موجات حارقة

الجزء 10

الحلقة 84
بقلم لينا صبرينة
راهيي ساعتين تاع ليل وهو مارجعش حتا تلفون وماعيطش وانا ما قدرتش نعيطلو ماش عارفة اداولدت ولا مازالت وعلاه طول واش راه يدير حتى من وداد وبقات معايا
ماحبتش تخليني وحدي حتى تعبت ورقدت بجنبي وانا النوم طار من عيني أنا هكدالك بعد سمعت صوت قاراج تفتح من برا شكيت فيه هو لي جاءنضت طليت من تاقة بصح مايبان والو رجعت لبلاصتي وبقيت نستنى وحد 5 دقايق ودخل لقاني قاعدة_لاه ما رقدتيش_ نضت لعندو ما قدرتش نرقد ونتا مارجعتش_ماعليه راني جيت .شاف مع وداد
وتبسم حتا وداد رقدت هنا داتلي بلاصتيي _ايه تعبت وهيا ساهرة معايا رقدت بلا ماتفيق . راح قعد قدامها نوضها بشوي باه فطنت. شافت معانا وضحكت_ ماحسيتش
لروحي كيفاه رقدت وحتا ماحسيتش بيك كيدخلت هيا مادام جيت تصبحو بخيير_ ناضت خرجت وهو بدل قشو وتسطح هيا
فردوسة لاه واقفة لتم _حتا تقولي صوفيا ولدت؟ _ ارواحي عندي ونحكيلك_رحت حطيت راسي على صدرو ویدو تلعب بشعري_ ايه ولدت وجابت طفل لاباس بيه_ هيه يشبهلك ؟ _ما يشبه لحتى واحد النتيجة هيا ليتحكم_ودرت ليزاناليز ؟_ نن مازال حتا لغدوا باسكو فيهم خدمة _ سكتنا زمان وقتلو وين راك شارد واش تخمم علاه سكت _والو حبيبي ارقدي برك راح لحال _ هيثم نسقسيك كيشفت طفل ماحسيت بوالو _نكدب عليك كون نقولك ما حسيتش بالعكس حسيت بحاجة داخلي ماقدرتش نوصفها شغل جدبني ليه حسيتو صح وليدي وقطعة مني_ غرغرو عينييا بدموع بصح تحكمت فيهم باه ما يهبطوش ودفنت وجهي في صدرو وزيرت عليهورقدت بهاديك الغصة في قلبي_ لغدوا فات نهار عادي هو راح يخدم وانا بقيت معاهم حتا ليل خلاص دخل _نحطلك تتعشى_ماش قادر ندوش برك ونجي ترحينيي .فهمت كلامو وراح دوش وجاء عندي يحضن ويبوس _فردوسةحياتي حبيبتي عمري متواحشك والله قلبي ملهوف عليك _ راني قدامك ماكان حتا حاجة مانعاتك _بصح رانا حكينا فيها من قبل حاب كينقرب ليك برضايتك وبقناعتة منك - هيثم مانيش واجدة _ لوقتاه توجدي وتجيك نفحة ياحبيبي خودي رايي وهيا نديك لطبيبة نفسانية بالاك تريحي_ ماش محتاجة لطبيبة_ لالا محتاجة و عارف بلي جوزتي امور ومشاكل وضغوطات فوق طاقتك وتحملتي وصبرتي وهادا اثر عليك سلبيا على نفسيتك والبرود تاعك راه عادي عاد ماعندكش رغبة باه تتمتعي وتفرحي بصح كاين دواه هو تشوفي بسيكولوك تحكي واش في قلبك وتعاونك تخرجي من الكابة والحالة لي راكي فيها _ من ماتت بنتي ظلامت حياتي مابقات فيها بنة_عارف بصح قادرين نعوضوها ونجيبو خير ربي_هيثم ماكالاه تستغلني بهادي النقطة وخليني بحالي حابة نرقد وادا حاب حقك خودو راك موالف ماش جديدة عليك _ ربي يهديك ماش راح تنساي_العقل ينسى بصح القلب موحال و ماش حابة نرجع تهدر في نفس الموضوع_ارقدي ارقدي خير وانا نزيد نصبر روحي بليام الجايين وفيها خير ان شاءالله __ فاتت سمانة ماحبيتش نروح لداري ماش حابةنروح ونقعد وحدي ونكتأب على الأقل هنا مع وداد وخالتي نحس بنهار يفوت فيساع ونشغل روحي وهيثم كما العادة صباح ييروح يخدم ويجي فليل ومرات يبات فالخدمة وصوفيا كيولدت دارلها نزيف ومازالت فسبيطار حتى تبرى وتخرج واكيد هيثم دار تحلیل ADN ويستنى فالنتيجة تجيه في اقرب وقت بمعرفتو هو وباباه وييحاول يخبي عليا بلي متمني يكون وليدو ومادام كيشافو حس بلي قطعة منو هنا مابقاش شك ونوحد روحي واش جاينيي .__كان يوم سبت مور لغدا وانا قاعدة مع خالتي ووداد طبطبو فالباب راحعمي فتح كان فالهول سمعت صوت صوفيا شفنا في بعضنا مستغربين وخرجنا لقيتها هيا والطفل في يد عمتها .
الحلقة 85
بقلم لينا صبرينة
مافهمناش هادو علاه جاو عندها وزيد هيا مبدلة كانت لابسة غوب غوز فولار وتاحفة
روحها ولايحا خمار بيض على راسهاوفيساع نحاتو تقول ماكانت فسبيطار ومريضة ونزفت. الزين والنشاط في وقفتها والضحكة واصلة لودنیها_راحت ليها خالتي خير واش جابك هنا .شافت معايا وقالت جبتلكم تشوفو حفيدكم اسلام &&& من الاول قلتلكم طفل وليد وليدكم وماحبيتوش تصدقوني بصح ليوم كلشي واضح والنتيجة
خرجت مطابقة والحمد لله ماكدبتش وجلتلكم حفيدكم لعندكم تشوفوه حتا نتوما ليكم حق باه تطفى ناركم على رفيف ويعوض بلاصتها وليدي .بقيت غير نسمع فيها مادرت حتا ردة فعل وعمي قالها وينو هيثم علاه ماجاش مالا خيرنا هو _ما نعرف
بصح هو صباح ليخرجنا من سبيطار ووصلنا للداروراح وانا حبيت نجي هنا باه كيرجع يلقى مرتو ووليدو يستناو فيه ماش حابة نحرمو من وليدو _قالتلها خالتي هيثم ماشش جاي هنا راح ييروح ديراكت لدارو _ نن راح يجي باه يخبركم متأكدة وتقدرو تعيطولو ماش خايفة أبداا (تعظر بكل ثقة) _قالها عمي .صوفيا خودي يماك ووليدك
وروحو من ماش ناقصنا مشاكل كيجي هيثم وتهدرو معاه اصلا ماکیش مرتو زواجكم فيه شك _ساهلة يعاود يفتح عليا _كيفاه
يفتح عليك فردوس تعتبر ختك والدين حرم الجمع بين الخواتات الغني شيطان وبركاي ماتخلطي _بصح انا ليا الأسبقية باسكو جبتلو طفل ولازم يخمم فيه قبل كلشي
ويضحي على جالو باه مايعيش يتيم ومفرق على والديه لازم يخمم في صلاحو واش يخرج عليه قبل كلشي عليها لازم يطلق فردوس ويرجعني انا لدارو باسكو هيا ماعندها والو تخسرو _(كانت تهدر وتشوف ليا بخبث .شغل وصلت وين حابة ) عمي
ماقبلهاش تبقى وقال ليماها تديها
ويروحو بصح فاجاتني كيقالت يماها خلي
حتا يجيي هيثم ويقرر وفردوس كون يطلقها اكييد ماش راح تفرطو فيها نتوما وتقعد عندكم بصح هادا لملايكة واش دنبو يتربى مفرق على والديه_ طلعت حواجبي وهييا تهدر هكدا بكل وقاحة عفت روحي اني بنتها هادي ماش ام هادي عدوة وكما
قال من قبل هيثم .صوفيا ليتمشي فيهم وكما تقول هيا هومايوافقو خليتهم يهدرو ودخلت للشمبرة قعدت حتا بعد نص ساعة
دخلت عندي وداد_فردوس ختي راه جاء هيثم_ علاه شكون سمعو _ انا عيطتلو
وخبرتو على صوفيا عليها جاء _درك نجي _ خرجت وانا شوي ونضت خرجت من وراها سمعت اصواتهم فالصالون رحت قدمت عند لباب برك لقيتو واقف وهاز وليدو في حضنو وهيا واقفة قدامو بإبتسامة ووقفة فيها انتصار لثانية شفت الفرق بينيي بينها انا
انسانة على حافة الانهيار كلشي فيا يخلع ومدمر اما هيا تحلف عليها تقول عروسة قدامی .شفتها کبشت يدها على دراعو وقاتلو هيثم قولهم نتيجة كيفاه خرجت ماحبوش يصدقوني بقا مهبط راسو لوليدووقال ايه طفل خرج وليدي وراني حطيتو على اسمي _ كي قال هكدا حسيت نصمن روحي طاحت وتهرست كنت متأكدة بلي وليدو بصح الحقيقة كيسمعتها من فمو زلزلتني داخليا ماخلات فيا والو وابتاسمتها الخبيثة فكرتني في هاديك لمنانة هيا ربحت كلشي وانا خسرت بقيت نشوف معاهم كيفاه تلمو عليه يشوفو في حفيدهم وصح كما قالت هادا طفل هو راح يعوضهم على رفيف كيطلع راسو وشافني جاء عندي مبتسم_ فردوس ماشفتكش علاه واقفة عند الباب قاتلو هيا_ خليها لتم باسكو تبان فهمت روحها اکید
درك لازم طلقها وتختارني انا لازمك تخمم في وليدك وتضحي على جالوباه يعيش مع عائلة مستقرة ماش مفرقة اذا يهمك حياة وليدك ونفسيتو طلق فردوس وارجع فتح عليا .
الحلقة 86
بقلم لينا صبرينة
(بقا يسمع فيها وعاطيها بظهرو وحسيتو شغل قاستو في نقطة حساسة وهيا مصلحة وليدو ) دور ليها. ماتعاوديش هادي الهدرة و أمشو نوصلكم لدار راح نروح للخدمة_ بصح لازم عليك تجاوبني طفل راه وليدك وتأكدت لوقتاه نبقى بعيدة عليك_ سكري فمك ماش وقت هادي الهدرة امشي قدامي _خلي برك نعرف طريق. لبست عليها خمار بالنرفزة
وقدمت ليا قاتلي بصوت واطي _مادامك جيتي لهادي دار ابقاي فيها بعد باسكو دارك ليلهيه رجعت ليا و اسلام هو ليراح يرجع يجمعنا ونتي كولي بغضك تستاهلي ماكتر_
واش راكي تهدري معاها نتي قتلك روحي _تحاوز في وليدك؟ _ اسمعي طفل كون حبيت نحيهولك راني نديه فورصي عليك بصح ماش اناني باه نحرمو من يماه ونهار والوقت لينحب نشوفو راني نجي نشوفو وحتا نجيبو لعندي _ مالا نقولك ممنوع تجي تشوفو راح نخليك تشتاق تلمحو نهار تختار بيناتنا لتم تعود هدرة خلاف _ راحت بيها
بهاديك ليتتسمى أم تبع فيها وانا خليتهم يهدرو ورحت لشمبرة قعدت على سرير لقيتو
لحقني وقعد على فالارض على ركايبو وحكم يديا لزوج_ فردوسة زعفتي مني _نن ماعنديش حق نزعف قتلك هادا وليدك نتا برك كنت حاب تكدب روحك_ مالا علاه وجهك هكدا مبدل حتا الهدوء تاعك مخوفني_ ماكان والو ماتخممش خمم نتا في وليدك كيفاه دير درك_وليدي راح يبقى وليدي ما يخصو والو_ بصح صوفيا قاتلك خير بيناتنا ولازم تختارها هيا باه تخليك تشوف وليدك صينو تحرمك _ضحك وقالي وزعما تقدر تحرمني منو نتي ماتعرفينيش ولا كيفاه ! شوفي نقولك حاجةوحدة ونتي عاودي حساباتك معايا انا من قبل غلطت معاك ومنها خسرتك ومنا جيت رجعتك ليا حتا حرقتيلي روحي عليك بصح درك حاب نكرمك باه نملكك وفهمك كفاية _ واش يعني _ ناض وقف .يعني لازم تخدمي عقلك باه
تفهمي ماش راح نضغط عليك راح نخليك على هواك ويقولو للرجولة أفعال لا أوقوال .هي خمي واش قتلك وبسلامة _راح وخلاني نتخبط وحدي كيفاه ندير نجبدو ليا ونتهنى بصح هكدا نعود حرمتو من وليدو وكون نسمح فيه نخسرو ومايبقى ليا
والو يعني نخرج قفة بلا يدين وماش عارفة كيفاه راح تكون حياتي بلا هيثم فالاول كيكان يعاملني بوحشية كنت نتمنى نبعد عليه بصح درك رجع حنين ويحبني ويخاف
عليا ومهتم بيا كيفاه راح نقدر نبعد عليه انا هكداك نخمم ووداد دخلت وشبيكيي غرقولك لبوابر في واش تخمي _في حالتنا درك كيولدت صوفیا شفت هيثم ماش لاقي
روحو بيناتنا لازم يخير وحدة فينا _واش يخير هو من الاول قال يحبك نتي وراح يطلقها هيا ووليدو عادي يبقى مرة على مرة يشوفو هيتم ماش من نوع ليضع كبدتو_بصح هكذا نكون انا السبة ليفرقتهم وماخليتهمش يجتمعو_ايبيه عليك شكون قالك نتي سبة ياك نتي مرتو لولا ورجع يحبك ويموت على الارض ليتمشي عليها بركاي من تخمام الخايب وخمي في روحك برك وهيا تتقهواي راني نستناو فيك _ كيخرجت طلعت وهبطت في تخمامي صح عندها الحق علاه نلوم في روحي ماش انا السبة هيا فالحق انا هيا مرتو الأولى وانا ليتزوجت معاه بنية صافية اماهیا غدرت بيا بيها بيماها وكانت تجي مع هيثم لدار باه تفسد عليا وكانت ترقد معاه ودیر امور قدام
عيني وتحرشو عليا هيا كانت انانيةوحاقدة عليا ولو تعرف اني ختهاوهكدا تزوجتو غيير باه تحرقنيي وكانت تشوفو يضربني ولا يوم
جات عاونتني بالعكس كانت تحرش فيه عليا وتتهمني في كلام ما قلتوش كانت تذلني وتحقرني شبعتني أهانة وحتا وصلت تهددني باه تخليلي داري وتديلي بنتي وحتا وصلت بيها تسحرني ومتأكدة هيا ماكانش
غيرها وفالاخير جابتلو طفل باه تضغط عليه باه يخيرها هيا ويحاوزني من حياتو وهيا تشووف بالعين وتضحك عليا وتفرح في بلاصتي وتعيش حياة كانت من اامفروض نعيشها انا نن يافردوس غير هادي ماتصراش موحال نطلعلها راية الاستسلام ليراهيي تحلم بيها نوضي على رجليك ونفضي الغبار على روحك وريلها زنبع وين يتباع هيا يافردوس بينيي شطارتك وحداقتك كما حرقي هيثم من قبل وخليتتو يلهب باه وصل ليا زيديي احرقي صوفيا وهيا حية تبقى تشوف بعينيها كيفاه نديلها
هيثم من بين ييديها وماتلقى حتا فرصة باه تجرحنيي خلي الجرح والبكاء والنديب ليها خليها تكون هيا الخاسرة ونتي الرابحة وكلام هيثم واضح كان باغي يفهمني باي حاب نكرمك باه نملكك بمعنى حاب
يختارني انا وهكذا نكون ملكو وهو يكون ملكي ملكي وهادا ملهم بالأفعال ماشش بالأقوال وهكدا نكون حققت العدالة الإلاهية وجبت حقي كامل مكمل وعلاقة هيثم بوليدو يشهد عليا ربي ماش راح نفرقو عليه بصح لازم نخمم في روحي من حقي ندير
استقرار لنفسي ومبدأ نمشي بيه نكون قوية ومانخايش عدياني يتشفاو فيا بيها بمواليها عدبوني ومازالو لليوم يعدبو فيا هيا لقاتهم على كتافها وانا مالقيت غير هيثم وفاميلتو لهني وخلاص یا فردوس خمي في عمرك وبس .
الحلقة 87
بقلم لينا صبرينة
خرجت لقيتهم يتقهواو تقهويت معاهم وشايخنا شوي عليهم وقاتلي خالتي ثوفيا ناويا تطير بيه غيرك ماتخليلهاش الفرصة هاديك راهي لفعى وحيلية درك تخلي وليدها هو الطعم تاعها باه تتقرب من هيثم _ ماتخميش مار راح نخليها _صاحيتي بنتي الفحلة لازم عليك توقفيها عن حدها وتعرفي تكسبي راجلك ليك _ايه انشاءالله .وينو عمي يديني لداري _ راه خرج ما نعرف ادا يطول _ ممم خسارة _ ونتي علاه حابة تروحي زبدي قعدي يامات حتا تبراي مليح وزيد والفاناك _ راني نشووف في روحي مليحة وحابة نبعد هيثم منها _ماعليش مالا اصبري حتا يرجع هيثم _ايه نستناه _ فليل كيجاءقتلو نتعشا و ونروحو _ ايه انشاء الله. بعد ما تعشينا راح خرج وشوي ورجع ماش عبد مقلب وجهو. خير وشبيك _ لق ## هاديك كون ماجاتش بالعملية راني هرستها كانتحابة تمنعني نشوف اسلام _ وشفتو ؟_ايه شفتو بصح طلعتلي لاطسيو رخيسة .هيا ادا واجدة خلينا نوحو _ ايه هيا . بقيناهم على خير وخالتي توصي فيا باه توقف معاه وتجبدو ليا وانا غير ايه ايه _ رحنا لدار دخلنا دوشت و حكمت بلاصتي وهو شوي جاء عندي تسطح قدامي .هيثم راك بخير _ ايه لاباس علاه _ وجهك مشنف ومقلب _ راكي علابالك قلقتنيي بكلامها وليجاست شغل حابة تحكمني من يدي ليتوجعني التافهة اصلا غير نخمم فيها نقلق ونقول لعمري نروح نجيفها ونتهنى من خليقتها وسيرتها _ماعليش مايستاهلش تمرض وتقلق روحك عليها ولا تخمم توسخ يديك فيها خلي ربي يتولاها وخلاص _ دور ليا وحط يدو على خدي _ فردوسة علابالك علاه نحبك _علاه _ باسكو عندك قلب حنيين وطيب وعندك شخصية تتغلبي على كل ضعفك ليداخلك ليشوفك مايقولش هادي تربات وحدها عندك عقل وقلب قاريين الدنيا مليح _ حمد لله _ ايه حقا غدوا الاحد رايح للمحامي نخليه يزيد يزرب في اجراءات الطلاق حاب تتهنى منها في اقرب وقت كرهتها وكرهت سيرتها وكرهت اسمها معلق باسمي _ ربي ورحمتو _ونتي لوقتاه تبقاي معلقة فيا في شباكك حابك تحني علا وترخفيلي الحبل _ حطيت يدي على وجهو. مالا داويني بحنانتك حاب غير حنانتك ليتداويلي جروحيي - فرحتو دیراکت بانت على وجهو وحضني وزير عليا وبقا يتغزل بيا وخدا واش حاب وصح كان عطشان و محروم ......... فات شهر ونص وعلاقتنا تتحسن بالتدريج وكما وعدت نفسي هيثم ليا وبس مانخليهش يروح ليها ومانخليهش حتا يخمم فيها بصح وليدو دايما يروح يشوفو وهادا حقو جامي نحرمو منو وكلما يحكييلي عليه نحس بلهفتو وحبو لوليدو ونطلب رربي يعوضني ويرزقنيي بطفل يعوضنا على الحرمان _ وحد نهار حتا سمعت طبطيب فالباب بالقاوي رحت قلت شكون سمعت صوتها صوفيا قاتلي افتحيي _مانفتحش واش تحوسي نتي _قتلك افتحيي _خلييتها ورحت عيطت لهيثم خبرتو قالي درك نجي وماتفتحيش .خديت رايو مافتحتش بصح هيا راح تكسر الباب من لخبيط ولعياط ونسمع فالحيران يهدرو معاها بهدلت ببينا بقات تقول هادي سراقةوخربتلي داري وراجلي راح يطلقني بطفل _ بقات تغلي حتا سمعت الباب تفتح بالمفتاح مع صوت هيثم -ادخلي ### بهدلتينيي قدام الناس صوتك راه فالشارع يتسمع واش بيه قسامك واش تحوسي جايا هاجمة على داري واش فهمتك ووصيتك .
الحلقة 88
بقلم لينا صبرينة
جبدت من صاكها ورقة وقابلتها لوجهو _ حاب طلقني ياهيثم حاب تيتم وليدك الورقة تاع الجلسة فالمحكمة وصلتني علاه يعني واش درتلك انا فهمني _ هدرنا في هادا الموضوع من قبل وقتلك نتي ماعندكش بلاصة في حياتي واشش نزيد نفهم ونشرح كتر _ ووليدك وشبيك راني ولدت وجبتلك طفل واش خصك معايا واش مدتلك هادي الكلبة وانا ما مديتهولكش شوف برك الفرق بيناتنا شف ليا وليها _ايه عندك حق كاين فرق وهوما الأخلاق والتربية هادوك لقيتهم عندها ونتي مالقيتهمش فيك نتي وحدة رخيسة و كدابة استغلالية ومصلاحجية اناية حقودة خبيثة وحرايمية من لخر كل صيفات الشر فيك_ يعني عمرتك عليا ياك _ جات تقدم ليا ووجها كلو شر لقيتو حكمها من دراعها ورجعها لور وين وين زادمة هكدا ماش دايرة حساب ليا اسمعي مرتي خط أحمر ماتقربيش منها ودرك ديقاج من داري قبل مانرفع يدي عليك راني نغلي ونفور من داخل_ هكدا يا هيثم قدامها
راك ترخس فيا وخنت عشرتناومحبتنا _واش من محبة تهدري عليها من الاول نتي بقناعة منك بعتي ولحتي روحك عليا باطل_ بصح من بعد عقدنا و درتلي عرس وانا على جالك درت كلش قلتهولي وطلبتو مني علاه ماش حرام عليك دور عليا درك في واش ضريتك ياك حبيتك عقشتك وتمنيتك نفدت كلامك وقبلت بمعيشتك وكنت كلما تطلبني نجييك وجامي فسدت عليك علاه عدت تكرهني وسمحت فيا خمم في وليدك شوي (كانت تهدر وتبكي وانا غير نتفرج اصلا هيثم ماخلاليش فرصة نهدر فام بالواجب كامل ) -مانسناكش تقولي خمي في وليديهو راح يبقى عندك بصح راح نبقى قريب ليه وغير نطلقو تزيدي تفهمي مليح _ يعنيي خلااص راه طلقني باه تبقى لهادي الكلبة وحدها يعني راح تخليها تتشفى فيا _ خبطها كف بالقاوي وقالها سكري ## فمك ماتهدريش عليها هكدا يارب العالي عندي عاااام وانا تقولك فردوس نحبها نموت عليها نتي لي ماش حابة تفهمي وتصدقي وطفل هزيتيه مني وانا داير احتياطاتي بصح نتي كنتي خبيثة وخدمتك راني فايق بيها ماكالاه تكدبيني _ اييييه عندك حق انا هاديك ليلة ليجيتني درتها بالعاني وجبتلك ####مقطع غیر باه نهر منك والحمد لله هزيت وجبتك طفل باه نحكمك ليا و درك علاه تتخلى عليا خليه هو يكون بداية لينا ربي يعيشكافهمنيي راني نموووت بلا بيك _ياسيدي ربي نتي ماتفهميش نتيي ماش محتاجك في حياتي فردوس مكفيتني وموفيتنيي وراح نبقى معاها طول عمري هييا مرتي وشريكة حيياتي صيييبو افهميها _(هنا صوفيا رجعت تبكي بالصوت وتحاول وتحلل فيه باه يتراجع قريب تبوسلو رجليه )وهيا فالأرض خطفت روحها قدمت ليا كنت حاسبا راح تضربني بصح تصدمت كيلقيتها ركعت عند رجلياا وتحاول حتا فيا (كما يقولو صح الحب يذل وهكدا موقف صوفيا اليوم يخرح عليها هادا المثل ) _فدوووس ختي حسي ببيا افهمنيني تعيشي اطلقي نتي وخليه يرجعلي انا ياك نتي حنينة مالا خمي في اسلام مسكين يكبر بعيد على باباه واش دنبو انسحبي نتي من حياتنا وخلي هيثم يكون ليا برك ماتنسايش مور ماتزوجتو كان يعدبك ويضربك ويجرحك وكان يجيبني لعندك بإسم عشيقتو كان يهينك ويذلك قدامي كيفاه راح تعيشي معاه هو راه غير يأنب فيه ضميرو من جيهتك مايحبك ماوالو يحبني انا برك والله يحبني برك نتي غضتيه تعيي اخطيه وبعدي من طريقي _ كنت راح نتعاطف معاها بصح قويت روحي وهو جاء نوضها من قدامي _روحي من دار ياللله ماتزيديش تحي لداري سمعتي _فردووس خمي في كلامي _(سمعت سمعت بصح نطقت ماقدرتش نزيد نسكت) _ صوفيا روحي هيثم رجع ليا وحدي انساي يكون ليك ووليدك نوعدك ماش راح نخليه يديهولك وايام ليجيبو عندي راح نستقبلو بالاحضان وراح نمدلو حنانتك بصح ماش راح نكون انانية كما نتي ونخمم نبعدو عليك انا تاني كنت ام ونعرف واش هيا الأمومة بصح باه نسمح في راجلي ونخليهولك هادي نسايها جامي نتخلى عليه وكما موالفة نمشي انا ونعفص على الجراح ونداوي روحي بروحي وصل نهار لينتي تمشي عليهم وماتهمنيش نتيجتك _فردووس راكي تندمي _ماش راح نندم وثاني ماش راح ننسالك خدايمك الاخيرة تاع سحور راني فايقة بلي نتيي بصح وكلت عليك ربي هادا ماكان ولا يفلح الساحر من حيث أتى (وكما توقعت كيجبدت سيرة سحور وجها تبدل وشافت مع هيثم ) .
الحلقة 89
بقلم لينا صبرينة
خاطيينيي واش من سحر تهدري عليه _ مايهمش درك المهم ربي راه كاين هو يجيبلي حقي ونتي عومي بحرك وين تكوني _هيا صوفيا اخرجي من داري وكون برك نحكم عليك دليل بلي نتي ليدرتي عادوك دعاوي شر والله مانخليك حية _ ماش انا راهي تتهم فيا في حاجة خاطيتي _قودييي من دار راني راح نجهل منك _هيثم ربي يعيشك ماطلقنيش قابلة نكون مرتك ثانية عادي بصح ماطلقنيش فردوس ماهيش ختي ماتصدقش ناس ليفتاولك _ اوووه ### طيري من دار _ هيثم راني نموت بلا بيك وساع تندم عليها _موووتي الله لا ينحي عليك واش راحلي فيك انا هيا اخرجي _ياااهيثم افهمنيي ماتتسرعش لمصلحة وليدنا _حكمها من دراعها وفتح الباب خرجها _ شوفي تروحي صينو نعيط لابوليس ماش حاب نوسخ يديا عليك امشي والله راني حاب نرتكب فيك جريمة _غلق الباب في وجها وبقات مدة وهيا تحاول ولات سكتت فهمناها راحت بصح دارتلنا الأعصاب ماقدرتش حتا يرجع يخدم .هاديك ليلة من توتر خرجنا حوسنا باه نبدلو الجو وقعدنا في بلاصة فيها غاشي ولولاد يلعبو ونافورة في وسطنا جو هايل ويرد الروح وينسي واش فات علينا اليوم _فردوسة حبي صراحة ليوم عجبتينني كيواجهتيها هكدا وتحكمتي فيا كنت خايف تتعاطفي معاها وتسمحي فيا وتخمي في اسلام _حطيت راسي على دراعو .ماتخافش ماش راح نتخلى عليك صايي درك القلب غالب _ فردوس سامحيني _هززت براسي وسكت (مانعرف علاه مازلت ماش قادرة ننطق كلمة سماح بصح اكيد يحي يوم وننطقها بصح قبل لازم يرجعلي ثقتي فيه قوية )__هيثم رجع يجيب اسلام لعندي وانا كنت عند كلمتي استقبلتو في حضني ومديتلو حنانتي وهو فرحان بيه وشرالو قش ألعاب قالي خليهم هنا باه كيجي يلقاهم .الصراحة اسلام مد طاقة ايجابية فدار وعمرها علينا بصح يجيبو غير ساعتين ويرجعو لصوفيا باسكو يرضع من صدرها وكييديه نحس بالفراغ مانلقى غير ربي نهزلو يديا ونطلب منو يرزقني بالذرية الصالحة __وصل نهار الجلسة وراح وانا بقيت نستنى فالنتيجة حتا عيطلي قالي صايي طلقنا تهنيت _ طلاقو صح ريحو وهادوك ليومين مور طلاقو حسيتو شوي تحرر شغل صوفيا كانت ضاغطة عليه بزاف_ قلت ليلة نغير جو فدار بصح ماعندي والو لازم نشري عيطتلو هز علياا خبرتو اني حابة نخرج مع وداد كاين امور حابة نشريهم _لالا حبي اصبري كينكمل ونشريلك واش حابة ولا نخرجو كيفكيف ونشرو _ لالا حابة ليلة نوجدها بيدي على بكري كيشغل سوبريز مانقدرش نستناك _ اااه واش قصدك نتي راني بديت ندوب دييجا _ كماسمعت وكما فهمت وفهمك كفاية_اااه ياستوتة هيا مالا روحي معاها وماطوليش وانا نكمل ونجي عند نوارتي نشوف واش موجدتلي _ كوبا وانا عيطت لوداد خبرتها من غير نص ساعة جاتني خرجنا قضينا ورجعنا هيا راحت وانا طلعت وجدت لعشاء وتحلية وطارطة صغيرونة کیکملت تحفت روحي لبست روبة كلها معدسة فالدهبي مشقوقة جيهة لفخد وكروازي على ضهرها (ركزولي على معدسة ههههه) وزينت شومبرة بشمع والورد والبالونات ليشريتهم درت كلشي كحل وبيض وورد أحمر .غير سمعت صوت مفتاح فالباب رحت نجري عندو استقبلتو وهو عجبو ودهش من الحالة ليوجدتهالو وفاتت ليلة كانت ليلة عشاق عوضتو وعوضني على ليفات..... بصح لخبر تاع غدوا راح يكون قاسي وليبعدو يبكي دم للأسف.
____
الحلقة 90
بقلم لينا صبرينة
على ساعتين تاع ليل كنا غير كما رقدنا صونا ثلفونو لاصونات تاع مسنجر هزو شاف معاه ولا رجعو لقدامو .ماحطيتش بالي معاه كنت تعبانة وحابة نرقد بصح كيشفتو زاد فيبرا وناض خرج من شمبرة دخلني الشك .ولييت نضت موراه لقيتو فالبالكون قدمت ليه بلا مايحس شفتو واقف ومقابل لوجهو ثلفون وسمعت صوت صوفيا وبكى وليدو وهيا تحلل فيه وتبكي وتقولو شوف وليدك راه يبكي ماقدرتش حتا نرضعو من طلقتني وانا حالتي مشنشفة وضايعة _ اسمعي ماتزيديش تعيطيلي وادا اسلام بيه حاجة قولي لعمتك تعيطلي ونتي ممنوع تعيطيلي راني رديت عليك غير باه يتنحالي توسويس خفت اسلام كاش مابيه ودرك كوبي وألتاي بطفل راه شاهق بلبكى وادا ماش قادرة على تربية باباه راه موجود _ هيثم ورراسك مانقدرش نعيش بلا بيك افهمنيي ارحمنيي _ تقدري تقدري هيا كوبي وغدوا نجي نجيبو عندي تواحشتو_كيقال هكدا عاودت رجعت لبلاصتي بلا مايفيق اصلا كانت ظلمة ودرت روحي راقدة وهو تسطح مورايا وحشر روحو فيا ورقد ( حالة صوفيا بينتلي بلي قدرت نجرحها ونحرقها بإنتقامي صح كنت انانية في تفكيري بصح مام انا نستاهل فرحة لعمري مانقدرش نزيد نتنازل كتر وهيا الحالة ليوصلت ليها تستاهلها ماش حابة نتشفى فيها كما دارت معايا بصح ربي خلصلي حقي دوبل والحمدلله كينحط راسي على لمخدة نرقد متهنية وبالي مرتاح ) رقدت مانعرف شحال زدت سمعت ثلفونو يفيبري وهو مافاقش بيه نوضتو راح هزو وديراكت هز وقال أنعم _ مافقتتش بااراجل كيفاه سوطا من بلاصتو وكان وجهو صفر قارص شغل مخلوع _ نضت تقعدت .وشنوو واش كاين خلعتني _صايي راني جاي كوبي _خير واش صرا وين ترروح_ صوفيا وطفل راهم فسبيطار _علاه واش صرالهم _راح بالزربة لبس ويهدر _ ماش عارف هادي يماك عيطت كانت تهدر وتبكي قاتلي دخلت ليها لقيتها هيا رغاوي يخرجو من فمها وطفل قدامها مايتحركش درك داوهم لسبيطار وانا نلحق بيهم ياربي نتا ستار _ حطيت يدي على فمي وهو راح لبس وخرج طيارة بقيت غير نستنى وقتاه يعيطلي ويطمني وانا نعيط مايردش مافهمتش حتا 10 تاع صباح طبطبو فالباب رحت قلت شكون لقيتها خالتي فتحتلها سلمت عليها بيها بوداد جات معاها بصح وجوهم مايعجبوش _دخلو قعدو وشافو مع بعضهم_خيير واش صرا _صوفيا ماتت الله يرحم البركة في رواسيكم_ كيقالت هكدا شوك لحمي . خبر موتها ماكنتش متوقعاتو وزيد قتلت روحها يعني انتحرت شربت دواء وحطت حد لحياتها للأسف .وعلى حساب وا حكاولي واحد ما قدر يأمن انو وحدة كيفها قارية ومثقفة تنتحر وكامل يتساءلو على سبب ليخلاها دير هكدا .والشيئ الأصعب وعلى واش حكات يماها قالت كان طفل يبكي دخلت عندها قالتها رضعيه راه جاع علاه مخليتيه وهيا هززتها براسها ورضعتو وخرجت وماتولهتش لحالتها وبعد ساعة ولا كتر رجعت ليها لقات رغاوي يسيلو من فمها وطفل قدامها بدون حركة ماعرفتو ميت ولا حي باسكو كانت ترضع فيه (وكان نفس التوقيت ليعيطت فيه لهيثم وبقات تحلل فيه من وراها صرات ) داوهم لسبيطار حاولو مع صوفيا بدون جدوى قالو شربت دواء بزاف ماقدروش ينقدوها وماتت واسلام كانو ناقصو الاكسجين بزااف ولحليب تختر فالبلعم تاعو وزاد خلالو ضيق فالتنفس ودرك راه بلاباراي مانعرف ادا يعيش ولا نو(وهادي نتيجة وكما راهم متوقعين ممكن صوفيا كيكانت ترضع فيه غمتو بصدرها ومافاقتش قبل ماتتغاشا وهادي الحالة تصرا بزاف مع الامهات وبالتحديد وقت ليل يغلبهم الرقاد ولولاد هوما الضحية فيساع يتغمو ويقطع فيهم النفس ).هيثم من راح مازدتش شفتو .صوفيا مور المغرب دفنوها هوما راحو حضرو جنازتها من غير هيثم ليلاتي مع وليدو وأنا ماقدرتش نروح نحضر جنازتها .