{ الطمأنينة الوحيدة التي تسكن قلبي دائما هو اني تحت رعايه الله في كل ظرف }بعد مرور ثلاث اشهر علي طلاق 《تبارك》من 《حسام》 و كانت هذه الفتره صعبه عليها حيث ساعدت عائلتها و كان رجوع أخيها مراد من الخارج و خبر استقراره في مصر كان عامل في تخطي تلك المحنه و ترجع الي حياتها الطبيعية فرجعت 《تبارك》الي الجامعه و انشغلت بعملها كمعيده مع الدكتور 《فؤاد》و استلمت 《سيلا》 عملها في مكتب المحاماه الخاص 《عبدالرحمن الشرقاوي 》و بعد استقرار 《مراد》 قام بفتح شركته الخاصه في مجال الأدويه
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
في شركة العامري
كان يجلس سليم علي مكتبه و امامه بعض الاوراق و يعمل عليها و نظر الي هاتفه الذي يرن فوجد عميد كليه الحاسبات و المعلومات التي تخرج منها منذ زمن فقام بالرد عليه و بعد تحيته فقال له الدكتور《 خالد 》 : انا كنت بتصل بيك علي شان تاخد مكان الدكتور فؤاد هيسافر برا هيتعالج فياخد مده لعلاجه و الدراسه بدأت من فترة فعاوزك مكانه طول فترة علاجه.
فرد عليه 《سليم 》: أكيد شرف ليا يا دكتور خالد اني اكون معاكوا و هكلم حضرتك بكرا باذن الله هأكد عليك .
فرد الدكتور《خالد 》: ده احنا هنكون مبسوطين بوجودك يا سليم ده انت كنت من المتفوقين طول سنينك في الكليه محدش جيه زيك و لا حد هيجي بعدك .
فضحك سليم و شكره علي ما قاله و اغلق معه
فتنهد و اغلق عينيه و ساند رأسه بالخلف علي كرسيه و دخل عليه 《نادر 》و هو يقول : بقولك يا سيمو .
و سكت عندما رأي سليم هكذا و اقترب منه و قال بمشاكسه : أوبااااا أوعي تكون بتحب .
ففتح 《سليم》 عينه و ينظر له بشرر و رد عليه : اه بحب في أمك
فقال《 نادر》بتفاجئ مزيف : بتستغفلني و بتحب أمي ....يا عم متقولش أمك بحسها اهانه كده ما تقول خالتي و خلاص و يا سيدي حبها زي ما انت عايز انا همانع بس خاف بقي من هيما أصله بيغير و متعرفش غيره أبويا .
فضحك 《سليم》 و هو يقوم من مكانه و هو يقول : طب تعالي بقي نروح نتغدي عند الي بتحبك .
فأوما له نادر بحماس و ذهب معه .
فوصل كلاهما الي بيت سليم فرحبت 《نجلاء》بنادر بحفاوه و قالت له : كده يا نادر جاي من غير الواد و ضحي .
فرد 《نادر 》 : و الله يا خالتو هي قاعدة عند مامتها كام يوم علي شان مش بتنام بسبب حمزة .
فردت عليه بحنان : ربنا يباركلك فيه يا حبيبي و تشوفه أحسن الناس .
و تجمعوا جميعا علي السفره و تكلمت 《حنان 》 و هي تكلم نادر و تنظر بطرف عينها الي سليم : و الله يا نادر انا فقدت الامل في الي عندي فهاخد ابنك و هربيه بدل ما عرفتش اربي و محدش عاوز يفرحني .
قالت جملتها الاخيرة و هي تنظر الي سليم و كان هو ياكل طعامه و هو في حاله لا مبالاه .
و نظر الي أبيه و قال :بابا انا عاوزك في موضوع
فقالت《 نجلاء》بدراميه : اوعي يكون عروسه و العقده اتحلت و هتفرحنا .
فرد 《محمود》:استني يا نجلاء خليه يكمل كلامه خير يا ابني .
فأكمل 《سليم》 كلامه: الدكتور خالد عميد الكليه كلمني عاوزني اشتغل بدل الدكتور فؤاد علي شان مسافر علاج برا و هكون مكانه طول فترة غيابه .
فهمست نجلاء : برده شغل مش جايب عروسة افرح بيها انا استعوضت امري لله خلاص .
و كانت تجلس أسماء بجانبها فضحكت علي ما قالته والدتها و نظرت الي اخيها و قالت :مبروك يا سيمو .
و قال《 نادر》:الف مبروك يا سليم و ياسيدي متشلش هم الشركة انا موجود اهو و ابقي تابع معايا و دي فرصه كويسه ليك .
فنظر له سليم بامتنان و اقتربت《 أسماء》 من والدتها و تقول بهمس: مش ممكن يا ماما يجبلنا عروسة من هناك و يحققلك حلمك الي نايمه صاحيه بتحلمي بيه .
فنظرت لها امها بتمني : ياريت يا بت يا أسماء يسمع منك ربنا و يجبلي العيل الي بتمناه .
و قالت امه و موجه نظرها الي سليم : انا موافقه علي حوار الكليه دي بس انت تركز و تجبلي عروسه حلوة كده الشركه و لاقيناها ناشفه و قولنا ماشي اما بقي الجامعه نافورة مفتوحة فركز شويه .
و نظرت الي زوجها و هي تضيق عيناها و تقول : مش كده يا حودة
فرد الاخر و هو يرفع يايديه علامه علي استسلامه : توبت علي ايدك يا حبيبتي .
فردت سريعا : اومال ابنك مش طالع زيك ليه .
فضحك الجميع علي نجلاء التي تناكش ابنها و زوجها في جو عائلي مميز
●●●●●●●●°•°•°•°•●●●●●●●●●
أنت تقرأ
شربات مكرر
Romantikالعوض الجميل سيأتيك بعد صبرك فلم يكن ابدا في الكون مستحيل ،حين يأتيك العوض ستنسي كل ليالي الصبر العوض في الحب يأتي علي هيئة شحص ينسيك الماضي و يتمني لك الخير كله 💕 روايه خفيفه و مشوقه نتمنيَ ان تنال اعجباكوا