين سورتي دبان حشمت في بلاصتهم رميت سشوار على سرير طاح فالأرض وشفت معاهم بتقزز _ خامجين الله لا تربحكم رخاس ماتسواوش تفووه عليكم .ديراكت حكمني من دراعي ._نتي ماش راح تترباي وتسدي هادا الفم تحوسي نكسرهولك _ايه كسرو باه هنا تبان حقيقتك ونتفك منك ومن وساختك . شفت مع الفراش رحت نهز ونرمي دخلت في عقلي  وهو غير يتفرج وقفت قدامو وكأني نواجه ونتحدى فيه بعينيا _ عدلي لفراش ليفسدتيه يالله_نخليك تحلم بيها ياعرة الرجالة .خسارة فيك كلمة راجل وطبيب نتا والحيوان في نفس المستوى وبالاك هو خير منك تفوووه عليك .رحت للببت جريا (ندمت ليهدرت وبزقت عليه) جيت نغلق الباب لحقني طبعها وانا حبدت روحي لور هاربة من عينيه ليفيهم الشر والغش _انا تقولي في وجهي هادا لكلام ؟! انا تبزقي عليا ؟! قدم ليا كركرني من شعري للشومبرة وانا نعيط اطلقنييي .دخلني وغلق الباب بالمفتاح وحطو فوق لخزانة . واش دير ؟خليني نخرج _ تقعدي هنا متتحركيش وتشوفي بعينك وسخي وخماجي باه تترباي مادام الضرب مافادش فيك عودي شوفي الفاحشة قدام عينك على المباشر باطل باه تتصمري كيف المسمار تعودي غير تسمعي حرف مني تهابيني وديريلي الف حساب قبل ماتهدري كلمة ولا تتحركي حركة _( فهمت على واش ناوي ) دور وراح ليها جبدها لعندو وقعد يبوس فيها قدامي تشوكيت من واش راه يدير غمضت عينيا وبديت نعيط حبسو واش راكم ديرو _حتا لقيت ضربة على وجهي_عينيك يبقاو مفتوحين وكون تزيدي تغلقيهم نجيبك راكعة عند رجليها . رجع عندها وكمل في خدايمو، انا بقيت واقفة مصدومة .كيكان راح يزيد يتعمق كتر وليت هربت للباب مغمضة عينيا ونخبط فالباب بالقوة ونعيط ونبكي باه مانسمعش أصواتهم ليتقرف_ ارواح فتحلي الباااب حرام عليك واش راك دير فيا دير في قلبك شوي رحمة وشفقة ماش قادرة نشوف ونسمع هاد شيئ ياربي كون معايا ماقدرتش على حياتي الظالمة وناس ليظالميني فيها ياربي اخطف روحي ونتهنى __حتا لقيتو فوق راسي فتحلي الباب وانا ماكدبت فتحها هربت بجلدي للبيت وغلقتها روحي حسيتها راح تطلع . لدرجة هذي رجع حقير ومايحشمش . معليش حاب يدير لحرام يديرو بعيد عليا مش يجيبها لدار ويجبرني نتفرج لعفن ولخماج تاعو ونشوف ذئانتو وين وصلت بيه _كنت نشوف هاد الشيئ ماكانش منو فالحقيقة وماكانتش ليتجرأ يديرها وكاينين غير فالمسلسلات والأفلام بصح ليوم شفت راجلي يزني مع مرأة او ساقطة قدام عينيا لاحشمة لا حياء لا خوف من ربي لا والو  .بصح ليوم تبينلي بلي الواقع أليم وبشع لدرجة أني كون جاء موس قدامي ندبح روحي بدون تفكير ياربي راني عايشة مع وحش نضت جبدت الكابة زعما باه نروح بصح خبطتها للأرض وين تروحي يافردوس وين تروحي شكون راح يستقبلك ويآمنك ادا راجلك مارحمكش راح يرحمك غيرو _ بديت غير نجبد فالقش ونطيش ونكسر فالقرع تاع ريحة أي حاجة نلقاها قدامي نرميها وغير نعيط ونوكل في ربي في وسط دموعي بقاو أصواتهم في وذني نسمع فيهم ماحبتش الصورة والصوت يروحو من عقلي .قعدت على ركايبي وسديت وذنيا وغمضت عينيا .
الحلقة 21
بقلم لينا صبرينة
في لحظة نحيت يديا من وذني وفتحت عينيا و حالتي تأزمت و تبدلت دخل لقلبي خوف كبير عدت ننهج ونشوف مع البيت من بلاصة لبلاصة كوانة كوانة سقف لحيوط تاقة .دخلت في حالة هلع حالة هستيرية من الخوف والرعب والتخيلات نضت برجليا داخلين بعضهم ماقدرتش نوقف عادي . دخلت لبلاصتي وغطيت راسي وغير دموعي يطيحو بصمت وخايفة حتا من خيالي ومن روحي . وجسمي كلو يرجف وسناني يتخبطو في بعضهم ونفسي العالي _بقيت على هاديك الحالة حتا أذن الفجر وبقيت نسمع فالآذان وخاشعة معاه لتم وين حسيت بالهدوء والراحة والطمئنينة دخلت روحي (ألا بذكر الله تطمئن القلوب).
خرجت دوشت بزربة وتوضيت ورجعت بعدت هاداك القش برجلي وحطيت السجادة و صليت الفجر وبقيت نصلي ونقرا فالقرآن حتا تقالو عينيا طلعت لبلاصتي رقدت .وفطنت بصواتهم العالية فالكوزينة مع تقربيع تاع لماعن شوي وسمعت باب تاع برا تغلقت فهمت بلي راحو _شوي وتخلعت كيلقيت لخبيط في باب بيتي وصوتو العالي_أفتحي فردوووس حلي لباب _روح اخطيني خليني في حالي _ مازيدش سمعت صوتو حتا تفتح عليا الباب يعني عندو الدوبل تاع لمفاتح _حل لباب .وشاف مع حالتي المشنشفة وحالة البيت تقول ضربها صاروخ _ علاش درتي هكذا ياك رانا متفاهمين متحاسبيني على والو_ قعدت غير نشوف معاه بإشمئزاز وإستحقار وماحبيتش نجاوبو _هزز براسو .نتي لازمك لخشانة باه تعودي تاخدي راي .جاء كركرني من دراعي بسيف وداني لشومرة _خمليها وغسلي لحوايج هادو ولفراش بدليه ونقي شومبرة مليح (شفت لقيتها خلات حوايجها حتا ليوم )_ منغسلش خماجكم مستحيل يتحطو على يدي _زير على سنانو وعلى دراعي . تغسلي وتبلعي وكون نرجع ونلقاك مخملتيش لحالة تعرفي واش يستنى فيك _هو راح وانا بقيت نشوف فشومبرة .ولله مانمسها ماندير حاجة ياولوكان تقتلني _  رحت خملت غير البيت ليكنت فيها ولميت زجاج لمكسر وسيقت ورحت للكوزينة فطرت وقعدت فيها خممت  في فكرة لازم كيزيد يجيب ساقطة تاعو نعيط لعمي باه يجي ويشوف بعينو واش يدير وليدو المثقف الواعي هادا أنسب وافضل حل_ وقت لغداء جاء .شفتو فات ديراكت يشوف فشمبرة تاعو لقاها كما خلاها_ جاني كيثور المتوحش. علاش مانضفتيش ليقوتلك ولا جلدك ياكل فيك _راك قلتها انا خماجكم مانضفوش ماش حابة نكون ناجسة كيفكم _جاء وقفني من شعري جرني للشومبرة رماني على سرير وطلع فوقي وقابلني بوجهو _النجاسة ليهدرتي عليها ليوم ترقدي فيها حتا تنغمي منها _هززت براسي باه مايديرهاش وبديت نتخبط ونعيط بصح مع من نهدر تقول راه في عالم خلاف عايشو وحدو وهاد المرة إغتصبني بمعنى لكلمة مكانش حاجة نكرها ومدارهاش فيا حتى حسيت بحاجة سخونة هبطت كيشفت لقيت لفراش حمر بالدم فهمت بلي نزفت بصح ماقدرتش نوض طاقتي خلاصت وهو كيتعب ناض من قدامي راح غسل ورجع ليا حكمني بيدو من خدودي ويزير عليهم _ من ليوم هكذا نديرلك والله مانرحمك ونشوف راسك اليابس هذا يتكسر ولا يبقى مخشن روحو ودرك أبقاي هكدا في هادي الحالة مع نجاستي ونجاستك تتمرغي فيها بصحتك وبصحتي_خرج وخلاني في حالة لا توصف . تخلي أي انسان يشوفني يبكي عليا دم أما هو كانت عاجباتو حالتي ووصل وين حاب _قعدت في هاديك لبلاصة كتر من ساعة باه قدرت نوض نغسل بصح حاسة بعضامي ماش لاصقين في بعضعم ورجليا يرجفو ديراكت رحت بدلت قشي و حكمت بلاصتي فالبيت وتغطيت .حكمت ثلفون في يدي جيت نعيط لعمي ولا خالتي بصح حشمت واش نقولهم وزيد ديجا مهددني بلي راح يخرج فيا العيوب السبعة يعني ماش راح نستفيد حاجو بالعكس نخسر كلشي لازم نطبق الفكرة تاعي وخلاص _هاديك ليلة دخل وراح لاشومبر ومن تم بدا يعيط ويسب ماكانش كلمة ماقالهاش ودخل ليا نحالي لغطا _وطلع ليا _###هاديك نجاسة لي فشومبرة علاه ماهزيتيهاش نتي واش تحوسي نديرلك باه تاخدي راي _ونتا واش مشكلتك معايا مافهمتش وشبيك دير هكدا راني في حالة من واش درتلي لبارح وصباح الخطوة ماش قادرة نخطيها ارحمني وفكني منك وطلقني ربي يعيشك راني كرهتك وكرهت هادي لمعيشة ماش حابني ياسيدي طلقني وريح نفسك وريحني معاك  _والله مانطلقك تبقاي على إسمي وزيد نعدبك باه تعودي تاخدي راي __للأسف كمل عليا واش دار صباح ولو شافني ننزف راح نموت ومارحمنيش مافهمتش واش صاريلو علاه عقليتو وتعاملو وحشي معايا في واش غلطت انا معاه ماقدرتش نفهم  _ فاتو خمس ايام وانا كل يوم يجي يعمل معاية علاقة كاملة أو بالأحرى إغتصاب بالقوة ومن فوقها ضرب وضلم وذل وإهانة وكل مرة يخليني مرمية كيف الحيوان المدبوح ويروح وهاذيك لحالة كانت كل يوم تزيد تخليني نحقد عليه ودخلت حالة من لخوف والوحد يعلم بيها غير ربي سبحانو ليكان هو الوحيد نشكيلو همو ولو خالتي وواد يعيطولي يوميا بصح ماجبدتلهمش سيرة حابة غير نطبق الفكرة تاعي بصح صوفيا مازادش جابها تقول حس بواش حابة ندير .
الحلقة 22
بقلم لينا صبرينة
في وحد ليلة دخل كيعادتو يحوس على الماكلة ويسب فيا وانا قتلو خاف فيا ربي عيب وحرام عليك راني مفلعصة من خدايمك تاع كل ليلة جهدي وطاقتي نفدو .انا  راني قريب نموت من شري وماش قادرة نوض ناكل كيفاه حابني نخمم عليك _هو كيقلت هكدا هجم عليا بالضرب كما عادتو نحسو مايحبش صوتي ولا كلامي مايطيقش وجودي نهائيا . بصح هاديك ليلة فاتت عداب جهنم بالنسبة ليا شوهلي لحمي بالضرب وبلا الاغتصاب ليماسلكتش منو يريح ساعة ويعاود يرجع وبلا كلامو ودايما يعبرلي على كرهو ليا . .هاديك ليلة ذقت الموت بين عينياا .هو مازال مع هماجيتو معايا وأنا تغاشيت مابقات فيا حيل .كيفطت لقيت روحي بلا قشي ومغطية جيت نوض عيطت عيطة كبيرة سور سمعوني الجيران .تفكرت واش دارلي البارح .كان كل ليلة يدو حقو بالقوة بصح ماش كما البارح تلم الاغتصاب والضرب مع بعض .رجعت راسي غلى لمخدة وشفت مع سقف وهبطت دمعة سخونة فطنتني من سباتي الضالم لهنا وخلاض مابقاش نزيد نتحمل كتر ياولوكان مصيري الشارع .درك بالنسبة ليا الشارع ووحوشو البشرية ارحم من الدار هادي والوحش البريئ ليعايش فيها صيبو فاض الكاس وفاض معاه صبري _بقيت مدة نتعافر مع روحي حتا قدرت نوض وعلى حساب كيماجاش كيعيطت بالصوت يعني راه ماكانش فالدار .دخلت لدوش سيحت عليا الماء والنار لداخل تحرق فيا وغلى برا تحرق في جسمي .كيكملت رحت لبست حجابي والخمار وهزيت صاكي وخرجت ديراكت لدار عمي _كيوصلت وشافوني فرحو بيا بصح وداد ماطولتش من دخلة حست بيا باسكو كيكان يضربني مايقربش لوجهي وراسي غير لجسمي _فردوس ختي واش كاين  حالتك ماش عاجبتني وحتا المشية بسيف تمشي ماتقوليليش زاد ضربك؟_تفلقت بلبكي و طحت في الأرض وليت نعيط ونبكي .نطقت خالتي  وشبيك سوسو ياوخدي عليه ضربك اهدري _هززت براسي _ الله يجيبلو كسرة حرام عليه _ قعدو غير يهدنو فيا باه يفهمو بصح انا ماسكتش نحوس على عمي _راحو عيطولو وماكانش بعيد فيساع وصل رحت ليه نجري_ كشافني حضني اهلا بنتي واش راكي _ مانيش مليحة ياعمي راني راح نموت حاسة روحي مخنوقة ماقدرتش على الحياة مع وليدك راه حرقني وكواني بألف كية _ارواحي قعدي هنا وفهميني بشوي .قعدنا وقابلني . وشبيك احكيلي واش صرالك راني ماش فاهم_ فالأول جاتني صعيبة بصح من بعد تشجعت وحكيتلو كلش بالتفصيل غير حكاية الإغتصاب ليدارها معايا ماهدرتش _تشوكا وتشوكاو كامل وهو عاد يضرب في راسو_ واش هذا ليراكي تهدري فيه راكي متأكدة هادا هيثم وليدي يدير هكدا _ايه ياعمي للاسف وليدك عندو زوج وجوه وجه يريئ ووجه وحشي دار مادار فيا ياعمي وكاين حوايج من الخصوصيات عيب عليا نحكيهم بصح وليدك خاني قدام عينيا ويزني في داري وبلا الضرب وحوايج خلاف .ماخلا فيا والو يصلح لحمي اشكال وألوان_انا نحكي وهو رميش ماقدرتش يرمش و خالتي قاعدة وتخبط في رجليها شغل حابة تصدق وحابة تكدب مالقاتش روحها وعمي تبريزا من واش سمع وطلعتلو لاطنسيو بقات وداد تقيسلو وشربتلو دواه بسيف وهيا تحاول فيه _بقينا زمان وحنا ساكتين ويحاولو يستوعبو واش سمعو.حتا لقيت عمي جبد ثلفون وعيطلو باه يجي _بقينا على نفس الوضعية حتا جاء كيشافني تصدم ماكانش متوقع نخرج من دار بلا مانعلمو بقا يتحلف غير بعينيه _ديراكت عمي ناض وبدا فيه بالتبهدايل ولمعاير _مديتلك أمانة لبين يديك تحافظ عليها وتحطها بين عينيك وتسترها تحت جناحك وتحميها بإسمك قلت نمدلها لوليدي لي من دمي ولحمي خير من البراني مافيهمش لامان ترنيك كنت غالط ضهرت ماعندك حتا رحمة في قلبك ولا حشمة ولا حياء وزيد تدخل بنات لحرام لدار وقدام مرتك .أستغليت ضعف تاعها ولقيتها سايبة عندك .
الحلقة 23
بقلم لينا صبرينة
خبط يدو على صدرو وقالو بصح مادام أنا حي مانخليهالكش سايبة  دير رايك فيها ومادام ليا نفس هادي ليتيمة نحميها من كل شر ياولوكان منك انا عمها وأنا باباها . بقا عمي غير يهدر ويغلي ماسكتش وهيثم يسمع وساكت ويطرطق في صباعو من الغش ومرة على مرة يخطف عينيه ليا والنار شاعلة في وجهو ودخانو باينة راح تطفى عليا .بقاو باباه ويماه فوق راسو يهدرو ويرخسو فيه وانا كل دقيقة نقول درك ينفد تهديدو ليقبل بصح أستغربت كيماهدرش وقالهم كانو مشاكل بينانتا عليها غرني شيطان وغلطت وراني كبير ونعرف صلاحي مادام تزوجتها انا نتحمل مسؤوليتها ماش راح نضرها كنت غير نعاقب فيها باه تتربى _قالو عمي كون جيت صغير بالاك مانلومش عليك بصح راك كبير كيفاه تخمم في حاجة كما هادي وديرها مخ راسي تحرق المستوى الذنيئ ليوصلت روحك ليه قولي برك ماخافتش من مرتك ومنا بصح ربي كيفاه راك تعصي فيه علاه ليك واش خصك معاها _بابا مشكل مشكلتي انا ومرتي وسبق وقلت مادخلوش فينا كاين أمور خاصين بينا ماش محتمة نهدرهم حاب نخليهم فالستر تعيشو مادخلوش رواحكم وانا وهيا نعرفو واش وصلنا لهادي الحالة  _نقولو خدعتها مع النساء يااا راجل وعلاه تزيد تضرب فيها اااه _هيا توصل روحها تتضرب _طفلة نعرفها من كانت صغيرة ماش من نوع لخفيف وترد الهدرة وماتحترمش بالعكس ماكانش واخد نية ومحترم كيفها  _بابا قتلك كاينة خصوصية ماش محتمة نهدرهم فهمو رواحكم وحبسو هادي الحكاية ونتي البسي عليك الخمار وامشي لدار _ماعندها وين تروح معاك تبقى هنا وماش راح نفوتلك هادي لحكاية على خير نخليك تحلم تزيد تقرب ليها ولا تشوفها ودرك نتا ليتروح لدارك مانحتاجكش هنا _بابا تحاوز فيا _ايه ليمايصونص الامانة ليمديتهالو ليدو نحاوزو ونعاود وماش راح نتراجع _نطقت يماه قاتلو هيثم روح حتا نتهدنو كامل وليها حديث خلاف _مليح على جال البرانية عدتو ماتحتاجوش وليدكم يعطيكم الصحة _نتا درتها بيدك _نتوما ليدرتوها بينا من الأول قلتلكم مانحتاجهاش وماش قابل هادا زواج بقيتو عامين ونتوما في نفس السيرة وضغطتو عليا وقبلت بصح اتفكرو قلتلكم نتزوجها بصح ماتزيدوش تسالو فيها وفي حياتي المهم ماكسرتش كلامكم وقلتلكم صح تعود مرتي ماعندكم حتا حق تدخلو فينا وفي مشاكلنا وتبقاو بعاد ماش كل رنة تكونو حاضرين فيها ودرك اتحملو مسؤوليتكم وكونو قد كلامكم وخلونا وحدنا نحلو مشاكلنا .سكتو زمان ولا ناض .فردوس هيا تروحي ماتقلقينيش وزيد خليت خدمتي وجاي لهنا امشي وهنيني _نطق باباه راني قلت كلمتي وواحد مانحبو يكسرها ماش متحركة معاك وانا ليمانخليهاش تروح مع واحد كيفك _ وليت نطقت .إيه هيثم كما سمعت وانا ماش راجعة معاك حابة نقعد هنا _هيثم روح من قدامي وخرج من داري _باباااا هادي مرتي مادخلش فيا راح تجهلوني _باباه هنا ديراكت ضربو كف وحكمو من  دراعو . اخرج من دار ياقليل لحياء حاشم حتا نقول عليك وليدي كنت دايما نفتاخر بيك ومطلعلي شاني كتر بمكانتك وليوم هدمت نظرتي ليك وبدلتها روح منا وماتزيدش توريلي وجهك _كبرت بزااف بينانهم وهيثم وسعلي عينيه لي كلهم شر مع وجهو لحمر دم راح يتفلق بالغش وهزز براسو فهمتها راه يتحلف فيا وراح ينفض في روحو .ليوم مقامو وهيبتو تدفنو ومابقالهم قيمة _حتا راح باه رجعتلي روح شوي فشلت في نفس الوقت قعدت .راحت وداد جابتلي لاباراي تاع لاطنسيو والسكر قاستهم لقاتو السكر هابط وعمي مازال يهدر ليفيه وفيه وقالي من ليوم خيالك مانحبوش يزيد يشوفو .(عمي وخالتي ليوم تصدمو من كلامي وحقيقتو البشعة ووقفو في صفي ودافعو عليا بصح كنت حاسة بهيثم ناوي على حاجة وإحساسي للأسف كان صحيح وانا كان ليا دور كبير وساهمت بلا مانفيق باه نخلي الخطة تاعو تنجح بصح بيها قلبت الموازين)
الحلقة 24
بقلم لينا صبرينة
داتني وداد لشومبرة هيثم (كان كيجي يرقد فيها ) شربت الماء بالسكر وبدلت قشي وتكسلت مع خالتي ليكانت واقفة جنبي في كل صغيرة وكبيرة وعاملتني كما تعامل وداد وممكن أكثر ودايما تقولي نتي بنتي لمازوزية وتعطيلي من حنانتها وتحسسني بلي راني في حضن أم .الهدوء والطمئنينة والسلام ليوم شفتهم فالبرانية هوما حماوني من زوجي ومن عدياني فالاخير كانو ناس برانية هوما سندي ودايما نشكر ونحمد ربي عليهم __فاتو ليام وشهر على هاداك نهار وحتا دخول تاع الجامعة كنت روطار فيه حتا مامبا ماوجدتش روحي وماسجلتش من كترة المشاكل نسيت على الجامعة وأمور التسجيلات والتحضيرات .بصح عمي تدخل وقالي اعطيلي التخصص ليحابة تقرايه وانا ندبر راسي .من بكري يتكفل بيا وزاد ربي يكتر خيرو .هو وجدلي كلشي بمعرفتو باسكو هو انسان ليه معارفو بزاف . وبالنسبة لهيثم تقريبا يوميا يجي يهدر مع باباه باه يديني ويبقا يحلل فيه بصح ماخلاهش يقرب ليا ولا يشوف شعرة مني وانا يقولي كيجي تقعدي في شومبرة وتغلقي عليك ماتخرجيش عندو ودايما كيجي يقول لعمي خليني نهدر معاها ونحلو مشاكلنا وحدنا علاه راكم تعقدو فالأمور كتر بصح باباه رفض رفضا قاطعا وعاد شيخي نفسو يخبي عروستو من وليدو وأنا لقيت راحتي كيبعدت عليه ولو حاسة بلي مرجوعي راح يكون غير ليه وعمي راه غير يعاقب فيه باه يضبط روحو هكدا كان إحساسي والله أعلم_ وحد نهار نضت صباح دايخة وحوالي مقلبة كامل .رحت للكوزينة فطرت معاهم وكيكملنا قلت نعاونهم شوي _ماخلاونيش قالولي روحي ريحي راكي تعبانة وجهك راه صفر _رجعت للشومبرة حتا مور لغدا عاونت وداد غسلنا لماعن وأنا واقفة حكمتني دوخة حكمت فالبوطاجي _فردوس وشبيكي _ جاتني شوي دوخة برك_ روحي تسطحي ريحي روحك قلتلك خلي برك نغسل وحدي من وجهك باينة مريضة _رحت لاشومبر قعدت حتا ليل دخل عندي عمي قالي عندي هدرة معاك وقعد بجنبي _هيثم راه جاء باه يرجعك وتستعرف بأخطائو وطالب سماح وقال ماش راح نعاودها _وصدقتو عمي _شاف ليا وتنهد بنتي اعطيلو ونعطولو فرصة باه يصحح اخطائو وادا ماتريقلش نوعدك نرجعك لهنا معززة مكرمة ونحميك منو وعد مني والله كون يزيد يضربك ويخونك نجيبك ونخبيك بين عينيا على وليدي وزيد غير غدوا لازمك تروحي للجامعة وكلشي تحتاجيه راني درتهولك غيابيا وكيتروحي لدارك تلقاي اوراقك كامل تم باسكو لبترح كان معايا وداهم معاه وهيثم يعود يدي ويجيبك وحاولو تحلو مشاكلهم ليماش عارفينهم واش هوما. هااه واش قلتي بنتي  _(في قلبي ماكاين حتا مشاكل هو جاب هادي الكدبة باه مايدخلوش فينا ) سكت زمان ماقدرتش نجاوب . بنتي اهدري _ماكانش هدرة من بعدك بصح ماش حابة ليوم خلي لغدوا _كما تحب بنتي وربي يرضى عليك _خرج وبقيت نهدر وحدي .كنت عارفة بلي يرجعني ليه وهيثم واعر يعرف كيفاه يبني لنفسو ألف وجه ويخدع بيه كما خدعني أنا _لغدوا جاني فليل باش يديني كيشفتو طلع قلبي وعفت روحي منو تفكرت واش دارلي وكيفاه كان معيشني معاه غير فالمر _لبست وبقيتهم على خير وعمي يوصي وينبه فيه ويعاود وهو قالو خلاص بابا ياك هدرنا ماش راح نزيد نضرها وفهموها هيا برك تبركا من تخشان الراس وتسمع لكلامي لتم نعيشو هانيين _بقاو يهدرو معايا ومعاه وانا عارفة بلي غير يكذب عليه وقادر يزيد يدير فيا ماكتر _خرجت معاه ركبت .طريق كامل وهو ساكت وغير يخبط فلفولا وانا رجفة مشات فيا قعدت ندعي في ربي يفوت هذ اللية على خير  _وصلنا طلعنا هو يمشي ويتكسل وليت سبقتو للباب حتا جاء فتحو ودخل وانا خفت ندخل وراه ولا حكمني من دراعي ودخلني بالقوة _واش ناوية تباتي برا_ اطلقني وجعتني _عصرلي عينيه ومازال تشوفي لوجع على اصولو .طلق يدي ورحت للبيت وهو راح للشومبرة غلق على روحو _لغدوا نضت بكري وجدت روحي وفطرت لقيتو قابلني عند باب الكوزينة لابس كلشي مارو قدم ليا وركز يديه على طابلة ويشوف ليا وليت هبطت راسي فهمت لي عندو كلام ليا راح يسمعهولي .
الحلقة 25
بقلم لينا صبرينة
فردوس اسمعي كلامي وافهميه مليح وحطيه في راسك ماتزيديش تنساه ماش يعني كيماطبقتش كلامي وماهدرتش مع بابا على واش موالف نهددك بيه نتي تفهميها بلي راني نتعاطف ورخيت عليك لحبل ولا خايف ومانقدرلكش نن انا بنفسي مديتلك فرصة ثانية وكان عندي هدف ليها وماش راح نقولك حتا توصل وقتها وزيد نقولك هادي حطيها في راسك يالفاهمة نتي كيشطارتي ورحتي وخبرتيهم عليا درتي فيا خير كبير بلا ماتفيقي حسباتلك كيتخبريهم بلي راني نجيب في مرا خلاف لدار قدامك ونخدع فيك راح يطلقوك مني وتعيشي معاهم مهنية نن وراسك هادو والديا ونعرفهم وحافظهم مستحيل يطلقوك من وليدهم ويخلوك مرأة عندهم فالدار مطلقة والهدرة عليهم تروح وتجي ولا يمدوك للبراني مستحيل تصرا راح يخلوك على رقبتي وعلى اسمي حتا نهار تموتي لأنو ببساطة انا راجل ليساترك ونبقا وليدهم ليحطو فيه ثقة بلي ماش راح نزيد نظلك ولا نظلمك .عليها لازم نتي قبل ماتخطي خطوة خمي فيها مليح وماعندك حتا هربة مني ونهار نحب نطلقك لازم تكون بإراضتي فالزمان والمكان المناسب بصح حاليا ماش مطلقك تفرت مادام تبليت بيك نكمل خيري معاك ومانكسرش كلمة بابا . ودرك كون المرة الثانية تعاوديها من جديد وتهربي وتحرشيهم عليا ولا ديري تصرف تاع تعيطيلهم يجو يشوفوني وانا معاها وتلعبيها عليا فاهمة وحادقة والله العضيم ساع نكون انا ليربحت ووصلت وين حاب وانا بدوري نقول غير كلمة وحدة نحرق فيهم مواصفاتك البريئة ونحولهم على مزاجي وعلى كيفي وبابا بنفسو ساع يحاوزك مالا كونك عاقلة وغلقي فمك وعيشي كما فهتك وماراح يخصك والو فهمتي ولا نزيد نشرحلك بالطريقة ليتساعدك_بقيت نسمع فيه وعلامة استفهام واستغراب في مخي تدور وفي نفس الوقت فهمت بلي قرا أفكاري وحطوني كامل تحت الأمر الواقع يعني نقبل نعيش هكدا ونسكت _ هززت راسي وسكت _مليح مادابيا هادي المرة تتعلمي وتعقالي باه مانزيدش نمد يدي عليك . بعد مني وقالي وجدي روحك راني برا نستنا فيك نوصلك _ خرج وانا بقيت مدة قاعدة وحدي حايرة في تمرميد تاعي وليت هزيت الصاك ومشيت معاه وصلني بالسكات وراح .ربي يهديه _فاتو أيام كلهم هدوء غير انا حالتي تعبانة شوي حتا وليت نرقد ومانفيقش بروحي .وحد صباح فطنت لقيت روحي مغطية باسكو بدا يبرد الحال وحوايجي تاع لقراية ولكتابات فوق طابلة معدولين عرفتها بلي هو ليعدلهم وغطاني .واش هادا المخلوق المتناقض مع نفسو ليطحت فيه_ كينضت غسلت وخرجت لقيتو فلكوزينة يفطر .سخنت لروحي لحليب وقعدت مقابلو _ ناس تقول صباح لخير_ ماجاوبتوش وقعدت نفطر حتا لقيت قرعة صغيرة تاع ماء خبطها فيا جات فالكاس تاع لحليب ساح كامل على طابلة وعليا _ ماش انا لديري عليا هذ لي جاست قتلك الف مرة كينهدر معاك ماتسمطينيش _ناض خرج وانا تنهدت واستغفرت وماحبيتش نعاندو اصلا مافيا ليحملو ويحمل هدرتو كتر _نضت مسحت واش ساح وجملت لماعن ورحت هزيت قشي ودخلت لدوش غسلت عليا و لبست وخرجت لبست الخمار ونعدل في روحي  _بقا يستنا فيا فدار ويشوف ليا_اسمعي روحي بدلي هاذ لون علاش لبستيه_وشبيه أحمر عادي _قتلك بدليييه_ عرفتها يحوس على السبة باش نعاندو ويعطيني السوط بلا ماناقشو غلقت الباب في وجهو وبدلت قشي  وخرجت عندو و رحنا وصلني للجامعة_رمالي صوارد لحجري شفت معاه .كيتكملي حكمي لبيس ورجعي لدار ماش خدام عندك ندي ونجيب عندي شغالاتي _هزيتهم وخرجت قريت .كملت روطار شوي باسكو حابة نلحق على واش فاتني وكانت وحدة لتم تعاون فيا _كرجعت لقيتو معاها فشمبرة غالقين على رواحهم غير صواتهم يتسمعو الخامجين _ريحت راسي شوي وصليت ورحت للكوزينة كاش مانطيب ناكل .جات عندي وتتبختر بجسمها وشعرها وفهمتها حابة توريلي فلمارات لي في رقبتها وصدرها شوي وقابلتني منين البوطاجي وتطلعلي في حواجبها _أسمعي أنا هيا الصح في حياتو ونتي راح تقعدي خدامة عندو وراح يديرك خدامة عندي ثاني_ضحكت وشفت معاها تحلمي لاكان أنا نخدم وحدة ساقطة كيفك طبعتها باش تبعد من طريقي  طاحت زعما ولات تعيط ودير فالدراما _ياهيثم اجري راهي تضرب فيا. بقيت نشوف معاها وحايرة.  جاء هو طاير بعدني من زندي تخبط جنبي على حافة البوطاجي وراح ليها نوضها من الأرض وهيا تتعوج عليه وطيح في دموع تماسيح _ واش دارتلك حتا تضربي فيها_ مدرتلها والو هي تبلاتني و....ماخلاتنيش حتا نكمل الهدرة وزربت نطقت_ تكدب ياهيثم ماتبليتها لا والو حتا لقيتها ضربتني وطيحتني فالأرض وبقات تهدر عليك بلعيب وقالت عليك وليد حرام وديوث .
الحلقة 26
بقلم لينا صبرينة
اخاااه والله ماهدرتها .شفتو نار شعلت في عينيه وقدم ليا حكمني من دراعي وجرني للبيت  _انا تقولي عليا هكدا بابنت لحرام انا تسبيني ماعليش لسانك ليوم نقصو مع لحمك ليراح نحرقو _ نحا السبتة من سروالو وطاح فيا ضرب وين يضرب نحس عمري خرجت من لوجاعة تاعها ونعيط بأعلى صوتي وكلما يزيد صوتي كلما يزيد فالضربة كتفكرت الكلبة تاع صوفيا بلي راهي تتشفا فيا وليت قطعت صوتي وهو قعد يضرب ويسب وانا ولا صوت زاد خرج مني كتمتو كامل لداخل حتى تعب باه حبس و خلاني مرمية كما لعادة .بقيت مرمية ودافنة آلامي لنفسي ليراهي تتوجع كتر من جسمي _سمعتهم كيخرجو وانا ماش عارفة شحال بقيت هكذاك مرمية فالأرض وبردانة حتى نضت وحدي نمشي وحاكمة فلحيط وصلت للكوزينة شربت لما رويت ريقي لينشف .ورجعت للبيت قعدت حتا ليل وبالي تايه. عات دار ضلمة كيف حياتي وليت خفت ونضت شعلت الضوء وحوست على بومادة تاع لحريق لحمي كامل راه يشوي فيا كيلقيت قعدت وحطيت لبلايص ليلحقت ليهم حتى سمعت الباب تاع برا تفتح وشوي ودخل عندي .ماحبيتش نطلع راسي وهو قدم ليا مدلي بومادة خلاف فلباطة تاعها_ ديريها باش لحمك يبرد وتبراي فيساع _شفت معاه بإستحقار  وبعدتو مسحت يديا ورحت لسجادة نصلي ونشكي لربي كما مالفة بصح غير بالقاعدة ماقدرتش نوقف ونرجع نسجد . كمكملت صبتو مازال واقف عند لباب ويشوف فيا .جيت نوض ماقدرتش لحمي يحرق ويوجع ومشبك لقيتو عطالي يدو _ركزي على يدي ونوضي _بعدتها مني وركزت على الأرض ولحمي نار شعلت فيه _ وجه الهم نعاون فيك وزيد ماش عاجبك الحال ماش مليح معاك الخير لازمك غير القوة _تعمدت مانردش عليه ورميت روحي فوق سرير وغطيت روحي وحاسة بالبرد _ نحا عليا لغطا عليا ويتخنزر وشبيك جاتك عليا ليوم خليني في حالي _ حقي نحتاج نديه ودرك _يرحم والديك بعد عليا واش من حق تهدر عليه وأنا في هادي الحالة ليدرتها فيا بيدك وزيد ماش راح نمدلك علاه تخمم غير في صلاحك روح للخامجة تاعك تشبعك _حكملي شعري بالقوة عدلي فمك فردوووس بلا كلام زايد ولا نربيك صح _أطلقني وروح ربي روحك قبل ماتربيني _غمي ## فمك راني حاكم روحي بسيف عليك صينو راني نبيتك فسبيطار ليوم يالكلبة يالطحانة ماتسوايش فرنك _بقيت نشوف في عينيه ومركزة فيهم ونحيت كل تعابير الخوف والهلع من وجهي .علاه حسباتلك راح نزيد نخاف من ضربك ولا نخاف توصلني لسبيطار خليني نقولك بلي ضربك ليا يدل على ضعفك قدامي هادي ماش قوة منك أو رجولة بالعكس دليل انك راك ضعيف وغير تتقوى على ولية يتيمة وحيدة وكتافها بارديك
درت رايك فيا لأنو ماكانش ليحاسبك وزدت درتلي حواجز لحياتي وزيد ضربك ماش راح يزيد يوجعني باسكو والفتو اضرب قد ماحبيت ماش راح نرضخ ليك والسبيطار تاني والفت ريحتو وراهي لاصقة في خشمي مادام دخلت ليه مرتين بإحتمال اني نخرج منو على كفن يعني راني واجدة لأي حالة نكون فيها باه نزيد ندخلو ونخليك فرجة وسيرة للناس لتم شوف وين تغطي وجهك يالواعي يالمثقف يامحترم_شاف فيا شوفة الموت وبلع ريقو و خرج من وراه تنفست ورتاحت قلبي قريب ماحبس خفت يزيد عليا وانا مافيا حتا قوة _بقيت فدار يومين مارحتش نقرا ومرة على مرة نداوي روحي وهو مرات يشوفني يجي ينحيلي البومادة من يدي بالقوة ويحطلي لبلايص ليمانلحقهمش ويلعد مني بسكات _زادو فاتو ايام قليلة عدت نروح للجامعة بصح عايشة على نفس الدوامة تاع االإهانات والذل وهذيك لخامجة تاعو كل يوم يجيبها وتجي تتبلاني وأنا نتفاداها (الشيئ لينتبهت ليه ولي حيرني علاه مايجيبش غيرها علاه صوفيا بالتحديد علاه مايتزوجهاش مادام يدير فالحرام معاها قدامي يعني كون يتزوجها تجيني حاجة عادية مادام قلبي برد ماش راح نغير بالعكس راح نزيد غير نكرهو بصح حيرني في هاد الشيئ ألف تخميمة في راسي حتا ثلفون ماش من نوع ليهدر مع لبنات كاينة غير صوفيا في حياتو .زعما يكون يحبها ومشبعاتو لدرجة أنو مايقدرش يشوف في غيرها هيا صح مولات شعر الشاتان والعينين الخوضر ولكبار ولاطاي معدولة وعندها لسان حلو وتعرف تتسيتت بصح اكيد كاين خير منها والعين الراجل تزيغ وتحب لجديد .اما هيثم أمرو محيرني .ماعليش يجي نهار ويبان كلشي ).
الحلقة 27
بقلم لينا صبرينة
هاداك الوقت كنت لاتيا غير مع قرايتي والمطالعة لينعشقها وهيا ليتقريني فالحياة الغدارة عليها غشي كامل داياتو في قرايتي لازم نقرا وننجح باش نبدل حياتي بنفسي وماتعكز ولا نتكل على أي واحد ياولوكان كان عمي لازم نبني شخصيتي ومستقبلي بيدي ولتم نكون ربحت هيثم وعيشتو المذلولة وربحت حياتي الضالمة ونبني استقرار لنفسي . هادوك ليام مرة على مرة يديني لدارهم بصح مايخيلينش نبات ونهار يضيق خاطري نحاول خالتي ووداد يجوني ومايحشمونيش لتم نلقى شوي راحتي ونحس بالهدوء بلي ليوم ماكانش اهانات ولا يقرب ليا بصح فهمو بلي رانا عايشين كل واحد في جيهة وخالتي بقات تنصح فيا وفيه وماحبوش يزيدو يدخلو ويتعمقو كتر .كل مرة نتمنى يحسو بيا ويدوني معاهم فورصي عليه بصح قدري كان أقوى من أي إحساس والإحساس والمشاعر الحقيقية كانو يشوفو وفضلو الصمت باه يفرحو أنفسهم مقابل تعاستي ويبقى السؤال مطروح ما ذنبي .
__مرة وانا فالجامعة حسيت بسطر في كرشي حسبتها العادة راح تجيني .قلت لازم نرجع لدار بالزربة وانا فالبيس جاتني تخميمة في راسي .انا العادة وقتاه ماجاتنيش .آخر مرة جاتني قبل مانصد لبيت عمي .بصح تخلطت عليا كيعاد هيثم كان يدي حقو بالقوة ويخليني ننزف .ماعرفتش نحسب وفي نفس الوقت جاتني تخميمة ممكن راني بالحمل وزيد عندي أعراض تاع دوخة ورقاد بزاف بلا مانفيق _هبطت بعيد شوي على دار دخلت فارماسي شريت زوج تاع تاست وكملت لدار ديراكت لدوش باه نجربو .كيدرتو وشفت زوج خطوط تحسرت وحزنت وتدمرت خبطتو للحيط وحطيت يديا على راسي لحمل هادا طاح عليا كما الصاعقة ماهوش مناسب لحالتي أبدا .ماقدرتش نفرح بيه باسكو كنت نشوف فيه حاجة سلبية جات من وراء الاغتصاب تاع هيثم ولو هو حلالي وراجلي بصح كان كيقرب ليا باه يدي حقو يعاملني بطريقة وحشية و بشعة وتمنيت مانجيبش منو ولاد ولا نخلف زريعتو فوق الأرض .خرجت للبيت ودعيت ربي يديه عليا ماكنتش حاملاتو نهائيا  بقيت متوترة ونغلي وراشي يدي ويجيب وغير ندعي باه حملي مايكملش (ربي يغفرلي)_خبر حملي خبيتو على الكل وهيثم وليت نتفاده قد منقدر باش منديش ضرب الهمجي تاعو بصح لوحم فضحني كيبزاد عليا والقيئ والدوخة بزاف رجع يسقسي فيا وشبيك وانا نجاوبو بوالو حتا وحد ليلة رجع من الخدمة ومعاه ثاست قالي جربيه درك _مانحتاجش_قتلك ادخلي جربيه ولا نديك غدوا بسيف نديرلك ليزاناليز _اوووف ماكالاه نجرب باسكو راني بالحمل _عينيه عصرهم من الغش .كيفااه تخبي عليا حاجة كما هادي واش كنتي تخمي _باسكو ماش حابة نجيبو ان شاءالله هادا الحمل مايكملش ويموت_ فردووووس .حكمني من وجهي بالقوة وزير عليا واش هذ لهدرة هبلتي تدعي على وليدك هكدا _ واش درك وليت تعرف ربي نهار لي كنت تغتصب فيا وترحي فيا تحتك وتعاملني كيف الحيوان  مخممتش ترحمني ودرك غاضك لحال وجاتك لحنانة_ نتي وصلتي روحك كون سمعتي واش نقلك وماتزيديش وماتكتريش معايا فالهدرة منضربكش _نحي يدك عليا وليت كينشوفك يطلع قلبي منك ونبقى غير ندعي عليك ودرك نكملها على وليدك الله لا يجيبو ولا تشوفو عيني _فردووووس _نحيت يدو وشنفت عليه ورحت للبيت شغلت روحي بقرايتي __لغدوا جات خالتي ووداد من دخلتهم باينة فرحتهم فهمت منهم بلي هيثم خبرهم فرحو بيا وبداو يخمو على زيادتو وعلى الأسماء وخالتي غير تنصح فيا باه مانتعبش روحي وقاتلي درك طفل هادا راح يكون رزق عليكم ويبدل حياتكم . بعدها بيومين هو مكانش فدار حتى نسمع فالباب يطبطب قلت شكون _حلي انا _ مانفتحش شكون نتي _ماردتش عليا بصح صوتها جاني تاع صوفيا . انا هكداك وثلفوني صونا رحت ليه لقيتو هيثم هزيت عليه قالي حلي على صوفيا لباب ترفد حوايجها وتروح _بعد ماكوبا هدرت مع روحي ممكن كره منها وحاوزها مانعرف .رحت فتحت لباب دخلت تتعوج عليا بالطالون _واش نتي ساعة باش تحلي لباب _هزي حوايجك وبدلي خليقتك عليا _حكمتني من يدي واش راني نشوف فيك طوال لسانك يابنت لحرام ليماتسوايش ياطماعة _كيقالت هاد لكلام ماحكمتش أعصابي ونحكها من شعرها مرمدتها نضرب ونريح ومالڨري كانت فايتتني طول وحجم بصح مخليتش فيها قتلتها وبردت غشي منها وخلي تخلا من بكري خالية عليا وهيا ماقدرتش تدافع على روحها غميتها بشعرها نهز وننفض وزيد لابسة طالون حسيتها تتزحلق وتدور كيف اليويو نلعب بيها كيف مانحب وهيا ماش قادرة تتحكم توازن روحها وغير تعيط وفرات _كيتعبت وحسيتها راح تدور عليا فتحت الباب وطبعتها بسيف برا الدار .ديقاااج ياديغولاص _غلقت لباب وقعدت نبكي مفهمتش علاواه نبكي بضبط بصح كنت مقنوطة وقلبي رافد هموم كبيرة ولو زعافي خرجتو فيها بصح تمنيت ناكلها بسنيا باه نبرد وفهمن بلي حتا لوحم أثر عليا.
الحلقة 28
بقلم لينا صبرينة
رحت قعدت فالبيت وانا نرجف علابالي ليوم فيها طريحة واعرة درك نروح نشكيلو ويجي يمرمدني_ وصل ليل ودخل للدار بصح دخل كالم كأنو لم يكن شيئ _(بالاك ماسمع بوالو تهنيا على الأقل ليوم نرقد بلحمي صافي )شوي ولقيتو يعيط عليا ويعاود _ رحت ليه خطوة لور وخطوة لقدام من لخوف لقيتو قاعد فوق سرير ويشوف فيا وفي يدو الكابل تاع شارجور (موت بالخوف ولعرق البارد هبط معايا) كيوقف انا جيت نهرب حكمني وحطني في كوانة وين منقدرش نتحرك وبداني وين يرفد هذاك لكابل ويحطو على جسمي تخرج عمري معاه بصح غير صوتي مخرجش كامل خليتو مخبي نسمع فيه دخلاني في قلبي آهاتو عالية وهو ضرب ضرب وهدر وعاتب حتى تعب ورماه وقرب وجهو لوجهي _ كون مانجيبهاش عليك ضرة ونزيد نذلك بيها منتسماش هيثم _بقيت غير نشوف معاه بدون حركة ولا حتا دمعة نزلت من عيني رموشي مايتحركوش وغير عينيا يحكو مع عينيه كيلقاني بهادي الحالة استغرب وكون صاب راني نبكيلو ونحاول فيه _فردوووس وشبيكي عيطي ابكي بالصوت ولا نزيدك باه تخرجي صوتك _علاه كيخرج صوتي راح نغيضك راح ترحمني راح تشفق عليا .هيثم نسقسيك وجاوبني علاه تعامل فيا هدا محتاجة جواب مقنع ؟_ببساطة نكرهك بسبابك نتي وصلت بابا للموت هاداك العام كيرفضتك هو قريب مامات كيطلعتلو لاطنسيو .من وراها يما بقات تغلي فوق راسي وتلوم فيا عليها جيتك ومالقيتكش بقيت نحوس عليك ونعاود وقالولي شافوك مع فرملي خارجة كيرحت هدرت معاه علابالك واش قالي ؟_واش قال _ديتها لداري تهليت فيها ومبعد راحت _وااشنووو_ايه قال هكدا بصح انا ماقدرتش نصدق انو فردوس العاقلة تخطي خطوة كما هاديك وبقيت نحوس عليك . هاداك المركز شحال من مرة نروحلو حتا لوحد الخطرة تلاقيت وحدة قاتلي تلقاوها في دار المديرة وخبرت بابا وانا في نفس نهار قررت نروح للخارج باه مايزيدوش يضغطو عليا نتزوج .ورحت وزدت تكونت قلت منها هربة منها قراية .فاتو تقريبا عامين قلت نرجع لبلادي خير بصح قابلني بابا بحكاية زواجي منك وبقا هو ويما يقنعو فيا تاع بسيف عشت ساعا ويامات غير ضغط في ضغط من جيهة تحرق ومن جيهة تشوي .ماحبيتش نقبل بيك باسكو كنت موسوس منك كنت شاك كيفاه انا نتزوح بطفلة كانت مع واحد شبعها ومبعد زادت عاشت شهر بعيدة ولو قلتي مع المديرة وهيا قالت بصح ماقدرتش نصدق مية فالمية .والشيئ ليزاد وسوسني كيعتي عام كامل وخد في دار هادي ماقدرتش نتقبلها يعني الشيطان مالعبش براسك وغلكتي مع كاش واحد ولا ممكن خرجتي فليل شكون شافك .مانعرف طفلة عايشت وحدها نستنى منها أي شيئ .قلتلهم ماش باغي هادا زواج حاب نتزوج بوحدة خلاف قالو لالا ياتدي فردوس ولا دعوة الشر تلخقك قلتلهم زوجوها لواحد من خاوتي قالك نن نتا ليعاشرتها وراح تحن عليها .يعني والديا حصلوني فيك بالسيف .بعد صراعات قلت نقبل ونشوف ردة فعلك ممكن ترفضي بصح ردك فاجأني كيقبلتي وقلت ماعليش ياهثم اتزوجها واسترها وعيش حياتك كما باغيها ولو هادي كفلة تبان ماظام قبلت  تدخل لدار برانية  ممكن تحوس على المال والجاه بصح غير نتزوجها نعرف كيفاه نتحكم فيها ونمشيها على يدي ماش أنا ليخدعوني الوجوه البريئة . لكن فالليلة الأولى جبدتي سيرة طلاق صدمتيي وووسوسلي عقلي عليها هجمت عليك هكداك وغلطت ومستعرف بصح ماقظرتش نحبك دايما ترجعيلي الهدرة وتستفزيني بدموعك وخوفك ولمعاندة أنا حبيت نتزوج بالإنسانة لينشوفها فالمستوى تاعي وتدخل قلبي من بابو الواسع بصح المكتوب حضلني فيك .انا كيتزوجتك تمنيتك تكوني مرا تاع ظار وخلاص تقومي بواجباتك وماتدخليش فيا واش فيها كون سمعتي ملامي واش فيها كون قلتي ايه نوافق على طلباتو ونعيش كما نحب واش فيها كون شفتي وسمعتي وظرتي روحك عميا وطرشا واش فبها كون مشيتي نعايا فالخ ماتدري هادي الدنيا بصح نتي خرجتيلي العكس وهدمتي هاداك الاحترام _(هاد المرة كان يحكي بكل هدوء وكلامو جاني عادي لأنو كنت متوقعة اي خاجة من الناس وكرهو ليا كان واضح بصح من ملامو كان فيه جزء من الصدق والصراحة ) .
الحلقة 29
بقلم لينا صبرينة
فردوس وراسك غير نتي جبتيها لعمرك نتي حرقتي روحك وحرقتي عيشتي _واش ذنبي ياهيثم واش ذنبي اني تمنيت وحلمت .هبطت دمعة وحدة على خدي شافها هو .بعد عليا وحط يديه على راسو وينفض في روحو .ماتبكيييش درك كلشي نتي سبة فيه علاااه قبلتي بيا علاه دخلتي لحياتي حتا نآديك .اااه عندك الحق واش ذنبك نتي باه تعيشي معايا بهادي العقلية المتوحشة ووسواسي الباطل الخامج .علاه ماهربتيش مني علاه بقيتي تحومي قدامي راسك هادا علاه يابس مايخممش كون شفتي طريقة وصديتي مني هكدا نتهناو لزوج قوليلي علاااه راكي عايشة في حياتي ليماش حاباتك فيها انطقي_هيثم كيعدت حابني نخرج من حياتك طلقني راهي ساهلة .ضحك بإستهزاء ووجهو فيه ملامح شفقة ميل راسو وقالي نطلقك تستناي مني نطلقك انا واش كنت نهدر قبيل بابا مستحيل يقبل مني نطلقك من لخر ماش حاب نخسر بابا على جالك نتي وهادا بابا ونعرفو كون نكسر كلامو يبقى حاكمهالي طول لعمر وماش راح يرضى عليا عليها قبلت اني نستحمل وجودك حتا تكرهي وتهربي مانزيدوش نشوفو وجهك . لتم تكوني نتي الظالمة وانا المظلوم ونعيش حياتي عادي مع والديا لي ماش حاب نفسد علاقتي بيهم بسبتك بصح نتي ضربتك وخنتك وزنيت قدام عينك واغتصبتك وهددتك وشعرة منك ماهربت من هاد الأضرار ماكرهتيش وبقيتي تواجهي في حياة كبيرة عليك _اوك فهمت عليك مادام صارحتني ليوم درك لازم نفهم روحي ودرك وفي هادي دقيقة رايحة نلبس ونروح من هادي دار ومن حياتك وحياتكم وماتخافش ماش راح نروح عند والديك .لهنا وخلاص نتقبل مكتوبي ونشوف كاش بلاصة نخبي راسي فيها وماش راح نزيد نديرونجيك كتر _جيت خارجة لقيتو نطق _فردوووس ردي بالك تخرجي وتحطي رجلك خارج الدار .دورت ليه _هيثم صايي درك مابقاتلنا عيشة مع بعض هاداوين استعرفت باه نهرب منك وتتهنى .مالا راني رايحا وبكل إراضتي وماكالاه تمنعمي _ناض ليا حكمني من دراعي وقعدني على سرير وراح قعد فالأرض مقابلني ويدو على راسو يشوف معايا. هيثم واش تحوس خليني نروح _هاديك بكري بصح درك موحال نخليك مادام وليدي في كرشك ماعندك حتا خرجة من دار ولا حياتي نتقبلو ونستحملو بعضنا بسيف علينا لمصلحة وليدنا _هادا طفل حاساتو ماش راح  يعيش_اششش ماتزيديش تقولي هكدا راكي راح تعودي تشبهي لوالديك _على الاقل انا حاباتو مايجيش لهادي لحياة باه مايتمرمدش كيفي وينذل من ليسوا ومايسواش _كاين فرق بين الوالدين انا مانسمحش في كدبتي يصرا مايصرا ونبقا حاميه لآخر نفس ليا_واش راح يربح طفل هادا ادا والديه يكرهو بعضهم وماش حاملين بعضهم يخلق ويلقى غير المشاكل ليخنقوه_ادا تبدلتي نتي نوعدك نتبدل _هيثم انا جيتك ودخلت لدارك بنية نكون عايلة معاك ونعيشو مرتاحين بصح نتا مالقيت والو منك غير العنف كيفاه راح تتعدل تبالي موحال تصرا_نتبدل نتبدل برك نتي مدي فرصة لحياتنا ماش علاجالنا على جال وليدنا نخلوه هو سبب فالصلح وننساو ليفات انا نحي الشكوك لي في راسي ونتي تبدلي عقليتك معايا _شروطك تاع قبل مانقدرش عليهم هيثم مانيش لعبة في يدك باه تلعب بيا وبمشاعري _اتحملي وصدقيني بلي نبدل معاملتي معاك وان شاءالله تفرج _مانقدرش نصدقك تفرت كلشي تكسر وطاح لقدر بيناتنا من لخر نتا ماتستاهلنيش وانا نستاهل راجل يخاف ربي فيا _فردوووس بركاي من هاد لكلام _مانبركاش ومانغطوش الشمس بالغربال كل كلامك تاع قبيل تاع شكوكك فيا مايوصلوكش باه تعيشني في جحيم  كاينة الف طريقة باه تحاسبني على الأقل او تفكني منك بصح نتا اختارت العنف والذل هادا الشيئ انا جامي ننساه ولا نغفرهولك لهادا تمنيت كون ماتزوجتكش باسكو متأكدة كاين ليراح يحن عليا ويحترمني _علاه راكي متأكدة من نفسك _ايه علاه واش خصني ادا على الزين راني نهبل شابة وادا على التربية نقولهالك في وجهك متربية خير منك انا جامي خممت نخرج طريق ونروح برجلي لحرام بصح نتا درتها وعيني تشوف ماخفت من لعباد لا من ربي .عليها انا بزيني وتربيتي الف واحد يتمناني في حياتو بصح زهري طيحني في راجل كما نتا مارحمتش ولية ضعيفة وخليت لحمي اشكال الوان ليشوف لحمي يخاف مني وبلا الآثار النفسية _شاف شاف فيا بساكت ولا ناض قعد قدامي .كنت لابسة بيجابة ديميمونش .حط يدو على دراعي ومشاه على لبلاصة ليضربني منها بالكابل .حسيت بحريقة قاوية ونازعت .
الحلقة 30
بقلم لينا صبرينة
خليني انا نلم جراحك _علابالك بلي هادو لجراح درتهملي على جال الهجالة تاع صوفيا_لقيتو سكت وبقا غير يشوف في لحمي المشوه ووجهو فيه الف كلام وعجزت باه  نفهم معاملتو وشخصيتو الحالية_ ناض جاب بومادة ورجع ليا حطلي فلجراح وانا غير حاملة كيكمل بقا يشوف لوجهي _فردوس خلينا نتصافاو ونتسامحو وسامحيني على قسوتي وعلى دموعك لينزلو بسبابي_بعدت وجهي منو وغرغرو عينيا بدموع بصح حبستهم داخل قلبي ليراه يرجف باه ينفجر_علابالك هادو دموع هوما دموع ولية وراح تتحاسب وتخلص دموعها فالدنيا قبل لاخرة وأشفا على كلامي وحسبي الله ونعم الوكيل فيك هادا مانقولك _شفتو غمض عينيه ليمافهمتش تعابيرهم ونضت رحت للبيت غلقت عليا الباب وتسطحت وخليت دموعي يهبطو براحتهم وماعندي غير ربي نشكيلو همي وأوجاعي __
من هاداك نهار وهاديك الليلة وكلامو وكلامي والجملة الأخيرة تاعي حركو فيه شوي مشاعر .ومازادش مسني ولا قرب ليا ولا وجهلي إهانات وحتا صوفيا مازادش جابها كينكون انا حاضرة فالدار بصح مازلت شاكة انو يجيبها كينكون فالجامعة ولا نروح نبات في دارهم والله أعلم المهم رجعنا انا وهو حدو حدي تقريبا يوميا يديني ويرجعني هو من الجامعة ومتابع حملي بالتفصيل ويقضيلي كل خير بلا مايسقسيني يجيب وحدو كل انواع الفاكية والمكسرات وسقايط وكلشي بصح الهدرة بيناتنا تقدرو تقولو منعدمة واصلا انا ماعطيتلوش فرصة باه يتقرب مني او يحكي كلمة هيثم رجع بالنسبة ليا لا يطاق في حياتي وحملي ربي يغفرلي كنت غير ندعي عليه باه مايكملش ماش متقبلاتو لأنو يذكرني غير فالجحيم تاعو بصح ليوم وصلت للشهر للسابع وكرشي خرجت وعندي رنديفو عند طبيبة رحت ليها وراح معايا هيثم وخبرتنا بلي جنس الجنين طفلة .هو شفت فرحتو واضحة في وجهو ومن خرجنا من عندها وهو يدور بيا من حانوت لخوه ويشري لبنتو فالقش ماخلا والو في خاطرو وزاد شرالي ليا واش نلبس وقش لدار ولزيادتي وكيكملنا رحنا لدارهم بقينا لتم حنا تعشينا ورجعنا لدار وحط القش ليشريناه فالبيت وانا رحت دخلت لدوش كيخرجت لقيتو عند باب شومبرة _فردوس ارواحي ترقدي معايا هنا _ مانقدرش ندخل شومبرة تاع الزنى تاعك _سقمي كلامك ماتخلينيش نتحول _ ارواح اضربني واش تستنى _ بقا غير يتخنزر وانا رحت تسطحت نرتاح شوي و صونا تلفوني لقيتو نميرو جديد معرفتوش ماحبيتش نهز كيعاود هزيت _ألو _هلا الحب واش راكي توحشتك يالبوقوصة تاعي _ ياااا راجل!! زربت كوبيت شكون هادا زعما !!ديراكت لحتو في لاليست بلوكي قلت ادا زاد ديرونجاني كتر لازم نقولو خير مانعشي في مشكل _رقدت وغدوا وصلني للجامعة وراح وانا قريت كيكملت عيطلي قالي رجعي وحدك انا نطول .وليت رجعت وحدي للدار_كيوصلت صونالي تلفون نميرو جديد_  رفدت وسكتت حتى جاني صوت راجل كوبيت بلا منهدر .كيجي نقولو خير _كيجاء رحت حطيتلو يتعشى وقعدت ناكل صونا ثلفون تاعو شفتو كوبا وكيزادو عاودولو مسح يديه _اوووف مايخلوش العبد ياكل مرتاح .هز على ثلفون وي شكون .ديراكت شفت ملامح وجهو تبدلو وطلع حمر وعروق رقبتو يبانو ويشوف فيا خزرة الموت وبدا فالسبان عليه ويقول شكون نتا نحكمك نقطعلك لحمك _ كوبا وناض جاب ثلفون تاعي وبقا يخلط فيه ومبعد شاف معايا وحطهولي في وجهي _هادا نيميرو ليحاطاتو فلاليست بلوكي تاع من ؟جاوبيني بلا كذب _مانعرفوش عيطلي لبارح لقيتو راجل بلوكيتو وقبيل نفس الشيئ _نفسو ليعيطلي درك و علابالك واش قالي .قالي سلملي على فردوس وقلها تواحشتك مع من راكي تلعبي ياطحانة اهدري شكون هادا_والله مانعرفو صدقني وماش عارفة علاه قالك هكدا _ضرب الكرسي برجلو .وقرب ليا حاصرني فالحيط و حكمني من رقبتي وعينيه معصورين غش كلبة رخيسة كيفك تحوسيني نصدقك باينة تعرفيه وكاش ماراكي تخططي من وراء ضهري حسباتلك نسيت كلامك تاع هاداك نهار باينة راكي تحوسي على البديل _بقيت نحاول غير نفك في روحي حاسة نفس راح يتقطع عليا ومزير على كرشي بزاف بجسمو _أنطقييي مع من راكي ###  شكون هادا الطحان يالكلبة راح تجهليني ليوم _استجمعت كل قوتي وطبعتو عليا خلااص راح تقتلني قتلك مانعرفوش ونتا الله لا صدقت جيت هاربة للبيت جاتني ضربة في ضهري قوية خلاتني نطيح على الكرسي من لفوق لتحت حتا تكسر تحتي في لحظة شفت الموت بين عينيا من السطر .بنتك ياهيثم واش درت _زاد طلعني لعندو غير بشعري وانا راح نموت بسطر تاع كرشي وزادلي جلدة راسي راح تطير بين يدو وهو وجهو يخوف كشيطان متلبس بقناع وجه هيثم _قتلك ماتسمطينيش راني ننحرك جاوبيني يا ### .
الحلقة 31
بقلم لينا صبرينة
خبطني ضرية للراس بيدو خلاتني نرجع للور وتخبط راسي بعد فالشوكة تاع البوطاجي وطحت فالأرض ماشفيت غير كيتخطف لون وجهو تخلع وهبط لعندي _فطنت لقيتو فوق راسي باللبسة تاع الخدمة مع طبيبة يهدر معاها فهمت بلي راني سبيطار بصح حسيت كلشي فيا ثقيل _لحت عيني لكرشي لقيتها ماكانش كرشي هابطة وليت نبكي بساكت ونتنفس بصعوبة كيشغل هاداك الوقت وين حسيت بنتي وخلقت فيا مشاعر الأمومة والحب جيهتها وكنت حاسة أني فقدت قطعة مني غالية -توله هيثم هبط لعندي قدم لوجهي ومسحلي على راسي _حمدلله فطنتي واش حاسة راكي تشوفي فيا ؟؟!_ وينها بنتي واش صرالها _ولا ناض وشاف مع طبيبة هيا قربت ليا وقعدتني . كالمي روحك مادام راهي لباس بيها بنتك ونتي تعرضتي لضربة قوية في راسك تفتح وهيثم خيطلك الجرح وفي تفس الوقت حالتك كانت صعيبة لقينا رحمك مضرور ونزفتي قريب ماتخنقت طفلة وماتت في كرشك عليها أضطرينا نزربو نزيدوك قبل الوقت والطفلة مادام زايدة قبل وقتها لازم تقعد عندنا تحت المراقبة فالحاضنة _ جيت نوض ماقدرتش وخفت من هدرتها وهبطو دموعي وهيثم غير يشوف وساكت _صحتي بحر عليها مايهمنيش بصح جيبولي بنتي حابة نشوفها ربي يعيشك_قدم هيثم ليا وقالها ماعليش خلينا وحدنا درك نفهمها هيا خرجت وهو قعد قدامي .فردوس كالمي روحك ماش مليح راكي دايرة عملية وراسك مضرور _ بعد عليا كلشي بسبابك . نتا وصلتني لهادي الحالة واش فيها كون صدقتني علاه حتا تزيد تغلط وتمد يدك عليا وانا هازة بنتك في كرشي نتا متوحش بأتم معى الكلمة _قرب كتر ليا وحضني وكانت اول مرة يقرب ليا هكذاك وبهذيك الطريقة ونفسو سخون في رقبتي ويديه محاوطيني ودافيين _ صايي والله مصدققك بصح الشيطان لعب براسي واش تقولي عندك الحق سامحيني سامحيني غلطت وزدت شكيت فيك الله يعطيني كسرة لهادو ليدين ربي يجيبهالي في صحتي المهم نتي سامحيني _جبد روحو وبقا حاط راسو على راسي ويحكي معايا ويهدن ويطمن فيا على حالتي وعلى حالة بنتي مي انا دموعي ماحبسوش وهو غير يهدر ويدعي في روحو حس بالندامة بصح بعد مافات الحال _ لغدوا جاتني الطبيبة وقتلي بلي الطفلة لازم تقعد سمانتين عندنا كينلقاو ثحتها مليحة تخرج .هيا خرجت وهيثم دخل _فردوس مام نتي ماتقدريش تخرجي لازم يبقاو يتابعو حالتك باسكو الطيحة كانت قاوية على راسك وعلى رحمك _شفت معاه بكل حقد وهو فهم روحو خرج ماعرفتو حشم من روحو ولا نادم _جاوني عمي وخالتي ووداد وحتا نسا خاوتو الكل طلو عليا وخالتي غير تسقسي على حالتي مع هيثم وتبوس فيا خافت عليا _حتا لعشية   قلت لطبيبة تعيشي ادوني غير نشوف بنتي تحرق قلبي عليها _راكي ماتقدريش بصح ماعليش درك نعاونك .عاونتني جابتلي كرسي قعدت عليه وداتني ليها كيدخلت وشفتها شحال غاضتني وهي هكذاك قعدت نتلمس في يديها ونبكي ماعرفتهاش ليمن تشبه باسكو انا ومانعرفش روحي كيكنت قدها يابنتي ياحبيبتي انا وفي عمرك رماوني للشارع مادقت لا حنانة لا حب يابنتي سامحيني والله قلبي صافي ياعمري نتي واش ذنبك حتا نكرهك ونتي في كرشي كيفاه عطاني قلبي ندعي عليك وين كان عقلي مغطوس هادا كلو بسباب هاداك الوحش ليراني عايشة معاه قعدت غير ندي ونجيب فلهدرة مع روحي ودموعي يسيلو قتلتني الندامة _شوي ودخلت طبيبة. مدام خلاص روحي ترتاحي ماتقدريش تقعدي كتر هنا خطر على البيبيات _ اعطوهالي نرضعها علاه ماتجيبوهاليش _عندها حليبها سبيسيال ماتقلقيش هيا رجعي لبلاصتك _خرجت لقيتو عند الباب واقف و يستنى شاف لينا وحنا كملنا لشومبرة ودخل ورايا وطبيبة خرجت _حبيت نقولك بنتنا سميتها رفيف _ يعني حتى الإسم وسميتها كما حبيت بصح ماعليش المهم راهي بخير _فاتو هادوك اليومين غير عداب الحركة بسيف نتحركها يديا ورجليا بسيف نحركهم وراسي مربوط ونحسو ثقيل ومرة على مرة فرملية تدخل عندي تعاوني حالتي ليشوفها يقول تشليت . حتى دخل هيثم عليا في يدو بلاطو فيه ماكلة وحطها عندي_ طبعتها ماناكلش خليني في حالي_فردوس ربي يعيشك انساي بلي راكي مع هيثم لي فدار وديريني غير طبيب تاعك برك ودرك كولي باش ترجعي صحتك وترجعيلنا حنا رانا محتاجينك بزاف لازم درك تتقواي باه تقدري على مسؤولياتك .
الحلقة 32
بقلم لينا صبرينة
_بدا يوكل فيا بيدو وكل لقمة تفوت بسيف نبلعها وفي نفس الوقت حكمتني غصة كبيرة منو_هو يوكل فيا وكل علامات الطيبة والحنية والشفقة على وجهو .بقيت زمان زانا نشوف لوجهو ( ايييه كيفاش كنت نشوفك كيفاش وليت نعرف أقنعتك المزيفة حبيتك وتمنيتك بنية صافية حتى قابلتني بمعاملة شيطانية واش ذنبي معاك واش ذنب صغري ووحدتي وبرائتي حتى نزيد نتجرع كميات من المرار معاك واش خصني انا حتى منتحبش .من نهار خلقت وانا منبوذة ومكروهة من أهلي الحقيقيين واهلي ليرباوني في صغري وزدتلي نتا بقساوتك واش درتلكم واش عمتلكم علاه حقرتوني) كوصلت في تخمام لهادي نقطة غرغرو عينيا بدموع _فردوس وشبيك واش يوجع فيك واش حاسة احكيلي _سكت لأنو ماعنديش كلام معاه ولو في عينيه نظرات الشفقة والحنية لكن ماش راح يفهم قهري ومن هنا لازم نتحدى نفسي باه نعيش سلطانة __
فاتو ليام ورتاحت ووصل نهار نخرج انا من سبيطار وتخرج معايا بنتي . جات طبيبة وجابتلي رفيف معاها حكمتها بين يديا وقعدت نبوس فيها ومعرفتش علاش غير نشوفها يغلبوني دموعي حاسة بذنب كبير قدامها قعدت وحاولت رضعتها ماحبتش تحكمني .شوي ودخل هيثم شافها في حضني قدم رفدها و قعد حتا هو يقرب فيها لوجهو يبوس فيها ويهدر معاها . هاي بنتي الشابة هاي اميرتي حبيبتي _ترسمت ابتسامة على وجهي كيشفتهم مع بعض وهو كان فرحان بزاف بيها ويضحك ملي تزوجنا مشفتوش فرحان كما ليوم .قعد قدامي وهيا في حضنو زيحكي _فردزس هادي بنتنا حبيبتنا من ليوم هادي هيا رزقنا ليراح نرسم حياتها للأحسن ولو في قلبك كره وحقد بصح مادابيا كون تقولي آمين باسكو من لبي حاب نكون عايلة معاك ورفيف هيا بدايتنا _سكت ماقدرت نقول والو وغير كملو الإجراءات خرجنا لدارهم باسكو هالتي بثات توصي وتعاود باه هسا تقوم بيا وتعاوني في رفيف ونتعلم منها .بعد ماوصلنا الكل فرحان مجمع وفرحان بيا وبيها وفليل بقا هيثم بايت معانا بصح رفيف طول ليل تبكي وهو عاوني فيها غير تنوض تبكي ينوض يحطهالي على حجري باه نحازل نرضعها ويقعد يتفرج فينا فالأول حسيت بالإحراج ومبعد على جال بنتي ماهمنيش فيه_لغدوا كانو موجدين كلش باش يديرو العقيقة وذبحو وعمي فرحتو واضحة في عينيه وعرضو لافامي تاعهم كامل جاو هناولي حتى لجيران جاوني وجاو وتفاجأت في صوفيا  بكل وقاحة جات وهيثم مرة على مرة يدخل يتفقدني ويتفقد رفيف وهيا تعس فيه بعينيها وهو متشفتوش شاف معاها كيسقسيت وداد علاه جات قاتلي رجعو جيرانا عليها يما عرضتهم بصح جات غير هيا يماها قالت مريضة _فات النهار عادي يهبل وكامل تفرقو بصح حسيت كاينة حساسية بين خالتي وعمي وهيثم .جبدت وداد على جنب زسقسيتها واش كاين بيناتهم _واش نقولك يافردوس من نهار زيدتي وهوما مايهدروش معاه وحطو فيه لوم كامل وغضبو عليه فهمنا بلي ضربك وهو سباب حالتك وبابا رخسو ترخيسة حلوفة _اوك فهمت_فوت عندهم شهر ونص وهيثم مرة يبات معانا ومرات مايجيش وعلاقتو بوالديه مازالت متكهربة .وانا ضحتي رتاحت بصح الاثار النفسية لهذاك لعنف كانت كبيرة لدرجة بدلت شخصيتي كامل من فردوس الهادية الخوافة لفردوس لعدوانية والباردة وفي نفس لوقت مع انو كنت مهزومة من داخل ومدمرة مي عاهدت روحي نعيش غير لرفيف ونقرا ونطيش الحب والكره والماضي عليا _جاء هيثم وقالي نروحو لدارنا صايي درك راكي رتاحني ومنها راكي عندك قراية لازم ترجعي تقراي وكما كان لحال رحنا  وقبل مانخرج بقا عمي يوصي فيا وفيه ورحنا لداري وعاودت بديت حياتي من جديد بصح بعقلية جديدة .وماكنتش عارفة انو عقليتي لجديدة راح تحرق الماضي والمستقبل وضرني وضر غيري من حبابي لعدياني .