موجات حارقة

الجزء 9

الحلقة 66
بقلم لينا صبرينة
طلع نهار في وجهي وانا داخل دوامة من البيت لشومبرة نطل عليه بالسرقة ونخمم ونرجع للبيت متحيرة مع نفسي و وغير صلاتي ليكانت مريحتني وهدنتنلي بالي وخليتها على ربي. صونا ثلفوني لقيتها خالتي هزيت عليها ومن صوتها باينة فرحانة قاتلي ظرك يجي عمك يجييبك وجيبي غير واش تبدلي لرفيف برك .كوبيت ورحت وجدت روحي ولبسنا وكيجاء عمو رابح رحنا ومام هو من وجهو وكلامو فرحان بيانسور شافو وليدهم تبدل وفرق بين لحلال ولحرام ومادابيهم مانتفارقوش _من دخلت لدار وهوما يوحدو كأنو عرس وجابولي حفافة لدا عدلتلي شعري وحطتلي مكياح سامبل ولبستلي قفطان ابيض ستيل غوب بحزامو ودراعو عراض .عجبتي الجاست منو انو اختار لبسة مستورة عكس عرسنا وهنا صح بينلي انو يحبتي ويغير عليا .بدا الحس بزاف برا استغربت علاه عرضو لافامي .كيسقسيت خالتي قاتلي قلنالهم بلي غلط طلقك وراح يرجعك ماحبيناش نحكو التفاصيل .بعد ماكملت وجدت دخلت وداد .فردوس حبيتبي راح تحكيلك حاجة خايفة تسمعيها من غيري _خير خلعتيني_ تشفاي نهار عيد ميلادك ولقيتيني فالبيتت نحكي عليك وقتلك بلي مع صاحبتي _ايه متفكرة_كدبت عليك كنت نهدر نع صوفيا _وشنووو _ماتفهمينيش غالط وراسك عيطتلها وحكيتلها غير على صلاحك حبيتها يطلعولها لينار ونغيرها باه تهيج ودير تصرف يخلي خويا يكرها ويتقرب منك _ وداااد تني كنتي تنقليلها واش كنت نحكيلك _نن جامي كنت كينهدر معاها غير باه نغيرها عارفة تحاسب خويا ولتم ساع هيثم يجيفها وراكي تعرفيه هو يكره ليحاسبو وشفتي بلي قدرت نستفزها ونخليها تغلط مع خويا فالهدرة وظربها ومن وراها حاوزها انا لتم بردت قلبي على الأقل ذاقت شوي من ضربو وعفطها من دارو _وكون ماحوزهاش كنتي تكملي؟_والله نكمل حتا ناخدها عارفة نتي تقتلي غير بالبارد بصح انا ضغطت عليها وعمرتها باه نلقى نتيجة تتعكس عليها _مالقيت مانقولك علابالك_خلاص ماتزعفيش مني والله درت هكدا باه تكوني غير نتي في حياة خويا وتفرحي والله تستاهلي تفرحي وتعيشي هانية ومرتاحة _(كيقاتلي هادا لكلام ودمعو عينيها حسيتها صح اخت ليربي عوضني بيها ).حضنتها بالقوة .ربي يخليك ويخليكم ليا ان شاءالله _ان شاءالله هيا ظرك ماش وقت لبكى نروح نجيبلك كش ماتاكلي قبل مايجي هيثم مع الايمام _علاه مازال ماجاش .ايه من صباح جاب قشكم ومن تم وهو غابر قادر يكون راح لسبيطار _ايه ممكن .
مع لعشية وانا قاعدة مع وداد ورفيف سمعنا زغاريت لحمي شوك _فردوس صايي رجع فتح عليك مبروك عليكم _هززت راسي وهيا خرجت وانا ولو راني مرتو وهادي الفاتحة من غير باه نحو الشكوك بصح حسيت فيها بمشاعر جدد وكأني راح نتزوج هيثم لأول مرة وانا مع تفكيري لقيت باب شمبرة تفتح ودخل عمي رابح وقفت سلم عليا ودعالي دعوة خير وقالي هاكي هادا المهر تاعك وذهبك هو حشم يمدهملك قالي بلي موالف ينحيهملك ويخبيهم عليك _ايه صح بصح المرة ليفاتت جابهملي انا ماقبلتش نحكمهم عليه _ماعليش بنتي المسامح كريم _عمي والمهر علاه ؟_مادام عاودنا فاتحة حديدة لازم يكون معاها مهر جديد .هيا ببالبراكة عليكم بنتيي _خرج وانا حطيت الكوفر تاع دهب والكوفر تاع المهر على سرير من غير طلعت راسي دخل هيثم الفرحة باينة من عينيه ولابس كلاسيك فنوار . قرب ليا باسني من جبيني وحط راسو مع راسي .فردوسة حياتي ربي يباركلنا في حياتنا ديري هادا نهار بداية لحياة جديدة ونوعدك نعوضك على كلشي _ان شاءالله_ راح فتح كوغر الذهب وبقا يلبسلي فيهم بالوحدة وكل جملة تخرج من فمو فيها كلمة سامحيني وأغفريلي وهيثم رجع صح حاس بندامة ليتبقى ترافقو طول عمرو باسكو هادي حاجة ماتتنساش هيا تتناسى فقط .
الحلقة 67
بقلم لينا صبرينة
هز رفيف وحكم يدي وخرجنا لعندهم ولو كانو يزغرتو وفرحانين بصح كاين تساؤلات في وجوهم لقيت غير فاميلتو المقربين برك و نساء خوتو ليدايما فرحانيين بيا ومرت عمو ام لسان الطويل ماسكتتش من الأسئلة وقلقتني كيقالت علاه رجعها كاين بنات الله يبارك قدامو كون تزوج بوحدة منهم خير من لقديم يندب بيها.(قلقتنيي صح بصح نساء خوتو قامو بالواجب معاها سكتوها)_بعد ماتعشاو بداو يتفرقو وجات ليا وداد .هيا فردوس هيثم يستنا فيك باه تروحو _رحت لبست عباية ووداد لمتلي قشي ولبست لرفيف لقيتو دخل بصح حسيتو مقلق حتا زدت خفت بقيت نشوف معاه مانعرف علاه خايفة يتعاودلي نفس السيناريو _وشبيكي فردوسة_والو _نطقت وداد المخلوقة تخلعت من وجهك علاه قالب خليقتك _قلقتني صوفيا كيسمعت بلي فتحت عليك جايا ليا وتحاسب لمزية كنت قدام الباب مديتلها زوج كفوف وزربت رجعتها لدارهم قبل مايسمع الغاشي _وليرباها هاداك راجل مايحاسبهاش_ خلينا منهم قتلك من قبل هيا تمشي فيهم_سكت وهو هز رفيف وخرج وانا خرجت من وراه تلاقيت خوتو باركولي بقيتهم على خير ورحت ركبت .ديمارينا ودور بينا شوي فالولاية وهو فرحان وزاهي ويدو مانحهاش من يدي وعينيه نص فطريق ونص معايا .موراها رحنا لدار دخلنا لقيت شومبرة مزينة وفراشها مبدل حكمت روحي باه مايبانش خوفي _عجباتك _ايه ماخصها والو_حطي رفيف في سريرها وارواحي نوريلك حاجة _حطيتها ونحيت عبايتي والخمار ومشيت معاه دخلني شمبرة لقديمة تفاجأت كيلقيتو بدلها نحا شمبرة كوشي كاملة وحط في بلاصتها فوتاي نوار وبيض ومعاهم طابلة فالوسط وبيبليوتاك نوار فشوكة بدلها كامل _حبيت نغير باه مايبقى والو يفكرك فلقديم _درت مليح كيبدلتها بصح وقتاه درت هادا كامل _صباح نتي كيرحتي لدارنا انا كملت شغالاتي وجيت لهنا _مليح يعطييك الصحة _تعشيتي _ايه كليت شوي _ادا جيعانة الماكلة فالكوزينة نروحو ناكلو _نن شبعانة ادا حبيت نتا تاكل براحتك_ ايه جعت ماكليت والو ليوم .راح هز رفيف ودخلها معاه لكوزينة يتعشى ويحب يدوقلها ماخليتوش .خليها مازالت صغيرة _تلحس برك شوفي راهي تشوف ليا سخفت _ نن درك نديرلها حليب تشربو وترقد _درتلها بيبرونة وهزيتها لشمبرة نرضعها شوي ولحقني _راني خارج شوي ونرجع _هززت براسي وهو خرج وانا كملت لرفيف ورقدتها وحطيتها فبلاصتها .فتحت لخزانة لقيتو جاب قشو لهنا كامل زدت فتحت الجيهة الثانية لقيت قشي كما راه بصح فيه حاجة جديدة خلات كرشي تسطر وليهيا ديزابيي حمراء .هزيتها ورحت دوشت ولبستها و خرجت لشمبرة قعدت على سرير ومقابلتني لمراية تاع لخزانة بقيت نشوف مع روحي ومع شمبرة بالي تايه ونتفكر غير فالسلبي كنت وحيدة مع تفكيري ومترددة ماش عارفة واش ندير وعلاه وصلت روحي وسمحت لنفسي نزيد نتقدم ليه بعد ماعيشني جحيم ومارحمنيش .مازال عندي وقت قليل باه ناخد قراري ادا نكمل معاه ولا نتراجع مانديرش فيه ثقة قادر يخونها بصح كينخمم فالجانب الايجابي نلقى بلي نستاهل نمد ليا ولبنتي فرصة باه نعيشو فرحانين وزيد هو باين ندمان وحاب يصحح اخطائو .عقلي كان بعيييد وغايب على الواقع لدرجة انو دخل وماسمعتوش حتا لقيتو فوق راسي_فردوسة راكي مليحة _تخلعت هززت براسي .تبسم وقالي ندوش ونجيك ياك توضيتي _ايه _راح دوش ورجع وصلينا ركعتين هو ليقترحها عليا وانا مارفضتش اكيد .بعد ماخلصنا نحيت طقم صلاة بصح شغل نحيت انتقامي ورهاني وعدم استسلامي بصح درك خليت قلبي يتحكم في عقلي .قدم ليا قعدني جنبو ويلعبلي بشعري _هيثم _ياعيون هيثم_ حاسة ليوم انو حاجة مبدلة فينا هدوءنا يخوف وحتا كلامنا وطريقة تحركاتنا حسيتو برسمية _ماتخافيش هادا الهدوء هو طبيعتنا وهاديك العقلية ليقبل غير مصطنعة منك ومني والرسمية لي بيناتنا ليوم شيئ طبيعي باسكو قلنا نبداو علاقتنا من جديد _بقا مدة يشوف ليا وساكت .فردوسة حبيبي ادا حاسة روحك ماش مليحة وماش قادرة ولا ماش حابة ماتخافيش ماش راح نقرب ليك غير برضايتك عارف بلي جاتك صعيبة ترجعي تديري فيا الثقة من جديد بصح صدقيني راني تبدلت ونتي بدلتيني وحاب نعوضك ونكون ليك زوج واخ واب بمعنى حاب نعود سندك سند ليتحطي راسك عليه وترقدي مرتاحة السند ليتلقايه في ايامك الصعيبة والسند ليراح يعوضك وييمدلك كل دفئ وحب _(بقيت نشوف معاه وهو يهدر حسيتو صح صادق وزاد قاسني فالوتر الحساس ليهو التعويض تاع الاب والأخ ليمالقيتوش من عند اهلي كلامو حبيت نصدقو بسيف ومن تم مديت لعلاقتنا فرصة نعيشوها بكل هدوء) كيلقانيي نشوف ليه قرب مني وبدا ييتلمس فيا بحنانتو وهادي لحنانة جامي عشتها معاه خلاني من أول وجديد غارقة في حبي ليه ودخلني لمتاهة شوقو ودفئو وانا كنت مستسلمة ليه وقلبي هو الرابح بعد ماكان عقلي هو المتحكم لمدة اكتر من عام .
الحلقة 68
بقلم لينا صبرينة
لغدوا نضت قبلو دوشت وصليت ورحت درت فطور دخل زاهي ومنور تقول صح عريس. صبح عليا وباسني وقعد فطر سمعت صوت رفيف رحت جبتها قعدتها قدامو درتلها بيبرونة وقعدت نفطر معاهم كيكملنا ناض راح لبس وانا كملت خملت الكوزينة _فردوسة راني رايح ولعشية ماديريش لعشا تخرجو لبرا _ايه ان شاءااله _ قرب مني .حبيبي نحي هادا الحاجز لي بيناتنا ياك لبارح سلمتيلي روحك بصح ثاني نحوس  على قلبك وعقلك يكون ليا انا ماش نحوس غير على الجسم تاعك نحوس تاني على حنانتك وكلامك لحلو اوك خمي في كلامي وتهلاي في روحك _ونتا تاني تهلى في روحك وربي يعاونك _باسني من راسي .يعيشك نوارتي _ فاتت كتر من سيمانة ونفس التعامل مع بعض تقول عرسان جدد وانا مازلت حاطة الحاجز ماش قادرة نعبرلو على حبي ولا حتا راحتي معاه  ولو هو مغرقني في حنانتو وحبو وكلامو بصح انا ماقدرتش ماش بساهل نرجع نثيق فيه ورجع كل ليلة كيخرج من خدمتو يجي يخرجنا وادا فليل خدام يخرجنا فنهار ياولوكان ساعة وكينروح للجامعة هو يوصلني هو يرجعني وكما العادة وحد ليلة فليل خرجنا تعشينا برا وهيثم داير جو هايل مع رفيف يلعب معاها ويضحك وهي تلاغي وتضحك درت يدي على خدي وقعدت نتفرج فيهم وحمدت ربي اني ماعيشتش بنتي واش عشتو أنا وماتهورتش في قراري اني نبعدها او نحرمها من باباها وانا نخمم داني تخمامي لنهار ليشفت فيه هيثم اول مرة كنت صغيرة ومريضة وضعيفة من كل النواحي كنت انسانة على مشارف الموت مدمرة بصح نهار ليشفتو وبديت نتعامل معاه تعامل تاعو معايا وهدرتو ليكلها اجابية خلات داخلي يحس بدفئ بالامان وقدر يغرس فيا حب لحياة من جديد _ اوو وينك غستي فينا ولا غرتي من رفيف_ههههه لالا منغيرش من بنتي _ايه باينة من وجهك _كيكملنا نضنا رحنا ركبنا وحطينا رفيف من لور فالكرسي تاعها وغطيتها كان بارد الحال شوي وانا ركبت معاه من لقدام . وطريق كامل وهو يهدر ويشايخ ويحاول يخلق فالهدرة وانا نجاوب فيه و حاطة تركيزي فيه شفتو راكح بزاف والفرحة باينة على وجهو مش كما موالف ملامح وجهو يخوفو اما درك عينيه فيهم بريق يفرح قعدت مدة وانا غايسة فيهه _ههههه والله تقوليلي وشبيكي غايسة فيا عندك تضربيني برك بعين _شكون قالك راني غايسة فيك عجبتني طريق من جيهتك راني نشوف ليها هادا ماكان _واش راح ينقص منك زعما كيتقولي كنت نشوف فيك وراني ضاربة فيك عشقة علاه راكي تخبي في حبك ليا لي صلا راهو واضح وعينيك راهم فاضحينك _ مانيش نخبي_ملا علاه نروحو ونرجعو غير لهاذي النقطة علاه مخليا روحك بعيدة عليا ياك راني راجلك حلالك تقربي مني وافتحيلي قلبك ياك قلنا نبداو من جديد وانا لنداوي جروحك_والله حابة نحط فيك الثقة بصح خايفة ولخوف هذا محبش يبعد من تفكيري _حبس الطونوبيل ونحا سانتورة وقرب ليا حكم يدي .فردوسة تحبيني_ (جاني سؤال مفاجئ وماش وقتو كامل مانيش حابة نقلو نحبك لانو اذا قلت هكذا ماش راح نتأكد من حبو ليا)قعدت غير نشوف فيه معرفتش واش نجاوبو_ اهدري فردوس تحبيني _كون جيت منحبكش منقعدش معاك لهذ لوقت_تبسم وقالي صحا علاه جامي سمعتها من فمك انا نعرف ليحب ميصبرش على حبيبو _ مام نتا ماكنتش تقولهالي _ هذ بسبتك نتي انتي راكي بعيدة عليا وغالقة عليا قلبك كيفاش حبيتني نقلك وزاد انا حبي ليك بالافعال باسكو راني راجل ونتي لمرا ولمرا ربي حط فيها العاطفة باش تجبد راجل ليها _علابالي بصح راني في صراع_ واش من صراع فهميني فيها هادي_ راني في صراع يومي بين عقلي وقلبي قلبي حابك حب برائة تاع الصغر حابك بهادوك التفاصيل ليكنت تلاقيني بيهم فالأول بصح عقلي متحكم فيه جحيم ليعيشتهولي بعد زواجنا_  حط يدو على خدي. خلي انا نفك روحك من هاذ الحرب سلميلي قلبك برك وماش راح تندمي _(ماقدرتش نقاوم نظرتو الحادة والجريئة بقيت نهرب بعينيا) حتى دار معايا جاست قطعلي النفس فيها ورجع يسوق كأنو مادار والو حتا وصلنا لدار طلعنا. لغدوا عيطتلي وداد شايخنا وخبرتنيي كاين عرس وليد عمها هادا الويكاند (وليد مرت عمو ام لسان طوييل) ايه نشوف هيثم على حساب بروقرام تاع الخدمة تاعو _ انتي علاه تحوسي عليه ياك خدام انتي ورفيف تروحو معانا بدلي جو تع الدار و الجامعة وخلي هيثم يتوحشك شويا_ضحكت عليها .ماعليه غير يجي نهدر معاه _كيطول فليل ماجاش عيطتلو هز علياا _هلا عويناتي لباس _لباس لحمدلله ونتا وش راك طولت ماجيتش _ لباس راني مع لخدمة شارجي ليوم ماضنيتشش نجي و تعبت من ظهري يوجع فيا _ياعمري كيتجي نديرلك ماساج _ واش قلتي_ نديلك ماساج_ لالا لكلمة لقبلها_ هههه هاديك ليسمعتها يعني غيضتني برك _ اتهربي اتهربي فايقلك بصح واقيا لبوسة تاع لبارح جابت نتيجة _ هيا تهلا في روحك راح ندوش ونرقد مادام مطول _ وتقولي فيها عادي راح تدوشي تهيجي فيا وانا فلخدمة_ انتا تخمامك زايغ انا خاطية هيا باي.
وهاديك ليلة صح ماجاش حتا لصباح طاح رقد ديراكت حتا لساعتين باه ناض يحضن فينا تقول عام ماشافناش _راح تعصرنا هيثم اطلقني شوي _بعد ماحكمتك موحال نطلقك _ بقا معانا ساعة وناض تغدى ودوش وصلى وراح لخدمتو خدم سوايع ورجع قتلو على العرس قالي هاداك نهار خدام بصح فليل نكون حاضر _وصل نهار العرس وياريت مارحتلو .
الحلقة 69
بقلم لينا صبرينة
لنهار لعرس رحنا انا ووداد للحفافة ورجعنا لبسنا ولبست لرفيف روبة فالغوز جات تهيل فيها وزيد عادت توقف مع الحاجة بقيت غير نصور فيها حتا كملو هوما ورحنا لاصال وصلنا خوه وهو طول طريق يتمهبل معانا حتا وصلنا ماخلانيش نهز رفيف هزهالي وطلعنا كيوصلنا لباب لاصال لاقاتنا عجوز الله يبارك كبرت وتزوجت وجبت طفيلة ماسمعتش بيك _يهديك ربي عمتي راهي مرت خويا هيثم وبنتو _ ااا ايه ماعليش فرحنا حتا نتا _مدلي رفيف ليدي وهبط قاتلي لعجوز مالقيتي ماتخيري غير هيثم يعني نتي هيا ليتزوج عليك وجابلك ضرة كون خير صيدتي خوه تندبي بهاداك راجل _لحقو بيها خالتي ووداد ولات سكتت ورحبت بيهم ودخلنا _بنتي  واش  كانت تقولك _قاتلي واش داك تتزوحي هيثم _ناس عادو مايحشموش المهم ماتسمعيلهاش ماتخليهاش توسوسلك _ قعدنا وشوي شفت هاديك ليتتسمى أم  دخلت مع زوج من بناتها _خالتي هادو واش يديرو فالعرس _عرضوهم كيعادو جيران .شفت لبنات شافو  ليا وراحو قعدو وهيا جايا جيهتي فهمتها راح تسلم عليا زربت جبدت روحي ودورت وجهي باه تفهم روحها .لقيتها سلمت على خالتي وقعدت _ واش راكي بنتي _ماش بنتك عندي اسم وتعرفيه عيطيلي بيه واذا ماعيطتيش نكون ممنونتك_ عاذراتك بنتيي ليدرتو فيك ماش قليل واش تقولي راني راضية ماعندي حل ولا مبرر بصح ماعليش نهز رفيف شوي _ راني قتلك خليكم بعاد عليا وعلا بنتي ماش غبتو هاذا الوقت كامل وضرك جايين تدخلو في حياتي ماعنكمش بلاصة فيها مذابيك تبعدي عليا قد متقدري .هزيت روحي ومشيت وخليتها كل مانشوفها نزيد نحقد عليها كثر.
الكورتاج مشا يجيبو لعروسة وكانو قريب يرجعو وهيثم مازال ماكملش خدمتو رجع يطول .سمعت ثلفون يصوني لقيتو عمي هزيت عليه _سوسو راني قدام الباب ارواحي نحتاجك _حطيت عليا خمار وهزيت رفيف وخرجت عندو _ راه كاين واحد حاب يشوفك ويهدر معاك _استغربت. شكون هادا  _ادخلي لهادي صالة درك تفهمي _مشيت معاه دخلت لقيت راجل كبير فلعمر وقاعد على كرسي متحرك كيدققت فيه مليح شكيت فيه .شفت مع عمي قالي هادا باباك بنتي نخليك تهدري معاه براحتك وراني قدام الباب  _كيقال هكدا وخرج حسيت رجليا مقدروش يرفدوني فشلت خفت نعود نطيح حكمت رفيف مليح بين يديا وقعدت غير نشوف فيه. هو يقدم بالكرسي ليا وانا نوخر حتى حبس قعد مدة وهو يشوف فيا _فردوس بنتي _انعم شكون نتا _ كيفاه شكون انا هذا وين قالك شيخك بلي انا باباك_ لالا راك غالط هادا الانسان ليخرج درك هو بابا ليلقيتو في كتافي ونتا ماعندك دور في حياتي نتا والبراني والغريب نفس الشيئ (حسيتو راح يبكي من كلامي )_منلومش عليك عارف مصدومة ومقهورة من هاذ الجانب بصح راني مريض وكبير وضميري راه يأنب فيا من جيهتك منيش نقدر نرقد ليل جيت نطلب سماح مانيش حاب نموت وندي ذنبك في رقبتي _يعني نتا ماجيتش باه تتعرف على بنتك وتتقرب منها مازلت تحوس غير على صلاحك وراحتك وتخوس على سماح مني باه تموت مرتاح هكدااا؟؟!_لالا فهمتيني غالط انا جاي نطلب سماح وجاي نقربك مني وتعرفي بلي دار باباك مفتوحة ليك وحتا مرحبا بيك بنتك وبراجلك تبقاي نتي بنتي من دمي _ هذا وين تفكرت بلي عندك بنت اسمها فردوس من دمك ولا حتى كبرت ومرضت خفت تموت وتدخل لجنهم وجاي لا حشمة لا حيا تطلب سماح مني_مهما كان بنتي راني باباك متهدريش معايا بهادا الاسلوب _ ماعنديش بابا قتلك ونتا تستاهل اكتر من هادا ليسمعتو مني. ربي ياخذ فيكم لحق ونشوفكم تتعذبو وكون يقعد غير ذنبي بينكم وبين الجنة ماش راح نسمحلكم وربي وكيلكم هادا مانقولك _ماتكونيش حقودة هكذا_ علابالك الحاجة لخلاتني نحقد عليكم هكذا ماش كيرميتوني لحاجة لراهي غايضتني انكم فرطتو فيا غير انا والباقية درتوهم في عينيكم ومنهم طفلة ماش من دمكم وزيد من فوقها جبتوها عليا ضرة موحال نسمحلكم وماش حابة نعاودلك نفس لهدرة لقلتها لمرتك خليكم بعاد عليا ماذابيا مانزيدش نصادفكم في حياتي ولا حتى نلمح خيالكم _خليتو يهدر ورايا ومشيت ودموعي مشاو معايا وليت نرجف كيشفتو وهدرت معاه خلا كرهي وحقدي يزيد عليهم وبتحديد هو وماش نادمة على الهدرة ليقلتهالو ولو شعرة ._رحت قعدت فالصاالة شربت الماء ورفيف مديتها لخالتي حتا جاء هيثم وخرجت عندو من غير شفتو غلبوني دموعي خضنيي ديراكت.
الحلقة 70
بقلم لينا صبرينة
راه حكالي بابا خليك قوية خلاص فاتت .كيلقا الطالع والهابط بزاف دخلني للصالة تاع قبيل فارغة وغلق الباب وقعد يحضن ويهدن فيا ويمسحلي دموعي._ شوفي هاه خسرتي كامل مكياجك مايستاهلوش دموعك واش قلنا قبل_ علابالي ميستهالوش بصح كيفتحو لجروح تغيض وااله تغيض_ياعمري نتي قلبك حساس بزاف خلاص انساي وروحي ازهاي خليك منهم_بقا معايا مدة حتا تهدنت وتفرقنا هو راح جيهة رجال وانا لنساء كانو ديجا جابو لعروسة وخواتاتي ماشقاوش رواحهم يقربو ليا خلي مادابيا يبقاو بعاد بصح القلب راه لحمة حساسة .
فاتو ليام على نفس الروتين الدار والتربية وقرايتيي ومسؤولياات نحاول نتأقلم مع هيثم وحياتنا .نضنا صباح بكري لبس ووجد كابتو رايح لفرانسا عندو تكوين يقعد 15يوم فالأول جاتني صعيبة ويروح والفت بيه مغرقني في دلالو واهتمامو بصح قنعت انو لازم يروح وقالي نتمتى كينرجع نلقى معاملة ثانية معايا واكيد ماقدرتش نوعدو _بعد ماراح جاء ليا خوه مع وداد داونا انا ورفيف عندهم قعدت لتم ماخلانيش نقعد وحدي فدار وعدنا يوميا نهدرو بلاكام وفنهار نشغل روحي يانروح للجامعة يامعاهم نشايخ ونعاون فيهم حتا كملو 15يوم وغدوا كان راح يجي هاديك لعشية قاتلي وداد غدوا عيد مييلاد هييثم ماش ناوية ديريلو انيفارساغ_ايه صح ماعليش نديروها هنا مع بعض _ يابنتيي روحي لدارك ديريها غير بينكم باش يزيد يترسخ حبكم كثر وكثر وهيا نخرجو نشرو حوايج تحتاجيهم سور ماعندكش ونرجعو وغدوا وجدي كلشي كيتروحي _درت برايها وخرجت معاها اكيد بعد ماخبرتو بلي خارجة كيرجعنا صادفت صوفيا جات لعندي وتضحك_ماتفرحيش حنونة مابقاش قد ليفات _مارديتش عليها وكملنا طريقنا لدار .هاديك ليلة رقدت رفيف ولميت قشنا وحكمت كتاب نقرا فيه بصح قلقت ورميتو بقيت غير نتفكر في كلام صوفيا علاه واثقة من نفسها بلي راح تديه عليا وانا مع تخمامي غفات بيا عيني نشوفي في روحي ندور فالدار كيزرزومية ماقدرتش نركح طول وين راه ياك قالي نجي بكري ليوم وقلبي ناقزني ماش مرتاحة .تفتح الباب ودخل فرحت بصح لقيتها وراه كيشبح ليخرج فليل _رحت ليها طبعتها خرجها من داري مانحبش نشوفها _ضحكت بصوت حتا دار رجعت تفيبري وتعاود في صوت ضحكاتها ليسممت وذني وطبعتني خرجتني وهو مكتوف اليديين غير يشوف _فردوس روحي هيثم ختارني انا ورجعني انا ويحبني انا ونتي خسرتي وانا ربحت هيثم وقلبو واسمو ودارو وحتى بنتك رجعو كلهم ليا  ونتي ماعندك بلاصة بيناتنا .زادت ضحكت وغلقت عليا الباب يعني رجعو غدرو بيا من جديد _خرجت للشارع مصدومة بلا حجاب حافية الرجلين فالبرد والشتاء وولاد لحرام يتبعو فيا وليت غير نجري ونطيح وجروحي غير تغمق وكيحسيت بيد على وجهي وليت نعيط بأعلى صوتي حسيت انو سلبو مني حياتي ليبقات _بسم الله عليك بنتيي نوضي افطني هادا غير منام _نضت مخلوعة عرق يسيل منيي انفاسي عالية وخالتي تقرالي فالقرآن وعمي واقف هاز رفيف ووداد دخلت ببالماء في يدها شربتو باه بردت روحي وتهدنت مع صوت القرآن قدم ليا عمي حطلي رفيف وخرج وخالتي قاتلي واش شفتي حتا صوتك وصل عندنا _نحكيلها ونبكي _بنتيي نسقسيك مازلتي بعيدة على هيثم فدار _لا قراب بصح المعاملة مازالت فيها حواجز _يافردوس قتلك انساي وهااه لمنام راه واضح خمي في صلاحك شوي وخليه يبرهنلك بلي تبدل راكيي غير تعبو رواحكم وضيعو نص من حياتكم _بقات تهدر معايا وتنصح وخرجت تكسلت مع رفيف نرقد فيها ونخمم هاديك لمنانة او بالأحرى كابوس حسيتو انذار وإشارة خلاتني نعيش واش يعني نخسر هيثم وبنتي وتربحنيي صوفيا وتخربلي داري وبينلي لمنام بلي الشارع مايرحمش وصعيب .
لغدوا رحت لدار وجدت كلشي من دار من روحي من لاثارث زينت شمبرة بشموع وانا لبست روبة كحلة واصلة للركبة بيزو ومكروازي على صدر. وحطيت طابلة فالهول حطيت فوقها لعشاء ورقدت رفيف باسكو ديجا روطار غلقت عليها الباب وطفيت الضوء عادت ضلمة خليت غير ضوء ثلفوني شاعل في لحظة كنت راح نتراجع بصح كينخمم بايجابية هيثم رغم حقدو وكرهو وضربو وعنفو ليا بصح فالاخير كانت فيه رحمة وندامة وطالب العفو مع بداية جديدة بصح والديا مالقيتش فيهم هادو المواصفات والمعاملة كلشي العكس طول 22 سنة ماحوسوش يتقربو مني وكيواجهتهم حسسوني بلي انسانة غريبة عليهم وحتا الام تاعي نفسها ليهزتني 9 شهور في كرشها ونغسها يولدتني رماتني وخيرت بنت خوها عليا وتدافع عليها وتتستر وساهرة وتخطط على صلاحها مقابل تعاستيي وكيخممت في هادا الجانب لقيت هيثم فيه ضوء ساطع راح ييفرحني والليلة بعد هادي السهرة قررت نسلم قلبي ليه_تفتح الباب طفيت ثلفون ووقفت _اااو علاه الضلام هذا كامل فردووس وينك احبي رفيف(سمعت المفاتح كيطاحولو وبقا يحوس على الضوء باه يشعلو من غير شعلو  قابلتو انا .شفت استغراب وخلعة في وجهو_  ياجدك خلعتيني كيلقيت ظلام قريب قتلتيني _قدمت ليه سلمت عليه .حمدلله على سلامتك علاه حتا تتخلع _مانعرف خممت في حاجة خايبة صراحة حسبتك رحتي وسمحتي فيا  _كيفاه نروح وصباح كيحكيت معاك قتلك راني فدار_ ايه عارف بصح كيلقيت ظلام تخلعت قلت كرهتي وهربتي مني _نن غالط في تخمامك ارواح ادخل _حكمني من يدي ودورني قدامو ويصفر حتا حشمت .
الحلقة 71
بقلم لينا صبرينة
واش هادا زين كلو ليقدامي _ليك .قلتهالو ورحت شعلت شموع وطفيت ضوء _واش فردوسة راكي متهلية فيا ليوم _بيانسور هادا نهار نهارك روح اغسل راني نستنى فيك _راح دوش مديتلو قشو كيكمل جاء قعد تعشينا وحكالي واش دار كيراح حتا كملنا هزيت هادوك لماعن ودخلتو لشمبرة شاف بنتو وحاير فالتغيير ليلقاه من عندي .جبتلو لاتارت عجبو الجاست طفا الشمعة وقطعنا لاتارت كلينا منها وبقينا غير نشوفو بعضنا وانا كتر كنت مركزة فيه كتر نحوس نحفظ ملامحو لحنينة وطيبة_حكم يدي قعد على سرير وقعدني على رجلو _فردوسة المفاجئة تاع ليوم هايلة ماتوقعتهاش بصح واش هادي النظرة تاعك ليوم واش حابة _(هنا تجرأت وبادرت انا الاولى) حاباتك نتا _ عقد حواجبو .عاودي واش قلتي_قتلك حاباتك نتا حابة نفتح معاك حياة زاهرة مافيهش وجع ولا حزن ولا ضرب فيها غير الايجابية من الحب والامل والفرح حابة ننسى و نمدلك قلبي ونملك قلبك وروحك وواحد مايقدر يفرقنا غير الموت انا حبيتك من اول نهار شفتك فيه ذوبت في قلبي كما يذوب السكر فلماء ولو هاداك الحب نتا قدرت تعفص عليه بصح نفسك زدت خلقتو من من أول وجديد (تبسم ابتسامة متررددة مازال ماش مأمن اني عطيتلو فرصة)_وين كنتي مخبيا هذ لهدرة كامل خليتني شهور وانا نتحرق بنارك ليشعلتيها عليا وخليتينيي نجري وراك علابالك اكثر حاجة عشقتها فيك هيا التحدي كنتي تتحدايني بلا خوف عشقت كبريائك وتعجرف تاعك لكنتي تتعاملي بيه معايا انا من لخر ماش من رجال ليحبو لمرا ضعيفة ليتضال تبكي انتي حتى وكنتي مدمرة مني بصح عرفتي كيفاش تقلبي الأمور وتواجهيني وتخليني منشوفش غيرك والله ربي راه شاهد عليا غير تبدلت ونعشق فيك وماش راح تندمي على لقرار لديتيه ودرك نحوس نسمع منك كلمة نخبك وتخرج من قلبك وبإذن من عقلك _نحبك هيثم_من قتلو هادي الكلمة وهو زاد تهلوس على لخر هجم عليا كما الانسان لكيون محكوم على حاجة ومبعد يسمحولو _ شحال عندي وانا نقارع فيك ونستنى في هذا لهدرة تخرج من فمك بربي ماتزيدي تشوفي مني حتا حاجة سلبية _ فاتت ليلة كما اي ثنين متزوجين وتحكمنا في مشاعرنا .......
ومن تم فاتو شهور حبنا كل يوم يكبر ويتوغل ويقوى وهذا بفضل التنازلات لقدمها كل واحد فينا وهاديك ماكانش حسها وطلاقهم مازل وحنا في وسط بداية مختلفة  تلقينا أكبر صدمة في حياتنا خلات علاقتنا تتزلزل وكينشوفها السبب نحقد ونهيج عليها بشكل غير طبيعيي.
الحلقة 72
بقلم لينا صبرينة
هادوك شهور فاتو نع هيثم كيف لعسل جددنا علاقتنا وخلقنا جو عائلي مريح فدار عشنا فيها الفرحة والبهجة والحاجة الاساسية هيثم حاطني على كفوف راحة لدرجة انو كيهدر معايا يختار كلماتو باه مايصرا حتا تكهرب ليتفسد لحظتنا وبلا اهتمامو الزايد علينا .هاداك نهار كان يوم يوم جعمة نضت صباح بكرت نفري شغالاتي باه نخرجو نحوسو كما وعدني وانا فالكوزينة نوجد فلفطور لقيتو محضني من لور ويبوس فيا _صباح الورد والسعادة فردوستي _دورت ليه وحطيت يديا على رقبتو صباح النور واش منوضك بكري _مالقيتكش جنبي وكان خاصني الاكسجين تاعك _ممم وهادا الاكسجين كيفاه نوع تاعو _باينة كيفاه لازمني نعوض ليلة البارح وتاع صباح راني ناشف ونتي هيا الاكسجين تاعي _هيثم بركانا ماش قاعدة درك ولبارح نتا جيت تعبان رقدت ديراكت مشكل تاعك _عارف ودرك طالب تعويض_بستو من خدو .هاني بستك خليني نكمل لفطور باه نخرجو . تبسم ولاح يدو تحت رجليا هزني _فلت تعوضيني بعني تعوضيني بلا نقاش_(اتا بين يظيه وهو يدغدغ فيا* اطلقني وشبيك درك تنوض رفيف بصواتنا _لقيتو حبس وعقد حواجبو .واش من صواتنا علاه حابة تعيطي تحتي _غميت وجهي بيديا .اوووه نتا تخمامك دايما زايغ قصديي بركا ماتدغدغ وهبطني_صايي نتي هدرتييها وانا فهمت لازم الشيئ ليتتمناه مرتي حبيبتي يحضر _حطنيي للأرض هادا واش متمنية _تبسم مشا بيا وداني للصالون غلق الباب ودار رايو ......
دوشنا ورجعت للكوزينة وهو مازال يحوم مورايا. صونا ثلفوني لقيتها خالتي .خير صباح ربي هزيت عليها قاتلي ارواحو تتغداو ليوم عندنا .شفت مع هيثم هززلي براسو وشنووو _ايه درك تنوض رفيف ونجو _بعد ماكوبيت قلتللو يماك عرضتنا لغدا حشمت نقولها رانا خارجين نحوسو _مممم ماعليش نتغدوا ونروحو نص نهار خير من ماكانش الله غالب عندي غير الجمعة متفرغ ومرات نخدمها _ربي ورحمتو _كيناضت رفيف رضعتها وهيا تتلمس في وجهي وصدري وتلاغي حبيبة قلبي كبرت .بقيت نهدر معاها ونقولها وقتاه بنتي نعود نسمع منك كلمة مانا .دخل هيثم قال نن تقول بابا الأول ياك يقولو الطفلة دايما تخرج قريبة من باباها كتر_ ماعليش بصحتك المهم حنا لزوج رانا ليك _قرصنيي من خدي ربي يخليكم ليا ان شاءالله _بعد مالبسنا خرجنا رحنا عندهم بقينا تم بصح حسيت لخالتي كاش مابيها سقييت وداد قاتلي والو تعبانة برك بصح كيشفت جاست دارتو مع هيثم براسها باه يتبعها شكيت بلي كاينة حاجة .كيخرج هو انا شوي وتبعتو لقيتو دخل للكوزينة حابة نروح نتصنت بصح حرام عليا نخليها على ربي وخلاص .وحنا نتغداو مع بعض وحتا خوتو ونساهم جاو سمعنا الباب طبطب راح خوه سالم يفتح الباب شوي ورجع _هيثم مرتك راهي عند الباب تستنى فيك _ردلو هو .عدل كلامك واش  من مرتي عندي غير فردوس _ايه المهم صوفيا راهي تستنى _واش  تحوس _قالت محتاجة راجلي _شاف ليا وناض قلتلو نجي معاك _ابقاي كما راكي درك نجي _مشا وانا سنطحت رحت موراه بلا مايحس بيا اصلا هو كيتغشش ينسى واش كاين قدامو .راح ليها كانت قدام الباب و شفتها كرشها خارجة وحاطة على راسها خمار وشعرها على برا تقريبا _واش ديري هنا واش جابك ياك قتلك ماتخلينيش نزيد نشوفك راني نديير فيك جريمة اخطي الراسة تاعي _راني نعيطلك بصح حاطنيي فلاليست بلوكي وكنت حابة تسمع لخبر من فمي  _واش من خبر يهديك ربي ماش محتاجك في حياتيي علاه جايا رخيسة وتذلي وتحتمي في روحك عليا بسيف _اسمعني برك راني خبرت يماك وبالاك ماوصلتكش الهدرة راح يجيينا طفل راني شفت لبارح واش عندي _كيقالت هكدا هو سكت وهيا تتبسملو بخبث وحاطة يدها على كرشها وانا خفت لا يحن عليها كما موالف يحن ويعط عليا كيكنت برفيف باسكو هو لولاد نقطة ضعفو والنقطة ليتحكم بيها_حكمها من دراعها ويهزز فيها ووجهو حمر راح يكلاطي _قتلك روحي مايهمينش واش في كرشك ولبلا ليحابا تلصقينيي فيه بسيف انا ولاد لحرام مانحطهمش على اسمي وغير تولدي حسابي معاك خلاف غير اصبري عليا  _والله العظيم غير وليدك _خبط الباب يدو . فرمي عزرين فمك ماتقوليش وليدي _قدمت ليهم خفت برك كاش مايضربها ولا يطبعها ويباصي معاها _هيثم نحي يدك منها وغلق الباب درك تروح وحدها كما جات ماش ناقصنا مشاكلها _طلقها وقالها ماتزيديش توريلي وجهك راني نفسدهولك _غير نولد تعود تشوفني بزاف وماعندك ماديرلي باسكو ام وليدك _كان راح يهجم عليها حبستو بسيف و غلقت الباب في وجها ودخلنا بقا غير يستغفر _روح اغسل وارواح كمل غداك _سدتلي نفسي رخيسة كلبة _بصح راح يجيك منها طفل .