."مِدهَالك القَلب و مربَاعك ضُلوعي".

." البارت الثالث ".

." البارت الثالث ".
**
****
في المدينه |الخبر 'في بيت أبو جسار '
الكل جاهز و ينتظرون ذيب يوصل
شوي و الإ تدرعم لين وهي تتحلطم
و تشوف أختها و عمتها متكشخين و أمها توها تنزل من الدرج تلبس نقابها
لين تكتفت و بزعل : يعني إنتي وياها وشلون تطلعن بدون ما تمرن لي ؟
ميار ترقع الموضوع : معليش يا لنو وربي بالغلط
لين كشرت : إي واضحح
طيف تغمز لها : ترانا ماشيين للديره أنبسطي
لين بلعت ريقها : اسكتي
طيف ضحكت و قالت لأم جسار : تهقين ولدتس بيسحب علينا ؟؟
أم جسار : عشان اجلده
طيف تعزز لها : إيي كفوو
أم جسار ضحكت و شافت ذيب توه يدخل و قالت : إييي اشوى انك جيت
ذيب فهى : ها
لين : يبون يجلدونك
ذيب شهق و ناظر امه : ما هقيتها منتس يا يمه
أم جسار تضرب كتفه : أمزح
ذيب توجع : يمهههه
أم جسار ضحكت
شوي و تقول طيف : هيه بسرعه نبي نروح المول
ذيب توهق و بتأفف : أمشوا قدامي اشوف
الكل اتجه لسيارته الي كانت " مورسيدس جي كلاس " لونها احمر
و اتجهوا للمول على طول و البنات كل وحده حالفه الا و تقش كل الي بالسوق
ذيب يناظر و ساكت و يبلع ريقه عارف انه بيفلس
..
." في الشركه | عند جسار و حاتم ."
دخل جسار و هو يطقطق بجواله و يقول : يا راجو بالله قهوه ساده
و يصدم بحاتم
حاتم :لالا كمل كمل ادخل بأخلاقي بعد
جسار ضحك و ضرب كتف و راح لمكتبه
حاتم شهق يسوي مصدوم: تضرب عمك ؟ ما هقيتها منك يا معفن
جسار لف له : وش
حاتم : مالك دخل
جسار ضحك : وشو يعني زعلان انت الحين ؟؟
حاتم ناظره بطرف خشمه و قال : إي
جسار : احسن
حاتم أخذ الملف و قال : تبغاني اصك راسك بذا ؟
جسار بغرور : لا تنسى إني مديرك
حاتم بخبث : ولا تنسى إني عمك
جسار تأفف بطفش : خلاص يالشايب درينا
حاتم شهق و قال : هييييييييييه
فز جسار : أعوذ بالله وش فيك؟؟
حاتم : العصر بنمشي للديرة و انا للحين ما جهزت شنطتي
جسار كش عليه : تفو على ذا الوجه روعتني احسب شي صاير
حاتم ضحك : قم قم خلنا نرجع و نجهز نفسنا
جسار أخذ بكت الزقاره و السبحه و جواله و قام على حيله و قال : مشينا
****
في الديره | في بيت الجد صالح .
توهم العيال مرسبنين عند الاسطبل دخلوا الخيول و شالوا اللثمه و قال الوليد وهو يجهز نفسه : جايكم الكرف يا عيال
مسفر : بالعكس وناسه نعدل البيت و نزينه
مشعل : وربي إنك صادس
إياد : تهقون متى يوصلون؟؟
نهيان ببرود : يمكن الساعه 9
مسفر : أنا مشتاق لشي واحد بس
هنا كل واحد نيته طارت
مسفر استوعب و قال : هييي اقصد شبه النار و جلست الشعر
نهيان : لا تخاف اليوم بتعيش الشعور مع العيال
شوي و يسمعوا صوت وراهم لفوا الا و ذا ملفي و هيف
ملفي مكتف يده و مبتسم و قال : سمعنا انكم تبون الفزعه
العيال شقو الضحكه و ابتسمو و قال الوليد وهو يطق على صدره : انشهد انك رجال ينشد فيه الظهر
هيف ابتسم : بالله عجلوا ترا الشيبان متجمعين بالمجلس ينتظرونا
نهيان سحب هيف و قال له بإذنه : ترا ذيب جاينا اليوم
هيف شقت الضحكه بوجهه : سألتك بالله ؟؟؟
نهيان ولأول مره يضحك : إيي
هيف بحماس : أوففف واضح بنعيش زي ايام زمان ؟!! تتذكر لما نتجمع تحت شجره التين و نقعد نلعب
نهيان ضحك : وش نلعب الله يرجك شوي و نصك الثلاثين و انت تقول نلعب
هيف بطقطقه : إلي زيك معه عيال
نهيان : على تبن اقول
ضحك هيف و لف لورا و شاف العيال مب موجودين : يا رجال سحبوا علينا
نهيان رفع ثوبه : امش امش
و اتجهوا للعيال
..
عند شمس و منال .
شمس : بيجي يا منال
منال أبتسمت : كيف صملتي ؟؟
شمس : وشو!؟
منال بتفكير : حب من طرف واحد ما تعبتي منه ؟؟
شمس بهدوء : لجله ماراح أتعب بس تكفين بيني و بينتس لا يطلع لأحد
منال أبتسمت : من عيوني يا بعد تسبدي
شمس ابتسمت و جات بتقوم الا و تنط قدامها ريوف و شمه
شمس بصياح : الحره
منال سدت فمها
ريوف ضحكت : أخو الحره جايتس
شمس كشت عليها : دزي
ريوف شدت شوشتها : ماني دازه يا مغبره
شمس عضتها : وخري يالدبه
ريوف شهقت : أنا دبه ؟؟
شمه : منال
منال : ها
شمه : فكي جوالتس خلينا نصور
منال : يلا يلا
و تفك جوالها و ما تشوف الإ شمس جايه لها جري هي و ريوف
منال بصياح : شمه هجيييي
و صاروا يجرون و يدخلوا على الحريم ..
أريام فاتحه فمها على الاخير
وحور تناظر مصدومه
أما غزل مفهيه
الجده منيره بصياح : وراس إنتي وياها تجرن ورا بعض ؟؟
منال تأخذ نفس : يمه ذي شمس
شمس : وربي إنه ظلم و إفتراء
شمه : لا مب ظلممم
شوي و يدخل الجد صالح و معه نهيان و هيف بعد ما تنحنح و تغطو الحريم و البنات
الجد صالح : بنروح نذبح الذبايح و انتن جهزوا القهوه و الحلى
شمس : ما اقدر وربي يا إني مهلوكه
نهيان : خير وشو حنا ننكرف و انتي مرتاحه ؟
شمس : أعوذ بالله من الشيطان الرجيم
مسفر ضحك : تنتظرك تختفي
نهيان هبده : أص بس
كانت تناظره وهي مبتسمه اول مره تشوفه كذا بعيد عن ثقله و هيبته
كانت هي واقفه عند الباب و جا نهيان بيطلع الا وهي بوجهه رفع عيونه و ركز بعيونها وهي من التوتر قعدت تلتفت يمين و يسار بلعت ريقها و بعدت شوي و مر من جنبها و ريحه عوده تفوحح أبتسمت على الخفيف عشان محد يلاحظها و صدت و شافت حور تناظرها بخبث و تغمز لها
أم إياد : مسفر خلاص روح روح نبي نسولف سوالف نسوان
مسفر : من زين سوالفكم كلها سوالف مخنز
إم إياد شهقت : يا قليل الحيا
و تمسك الشبشب و تجري وراه وهو يضحك
***
في المدينه |الخبر "بالمول "
ذيب: هيه فكونا تراي تعبت
أم جسار إلي قاعده تتسوق : اص بالله
ذيب : تحسست
أم جسار ضحكت : تعال شوف ذا | و تهمس بإذنه : أشتريه لحور
ذيب بلع ريقه و قال بهمس : يمه ماله داعي
أم جسار : اقول خذ و انت ساكت
ذيب رجع شعره لورا وهو متوهق يبي يقنع إمه إن حور ما تبيه
شوي الا و يشوف الأمن يجرون
ذيب : وش صاير
و يشوف طيف و ميار و لين يجرون جري و كل وحده تري الأمان
ذيب بصدمه : وش مسويات انتن؟؟
طيف ضحكت وهي تأخذ نفس : كسرنا الأغراض
لين تضحك وهي تقول : أهم شي وثقت اللحظه عشان نوري البنات
ميار : بالله بسرعه تعالوا خلونا نحاسب و نهج قبل لا ننقفط
أم جسار جات : وش بلاكن ؟؟
طيف ترقع الموضوع: لالا ولاشي خلصنا
شوي و يرن جوال أم جسار
..:ألو ؟؟
أبو جسار : وينس يا مره بنحرك الحين ما فيه وقت
أم جسار شهقت : جايين
ضحك و قال : طيب
قفلت الخط و قالت : بنمشي الحين امشوا
لين : مو على أساس نمشي العصر؟؟
أم جسار : ذا شور ابوتس مالي دخل انا
ذيب : أجل مشينا
واتجهوا للكاشير و حاسبوا و اتجهوا للبيت على طول ..
***
في بيت أبو جسار | في غرفة جسار
كان قاعد يرتب ملابسه و يهوجس الإ و تطيح عينه على صندوق قديم
أخذه و كان مره يجنن و اول ما فتحه قلبه صار يدق بقوه
شاف الصوره و سلسال و ورده .
قعد يتأمل ملامحها الناعمه و همس بدون ما يحس : إذا وهي صغيره مزيونه تسذا كيف لو كبيره
ابتسم بهدوء و تنهد و اخذ السلسال و قربه من شفايفه بس سمع صوت دق الباب و نزله و رجع كل شي بالصندوق و دخله بالخزانه
و صاح بصوت عالي: اقلط
دخل حاتم و قال وهو مستانس : بتأخذ الجي ؟
جسار : امممم لا
حاتم : وش بتأخذ؟
جسار : بأخذ الRUBICON
حاتم : أحلفففف
جسار ضحك : وربي شريتها اليوم
حاتم قعد يناظره : تف عليك وراك ما قلت ودي اشتري زيها
جسار هبده على كتفه هبده تجيب الصرع
حاتم بتألم : احححح الله يقلع ذا الراس
جسار ضحك: وخر بس خليني احط الشنطه بالسياره
دخل عليهم ذيب وهو يتحلطم
حاتم : وراك تصايح
ذيب : بنمشييي
الكل قام على حيله و نزلوا الشنط و اتجهوا للحوش
حطوا الشنط بالسياره و قال أبو جسار: حاتم و ذيب و ميار مع بعض
و جسار و طيف و لين مع بعض و انا و امكم بنأخذ الأغراض
الكل بصوت واحد : سم طال عمرك
و اتجهوا للسياره
..
طيف تصفر : أوف أوف وش ذي السياره
لين : أصبري اصورها ستريك
جسار : ممنوع
لين : و ليه انشاءالله
جسار : كيفي
لين كشت عليه و صورتها غصب
و ركبوا فالسيارة و شغلوا اغاني
طول الطريق سوالف و حش
**
في الديره | في بيت الجد صالح
الساعه 6:40 المغرب امتلى البيت بالرجال و الحريم
و كان بيت الجد صالح مره فخم و لكنه على الطراز القديم
كل وحده كاشه و متزبطه على الآخر
كانت الجده منيره قدام الباب تنتظر عيالها اول ما لمحت السيارات صاحت و قالت : وصلوا أهل المدينة وصلوا
الكل جا جري يبي يشوف وش صاير
و شافة الكل يضم الجده و الي مبسوط
و صارت حوسه برا
دخلوا العيال عند الرجال
و البنات عند الحريم
دخلت طيف مجلس النساء و قالت : هاااااااااااااااااااييييي
شهقن البنات و نطوا يضموها
شمس تهبدها : وجع وراتس قاطعه تسذا
طيف: مدري بس اشتقت لتس
منال : كذابهههه
لين : وربيييييي بوريتس بعدين
حور بنص عين : وش عندتس انتي وياها
لين : سر سر
الكل قعد يرقص و مستانس على جيت البنات
**
فيجهه ثانيه | قسم الرجال .
دخلوا و سلموا و الكل مصدوم و مبسوط على جيتهم
كانوا العيال قاعدين يهرجون و يسألون
عن حال بعض
و يطقطقون على بعض
فجأه شغلوا دبكة " أرفع "
هنا شاش رأس العيال و قام جسار و سحب العيال معاه
و توسطوا المجلس و مسكوا اللعب و بدوا يدبكون
و العيال صياح و حماس و الكل شبك و دخلوا معهم جو
**
جهت البنات |
كانوا شابكين بلوتوث مع مجلس الرجال
و اول ما سمعوا صوت الدبكه انقهرن يبغن يرقصن
قالت شمس : الموضوع عندي يا بنات
و تأخذ جوالها و تشبك فيه بلوتوث و تشغل أغنية "نسونجي"
وهي قاصدتها عشان جسار إلي غابنها
البنات صياح و تعزيز و حماس و رقص عالآخر
شوي ليسمعوا طق عالي على الباب و قفلوا الاغاني
راحت شمس و فتحت الباب و نسيت تتغطى تحسب احد البزران
شمس بعصبيه : نعم ؟؟
كان جسار واقف قدامها يبي يجي يشوف وش سالفه الأغاني لكن أول ما ناظرها فهى
وهي رفعت عيونها تبي تتأكد لأنها شافت ثوب طويل مره و شهقت و قالت : يمههههه
و تقفل الباب بوجهه
وهو اول ما سمع صقعت الباب فز و صحصح و عرف انه جاب العيد
و رجع ونسى وش كان يبي
**
بعد مرور 4 ساعات على العزيمه الكل كان مهلوك و تعبان
و العيال فارشين نفسهم فالمجلس كأنهم وزغات
فجأه جا الجد و قال وهو يبتسم بخبث : صح جايين من المدينه و كذا بس لو سمحتم الجوالات و مفاتيح السيارات
ذيب بصدمه: وتت؟؟
الجد صالح باقي مبتسم : هات هات بس
أخذوا منهم الجوالات و الأغراض غصب عنهم
و راح وهو مبتسم و اتجهت الجده للبنات و كذالك نفس السالفه
..
**
الساعه 12 ،،في بيت الجد صالح تحديدا
بالحوش الأمامي.
وأخيرا بعد مرور خمس سنوات أجتمعت الشله
و كانوا سامرين برا بالحوش و سادحين الفراش على أساس بينخمدوا
لكن محد جاه نوم
قال حاتم بقهر : لو إني داري إن أبوي بيسحب
الجوالات و مفاتيح السيارات ماكان جيتكم
إياد : أقول أسكت يالشايب ترا غصب عن وجهك بتجي
الوليد : صادس الرجال ترا مره زودتها يالدبشه "يالغبي"
حاتم مطير عيونه عليهم و بصياح و إعتراض : لالاااا أحترم نفسك أنت وياه
و لا تنسوا إني عمكم
نهيان : أبشر يا عمنا ماعاد ننسى لا تقلق
ذيب بطفش : وين البلوت ؟ خلونا نسمر عليها بالله
هيف : بالله عليك الوقت ذا وقت بلوت ؟؟
جسار ناظره وهو يطفي زقارته بالأرض: وش نسوي أجل ؟
هيف : نهج
مشعل : عشان الجد صالح يجلدك أنت وياه
حاتم بغرور : أبوي ما يمد يده علي
ملفي : مين إلي قبل شوي مصفوق؟
حاتم سوا فيها ما يسمع و ضحكوا عليه العيال
نهيان: جتني فكره
لفوا عليه بحماس يبغونه يكمل هرجه
نهيان : فيه بيت قديم هنا بالديرة وش رأيكم نروح و ندخله؟؟
جسار تحمس و قال وهو يرجع و يولع زقاره ثانيه : قدام والله إني معك
العيال تحمسوا و اتجهوا جهت الباب و
قال إياد: خوفي المزلاج يفضحنا
مسفر : نطمر من الجدار
هيف ما رد عليهم و فتح الباب بشويش و طلع و لحقوه العيال
***
جهت البنات | فالحوش الخلفي
كانن البنات منسدحات بالفراش و كل وحده تناظر السماء
طيف : ليه طفش ؟
شمس : لأنتس موجوده
طيف هبدتها : احترمي عمتس وجعه
شمس : يا كبر إيدتس كبراه
طيف تناظر يدها : وربي صادسه
منال انبطحت : فكونا من ذا العرض الخايس و ترا طفش
غزل : مافيه جدول ؟
أريام: الجدول أننا نخمد يا بعد تسبدي
ريوف : ماني راضيه طيب
ميار : حتى انا
حور بتفكير : بالله لو نروح نفرفر بالديرة !!
الكل لف لها يخزونها
هبدتها لين : لنا ساعه نفكر وراتس ما نطقتي
حور : كيفي ياخي
شمه : بنات أشم ريحه غدره
غزل : زيتس
شمس : بنات !!
الكل : هااااااه
شمس : نهج ؟
البنات مع بعض : إيييي
و راحوا للباب و شافوه مفتوح و يضنونوان الجد نسى يقفله و طلعن بسرعه بسرعه
و قفلت الباب
و وقفن بنص الديره
شمه : نروح لذاك البيت ؟؟
الكل بتحدي : يلااا
اول ما دخلن البيت سمعن صوت حركه
قالت شمس : الله أحد موجود
ريوف : اركدي بس
راحوا البنات يبون يشيكون و سمعوا صوت ضحك جاي من الطابق الثاني
لين بخوف : الله يلعن ابو الجدول طيب ؟؟
حور بخوف : خلونا نرجع
منال : اصبروا يمكن جن
و يسمعوا صوت احد يصايح بألم
و هنا البنات صدق جتهن أم الركب و راحوا للبيت جري و قفلن الباب بالمزلاج
***
جهت العيال |في البيت القديم
جسار : بروح اشيك فوق وش فيه
ملفي : بخاويك
جسار : مشينا
مشعل : معكم
العيال : وراكم أجل
الكل شبك و طلعوا فوق
و قال نهيان وهو يهوجس : يارب تطلع جنيه مزه
الكل انصدم من كلامه و فطسوا ضحك
ذيب بضحك : أجل جنيه هاه اقول اهجد بس
إياد: يا عيال مين مضيع عروسته؟؟
و يأخذ العروسه الي بالأرض و يرميها على الوليد : أمسك حرمتك
و يروح الوليد و يهبده هبده خلته يصايح
و فجأه وهو بنص الصياح سمعوا صوت صراخ و جري و انخرشوا
هيف : اقول انزلوا انزلوا
الكل نزل و راحوا جري جهت البيت لأن كل الطريق ظلام و برد و هدوء
اول ما وصلوا لباب البيت اكتشفوا انه مقفول !!!