."مِدهَالك القَلب و مربَاعك ضُلوعي".

." البارت الحادي عشر ".

." البارت الحادي عشر ".
*.*.*.*.*.*.*
في ديرة نجد العذيه | في بيت الجد صالح
... ... ... ... ... ... ... ...
الكل كان متحمس لهالطلعه .. و شوي و يطلع الجد بهيبته و وراه أبو جسار و أبو الوليد الكل فز يسلمون عليه و يصبحون عليه و يأخذون علومه و اخباره
شوي و يقول : مشينا ؟
الكل بحماس : قدام
و يروحو الرجال و ينقسمون بالسيارات كالتالي
جسار و حاتم يأخذون البنات
و الوليد و إياد يأخذون العيال
و هيف و ذيب يأخذون الحريم
و أبو جسار يأخذ أبوه و أخوانه
*.*.*.*.*.*.*.*.*.*
في الطريق / و بعد مرور 3 ساعات وصلو لصحاري نجد
الكل نزل من السياره و صارو ينزلو العفش و كل وحده تأخذ اغراضها و تهج
^^خلوني اقول وش صار^^
عند ملفي .
...
كان قاعد يهاوش الطلي الي  يبي ينزله بس مو راضي ينزل
ملفي و خلاص طفح الكل معه : أسمعني يالحيوان . بتنزل بالطيب ولا اجيب لك الساطور ؟
الطلي يناظره ببرود : مااااععع
ملفي بصدمه : تسبني يالوسخ ؟
الطلي عصب : ماععععععععع
ملفي : شف شف حركاته الوسخه .. يبغاني اخاف
شوي و الإ و يجيه إياد
إياد يسلم على الطلي : السلام عليكم يالخوي
ملفي ناظره متعجب منه : تعرفه ؟
إياد : إي خويي
ملفي ضحك : و أنا أقول من وين ماخذ الشبه ، أثره طالع عليك هههههههههههههههههههههههههههههههههههه
إياد توه يستوعب : أنا طلي ؟
ملفي بلع ريقه و قال : محشوم محشوم
إياد بنص عين : إي أدب
و يأخذ الطلي و يرميه بحضن ملفي : أمسك ولدك
ملفي : بعيد الشر ماهو ولدي
إياد : الإ ولدك
و يروح ملفي جهت المطبخ وهو يتحلطم
..............
كانن الحريم قاعدات يعدلن أغراض الطبخ و يفرشن الفرشه عشان بيطبخن الفطور بعيد عن الخيمه
و ميار قاعده تناظر الرايح و الجاي
شوي و الإ تشوف ملفي جاي جهتها وهو يتحلطم
ميار ضحكت : شفيك تتحلطم انت ؟
ملفي فهى : ها
ميار : افول وراك تتحلطم
ملفي حده دايخ من نبرة صوتها الي من زمان فاقدها ،،، شوي و يجيه صوت من وراه : الله الله يالعشاق
ميار انخرشت : وش فيتس إنتي وش حب وش تهبدين
ريم تناظرهم بنظرات كلها خبث : الإ الإ تحبون بعض ،، صح ملفي ؟
ملفي بلع ريقه و قال : وش عرفني أنا
و يروح و يربط الطلي على العمود حق الخيمه
ضحكت عليهم و جات بترجع الإ و تصقع بإياد
ريم بصياح و خوف : يمهههه
إياد بخوف : يمهههههه إنتي
ريم : إنت الي يمهه و بعدين وش ذا الي بيدك
إياد : وش تشوفين انتي
ريم : اشوفك انت
ميار بحماس : ملفي شوف هواشش
ملفي الي قلبه بينفجر من قوه الدقات: طيب طيب / و يحط رجله و يهج وهو حده متوتر و كل جسمه يرجف
إياد : الحين كل ذا الزين و تشبهوني بالطلي ؟؟
ميار : اي
ريم رفعت راسها تبي تشوف مين إلي يكلمها و شوي و تشهق من الصدمه : إياد؟
إياد ناظرها و بإستغراب و إبتسامه : ريمم؟
ريم : شتبي ؟
إياد أبتسم : يوهه زي عادتس ام لسان ما تغيرتي حتى و انتي أم
ريم : و بعدين
إياد : احمدي ربتس افتكيتي  من ضاري
ميار بسرعه : إياد انطم
إياد استغرب : شفيتس انتي ؟
ريم بسخريه : يبيني ارجع له !!
إياد : نعم ؟
راحت ريم عنه ولا ردت عليه و تقوم ميار وراها
إياد كان يحس بشعور غريب .. ما يدري هل ينبسط او يتضايق بس الي ما مو قادر يفسره هي النار الي شبت بصدره
*.*.*.*.*.*.*.*.*.*.*
عند الفريق الثاني..
مشاري يناظر الدباب مبسوط و شوي و تجي لين و غزل و أريام
لين بحماس : واو دباب
مشاري : يلبى الواو
غزل بصدمه : أوف عيني عينك
لين حمرو خدودها و سكتت
مشاري ابتسم : أويلي على الي مستحي
غزل ضحكت : مشاري بتهجد ولا اجيب الخيزرانه ؟
مشاري ضحك و قال : خلاص خلاص
شوي و يجي هيف و  نهيان
هيف : ياربي ملاقيف انتن ؟
اريام رفعت حاجب : من زين دبابكم عاد
هيف : إي أحسن احسن
نهيان قرصه : أركد
غزل  ضحكت : امشن بس امشن
و يرجعن و يروحن للحريم
..
في بيت الشعر / عند الرجال
أبو ملفي : يا زين الطلعه بس منزمان عن الأجواء ذي
أبو جسار : صادق والله
الجد صالح : ارقدو فالمدينة أنا اقول و بتشوفوا الأجواء ذي .
أبو جسار ضحك : يبه لا تجيب لي تأنيب الضمير و تخليني اندم اني نقلت للمدينه
الجد صالح ضحك : أحسن
أبو جسار بصدمه و ضحكه : احح !! يبه ؟
ضحكو الرجال و شوي و يسمعوا صوت خشن يقول : السلام عليكم
الكل إلتفت جهت الخيمه و ينصدم أبو مشاري وهو يشوف الشخص الي فقده من 6 سنين
و يفز على طوله و يروح و يضمه بقوه
ضحك و قال : يبه بشويش بختنق
أبو مشاري و الدمعه بعيونه : أمريكا سوت فيك كذا و سحبت علينا ؟
قال بحنان : موجود يبوي انت بس الحمدلله اخذت اجازه 4 شهور و بعدها برجع 
أبو مشاري : اهم شي إنك تكون معنا
قال : اييي اكيدد
الجد صالح بصدمه و ابتسامه : ريان ؟؟
لف له ريان و ابتسم ابتسامه واسعه و قال : عمي صالح؟؟
و يروح له و يبوس راسه و يضمه و يسلم على الرجال الموجودين
أبو الوليد : ماشاءالله عليك وش تدرس ؟
ريان : شريعه و قانون / محاماه
ابو الوليد بذهول : ماشاءالله حلوو
أبو جسار ابتسم ابتسامه واسعه : وضيفتك مضمونه
ريان : وشلون ؟
أبو جسار : أبي احطك محامي لشركتي
ريان تحمس : يا عم انت صادق؟؟
أبو جسار ضحك : إي صادق
أبو مشعل : شف هاه .. جاتك وضيفتك لين رجولك
ريان : أنا اساسا بفك لي مكتب بالرياض
أبو جسار : أنا بفكه لك .
ريان انبسط و قال : كثر الله خيرك يا عم و ما تقصر والله
أبو إياد : شفت العيال؟؟
ريان ضحك : لا
أبو إياد أبتسم: رح شوفهم
و يقوم ريان و يتجه جهت الخيمه و شوي و يصدم ببنت صغيره
نزل راسه يبي يشوفها بس انفجع لما شافها كاشفه و صد عنها
قامت بخوف و قالت : من انت ؟
ريان تلعثم : ر ريان
قالت : ريان مين ؟؟ ما نعرف احد اسمه كذا
ريان بسرعه بسرعه قالها : ريان بن فهد
و شوي و تسمع من وراها تناديها : غزللللللل؟؟؟؟؟
لفت لورا و هو هج و قلبه يدق من قوه التوتر
ريان بنفسه: يبوي انا توي جيت و طاحت لي ذي أجل لو بتكي اربع شهور وش بيجيني
و يلمح من بعيد العيال تاكيين يضحكون و يسولفون
ريان بصياح : هاااااااااااااااااااااااااااااااااااييييي
العيال رفعو راسهم له يبو يستوعبو الي قدامهم
ريان ضحك على أشكالهم و قال : شفيكم ؟؟
شوي و يسمع الصراخ الي يقول: رياااااااااااااااااااااااننننن
هنا اكتشف ريان انه راح يندعس ف حط رجله و هج و العيال يجرون وراه
مشاري يصايح : يا كلب وقف انا اخوكك
مسفر : ريان حبيبي بقولك شي وقفففف
ريان بخوف : خلاصصصص فكوني ما ابغاكمم
جسار : ورأس امي ما تعدي يشيخ
و يدعس و يروح و يمسكه من شعره و يأخذه للعيال
ريان : طيب شعري
جسار ضحك : اسف
و يروحو العيال كلهم بوقت واحد و يضموه
ريان مختنق : فكوني تكفون .. امي تبغاني
الوليد ماسكه من أذنه : 6 سنين يالحيوان
ريان : شرايك بس
مشعل : لازم احد يتوطتك انت
ريان : اخاف على جمالي
ذيب : أويلي على شاروخان
......
"خلوني أوصف لكم ملامح العيال"
جسار : ملامحه حاده و له فك حاد و دقن مرتب و عيونه حاده و ناعسه
لونها عسلي بشرته حطني على بياض خفيف شعره ناعم و دايم يحب يرجعه على ورا
جسمه رياضي وهو أطول واحد من العيال .
يتميز " بالصوت الشتوي "
....
الوليد : له فك حاد و جميل و أنفه سله السيف و عيونه واسعه و حاده و لونها بني على أخضر و شعره ناعم على كيرلي و يوصل لآخر رقبته و دايم يكون نازل على وجهه بشرته بيضاء و فيها شوي من السماره
جسمه رياضي و يتميز "ذباته"
....
حاتم : بشرته حطنيه و مره حلوه له فك حاد و مرتب دقنه و شنبه و له غمازه على خده اليمين و عيونه ناعسه و مسحوبه،، لونها عسلي و شعره مره ناعم و يجنن و دايم يرجع لورا و يربطه جسمه رياضي يتميز " الترقيع "
....
إياد : بشرته بيضاء بشكل فضيع و شعره كيرلي و لونه أسود و عيونه واسعه و حاده و لونها عسلي فاتحح و مرتب دقنه و له فك حاد و له جسم رياضي  و يتميز "  دقه على العود"
....
مشعل : له بشرته البرونزيه و تجنن شعره كيرلي على ناعم له فك حاد و مرتب شنبه و شعره ناعم على كيرلي له وجه تقول واحد أجنبي له جسم رياضي و يتميز " عصبيته "
....
نهيان : له بشره حنطيه على بياض خفيف  و شعره كيرلي و عيونه ناعسه و حاده
و لونها اخضر  و له فك حاد و ملامحه مره هاديه و مرتب شنبه و له جسم رياضي و يتميز " البرود "
....
ذيب : له بشره حنطيه و مرتب دقنه و شنبه و شعره ناعم و عيونه واسعه و مسحوبه و لونها عسلي و ملامحه بارده و له فك حاد و له جسم رياضي شعره ناعم و لونه عسلي و يحب يخليه كيرلي غصب و يتميز " بإبتسامه هوليود"
....
مسفر : له عيون واحد صيني و بشرته بيضاء مره و شعره ناعم و مرتب شنبه و له جسم رياضي  وله فك حاده و مرتب و ملامحه جذابه و الانسان ذا يحب يسوي شي واحد وهو اساسا يتميز فيه " المقالب "
....
مشاري : له خشم سله السيف و عيونه حاده و ناعسه و له فك حاده مره و له بشره زي لون العسل و شعره كيرلي و له ملامح هاديه و له جسم رياضي و طبعا الشخص ذا يتميز يميزه العيال مستغلينها على الآخر وهي " الطبخ "
....
هيف و ملفي : التوأم المختلف لهم عيون حاده و دقن حاد و ملفي مرتب دقنه و هيف مرتب شنبه و بشرتهم حنطيه و مره تجنن وله جسم رياضي و ملامحه حاده و يتميزو
" بالغناء "
....
ريان : الشخص الجديد على الروايه له ملامح اجنبيه و له فك حاد و بشرته بيضاء بشكل مب طبيعي و شعره عسلي فاتح على اشقر و له جسم رياضي مرتب شنبه و دقنه و يتميز : " بذباته "
*.*.*.*.*.*.*.*.*.*.*.*.*.*
خلونا نرجع للروايه ..
****
بالجهه الثانيه / جهت الحريم .
كانت أم مشعل قاعده تجهز القرصان و أم ملفي تجهز الجريش
و أم الوليد تطبخ الكبده و أم جسار و أم مشاري يطبخن المرقوق
و الجده منيره تسوي الحليب
شوي و يطلعن البنات من الخيمه و تقول الجده بإستغراب : على وين ؟؟
شمس : ملينا من داخل ،، بنطلع شوي نتمشى
الجده منيره: وين تروحين و انتي يدتس توجعتس؟؟
شمس : لا ماعليتس انا زي الفل بخير
الجده منيره : يا ويلتس لو جاتس شي
طيف : احتزمي بي يمه
الجده منيره كشت عليها
طيف شهقت : زعلت منتس
الجده منيره : أحسن
ضحكن البنات و شوي و تقول أريام : امشن امشن لا يقولن تعالن ساعدنا
ريوف : صادسه
و يروحن جري عشان محد يقول لهن يا فلانه خذي و يا فلانه حطي و يا فلانه شيلي
.......
عند البنات / ..
غزل بالها عند الي داهمها : بناتت
البنات : لبيه 
غزل وهي خاقه : شفت واحد مزيون
سلطانه ضحكت : خقت خقت
غزل ناظرتها و كأنها استوعبت شي : إنتي اسم ابوتس فهد ؟
سلطانه : إي ليه ؟.
غزل شهقت : هييي شفت واحد وربي اسمه ريان
ريم لفت بسرعه لها : وشش؟؟
منال : وش فيكن ؟
سلطانه لفت لريم و بشفايفها اكبر إبتسامه : معقوله جا ؟؟
و شوي ليشوفن سياره جايه مسرعه جهتهن بعدن البنات خايفات عدا سلطانه الي كانت تناظر بعيونه وهي مبتسمه وقف قدامها و نزل و شال النظاره و قال : هاي
حور هبدته : هاي بعينك
مسفر : خيررر
اريام : ما تشوف انت وياه؟؟ بتذبحو البنت
مسفر لف لسلطانه و ابتسم و قال : سلطانه جاك شي؟
سلطانه حمرو خدودها و نزلت راسها : لا
البنات بصياح : استحت استحت .
هيف : مسفر ترا ذيلا عقارب انتبه تحب وحده منهن
أريام عصبت : من زينكك
هيف طلع لسانه و قال : اي من زيني ألف بنت تتمناني
أريام بقهر : كل تراب
شمه : آخرتها يتزوجون صدقوني .
حمر وجه أريام و ناظرتها يعني بصفقتس
ضحكت و قالت : لالا خلاص
شمس : ياربي وربي انكم بزران
مسفر : امشو خلونا نرجع
و ركبو كلهم بالسياره و لف مسفر على هيف و غمز له و هنا فجأه بدأ مسفر يفحط و يطعس فيهن و هن صياح و خوف
عكس شمس و ميار و طيف و منال الي يضحكن و متحمسات
و فجأه صقع كتف شمس على الباب و صرخت و الكل انفجع من صرختها
و وقفو عند المخيم قريب من العيال و هنا نزلت شمس و هي حاطه يدها على كتفها و تتوجع بشكل فضيع
و شوي و تشوف ظل شخص جايي لها
الوليد مسكها و قال : شمس عيوني وش يوجعتس؟؟
شمس تحس ان كتفها منخلع و قالت : مافيني شي بس شوي طحت
مسفر بسرعه : أنا كنت قاعد اطعس و صقعت هي بالباب .. انا اسف
شمس : عادي عادي مافيني شي
و تدفهم و تروح بسرعه الخيمه الي حقت البنات و ما انتبهت للشخص الي كان جاي لها
و راحن البنات للحريم و تركو شمس ترتاح شوي و رجعو العيال لمكانهم بعد ما قام الوليد و عاتب مسفر و هيف
*.*.*.*.*.*.*.*.*.*.*.*.*
دخلت شمس الخيمه و شالت البرقع و العبايه و بدت تصايح بألم و فجأه حست بيد تلفها و يقول بسرعه : وش يوجعتس ؟
شمس بصدمه : جسار؟؟
جسار بيموت من الوجع: شمس ترا شفتس لما نزلتي من السياره و انتي متوجعه قولي و اخلصي وش يوجعتس؟
شمس نست انها كاشفه و قالت : ولاشي ،، اطلع ابي انام
و جات بتمشي بس مسكها من يدها و رجعها مكانها و قال وهو يناظرها : تكفين انطققي وش يوجعتس
شمس ناظرته بتسأول : ليه مهتم ؟؟
جسار كان بيقول لاني احبتس بس  قال : خايف عليتس لاني أ..
شمس بسخريه : نظره الشفقه ذي ما احتاجها .
جسار بجديه و حده : و مين قال اني اناظرتس بنظره شفقه ؟؟
شمس عقدت حواجبها وهي بعيونها الدمعه : أجل اخلص قول وش تبي مني
جسار ماله نفسك يكتم اكثر من كذا و قال : أنا خايف عليتس افهمي مابي شي يجيتس
شمس : و ليه إنشاءالله
جسار : مدري
شمس : أطلع برا
جسار و لأول مره يرفع عيونه و يناظرها و بحده : ماني طالع و قولي وش فيتس
شمس توجعت من قبضته و قالت : ممكن توخر ؟؟ تراي كاشفه عيب عليك تدخل ك..
قاطعها و قال بجديه : بتصيرين على ذمتي
انصدمت منه و قالت : وش تهبد أنت؟؟ ،
جسار ابتسم و قال : زي ما سمعتي
و يطلع برا
حطت يدها على قلبها و قالت بقهر : وش يبي منيييييي وشششش
*.*.*.*.*.*.*.*.*.*.*