."مِدهَالك القَلب و مربَاعك ضُلوعي".

."البارت الخامس".

."البارت الخامس ".
.*.*.*.*.*.
.*.*.
في المطبخ ..
رفعت راسها بشويش و هي حدها متوتره من الي قدامها
نهيان شالها يحسبها أحد البزران : وراتس ما تناظري
شمه وجهها محمر تبيه يفكها وهو من زود الغباء إلي فيه قال : مالت على ذا الوجه بزر و مسويه فيها مستحيه
شمه عصبت و رفعت راسها له : لا يا شيخ ؟؟
نهيان انفجع و لف يدور وجهه من الفشله
شمه تدفه من قدامها : وخر اقول وخر
وتأخذ الدله و تطلع وهو وجهه حمر من الفشله و طلع بسرعه للسياره مع العيال.
.*.*.*.*.*.*.*.*.*.*.*.*.
. في الحديقه الخلفيه|جهت الرجال .
الوليد منسدح و حاط راسه برجول ملفي و يهوجس
مشعل ناظره و قال وهو يولع الزقاره : شفيك ساهي ؟
الوليد مو حوله أبد
مشعل  شد شعر الوليد و قال : أكلمك يالحبيب
الوليد بضيق لف له و قال بعصبيه خفيفه : وش فيك تصايح ؟
مشعل عقد حواجبه بإستغراب من حركته لأن إلي يعرفه في الوليد انه إنسان كوميدي و صدره وسيع قال بجديه : الوليد ؟ شفيك و انا أخوك منت على بعضك ؟
الوليد صد عنه و غطى عيونه بذراعه وهو كاتم غصته : مافيني شي
مشعل توه يستوعب و شال إيده من على عيونه و شاف عيونه قاعده تدمع
صاح عليه بتوتر : الوليددددد؟؟ ما عاش من نزل دمعتك يا قلبي انت قول يامال الهنا
وش موجعك ؟
الوليد مسح دمعته بسرعه قبل لا يستلمه مشعل
قام و قال وهو يحاول يتصنع الإبتسامه : لا أبد مافيني شي بس تخيلت الحياه من دونكم
مشعل يناظره بشك : متأكد إن مافيه شي ثاني؟
الوليد أبتسم: إي مافيه شي وش فيك ؟
مشعل تنهد و رفسه : لا عاد تعيدها يالكلب
الوليد بوجع : وجع وش كبر رجولك تقول رجل ناقه
مشعل شهق : رجولي انا رجول ناقه ؟؟
الوليد بجديه : إي ؟ أجل مين ؟
مشعل يدور شي يصفق فيه الوليد
الوليد بإستهبال : وش تدور ؟
مشعل : شي أفقع فيه رأسك
الوليد مسك الدله و قال : أمسك
مشعل ضحك و اخذ الدله جاي بيفقع رأس الوليد بس نزلها و قال و هو يشد شعره : ما تهون علي يالبعير
الوليد بغرور : أكيد !! أساسا محد يقدر يتنفس من دوني
مشعل كش عليه و شوي ليجي إياد جري و كان يأخذ نفسه و يهمسون لمشعل و الوليد : الوليد أحلق ترا جسار بيذبح برق
الوليد فز بسرعه و على وجهه بدت ترتسم معالم الخوف : وينهمم؟؟؟
إياد :جهت المطبخ
قام الوليد بسرعه و معه مشعل و إياد وهم حدهم متوترين لأن برق مستفز و جسار نار عادي يولع ويحرقه
.*.*.*.*.*.*.*.
خلونا نرجع شوي على ورا
...
راح حاتم و أخذ الفطور و اعطاه الرجال
آما جهت المطبخ ف كان توه طالع بيروح للرجال و بيده دله الحليب
حط الدلال على الطاوله وجا بيرجع بس شاف برق من بعيد واقف جهت المطبخ استغرب و راح يبي يشوف وش السالفه
واول ما دخل المطبخ انصدم لما شافه قاعد يناظر شمس الي كانت معطيته ظهرها و قاعده تسوي القهوه و ماهي منتبهه مين وراها
صاح عليه جسار و عيونه تطلق شرار : برق ؟؟
إلتفت برق وهو متوتر لأن لو شافه جسار انه قاعد يناظر في محرمهم احتمال يروح على القبر
اما هي على الصيحه لفت بإستغراب تبي تشوف وش صاير الإ و تنفجع من إلي واقف قدامها حست ان لسانها أنربط ما قدرت تتكلم من الصدمه
دخل جسار المطبخ و كأن أحد كب عليه مويه بارده و قال بصوت خافت : شمس ؟؟
شمس طاحت عيونها بعيونه إلي شافت فيها العصبيه و الكره
جسار طنش وجود شمس و لف على برق إلي كان مكمل و يناظر في شمس مسكه من ثوبه و قال بعصبيه : وش تناظر ؟ هااااههه؟؟؟ لا يكون البيت معرض للرايح و الجاي ؟
برق توتر و يبي يبرر : بالغلط دخلت أحسبه باب المجلس
ضحك بشماته و سخريه : تلعب على مين إنت ؟ هاه ؟ تحسبه المجلس أجل ؟؟
صاح عليه و هو مقهور : وش تحسسسس أنت يالرخيص تحسب بنات العالم زي إلي ببالك؟؟
عصب برق و جا بيهاوش الا و يهفه جسار بكف عدل فيها ديكور وجهه المايل
و هنا طاحت عيونه على شمس إلي كانت مصدومه و بعيونها الخوف غمض عيونه بغبنه ما كان يبيها تشوفه بالحاله ذي صاح عليها بقهر : وش تنتظري إنتي ؟؟؟ أدخلي أخلصيييي؟؟
شمس ناظرته و بعيونها الدمعه راحت جري لداخل وهي ترجف
جسار لف على برق و حط يده برقبته و قال بتهديد : إذا أنت ولد أبوك قرب منها
برق أبتسم بسخريه : لا تحاول بأخذها منك
تنرفز و جا بيضربه الا و هذا الوليد يمسك يده وهو يقول بصياح : بوجهي يا أخو الحره
جسار لف للوليد و عيونه يتطاير منها الشرار : لحد يتدخل
الوليد شده لجهته و قال بهمس : تكفى يا جسار مو من صالحك تكفى
جسار عقد حواجبه بإستغراب : ليه مو من صالحي ؟
الوليد : فكه و انا بقول لك
لف جسار لبرق و قال بتهديد : شي أملكه لا تقربه عشان ما أحرقك
و يدفه على جدار المطبخ و يروح هو و الوليد جهت الاسطبل
شال فروته و الشماغ إلي حول راسه و يرميهم على أقرب كرسي و يلف على الوليد و بعصبيه قال : أخلص وش عندك ؟؟؟
الوليد بإستغراب : ليه معصب أنت الحين ؟؟
جسار دمه يغلي يبي يطلع حرته بأي شي قدامه : ليه يروح لحلالي؟
الوليد : وش حلالك ؟ // و كآنه أستوعب شوي و لف له بصدمه : حاط عينه على شمس
جسار يشد شعره و بعصبيه : يبوي يبي شمس يبيهاااااااا
الوليد مسكه من ثوبه : و أنت وراك معصب ؟؟؟؟ مو على أساس إنك ما تبيها ؟
جسار وهو يمسح على وجهه و حاس بغصه بقلبه : ياخي محد له دخللللل أبيها ولا لا ؟؟؟؟ أهم شي محد يأخذها
الوليد عصب : وشوووو؟؟ تبيها معلقه كذا؟؟ أسمعع؟؟ إلي يبيها يدل الباب و شي ثاني ما عندي
جسار ضحك بشماته على نفسه و سحب على الوليد وجا بيطلع الفرس حقه الا و يسمع صوت حاد يقول : جسار !!
لف و هذا حاتم
تضايق زياده و طلع الفرس حقه إلي على العموم كان إسمه "السياف" و لونه أسود حط السرج على ظهره و اخذ اللقام و حطه على فمه و ركبه و صاح عليه و راح جري مسرع بعيد عن العيال
حاتم يأخذ نفس : شفيه ذا ؟؟
الوليد أخذ الفرس حقه و حط عليه السرج و اللقام و ركبه و ما رد على حاتم الإ بكلمه : جسار يحترق
حاتم فتح عينه على آخرها و فهم ان الموضوع فيه شمس
و جا بيجي معهم بس قال له الوليد : خلك انا بصفي حسابي معاه و اخليه يهجد
حاتم بتوتر : ياخي خليني أجي وربي إني خايف على جسار
الوليد : جسار ؟؟ منت صاحي ! جسار ما ينخاف عليه يا اهبل
و يضحك و يروح ورا جسار
و حاتم واقف متوتر
********************
بالصاله |جهت البنات
دخلت عليهن شمس وهي بألعن حالاتها لاحظت عليها منال و قامت بسرعه و سحبتها للحديقة الخلفيه .
منال بتوتر : شمس ؟؟ بسم الله عليتس وش فيتس ترجفين؟؟
شمس هنا ما تحملت و آنفجرت بكي و قالت : جسار !!
منال خافت عليها لما شافتها تبكي بالشكل ذا : شمس تكفين لا تبتسين تكفين
شمس حاطه يدها على وجهها و تشاهق : منال تكفين شسوي ؟؟
منال دمعت عيونها: وش فيس ؟ أهرجييييييي؟؟؟
شمس بالموت تطلع الكلمه من فمها : تكفين يا منال أحبه بس // ما قدرت تكمل كلامها الإ و يغمى عليها
صاحت منال بأعلى صوت : شمسسسسس؟؟؟
الإ و هذا حاتم جاي من بعيد راجع لمجلس الرجال
راحت له منال جري وهي ترجف و تبكي و تقول : حاتم تكفى شمس
حاتم فهى فيها و قال : وشو ؟
منال مسكت ذراعه و سحبته وهو حده مفهي بس اول ما شاف شمس مغمى عليها انفجع و شالها على طول و راح لباب الصاله و قال لمنال : شوفي لي طريق
دخلت منال و قالت إن حاتم يبي يدخل
ف الكل راح للمجلس و محد ركز ان الشخص الي طلب الطريق هي منال
راحت له و فكت الباب و حطها هو على طول على الكنبه و لف لمنال بس غمض عيونه من ريحه عطرها و نزل راسه ما يبي يضعف قدامها بعد شوق دام خمس سنوات : منال
منال بصوتها الناعم : لبيه
حاتم تنهد : تغطي يرحم لي والديتس
انتبهت منال انها كاشفه و توترت و راحت على طول و تغطت
*****
اما شوي بعيد عن الجو المتوتر | في عزبة الجد صالح
ذيب منسدح بالسياره يدور اي شي يجدول عليه و رجوله برا الشباك : ليه جوكم خرا ؟
نهيان : ذيب لو تدخل رجلك جعلها العطب !! والله ان تقولون رجل حاشي
ذيب ضحك : نهيان انت الي وراي ؟
نهيان : إي أنا إلي وراك يالمخنز
و شوي و يمر السوداني أبو علي و يدق عليه ذيب البوري على اساس يفجعه لكن ما اعطاه وجه
نهيان لذيب : شفيه البوري مزكم ؟؟
شوي و ينزل ذيب من السياره و يحط يده على خصره : شفيك تتنمر على سيارتي
جا مسفر و هيف و تربعو بالأرض و لفو جهت ذيب
هيف : جبت شاهي ؟
ذيب : والله ما جبت
هيف كش عليه: و إلي مرسل لك بالواتساب يالمخنز ؟
ذيب : ماني فاضي لك آنا
مسفر : قم جب من عند ابو علي شاهي
نهيان : الله يعطيك الشُاه
ذيب تأفف : زين زين
و يروح و يقول لأبو علي
ذيب : أبو علاوي
أبو علي لف له : هاه
ذيب : نبي شاهي
أبو علي ضحك: مافيه شاهي لكن لو تسوي لنفسك كان زين
ذيب : زين زين
و يروح و يصايح : هيه يقول أبو علاوي مافيه شاهي لكن لو تبون تعدلون لنفسكم انه مابه خلاف
نهيان : وراك تصايح نقدر نسمع صوتك و حنا هنيا
ذيب بهبال يصايح و بالغلط طلعت الصرخه الأنثويه
هيف حط يده على رأسه و مسفر فطس ضحك
نهيان: يا حيف يا حيف على الرجال
ذيب جا يتسحب وهو بيده عده الشاهي : بالغلط والله
نهيان: ماهي بالغلط وربي إنها ما تترقع
هيف : خلاص فكونا الحين جلست هواجيس و شاهي
مسفر قام : الشاهي خلوه عليه
و يقوم يسوي و يحطو يشيل و جا وهو مستانس انه سوا شاهي
نهيان صب لنفس على أساس بيجرب و اول ما شرب من اول رشفه كشر و قال لمسفر :شاهيك ملغم
هيف ضحك: و هذا الي طاق صدره يبي يسوي الشاهي
مسفر : احمدو ربكم بس
ذيب : يا عيال في بالي شي
نهيان: أنت مصيبه لا تتكلم
ذيب : أص و خليني اتكلم
ضحك عليه و قال : أسلم
..........
في المجلس المخصص للنساء | و جهت الأمهات .
  أم برق : والله يا أم سامي تدرين حنا الحمدلله عندنا خير و ما علينا باس لكن فيه مشكله
الجده منيره : وشهو ؟
أم برق : والله شوفي يا أم سامي و انتي يا ام الوليد انا بخاطري شمس لبرق
أريام تهمس لطيف بقهر : خيرررررر تزوج على كيفها ذي ؟؟
طيف : شوفي انتي وش بيصير
أم جسار تدخلت و قالت : من بعد أذنتس يا أم برق شمس لجسار و الكل داري و حافظ المعلومه ذي
لين تحمست و قالت : كفو يمه
و الكل لف لها و ضحكت أمها على ردت فعلها و قالت : سمعتي يا ام برق معليش شوفي لتس أحد غير شمس
أم برق رفعت حاجب : أتوقع إن البنت لها شور و ان الكل له شور يمكن البنت ما تبي جسار
هبه : صح يمه أتفق معتس
حور تبي تقهر هبه : لا يروحي أنتي شمس تحب جسار من لما كانو بزران
ريوف : إي ولا تنسين إن جسار حاط عينه على شمس
الجده منيره ضحكت على البنات واضح انهن صادقات
فقالت : ما ادري يا ام برق الصراحه البنت توها صغيره ما ندري نشوف نشوف كله خير
أم برق تفشلت ما تدري وش تقول و قالت وهي تقوم : عاد انا أستأذنكن وراي شغل البيت لازم أعجل
أم مشعل : افا وين بتروحين اقعدي اقول
أم الوليد بضحكه : إي ما تحلى الجلسه الإ معاتس
أم برق : الجايات أكثر
و تطلع هي و سلطانه و هبه
الجده منيره : دام الكل مشى وش رأيكن نطلع لبيت أم سليمان ؟؟
أم إياد : صادقه يمه منزمان عنها
أم مشعل : بدق على مشعل يجي يأخذنا
.*.*.*.*.*.*.*.
صحصحت شمس و تحس بصداع و تشوف حاتم و منال قدامها تأففت و قالت : ياربي وراكم تتغزلون فوق رآسي آنقلعو خلوني أنام
حاتم شدها من أذنها : أحترمي عمتس يالمخنز
شمس شهقت : يا مالك الوجع فككك
حاتم شد شوشتها و قال : قولي  عمي حاتم و افكتس
منال : هيه الا شمس فكها
حاتم عقد حواجبه : يشيخه ؟؟
منال : اي وش عندك ؟
شمس : إي منول عليتس فيه
حاتم : لا تخربي زوجتي
شمس شهقت و فتحت عيونها على الاخير : استحي على وجهك و انقلع برا قال زوجتي قال وهي باقي ما صارت محرمه
منال وجهها صار إشاره مرور
شمس : شوف وشلون احرجت البنت يلا انقلع لا انادي امك
حاتم : هيه لا تهددي
شمس : أص أص يالمغازلجي
حاتم ناظر منال و قال بهبال : مين بيفكتس مني ؟
و يهج
شمس حطت راسها على يدها : مب صاحي ذا وربي
منال مستحيه و ما ترد عليها
شمس : تف مسويه فيها مستحيه انتي و وجهتس ؟؟
منال ضحكت عليها و شوي و يداهمن البنات
شمس : بنات
البنات : عيون البنات سمي
شمس : بالله احس براسي شي بس مين معي ؟
طيف إلي بايعتها : أنا معتس من الحين
ميار : و أنا
شمس : اقول غصب الكل يجي
شمه : وش فكرتس ؟
شمس بهبال  : نهج ؟
منال : شكل الأغماء أثر على مخها
حور صفرت : جوووووووويي
شمس تحمست: نلبس ثوب العيال و نسرق سياره و نهج
البنات توترن شوي
طيف بحماس : تم قدام
أيام : بالله سياره مين نسرق ؟؟
ميار : مدري فكرو
شمس : انا مالي دخل فكرو عشان لا اجيب فكره ألعن من ذي
لين : سياره جسار ؟
طيف لفت لها : صح عليتسسسسسس
غزل : أنا بسرق المفتاح و الباقي عليكن
شمس : كل وحده تزرف ثوب من اخوها
ميار : كل واحد اطول من الثاني من وين بنجيب ثوب ؟؟
من وراهن : على وين ؟
*.*.*.*.*.*.*.*.*.*.*.*.*.*.*.*.*.*.*.*.*