موجات حارقة

الجزء 7

الحلقة49
بقلم لينا صبرينة
ليلة فرحوني وزهاوني فيها غير ضحك وقصرة سهرنا غير حنا في خمسة باسكو خاوتو ليمتزوجين بديارهم وحدهم واووحد عازب عايش معاهم واحد فالخارج حتا آخر سهرة باه جاء خوه وجابلي معاه كادو يكتر خيرو حتا هو مانسانيش ودايما يقابلي بضحكة  في وجهو تخليني ننسى أني غريبة عليهم ولا برانية دايما يحسنني اني انا منهم وفيهم من غير خدمتو برك تخلينا مانتلاقاوش بزاف .زادتلي خالتي وعمي كادو ومام وداد مانساتنيش .قرب ليا هيثم _ارواحي للشومبرة نحتاجك _ماش وقتك خليني راني قاعدة _زير على سنانو .فردوووس امشي _هو خرج وانا تبعتو من غير فت على الباب جبدني بالقوة عندو وسكر الباب _بعقلك راح تنصلي يدي ليوم لقيتو زاد حشرني فالباب وبدا يتلمس في شعري _واش ندير نتي ماينفع معاك غير القوة هااه واش رايك فالسوبريز تاع ليوم _مليحة _هادا واش خرج منك غير مليحة _واش نقدر نزيد نقوا مثلا _كون دارولك هوما عيد.ميلادك كون راكي تشكري وتعاودي وتحضني فيهم كيجيت انا ليدرتو قابلتيني ناشفة _ااا فهمتك نتا بالك في هاداك شيئ بصح والله ماتديه بصح يعطيك الصحة على هادي ليلة _يسلمك نوارتي .عطاولك كامل الكادو ودرك جات دالتي حبيت نمدهولك نكونو وحدنا وصراحة تمنيتها في جو رومانسي خير وخير _مالا ماكالاه مانحتاجش _جيت ندور نخرج ماخلانيش _اصبري علاه زاربة _جبد من جيبو باطة صغيرة كحلة تاع قطيفة وفتحها لقيتها خاتم بيضاء وفيها جوهرة باينة ألماس عينيا شللتهم بيها _نحاها من لابوات وهزلي يدي حطهالي في صبعي.هادي الخاتم ليك وعتبريها تاع زواجنا ولقديمة صدقيها ارميها مايهمنيش المهم بهادا الخاتم مادابيا نبداو صفحة جديدة منها ماتقوليش راهو يضغط عليا من غير جات أوكازيو تاع عيد ميلادك حبيت نستغلها هادا ماكان .باس يدي وجبدني من خصري ليه وبقا يهمس في في وذني ويهبط لرقبتي .فردوسة نوارتي حبيبتي والله نحبك نعشقك موت كلشي فيك رجعت نفنى عليه _بقا يهمس ودافن روحو فيا حسيتو تهلوس على اللخر لدرجة قريب ماعرفهوش هيثم صح غرق في موجات حبي الحارقة وهاد الشيئ راح يكلفو نيران مني تحرقو _بعدتو مني لقيت عينيه مدبالين صح راح فيها .صايي بعد مني ماتزيدش تقرب روحك ليا _علاه ماتقدريش تقاومي حبي ليك _قربت ليه وجهي في وجهي ماتصتصغرنيش راني نقدر نقابلك ونقاومك بكل برود ويعطيك الصحة على الخاتم شباب كما الانسان ليجابو  _دورت وفتحت لباب لقيتو طبعها .فردوس قلتي عليا شباب؟ _بصح خرايب هادا الخاتم والانسان من داخل غير ربي يعلم بيهم نورمالمو وصلتك الفكرة وبعدلي نخرج _نحا يدو وخرجت مشيت شوي ودورت لقيتو متكي عند الباب يديه فلجيوب ويشوف ليا وميل في راسو وعينيه يترجاو فيا باه نروح ليه بصح رحت وخليتو .رجعت عندهم قعدت ورفيف كانت في يد خالتي .جات ليا وداد قعدت قدامي هاتي يدك نشوف الخاتم _علاه علابالك _ نن غير كيدخلتي برك بانت حاجة جديدة في صبعك _بقات تشوف ليه وغاطسة وجها فيه عجبها .دخل هو شافها .ودااد قولي الله يبارك _ضحكن وبدات تسمي وتقول صح راحت من بالي .مام خالتي عجبها وقالولي بصحتك وخوه قال وقتاه تخيرولي عروسة نتزوجها ومام انا نفرحها ونعيش اللحظة ردلو باباه قالو زوج روحك انا مانزيدش نزوج حتا واحد اتحملو مسؤولية رواحكم _نطق هيثم .لالا بابا مرات اختياراتك يجيبو نتيجة _قالها وبقا يشوف ليا ويغمز من بعيد ويتبسم دورت وجهي لخوه لقيتو حتا هو يشوف ليا وقال لباباه .ماعليش قابل ادا كانت الطفلة كما فردوس نقبل بلا مانشوفها _كيقال هكدا حسيت الحالة تكهربت وناض قالو نوض نخرجو نقصرو شوي قبل ماتروح ترقد _خرجو بطريقة مباشرة حتا وداد قاتلي راه غار خرجو من قدامك وحتا قادر يرقدو بسيف عليه _بقينا نقصرو حتا قاتلي فهمت كيخرجك قبيل بلي راح يمدلك الكادو وتكونو وحدكم وسور صرا بيناتكم احتكاك ياك ؟ _قالتها وضحكت اسكتي لا يسمعوك ماكاين والو لي في بالك انا وهو عندنا بزاف ماصرا بيناتنا والو عايشين كيف الخاوة _منك بصح؟_ايه واش كان يدور في راسك _يعني مازلتي في عوايدك حسباتلي كيتزوج ممكن تحاولي تقربيه ليه _نقربو بصح مانخليهش يدي واش حاب حتا يمل ويكره مني ويطلقني بإراضتو ومعايا بنتي ونخلي قلبو محروق عليا يعني ماش ناوية نعيش معاه طول لعمر _ربي يهديك هادا خويا ونعرفو موحال يفرط في بنتو غيرك اتعودي على هادي النقطة وعيشي حياتك متهنية _نعرف كيفاه نعيشها ماتخافيش .
الحلقة 50
بقلم لينا صبرينة
نطقت خالتي .واش كاين نتوما علاه توتو بين بعضكم سمعونا_والو خالتي غير نهدرو على قرايتي قريب ندخلها وراني روطار _ماعليش تلحقي _شوي ودخل هيثم وحدو قعد قدامي واش فردوس واش رايك نباتو هنا _مادابيا _اوك مالا رانا بايتين _زدنا شوي وشفت رفيف رقدت هزيتها من حجر خالتي ورحت حطيتها في بلاصتها فشومرة وجيت رايح ندوش بصح ماجبتش معايا بيجامة رحت لوداد تمدلي حاجة من عندها من غير دخلت لقيتها تهدر فثلفون وقالت فردوس ماش ناويا ترجع لهيثم وزيد ليوم دارلها كادو خاتم تشوفيه تتغاشاي يبان هو ماش راح يسمح فيها _وداد مع من راهي تهدري وعليا _وجها تخطف كوبات وقاتلي والو من غير مع صاحبتي نحكيلها على ليوم _صاحبتك تحكيلها واش حكيتلك انا وفي هادا الوقت _ضحكت وقاتلي زلقة لسان برك _ماعليش اعطيلي حاجة من عندك نرقد بيها ماجبت والو في يدي _مدتلي بيجامة بصح قلبي نقزني منها .دخلت دوشت وحكمت بلاصتي دخل ورايا ديراكت رمى روحو على سرير _تعبااان فردوس وحتا روحي تعبانة _أرقد _حاب حضن دافئ_روح عند مرتك _نخلي الزين ليقدامي ونروح موحال هادي _بركا ما تخلط وتبلعط فيا مام صوفيا زينة _دور ليا مليح ورقد بكرشو .اوووف ماكيش فاهمة نتي بلي رجعتي نتي هيا حياتي خطفتيلي قلبي وعقلي وعينيا رجعو غير يشوفو فيك _شفت معاه وليت هزيت مخدة حطيتها مورايا وعطيتو بالظهر رقدت ديراكت مام هو رقد كما خليو يبان صح تاعب حتا لصباح فطن برفيف تبكي ناض مدقدق راح دوش ولبس من قشو ليكاين فلخزانة وراح لخدمتو قالي لعشية نجي نديك _وفات نهاري عادي حتا لعشة جاء ورحنا لدار من غير دخلت للبيت تفاجأت كيلقيت فيها شومبرة جديدة بلون بيضة ورمادي وفيها كلش سرير ماطلا فراش كاش ريدو خزانة ليكوموند قوافاز طابوري تاعو وبيرو صغير فيه كتابات تاعي  عجبتني صراحة حسيت نفسي داخلة بيت جديدة عليا _واش رايك فالمفاجأة الثالثة _مليحة _عارف هاديك شومبرة عفتيها عليها جبتلك وحدة جديدة ومنها تاخدي راحتك كتر خير من كنتي _رحت حطيت رفيف على سرير تلعب ونحيت خماري وهو مازال يتفرج وقالي الله يبارك نورتها فردوسة بطلتها الزينة .من غير قالها  حتا لقيت هاديك طبعتو من ظهرو ودخلت تقول راكبها جن بدات تطيح فالهدرة وتعاير فيه وليفيك وليفيك وماكش راجل مخليني هنا وديتها دايرها لانيفارساغ تاعها ومن فوقها خاتم وشومبرة جديدة انا مادرتهمليش عدت رخيس وطحان ماش راجل ماتسواش راني نشوف فيك رجعت تحلل فيها و عادت هيا لالاك وتمشي فيك كما الخاتم في صبعها ورجعت تعبدها ياالخانز _هو هبل من عقلو من كلامها وكركرها من شعرها للشومبرة وغلقها وبدا سبان وضرب وهيا غير تعيط وتبكي وتشهق صوتها قريب يتقطع حسيت احبالها صوتية قريب يتقطعو وهيا تحاول فيه باينة بلي عنفها وضربها ضرب الموت وليت قاعدة وحاكمة رفيف لحضني ونرجف في بلاصتها وليت مانحملش نسمع صوت الضرب نحسو في لحمي أنا وهو بسلامتو طول وعرض يضرب العبد يتغاشى بين يديه وزيد كيفاه فاقت بلي دارلي عيد ميلادي وجابلي خاتم زعما هو يكون خبرها .انا هكداك وهو فتح الباب وقالها تبقاي هكدا ونربيك من جديد .غلقها وخرح من دار .بقيت نسمع فيها تنازع ونبكي بكل صراحة غاضتني ولو تستاهل بصح ماقدرتش نسمع فيها تدير في هاديك الأصوات ونبقى قاعدة رحت ليها نفتح الباب لقيتها مغلوقة _صوفيا افتحيلي _غلق الباب عليا وراح ونتي أخطيني مانحتاحكش يالمسمووومة _رجعت للبيت نحيت قشي ورحت للكوزينة ندير عشانا وهيا ربي يسهل عليها حبيت نعاونها وماقدرتش واصلا ماش حابتني تخبط راسها للحيط مالا _شوي ولقيتو دخل لقاني فالكوزينة قالي ماكالاه ديري عشا هيا نخرجو شوي روحي لبسي _شفتو دخل عندها وانا لبست وبدلت لرفيف سمعتها قاتلو حرام عليك _جاء زدم عندي لمزية ديجا لبست ماحبيتش ناقشو خفت يكمل عليا وهو بغشو _غير كملنا رحنا تعشينا ودرنا قعدة وتصورنا عند الجسر وهو بقا غير يضحك ويقصر كأنو ماصرا والو وفي قلبي (قبل بشهور من قبل تاني كان هكدا يضربني ويخليني مرمية فالأرض ويروح عندها يقصر ويضحك ويتمعشق ودرك تقلبو الأدوار) _رجعنا لدار وهو دوش ودخل عندي تسطح وهاديك ماخرجتش كامل من شومبرة يبان مازال حابسها _هيثم خلي صوفيا تخرج من شومبرة لاه حابسها _أنعم كيفاه؟!_علاه حابس فيها خليها تخرج علاه تظلم فيها ياك ضربتها صايي _ونتي واش دخلك هادي حاجتي انا واش راحلك نحبسها ولا نطلقها _علابالي ماعندو مادخلني فيكم بصح ماش حابة نشوف هادا المنظر قدامي وزيد من صباح وهيا تنازع _تنهد وقتالي فهمتك بصح خليك بعيدة على هادا الموضوع وديريها شغل ماكانش وغلقي الباب _ربي يسهل ودرك خليني نرقد _وين نروح ماش حاب نروح نقابلها _روح لصالون دبر راسك مام انا ماش حابة نقابلك ونرقد_ياااو أرقدي ماش راح ناكلك وخليني راني تعبان ماش قادر نزيد نمد خطوة لا بيدي لا برجلي _غمض عينيه ويبان رقد ديراكت وانا زدت رقدت رفيف ورقدت .
الحلقة 51
بقلم لينا صبرينة
صباح نضت من غير فتحت عينيا قابلني وهو راقد كان عندي بزاف ماشفت فيه بهادي الطريقة ولا ركزت مع ملامحو وليوم شفت في وجهو هيثم لقديم ليعشقتو وانا ضعيفة ونحارب فالموت وكان واقف معايا .فالوقت ليراني نقلب في مشاعري بين الحاضر والماضي تمنيت كون ماصرا بيناتنا حتى حاجة بايخة تمنيت كون عشنا مع بعض في مودة ورحمة وحب وبيناتنا وهدوء وسلام في وسطنا. قعدت نشوف معاه وتايها في مواصفاتو هو عندو زين عربي حر .شفافو كيبسمو كانو يدو قلبي معاهم ولا خزرتو بهذو لعينين لكبار السود تحسيهم عالم آخر وحتا بشرتو كنت عاشقة فيها هاداك الوقت حبيتو بكل تفاصيلو لأنو ملامحو كلها رجولة تخليك تعشقي فيه بلا حتى ماتفيقي لنفسك طولو وحدو كيوقف قدامي يخليني ندخل بعضي ومنعرفش نتصرف و شخصيتو مايقدرش اي واحد يفهمها طاغي عليه التكبر مايتعاملش مع اي كان مرح وضحوك في بعض المواقف يحب يقصر يشايخ مع ناس ليحبهم يفتحلهم قلبو بصح كيتقلق ولا يخلط فيه واحد ميحكمش روحو متسرع في ردة الفعل والغضب تاعو يتغلب عليه بزااف ويعود ميعرف لاكبير ولا صغير يفسد ويكسر كلش وحتا لقلوب ومبعد كيهدى يجي يطلب السماح ويدير كلش باش يرضيك بمعنى عندو ثقة في نفسو أنو قادر يصحح غلطتو بأي طريقة عندو شخصية متمردة متسرعة وقت الغضب وطيبة التعامل في بعض الأحيان بصح اذا حب انسان ودارو في قلبو يحطو سلطان ويعيشو ملك يحتويه من كل الجوانب وهاد شيئ شفتو في تعاملو مع والديه وكيكان مع صوفيا وكيعاد معايا .للأسف هذا هو الانسان لعشقتو وحبيتو وحاولت نقتل حبو في قلبي ونحاول نطيحو في شباكي باه يذوق نفس الطعم وفي هادي اللحظة وانا تايها فيه ومتمنية امور بزاف في عقلي زدت حييت حبي ليه بلا مانفيق لعمري ورغم كل المعانات والظروف والعنف ليخديتو من عندو بصح تغيير تاعو خلا قلبي مازال متعلق بيه وعرفت بليي هيثم هو لعنة حياتي وماش راح نقدر نتفك من لعنتو ليسلطها عليا_انا هكداك تايها عقلي سارح فيه لقيتو راح يفطن زربت نضت بزربة باش ميفيقليش _صباح لخير _رديتلو بلا مانشوف ليه وخرجت غسلت ورحت للكوزينة حطيت لفطور وهو سمعتو طول معاها يهدر ودخل عندي فطرنا وغير يضحك ويهدر فيا بصح ولو اعترفت لنفسي مازالني معاه بنفس الحالة او نتظاهر بيها باه نوصل لمبتغاي _فردوس _ اممم _ماش ناويا تبداي تقراي راهم سبقوك _هاد ليام ندخل ونتا شوف بمعرفتك وحل حكاية غيابي وادا ماتقدرش نقول لعمي _نن خليها عليا انا ندبر راسي _بصح درك راه كلش تبدل لعام ليفات ماش كما هادا العام لازم تعرفي وين تحطي رجليك _ايه ان شاءالله اصلا من بكري مانهدر مانداصر حد _مادابيا هيا أنا نروح درك وهاديك مالكالاه تقربي ليها حدك حدها و راني فتحتلها الباب وزيد ليوم عندي خدمة ونطول باه نجي كشما حتجتي عيطيلي برك _اوك _ ناض قرب ليا و باسني من جبهتي ربي يخليك ليا ان شاءالله _كيدار هكدا رعشة مشات فيا وضعفي بان في قلبي لمزية راح ماتولهش .شحال صعيبة كينبين روحي قوية وحاجة ماتهززني وهيا غير بوسة على لجبين دخلتني بعضي ربي يقدرني وخلاص _بعد ماراح حطيت رفيف على الكرسي تاعها ورحت نغسل فلماعن سمعت حس صوفيا وهيا غير تدعي عليه وهزت بيدون راح تسيق هناتني .كيكملت زادت كملت على الكوزينة وتهز وتنفض ووجها حبت تغطيه عليا بشعرها الطويل والغاثي بصح قدرت نشوفو زرق ومنفوخ حتا لحمها زرق حسيت بأوجعاها الخارجية_خرجي من قدامي خليني نكمل تسياق _هدرتها وهيا مهبطة راسها وليت هزيت بنتي وخرجت ماش حابة ندخل معاها في نزاع واصلا منين جاتها شطارة تسيق باين هو خوفها وهددها بالضرب كما موالف يديرلي من قبل .اوووف من الأحسن مانتفكرش بقيت غير فالبيت غالقة على روحي وهاديك حسها مازدتش سمعتو خرجت للكوزينة لقيتها مقلبة مانعرف واش دارت كلات وخلاتهالي .ماعليش وليت فرزتها ودرت غدايا تغديت _مور العصر  غير بدقايق سمعت الباب تاع دار تفتح وتغلق بالقوة سوطا قلبي معاه .اااو علاه جاء ياك قال يطول ليوم .جاء عندي ووجهو ماش تاع خير نيران شاعلة فيه حتا خفت منو وينهي هاديك ###_فالشومبرة نورمالمو_روحي لبيتك وغلقي الباب على روحك ماتخرجيش حتا نجيك _علاه _يااالله ديري واش قتلك ماتقلقيتيش _هززت براسي ورحت للبيت ونسأل في روحي واش كاين كيسمعتو دخل عندها فتحت الباب بشوي باه مايفيقليش سمعتو قالها _هكدا ديريها بيا وتقابلي فيا بوجهك وتخدعي فيا وزيد ساكتة علاااه كدبتي عليا علاه ماصارحتينيش من الأول واستغبيتيني راني عرفت كلشي يارخيسة _خفت نخسرك عليها سكت _غمي فمك ###كما نتي تلعبيها عليا واش تحوسي ياك عطيتلك قلبي ودخلتك لداري عليها وعصيت ربي ووالديا على جالك وفالأخير تجازيني بالكذب تاعك _نتا عصيت ربي انا خاطيني ياك من الأول قتلك قابلة بيك كما تكون تكون مايهمنيش بصح نتا زودتها وكانت بإراضتك تخلي مرتك تشوفك ونتا تعاشر فيا ماتخلطش فالهدرة كونك راجل وصحح غلطتك معايا قبل ماتصححها معاها وماعندو مادخلك فالشيئ ليخبيتو عليك  _كلبة ##### ليوم موتك على يدي _ كيبدا يكسر ويخبط وهي تحاول فيه باه يحبس تخلعت رجعت غلقت الباب واش صرا حتا جاء يلوم فيها ويضرب _من غير قعدت حبس التكسار ولعياط ولخبيط .
الحلقة 52
بقلم لينا صبرينة
رجعت فتحت لباب .زاد خلعني كيخبط الباب تاعهم وقالها علاااه درتيها واش تفاهما راح تجهليني نتي تحوسي ندفنك ونتي حية _دخلت وبقيت لتم مازدت خرجت حتا دخل عندي هو لقاني قاعدة على سرير .راني خارج وليلة ماش راجع _خرج من عندي وقال هيااا نتي عااام باه تلبسي .راح ليها وبقا غير يسب ويعاير وانا نضت نتفرج فيهم وهيا تلم في قشها وتبكي ووجها كارثة بدمومات ودموع رجعها شيفونة .
كيخرج من شومبرة وشافني نتفرج فيهم ماقال حتا كلمة بصح هيا قاتلي والله يافردوس حقدي عليك غير يزيد ومن ليوم اتوقعي مني أي حاجة نخرجهالك من عينك وماش بساهل تخرجيني من داري_قدم ليها خبطها برجلو لرجلها اسكتي و ديقاااح من داري يااالله امشي قدامي لاليوم نتبلا بيك صح _خرجو وفهمت بلي داها لدارهم وحاوزها .بقيت على أعصابي ماش فاهمة واش كاين حتا من نوم فليل ماجانيش وصلت 4 تاع صباح باه دخل لقاني فاطنة _علاه مارقدتيش _ماقدرتش _فردوس من ليوم صوفيا ماكانش في حياتنا .قالها وراح للشومبرة غلق عليه الباب _فاتت سمانة وهو ماهاهوش مليح وحتا الهدرة ماكانش معايا غير يتيه فيا وساكت وبعد يامات رجع لطبيعتو لقديمة يدير أي سبة باه يتقرب مني ويبقى يطلب فسماح وفي فرصة ثانية وانا في تفس عقليتي مطشنة فيه على لخر _فاتو شهرين نفس روتين برك دخلت فيهم نقرا وبنتي حبيبتي كبرت رجعت دبدوبة الله يبارك وغير تحلى وصوفيا من هاداك نهار مازدتش شفتها ولا هو جبد سيرتها وماش فاهمة ادا طلقها ولا نو وغير نجي نهدر عليها يسكتني وهادا الهدوء تاعها ماش مريحني اكيد وراها مصيبة هيا ماش من نوع ليسكت على حقها __نضت صباح بديت برفيف هي لولة باش نديها عند دار عمي وانا نروح للجامعة كيكملت ديتها معايا لكوزينة رفدها هيثم وقعد يلعب معاها وانا درت لفطور  فطرنا وخليتو معاها ورحت لبست حجاب نوار مع باسكات بيضة وخمار و رفدت صاك ورحنا لدارهم حطينا رفيف ومن تم للجامعة كنت نقرا معضم الأحيان غير يومين في السمانة برك لتيدي ولباقي كور منحضرهمش وهيثم كما كل مرة نفس الهدرة طريق تامة وهو يوصي فيا ماتهدري مع حتى واحد وماتشوفي في حتى واحد وكشما يديرونجيك عيطيلي وانا غير ساكتة ونسمع _ فردوس راني نهدر راكي معايا _ وي راني معاك _ايه نشوف فيك غايسة المهم ماتخميش خليها تسير كما كاتبها ربي وكيتكملي عيطيلي نجي نسرق نص ساعة نوصلك ونشوفك فيها _كيوصلنا كجيت هابطة لاح يدو حكمني من ذراعي واش رايحة هكذاك _علاه واش كاين_ يافردوس بزااف عليا على لاقل بوسة طفي ناري لشعلتيها _ اطلقني راح عليا لحال واش راك تهدر _مانطلقش حتى ندي بوسة_ هيثم وشبيك اطلقني والله راح عليا لحال _ ايه بوسيني وروحي ساهلة خلاص_ اففف قدمت ليه بستو كيشغل غير حطيت خدي على خدو برك وبعدت . شاف فيا _واش هادا ختك انا حتى تبوسيني هنا_ حطيت خدي عليك وتزيد تهدر بزايد عليك وافتحلي لباب خليني نهبط ولا نبدا نعيط ونلم عليك الغاشي  _خلاص روحي بركاك من لهبال_ كيفتحلي لباب تبسمت _ياااي شوفي وجهك شحال يولي شباب كيتضحكي وزاد لغمازات تاعك يقتلو_ايه علابالي بروحي _شوفو شوفو كيفاش راهي تتعزز عليا_ هبطت وخليتو يضحك وتايه فيا _رحت قريت ربع سوايع يعني فترة صباح برك كيكملت عيطتلو_ اهلا نوارتي واش راكي _ لباس الحمدلله ونتا _الحمدلله اول مرة مرة تسقسي عليا .انا غير سمعت صوتك ياحبيبي وليت لباس_ المفيد راني كملت تجي تديني _موحال نقدر نخرج درك راني خدام عيطي برك لبابا يجيك_ صح نحسب تجي نتا باسكو قتلي نسرق نص ساعة_ علاه توحشتيني حابة تشوفيني ؟_لالا غير قبيل كنت معاك علاه نتواحش فيقورتك انا _امم معليش كينجي كاين هدرة  حاب نحيكها معاك _خير كاشما كاين _لعشية كينخلص الخدمة ونجي ونهدرو _اوك كما تحب مالا كوبي و تهلا في روحك_ ياعمري ياعمري على هذي لكلمة لحلوة منك _ عادي نتا برك تكبر فيها _ماعليش خليني نكبرها راني ناشف كما القربوط تاع فلفل الحار الناشف من برا يابس ومن داخل يكوي بالحار هكداك حالتي انا من داخل راني غير نستنى وقتاه ترضاي عليا ونوريك هيجان حرارتي _ااااه بديت تخلط فالهدرة باااي _زربت كوبيت عليه باسكو يبان راح فيها وعيطت لعمو رابح جاء داني عندهم تغديت برك ورجعني لداري مع رفيف بصح حالتهم ماتعجبش حاسة انو كاينة حاجة بيناتهم ماقدرتش نفهمها حتا سيرة صوفيا مايحبوش يجبدوها _كيرجعت لدارحطيت رفيف في بلاصتها كانت راقدة ورحت دوشت وصليت وبقيت مع قرايتي بصح ماقدرتش نركز معاها بقيت غير نخمم واش حاب يهدر هيثم معايا من كلامو كان سيريو _فليل درت لعشاء طعام بمرقة حمراء غير كملت هو جاء من لباب يعيط علينا .
الحلقة 53
بقلم لينا صبرينة
وينكم نواراتي _ هاني هنا علاه تعيط _قدم حضني وباسني من راسي وليت جبدت روحي عليه ونحسو يتقلق من وجهو بصح مايدير حتا ردة فعل يصبر في روحو _ واش راكي راني جاي ونخمم فيك واش درتي فيها ليوم _ فوت قبل اغسل لعشا راه واجد _مالا ندير دوش ونجي_هو راح دوش وانا جبت رفيف حطيتها قدامنا فالكرسي تاعها ودرتلها لعشاها سوب خفيفة وهو كمل ودخل قعد تعشينا بصح شفتو مقلق _ وشبيك هيثم تبان حاجة بيك_ والو كولي برك ومبعد نحكو _كملنا غسلت لماعن ودرت دوش قاعدة نمشط في شعري مقابلة لمرايا وهو متسطح فوق سرير رجع يجي عندي بزاف وفليل بسيف نحاوزو من قدامي _وبدون مقدمات  نطق _فردوس راني طلقت صوفيا_نزلت المشطة ودورت ليه_منيتك تحكي -ايه والله طلقتها _رحت قعدت قدامو.كيفاه طلقتها قصدك بفمك ولا بالمحكمة _ليوم بعد ماوصلتك هزيت بابا ورحت عندهم وطلقتها بالفم برك قدم والديها وفهمتهم بلي فض المكتوب بيناتنا ماعندهاش رجعة لداري ودرك نستناو المحكمة مازالت تطول _ علاه واش صرا بالضبط حتا طلقتها _ ماصرا والو كنت كسرتها وتزوجت بيها قدام ربي وعبادو وسترت عليها وقت وطلقتها درك انا منخليش بنات حرام على اسمي _كيقال هكدا طلعتلي السخانة من الغش .واش واش جاي تقولي فيها بكل بساطة كسرتها وسترتها اواه نتا والله غير خاصاتك حاجة ولي هيا الحياء _وشبيكي طرتي فيا ضربة وحدة عادي راني نصارح فيك _هاذا وين فقت بلي هيا بنت حرام كما كنت معاها فلحرام كانت زينة تهبل ومبعد ولات بنت حرام _علاه راكي تدافعي عليها_ماش ندافع عليها راني نهدر على طريقة تخمامك على بنات الناس ماعرفتك مثقف ولا جاهل _كاين حوايج ماتعرفيهمش _ايه مالا فهمني واش كاين بالضبط_ شفتو سكت وملامح وجهو تبدلو _اهدر هيثم وشبيك _ زعما كون نحكيلك راح تصدقيني _نتا اهدر وانا نحكم _صوفيا كيدخلتها لهادي دار اول مرة وعينك تشوف كنت متزوجها بالسر بالفاتحة _بقيت نشوف معاه بكل صراحة ماقدرتش نصدقو _شفتي قتلك ماش راح تصدقيني _كيعدت كنت متزوحها علاه ماهدرتش من قبل علاه بقيت تقولي هادي حبيبتي.شوووف بركاك ماتكدب باه تشفع لنفسك _خلااص مكدبتيني صايي ماكالاه تصدقي ماش راح تفيد هادي الهدرة _علاه ماهدرتش بلي متزوجها فهمني باه نعرف ادا نصدقك ولا نكدبك _كيتزوجتك كنت معول نتزوج بيها بصح لا بابا ولا عمتها قبلو وبابا بداني بدعاوي كون نتزوجها.ولتم انا زاد حقدي عليك حسيتك نتي سباب تعاستي كون مادخلتيش لحياتي كون تزوجتها عادي وماكانش ليرفض بصح المكتوب عندو كلام ثاني _علاااه راك مازلت تفكر فيا بلي انا سباب تعاستك وبلي انا ماش الانسانة ليتمناها قلبك وييين حاب توووصل . جاء قرب ليا كتر وحكم يديا بالقوة .فردوس حبيبتي اتهدني انا راني نحكيلك على الماضي والماضي ماش نفسو الحاضر ليرانا نعيشو فيه العام ليفات كنت نكرهك بصح درك راني عاشق ولهان فيك عاشق نادم على كلشي وطالب العفو والرضى من عند ربي ومن عندك ودرك خليني نكملك وابقاي تسمعي برك ماتقاطعينيش _كلامو فورني من داخل وليت نفيبري وحدي بصح فضلت نزيد نسمع واش حاب يهدر.ايييه انطق قزل واش عندك  _بعد مارفضو كامل مالقيتش حل خلاف من غير نجي نخرج فيك غشي كل مرة ندير سبة ونعطيك طريحة ولا ... خلي مانقولهاش المهم وحد نهار وانا خدام جات عندي صوفيا للبيرو واقترحت عليا نتزوجو بالفاتحة برك ونخلوها فالسر بيناتنا حتا تهز بالحمل وساع نحطوكم كامل تحت الأمر الواقع وتقبلو بزواجنا .فالأول رفضت وبعد اصرار منها انو قابلة بمعيشتي وقابلة تكون زوجة سرية وبمعنى ثاني قبلت تكون عا#رة في فراشي فلحلال منين تنفحلي نعيطلها تجيني وماتستناش مني مقابل انو نتزوجها قدام الناس إلا اذا هزت الحمل او بابا ووالديها يقبلو بهادا زواج وكما كان لحال جبت ايمام وشهود وتزوجنا وحتا كريت دار كنا نروحو ليها ومرات نجيبها لقدام عينك غير باه تكرهيني وتروحي وهددتك وكلشي ورحتي حكيتي لبابا انا لقيتها فرصة أنو يتقبلو الواقع يعني بابا يفهم بلي هادي الطفلة كسرتها ومحتمة نتزوجها ونسترها عليها هاداك الوقت قتلك درتي فيا خير بلا ماتفيقي لروحك.ومن وراها نتي هزيتي الحمل وكلشي تبدل مشاعري تعاطفو مع البيبي لي في كرشك بصح بقيت نتلاقاها عادي ومور مازيدتي قبل وقتك بسبابي وعرفت بلي خاطيك مع هاداك نيميرو قسما بالله من وقتها  قعدت وحدي وحاسبت وفرقت وحسيت بندامة تاكل فيا بقيت نسقسي في روحي واش ذنبك نتي حتا نديرلك هكدا وبعد تخمام قلت لازم نبدل معاملتي معاك ونقبلك زوجة ليا بكل حب وكما كان الحال حبيتك ودخلتي لقلبي ونكدب عليك كون نقولك ماكنتش نروح ليها رحتلها مرتين مور زيادتك وادا تتفكري وحد نهار استفزيتيني وحاوزتيني وقتلك تندمي هاديك ليلة عيطتلها ورحت ليها بصح من وراها فاجأتني بتهديد وقاتلي يانتزوجها قدام الناس ونصرح بلي متزوجين ولا تشوه سمعة تاعي فالخدمة ولو بلكدب وتقولهم لعبت بيها ورميتها واصلا عندها ليفوطو تاعنا يعني كلش بالدليل كانت حيلية وقارية أفكاري بلي دايرها للمتعة .
الحلقة 54
بقلم لينا صبرينة
انا كلشي كلشي ولا سمعة تاعي تتشوه فالخدمة يعني خدمتي حساسة وهيا خط أحمر وعارفة بلي ديرها وساع صورتي تتوسخ.خممت وخممت وجاتني صعيبة كيفاه ندخلها عليك ضرة ولو كنتي رافضيتي وحارمة فيا بصح غضتيني وماش حاباتك تزيدي تكرهيني فالوقت ليكنت حاب نرجع قلبك ليا .ماكانش عندي حل غير نتزوجها بشروط تحبس الخدمة نهائيا وثاني شرط ماتقربش ليا ماش حابتها تهز الحمل وانا في راسي غير نسكتها ونسترها مدة ونطلقها عليا اصلا كرهتها من عمايلها هيا ليبعتت هاداك نيميرو باه يفسد علينا نهار زيادتك وزيد عدت نسمع عليها هدرة عيانة بالخصوص فليل وين تروح في نصاف ليالي باسكو ليخدمو كيفها كاين توقيت محدد بصح هيا تدخل لدار روطار حتا الدار ليكنت كاريها خرجت منها انا توسوست منها وعفتها ماجاء في بالي غير تروح لكاش بلاصة ماش مليحة وماكانش ليعسها ويحاسبها وعمتها وراجلها هيا تمشي فيهم بدراهمها وانا ماشقيتش روحي نعسها كنت حاب ننهي علاقتي بيها بصح كلشي تخلط وتحتمت تزوجنا وبابا يعرف كلشي عليها قبل ودرك صايي طلقتها ولعقوبة للمحكمة تطلقنا_بقيت غير نشوف معاه ماش حابة نصدقو وفي نفس الوقت حابة  يكون كلامو صحيح _كيتزوجتها فالسر فهمتها بصح علاه ماصارحتنيش وحكيتلي سبب زواجك بيها هادي المرة _عارف كون حكيتلك وهيا كون تستفزك بكلامها نتي ساع تصتصغريني في عقلك وتبهدليني أني انسان خواف وترخسيني قدام يما ولافامي عليها فضلت اني نسكت وماسسمع حد من غير بابا تحتمت حكيتلو باه يروح يخطبها وعمتها تقبل على حساب العادات والتقاليد فهمتي درك كان لازم عليا نصحح أخطائي معاها كسرتها محتمة نسترها _ تاع الصح حشمت حتا نزيد نرخسك ونبهدلك خليني ساكتة خير أصلا نتا قمت بالواجب تاعك معايا ومعاها .هيا درتلها عرس مطنطن وعليتلها شانها وانا كنت بيناتكم غريبة ماعنديش سند يحميني ويطلعلي شاني رجعت لدار بهاديك الكية تاع الوحدة وزدت جبتها لقدامي وذوقتها نفس الكاس ليشربت منو انا _فردوسة أفهميني  والله كان محتم عليا ندير هكدا صدقيني ماكانش عندي حل خلاف _نحيت يدي من عليه .هيثم اخرج روح اخطيني تعيش بركات عليا واش سمعت .تقلقت رحت طفيت الضوء وتسطحت عطيتو بظهري لقيتو قدم ليا وحضني من لور وقعد يمس ويبوس في شعري_ خليني نرقد اجبد عليا اخطينيييني نتا ماتفهمش _وشبيكي فيساع تتقلقي هذا حق ماصارحتك بكلشي وبلي ماكنتش معاها فلحرام ااه قولي يعني كون كدبت خير وكنت نزني معاها خير ؟!_ سكتت ماحبيتش نجاوبو وغير قلبي يحرق فيا من داخل ونزلت دمعة سخونة على خدي مسحتها بلا مايشوفها وهو لاصق فيا وإعترافو ليوم كان وراه شيئ ناقص والحاجة الناقصة راح ضرو هو كتر ماتضرني أنا وقبل ماتنضر روحو راح يستغل ضعفي احسن إستغلال .
___
الحلقة 55
بقلم لينا صبرينة
وانا نوجد فلفطور ومعايا رفيف دخل هو صبح علينا مارجعتلوش .صبيت لحليب فلكيسان وقعدت مقابلاتو _فردوسة وشبيكي علاه قالبة وجهك عليا صباح ربي _هكدا نفحتلي برك _علابالك ندمتيني أني حكيتلك كنت عارف راح تكدبيني وتطغاي بنفورك معايا _ماش حكاية نصدق او نكدب بصح كلامك تاع لبارح فيه تناقض منك. منها تقول حبيت نتزوجها وحتى تهز الحمل ولتم تحطوهم تحت الامر الواقع وتتزوجو عادي و منك تقول دايرها غير متعة _حصلتلك في هادي درك نجاوبك تبالي لبارح ماقدرتش نفهمك مليح وماكالاه يغيضك الحال كما قتلك الماضي تاعي يبقى فالماضي ونتي هيا حاضري وحياتي ماكانش بخلافك وهاداك الوقت انا نويت صوفيا تكون مرتي عجبني كلشي فيها زينة فاتنة فاهمة شاطرة وكلامها حلو وقافزة على عمرها واصلا انا وهيا معرفة قديمة يعني نويت ندخلها لداري بلحلال ونجيب منها وليدات ونستقر  بصح صرا ليصرا ومع الوقت حاسبت نفسي او بالأحرى حاسبت قلبي مع عقلي .شهواتي ليكانو يخلوني نقرب منها وكون ماتقومش نفسي مانخممش فيها أبدا عرفت بروحي بلي هادا ماش حب هادا غير إعجاب وبس باسكو انا كيحبيتك وليت نخمم فيك ليل ونهار .نكدب وقتاه نكمل الخدمة ونشوفك برك ولو حارمتيني بصح قلت ماعليش المهم راهي قريبة مني وعيني تشوف فيها غي داري هادا يكفيني عكس صوفيا كنت نعيطلها ولا نروحلها غير كيتقوم نفسي فهمتي واش معناه كلامي _مممم_واش لي مممم_سبب ليخلاك تطلقها _اوووف ماكان حتا سبب قتلك تزوجتها فترة تسترت عليها وطلقتها _نن هاداك نهار ليجيت فيه ودخلت ليها سمعت كلام بصح ماقدرتش نفهم مليح باسكو ماسمعتش كلشي مي ليفهمتو انو هيا خدعتك ولا كدبت عليك مافهمتش مليح _(شفت وجهو تبدل كومبلي لتم زدت تأكدت بلي كاين حاجة) هيثم راه ناغزني قلبي منك متخلينيش نعرف من عبد وحدوخر _فردووس مكان ماتعرفي وسكتينا من هادا الموضوع_سكت بصح لازم نفهم الناقص __لنهار تالي كملت من الجامعة وجاء ليا عمي رابح يديني باسكو هيثم عاد مايخلينيش نحكم البيس كما بكري لازم غير معاه وادا عندو خدمة شارجي يبعتلي باباه _دخلت لعندهم لقيت وداد فلكوزينة مع لماعن وخالتي تصلي سلمت عليها وشايخنا شوي _وين غاب حسك رجعتي ماتعيطيليش بزاف كشما بيك _ لالا مابيا والو غير نلتا مع شغالات فدار راكي تعرفي وكينكمل نحكم بلاصتي ونتفرج يخلاص نهار _ وداد راني نعرفك مليح ماتجيش تفوتيها عليا علابالي كاينة حاجة انتي متتهربيش مني الا اذا كنتي مخبيا حاجة عليا_فردوس حنونتي انتي برك موسوسة_ جبدتها وديتها لشمبرة وغلقت لباب . درك تحكيلي واش كاين وتقوليلي هيثم علاش طلق صوفيا علابالي راكم مخبيين عليا حاجة قلبي ناغزني منكم كامل في بعضكم _يعني قالك بلي طلق _ وي قالي قبل لبارح بصح حاساتو مخبي عليا حاجة _مالا سقسيه هو يقلك خير من الافضل تكوني معاه كيتعرفي_ واش كاين راني بديت نخاف علاه لازم نكون معاه خبريني غير نتي واش هاذي الحاجة لكبيرة لخايفين منها لهذ الدرجة_ هاذي حاجة تخصكم منقدرش ندخل فيها _تباني ماش راح تنطقي مالا راح نسقسيه اذا مقاليش راح نرجع ليك ساعتها معندك وين تتهربي مني راح تقوليلي بسيف عليك _فردوووس خلاااص هو طلقها تهنيتي منها علاه تنبشي كتر ياختي قتلك عيشي حياتك معاه فرحانة علاه حابة تنكدي عيشتك _باسكو كاينة حاجة ناقصة ومانحبسش حتا نسمعها منك ولا منهم_ سكتت خرجنا سلمت على خالتي _ودورت لوداد .وينهي رفيف _هاداوين تفكرتي بنتك راهي راقدة في شمبرتي _هبلتي علاه مخليا فيها لفوق وحدها وهيا عادت تتحرك _راني فرشتلها فالأرض وحاوطتها بلمخاد وغلقت الباب وهبطت نغسل لماعن كيدخلتي نتي هاداك وين هبطت _نروح نشوفها خير وتعيشي وداد عودي خليها في سريرها فسمبرة تاعي خير ماتدري _واش عليه كما تحبي _طلعت ليها لقيتها مازالت راقدة خرجت وخليتها ماحبيتش نفسد نومتها ودخلت لشمبرتي لقديمة مازال كلشي في بلاصتو ياحصراااه على هادوك ليام كيجيت اول مرة ليها كنت نحس بالأمان والحنين ليه بصح ليوم كلشي تبدل هاداك الحنين كان غير خادعني _خرجت ورجعت ليها حتا ناضت وهبطتها تلاقيت بعمي قرب ليها هزها _عمو نسقسيت تجاوبني _ايه بنتي خير _هيثم صح كانت متزوج بصوفيا قبل مايدير العرس _حكالك صايي_ايه _مالا إيه بنتي كان متزوجها وحتا هدرت مع شيخ ليفتحلهم وزيد صرا تهديد على السمعة تاعو فالخدمة عليها تحتمت انا نقبل بهادا زواج يبقى شرف ولية وسبابها وليدي _وعلاه طلقها _ماش عارف هاديك تبقى من خصوصياتهم _هبط راسو لرفيف يهدر معاها ومشا بيها لصالون فهمتو حاب يتهرب مني حتا هو _لعشية كيطول هيثم دانا عمي لدار وراح _فليل وانا ندير فلعشا دخل هيثم من لباب وكما العادة نفس الرنة _نواراتي وينكم .طليت عليه من الكوزينة_ ارواحي ليا علاش طلي غير من بعيد وينها رفيف راقدة ؟!_لالا في بلاصتها تلعب.
الحلقة 56
بقلم لينا صبرينة
وشبيك متصمرة ثما ارواحي عندي _ مشيت عندو حضني ومع سكاتي ونفوري يقعد غير ينطق فيا .وشبيها نوارتي ذابلة_شفت معاه وبعدت روحي منو ومشيت بلا كلمة حتى علااا صوتو عليا خلعني حبست ودورت ليه _ راني نهدر معاك ياك لجاست هادا قتلك ماديريهاش قدامي راني نهبل منها _ديزولي بصح ماش نافحتلي نهدر وناقش _قدم ليا ورفعلي راسي _خير فردوس وشبيكي _والو فوت تتعشى ومبعد نهدرو _معليش نوارتي كما تحبي المهم راحتك _ جبت رفيف وبديت نعشي فيها حتا دخل هو كملها وانا سقيت لعشا وتعشينا بساكت وانا اللقمة بسيف تفوت قلبي مزير عليا وماش مرتاحة _ فالسهرة مور مارقدت رفيف رحت ليه كان فالصالون قاعد ._ارواحي قدامي قعدي واحكيلي واش ليبيك  رحت قعدت_ وشبيك علاه هاذ لحالة ليراكي فيها _نتا جاوبني السبب ليخلاك تطلق صوفيا _اووف رجعنا لنفس لحكاية ياك هدرنا فيها وقتلك السبب _لالا كاين حاجة ناقصة وراني نشوف فلحالة تاعكم ماتعجبش واش راك مخبي عليا غير قولي _ليكاين راكي سمعتيه_ مالا روح من قدامي ماتزيدش تقابلني باه ماتلقاش نفس السؤال مادام ماش حاب تصارحني وتجاوبني مانزيدش نهدر معاك  _علاه تلحي على كلش وتحبي تعرفي كلش كاين أمور من الافضل متعرفيهمش ويقعدو مخبيين خير اصلا ماعندهم فايدة _هيثم أهدر و ريحني راه قلبي راح يتفلق ومحسسني بلي كاين حاجة_انتي واش دايرة في بالك منين جاك هذ الإحساس درك؟! _من حالتكم وحالة الهدوء لجاتكم ومام وداد جبدت عليا عادت تتهرب مني وانا عارفة طبيعتها ومام نتا شفت حالتك كيفاش غير نسقسي على صوفيا مايعحبكش لحال فأكيد كاينة حاجة_تنهد وبقا مدة ثواني ساكت وشاف معايا. شوفي هيا كاين حاجة ولا تقدري تقولي كاين زوج حوايج بصح والله ماراح تعجبك حتى انا ماش عارف كيفاه نبداهالك _ معليش بشوي برك تفضل قول _بقا بشوف ليا وعينيه فيهم نظرة شفقة _انطاااق ريحني _اسمعيني وركزي مليح هيا كيطلقت صوفيا وقتلك بلي كنت متزوجها فالسر وكسرتها هيا صحيحة وحقيقة و ماكذبتش عليك في حرف بصح كاين سبب واحدوخر ليخلاني نزيد نديرها سبة ونطلقها _ ايييه واش هو كمل ماتلعبليش على أعصابي كتر _عرفت بلي صوفيا بنت خالك وعمتها هيا يماك الحقانية وراجل عمتها هو باباك الحقاني وانا كيعرفت بلعب تاعها طلقتها اكيد تقوليلي كيفاه ماقدرتش نفيقلها من نوتفامي تاع يماك وخالك نفسو الصراحة ماجاتش في بالي وجامي حوست على نوتفامي تاع يماك حتا نهار رحت نخرج وراقي باه نديرلك باسبور حبيت نديرلهولك مفاجئة ونسافرو بعيد لتم وين فقت قلت ممكن غبر صدفة بصح شارشيت مليح وتأكدت أنو يماك نفسها عمتها ليرباتها .رحت ديراكت عند يماك لدار ولتم حكاتلي كلشي بلا ماتخبي حتا فهمت عليها بلي تعرفك من نهار كنتي مريضة بالكونسار من تم وهيا اخبارك كامل عندها انا كيعرفت هاد الشيئ وجيتها طاير هرستها وحتا هاداك نهار لحت عليها كلمة طلاق بصح قالولي لا يجوز _صدمتي كانت قوية عليا ماقدرتش نستوعبها ولا حتى قدرت نرمش عيني هو يهدر وانا عقلي حبس غير عند صوفيا بنت خالك وفي يماك وباباك وباقي الهدرة ماهمتنيش نهائيا _فردووس وشبيكي راكي معايا . قعد غير يحرك فيا باش نحط معاه بصح انا والو هنا صح ماقدرت نتحكم لا في روحي ولا في دموعي ولا في اعصابي وليت نرجف وخصوصا هاذا الموضوع حساس بزاف بالنسبة _نضت جبدت عليه واش راك تقول نتا واش راك تقول كيفاه هيا تقربلي وهاديك هيا الام تاعي. كنت نهدر ونبكي حكمتني هيستيريا كيفاش يقولي عليهم هوما أهلي الحقانيين ماشفت منهم حتا دليل صغير يبين بلي هوما فاميلتي _ اصبري درك نفهمك شفتي علاه خبيت عليك غير باش مادخليش في هذ لحالة وانا والله ماكان عندي علم هيا صح نعرفها عندي بزاف بصح جامي قاتلي بلي عندي ختي ولا بنت عمتي رميناها ولا حاجة هكا ولا حتا شكيت في عمتها كيكانت تسقسي عليك بزاف والله جامي توقعتها منها وهيا كانت حيلية قدت كيفاه تتقرب وتتسلسل لفاميلتي وكلشي دارتو باه تتقرب لينا ماش صدفة بالعكس لعبة منها .نهار عرفتك فسبيطار اول مرة ولقاتك قريبة ليا زاد حقدها عليك مافهمتش علاه ومن فوقها سكنت قدام دارنا وتزوجتني غير باه تقرهك ماعرفتها مهووسة بيا ولا الحقد عليك عماها ونزيدك صوفيا يماك ليرضعتها يعني هيا اخت وحدة من خياتك برضاعة ومادام عرفتي والديك فلازم تزيدي تسمعي لخبر الثاني صوفيا عندها 3 شهور ونص ولا كتر وهيا بالحمل وماخبرتنيش و فس النهار ليعرفت فيه بلي كدبت عليا وخبات وضربتها .كيماحملتش الضرب وخافت لتم صارحتني بالحمل تاعها وهاداك الوقت كان عندها كتر كن شهر ونص عليها حبست مازدتش ضربتها وديتها لطبيب تأكدت .بصح ماش قادر نصدق بلي هاداك الحمل مني باسكو انا من هاديك ليلة ليحاوزيني ورحت ليها مازدش قربت ليها ودرك نستنا برك تولد ونطلقها ياولوكان لي في كرشها وليدي  اسمحيلي فردوس بصح هادا واش كاين _هو يهدر و انا غير نسمع ودموعي دايرين طريق قعدت على ركايبي فالأرض وليت غير نشوف فيه غير واضح بضبابة في عيني تهسترت تغميت تخنقت وصدري ضياق عليا .جاني حكمني من وجهي بيديه . ياعمري نتي والله عارف صعيبة عليك وهذ الشي ليخلاني منعرفش كيفاه نصارحك وحدرتهم باه مايهدروش حتا نلقى طريقة ومانكدبش عليك حتا والديك ماتعبوش رواحهم وجاو عندك بعد مارجعتلهم صوفيا وتعيشي ماتحاسينيش على الحمل تاعها راكي تعرفي واش صرا وزيد خلي هاداك الموضوع حتا تزيد وتبان .
الحلقة 57
بقلم لينا صبرينة
مايهمنيش الحمل تاعها بصح كنتو كامل عارفين غير انا واحد مكلف روحو يخبرني علاه سكتو ونتوما عارفين بلي هاذ النقطة بذات صعيبة وحساسة بالنسبة ليا بصح هكذاك وخبيتو عليا ولا هوما كيفاه يشوفو بنتهم قدام عينهم وتجيهم عادي حتا الأب وماشفتوش ماشقاش روحو يجي يقرب ليا وهاديك ياك زعما يما ماعندهاش ضمير ولا احساس مادام عارفة انا بنتها علاه خلات صوفيا تجيني ضرة علاه دارو فيا هكذا كنت حاطة في بالي بلي نتا ولا لباراني عندو ألف حق يعاملني بقسوة وبلا رحمة بصح طلعو الأقربون هوما سباب تعاستي وقهري من نهار ولدت ماهناوني وظهرت الرحمة فالبراني علاه دارو هكدا جاوبني علاه يكرهوني ومايحبونيش واش درتلهم وااااش عملتلهووم -قعدت غير نرجف نبكي ونشهق ماقدرتش نسكت وهو يهدن فيا ماقدرليش .هزني من الأرض وقفت طبعتو عليا ورحت للبيت تسطحت وغطيت و قعدت هكذاك بهاديك الحرقة ومع دموعي لساعات وهو مقابلني وماقدر يهدر والو ناضت رفيف راح هو دارلها حليب رضعها كيكمل جابهالي لحضني حاوطتها بيديا بالقوة ونبكي وكل ماتصرالي حاجة خايبة نزيد نتعلق بيها كثر كثر (كنت متمنية مانعرفش اهلي بصح هوما جاو لعندي برجليهم وجاو بقساحة قلب ماعندهم ضمير ولا حتا حب ليا وكأني عدوتهم .وهادي ليتتسمى يما  هاداوين فهمت نظراتها ليا كانت غير تراقب في بنتها من بعيد ماكلاهاش قلبها وتهدر معايا وتعترفلي مافهمتش واش ليخلى قلبها يقسى عليا والسؤال المطروح طفلة في عمرها يومين في واش تقدر تضر وعلاه خيرت بنت خوها عليا خيرتها تعيش بيناتهم في وسطهم وانا خيرتلي الشارع و وزادت خيرت سعادتها مقابل تعاستي أي صنف من الأمهات هيا ؟؟ وبابا لا غبار عليه جامي لمحتو وحتا خواتاتي زعما يعرفو وماقربوش مني ؟؟ وصوفيا علاه بقات تخطط باه تكرهلي عيشتي واش هو مبتاغاها وين حابة توصل .دمروني دمروني بصفة عامة ياريت ماتو ولا عرفت والدين كما هادو) _حسيت بيه كيتسطح ورايا وحط يديه على شعري يلعب بيه ويهدن فيا وانا غير دموعي ليهدرو حتا رقدت متمنية كلشي سمعتو كذب بصح ماكانش هروب من الواقع الصادم ويبقاو للبيوت أسرار ولا إنسان يقدر يعرف واش مخبية هادي الدار من خبايا هادي حالة بعض البشر السكوت هو الدواء ومع طولة ليام نتعودو والصبر هو الفرج  .