."مِدهَالك القَلب و مربَاعك ضُلوعي".

." البارت الأول ".

•"البارت الأول"•
الصباح الساعه 6:30
في الديرة
كان الجد صالح جالس في الحوش والنار شابة قدامة وريحة القهوة تفوح وصوت غناه مالي المكان بالأغاني القديمة والجدة منيرة طالعه من المطبخ وحاطه فوق رأسها صحن الفطور
جلست وحطت الفطور قدام الجد صالح وصبت له فنجان قهوة وهي مبتسمة تسمع غناء زوجها على هذا الصباح
الجده منيره : أخبارك يا صالح وش علومك
الجد صالح وهو يشرب القهوه : والله بخير دامتس بخير
الجده منيره : جعله دوم يارب
الجد صالح أبتسم وهو يشد فروته و يقول : شكلي أشتقت للعيال
الجده منيره دمعت عيونها: و أنت الصادق مدري كم لي ما شفتهم
الجد صالح : عشان تسذا قررت أجيبهم عندي
الجده منيره فزت بفرح : صادق؟؟
الجد صالح ضحك على ردت فعلها : إي وش فيتس
الجده منيره : لا تلومني يا أبو سامي والله لي سنين ما شفتهم و بعدين حتى احفادي واضح أنهم كبروا و صاروا رجال ودي اشوفهم والله
الجد صالح ابتسم بضحكه : يا بعد تسبدي والله أبشري يا عيني إنتي أجيبهم لعند رجولتس وش تبين بعد ؟
الجده منيره : يا جعل عيني ما تبكيك يا روحي أنت
,,من وراهم ،،
أحم أحم
لفت الجده منيره لورا و ضحكت وهي تفتح يدها : يهلا بروحي يهلا بعيوني و دنيتي كلها
شمس أبتسمت وهي تنط بحضن جدتها و تضمها : يا هلا فيتس يا بعد دنياي يا هلا بحلوه اللبن اخبارتس يمه؟ وش علومتس ؟
الجده منيره : والله بخير يا يمه دامتس أنتي بخير
الجد صالح تنحنح : احم انا هنا ترا
لفت شمس لجدها و ضحكت و قالت : أوه أنت هنااا؟؟
الجد صالح : لا ماني هنا وش فيتس ما جيتي تسلمي علي ؟؟
شمس : معليش يبه
..: السلام عليكم
أبتسم الجد صالح و هلل فيه و قال : و عليكم السلام هلا والله بسندي و نور عيني هلا
شمس رفعت حاجب : لا يا شيخ و أنا وش ؟ ليه ما قلت لي تسذا ؟
الجد صالح يبي يرفع ضغطها : الوليد غير
شمس شهقت و جات بتسوي نفسها زعلانه الا على دخلت أبوها و أمها و تنط و تقعد تبوس أمها و ابوها : هلا بالحلوين هلا بالمزز الي غطوا علينا هلااا
ابوها هبدها على راسها بضحكه : وش فيتس إنتي ؟ وش شاربه ؟؟
الوليد بإستهبال : لا يبه بس شكلها من الجوع أكلت علف النياق عشان تسذا الكيبل مفصول
أبو الوليد ضحك : الظاهر تسذا
شمس شهقت: حتى أنت قلبت عليييي؟؟؟
الوليد : أحسن تستاهلين
شمس تكش عليه : لا تكلمني لو سمحت
الوليد: تكفين ما بقدر أتنفس
شمس بحقد : أحسن
و تجيها هبده ثانيه من أمها: إحترمي أخوتس الكبير
شمس عصبت : وش نحوتس يمه ؟ وراتس قاعده تهبديني ؟
أم الوليد : وراتس تقولين أحسن وشو تبين الفكه من أخوتس ؟
شمس فزت : لا
الوليد ضحك : أدب
شمس شخصنت الموضوع: أجل جعلك ما تنفست يا مغبر
و تمسك أمها الشبشب و تحذفه عليها وهي تحط رجلها و تهج
الجد صالح ضحك عليها : يبوي ذي تقول بزره ماهي ناويه تكبر و تعقل
الجده منيره : يوه يبو سامي وش بلاك على بنيتي
الجد صالح ضحك : ادور هوشه
شمس تصايح من بعيد و تمسك الشبشب و تحذفه على الوليد
الوليد من بعيد : وربي لأردها أنا أوريتس يالمخنز
و يقوم الوليد و يأخذ الشبشب و يركض ورا أخته
دخل نهيان و أريام و يشوفوا هوشه بين الوليد و شمس
نهيان : يالله صباح خير
أريام تضحك على أشكالهم : مب صاحيين وربي
راحوا و سلموا على الموجودين و تجي شمس جري و تتخبى بحضن جدتها
الوليد بتهديد : لا تحسبين الحضن ذا بيحميتس
وربي لأنتف شوشتس
نهيان: أرحمها و أنا أخوك هي لحالها مصلعه ما باقي في راسها الا شعرتين
هنا حرفياّ الكل فطس ضحك
و شمس قعدت تتحلطم و تقول : مالت عليك يا وسخ تقول لأختك المز تسذا ؟ وربي إنها إهانه
أريام أوجعها بطنها من الضحك و قالت : يا شيخه وربي أنتس مب صاحيه متأكد أتنس ما أكلتي شي قبل لا تجي؟
شمس تمسح على شعرها : وش فيتس إنتي بعد؟ اكيد ما اكلت شي و بطني له ساعه يدندن
أبو الوليد ضحك عليها: يشيخه قومي ابلعي
الجد صالح : ننتظر أبو إياد الحين هو جاي
و هنا دخل ابو إياد و دخلوا البنات داخل و راحت الجده و أم الوليد للمطبخ
الكل راح يسلم على الجد و بعد السلام جلسوا الرجال و دخلوا البنات للصاله و راحت أم إياد للمطبخ
**
• فالصالة عند البنات •
أول ما دخلوا صاحت عليهم شمس وهي تصايح : يهلاااااااااااا والله بالمزز
غزل تتمايع : أويلي عليتسسسسسسس مافيه مزه هنا الإ أنتي
حور : لا إنتي ولا هي أنا المزه
شمس كشت عليها و قالت وهي تنبطح فالأرض : بنات طفش
حور : شرايكن نروح للحلال ؟؟
شمس : يشيخه فكينا بعد شوي بيروحوا الرجال
حور : مطولين واضح معهم موضوع مهم
الإ و يرن جوالها .
ردت و قالت بحماس : هلا والله بشيخه الشيخات
منال : كليزق يا معفنه يالساحبه أوريتس شغلتس لا طحتي بيدي
شمس : اقول شقلبي
منال : فديتس مابي اشقلب
شمس ضحكت : وش عندتس
منال : وش رايتس نروح برا ؟؟؟؟ الجو غيم و برد اخذي فروتس و اسحبي البنات و تعالي
شمس بحماس : تم نجيب لنا شويهي و نجيتس
منال : وشهو ذا الشويهي
شمس : شاهي بس انا ادلعه شويهي
منال: بعد ؟ اقول جيبي لي معتس
شمس : أبشري من خشمي
و قفلت الخط .
حور : وش فيه
شمس : بنروح برا كل وحده تلبس فروتها
غزل : بدون ما تقولي الفروات برا
شمس بحماس: كويس أجيب لنا شويهي و أجيكن اطلعن انتن و أنتظرن منال
أريام : يلا قدام
و تروح شمس طيران للمطبخ و تأخذ لها شاهي هي و البنات
أم الوليد : وش بلاتس انتي؟ وين بتروحي؟
شمس : بنطلع برا شوي نتمشى دام الجو يفتح النفس
أم الوليد :خلاص و انا امتس خذي راحتس
شمس تبوس خدها : يا جعلني فداتس
أم إياد جات : شمس؟ وين البنات
شمس تغمز لها : بنطلع برا شوي
أم إياد ضحكت عليها: كويس
الجده منيره : خلاص إنتي روحي و تعالن بدري لأن فيه موضوع مهم بنتكلم فيه
شمس جاها فضول : سألتك بالله يا جده وش هو ؟
الجده منيره : بيجون أعمامتس الي بالمدينه
شمس شهقت : يمهههه
و تهج برا وهي تقول : يا ويلي يا ويلي
أم الوليد تضحك: وش فيها البنت ذي
أم إياد : يا زينها بس
الجده منيره ضحكت : تعالن نروح نسوي لنا جلسه لحالنا و نقعد نسولف لأن وضحى أم مشعل بتجي بعد شوي
أم إياد و أم الوليد : يالله.
***
• عند جلسه الرجال •
كان مسفر قاعد يصب القهوه للرجال و تكلم الجد صالح و قال : ترا معنا عزيمة كبيره
أبو إياد : وش المناسبه يبه ؟
الجد صالح أبتسم : بيجون أهل المدينة
الكل إنبسط و استانس
مسفر: يووووه منزمان عنهم ذول وربي ما شفتهم لي 5 سنوات
نهيان : ليه تبي تشوفهم وش لك عندهم ؟
مسفر ناظره : هاه
إياد ضحك: اسكت تراك مفضوح
نهيان كتم ضحكته و قال : الحين أحد عندنا لو نطقت بنروح فيها ملح
أبو الوليد: طيب يبه انت كلمتهم ؟
الجد صالح : لا والله باقي
أبو إياد : تبيني أدق على تركي و حاتم و أقول لهم ؟؟
الجد صالح : لا أنا بقول لهم عشان محد يتعذر
إياد : أتفق معك
الوليد يهمس له : يا اخوي انت اصبر بس وربي لينزل عليك كرف ابن اللذينا
إياد بلع ريقه : دامه تسذا ما أستبعد
نهيان: أقولكم شي ؟؟
إياد: هات اتحفنا
نهيان: ترا واضح أنهم بيقعدوا هنا عندنا
الوليد : كيف يعني ؟
نهيان: يعني بيقعدون شهر او شهرين
الوليد شهق
إياد : وناسه وربي بيكون عندنا جدول مب طبيعي
مسفر : خوفي يطلع هرجهم غير عن هرجنا
نهيان:وش هم جايين من برا السعوديه ؟
مسفر: لا
نهيان : أجل اكيد يهرجون زيك
هنا اندق الباب و دخل أبو مشعل و مشعل
**
نتجه من الديره إلى المدينة .
و بالتحديد فالخبر في بيت أبو جسار ،
..
الكل قاعد على طاولة الفطور و يسولفون و يضحكون
أبو جسار : هاه بشر يا حاتم كيف الشغل معك انت و جسار
حاتم : زي السمن على العسل
طيف بطقطقه : وشو متزوجين انتم ؟
حاتم غص بالأكل و ناظرها : وش فيتس إنتي ؟
طيف ضحكت : عم بمزح
حاتم : إسكتي بالله لا اهفتس الحين
ميار تدخلت :إسكيوزمي؟؟ تهف مين ؟
حاتم : اهفتس إنتي
طيف : عشان أكسر إيدك
ميار : حي عينتس يالمطنوخه
طيف ترجع شعرها لورا و تقول : افا عليتس البنات للبنات
ذيب : اقول ترا واجد تسولفن اسكتي انتي وياها
حاتم ضحك
طيف : وش الي يضحك ؟؟
حاتم: ولاشي
أبو جسار مسك راسه: وربي بزران مو تقول كل واحد اطول من الثاني
لين بهدوء : يبه ابي الخبز لو سمحت
أبو جسار : أبشري يعيوني / و يعطيها الخبز
هنا نزل جسار كان لابس تيشيرت أسود و فوقه قميص ابيض و بنطلون ابيض واسع و شوز "الله يكرمكم " لونه أسود و كان شعره نازل على عيونه و ريحه عطره تفوح من بعيد
قال بصوته الخشن : السلام عليكم
الكل : و عليكم السلام
و يروح و يبوس راسها أبوه
طيف تغمز له : أويلي على الجمال
ميار تعزز معها : يا زينه كشخه تفتفتف خوفي عليه من العين
ذيب : لاوالله إنتي الي بتصكيه بعينتس
ميار كشت عليه و قالت : مالك دخل
حاتم قام و قال له : بنمشي الحين؟
جسار بهدوء : إي لا تنسى إن معنا صفقه بيع
حاتم عدل قميصه و قال : أجل مشينا
جسار : يلا
و هنا جت أم جسار مسرعه و هي تقول بفرح : معي لكم بشاره
الكل لف بإستغراب؟؟
أم جسار : بنروح للديره
نطت طيف و ميار و بصياح : يسسسسسسسسس
الكل للحين مو مستوعب
جا جسار بيقول ما اقدر اجي بس قالت امه بسرعه : جدك يبغانا كلنا
جسار تنهد : يصير خير
و طلع هو و حاتم و اتجه للكراج و شغل سيارته الBMW و حده متنكد ماله خلق للديره بس تذكر جده و عيال عمه وابتسم
و راح حاتم و شغل سيارته الcmaro و صاح على جسار و قال : معنا جدول ترا
ضحك جسار و قال بصوت عالي : والله لو مو أبوك كان يبغانا ما كان طبيتها
حاتم ضحك : لا يسمعوك العيال وربي يهبدونك
جسار ضحك و ركب سيارته و شغلها و ارتفع صوت المحرك و شغل أغنيه "وآهيامه" للمغني/ماجد المهندس .
و أتجهوا على طول للشركه .
**
•فالديره عن البنات•
كانن يتمشن بكل أريحية و الجو مطر خفيف على نسمات هواء بارده
شمس : بنات
البنات : هاه
شمس : ياخي جعت بالله شوفوا شجره التين ذي تشهي
ميار : لا تبلعي كل شي
حور : إي لا تسممتي بعدين لا تقولي إن حنا السبب
منال : كليزق إنتي وياها هذي البقاله قريبه مننا
شمس :نسوي سباق إلي توصل أول شي
البنات : تم
و راحوا يتسابقون جري للبقالة
و فجأه..