."مِدهَالك القَلب و مربَاعك ضُلوعي".

."البارت التاسع".

."البارت التاسع".
***
في الديره | و بالتحديد في بيت الجد صالح جهت العيال
مسفر : هيف ترا جعت وينه الطباخ حقنا
هيف ضحك : اما طباخ !!. لا يسمعك مشاري بس
مسفر : ما عليك لا جا بهاوشه و بحرمه من المصروف
هيف فطس ضحك : وش مصروف ترا مب بزر
مسفر : الإ بزر
شوي و يلف جهت ذيب الي مفهي و واضح عليه انه قاعد يهوجس
مسفر ينغز نهيان : هيه ولد !!
نهيان لف له : هاه
مسفر : شوف شوف ذيب .. وضعه ما يطمن أبد
نهيان لف لورا و انفجع من وضع ذيب راح له و قعد قدامه و قال : ذيب ؟؟
ذيب صحى على نفسه و قال : هاه
نهيان : يا ولد وش فيك
ذيب بهمس : وربي طلع الكلام صدق
نهيان إنلخم ما فهم شي : وش تهبد أنت ؟؟، هيه ترا ما فهمت شي !
ذيب وهو يحس بفراشات بقلبه : أسمع هيه تنصحني أتزوج ؟
فتح نهيان عيونه على الاخير بصدمه : وش؟؟ تتزوج ؟؟ بالله لا تتزوج نبغاك معنا
ذيب يحك رأسه : ولا تحس انه مو وقته؟
نهيان : أكيد مو وقتهههه
ذيب انسدح بطفش : خلاص طيح و استريح ماني متزوج
*.*.*.*.*.*.*.*.*.*
عند البنات | في الغرفه
فتحت الباب و رفعت حاجبها وهي تشوف الي واقفه قدامها: شتبين؟
سلطانه بتردد : أبي اقعد معكن
لين : خلوها تدخل
بعدت ريوف عن الباب و دخلت و معها ريم الي متضايقه
ابتسمت غزل و قالت : وين بنتس؟
ابتسمت ريم بهدوء و قالت : برا عند خالها
ريوف ناظرت سلطانه و قالت : وش فيها اختس ؟
سلطانه ناظرت ريم و بعدها قالت : اليوم جا ضاري يبي يرجعها
رفعت حاجب و قالت : خير وش الدنيا فوضه ؟
سلطانه :وربي قلبي موجعني عليها
حور راحت للمسجل و قالت : يلا يلا أوقفي انتي وياها
ميار : وش تبين نسوي
شغلت حور شيلة" بنت العز "
قالت بحماس : بسرعه بسرعههه
هنا البنات شاش راسهن حتى ريم الي متضايقه قامت معهن ترقص
كانت سلطانه تناظرهن و تبتسم على جوهن و تناظرها أريام و حزنت عليها و راحت و سحبتها وهي انصدمت منها
أريام : ارقصيي
هنا استانست سلطانه و ربطت خصرها و صارت ترقص
والي تهز كتوفها
و الي تلعب اللعب النجدي .. كان بإختصار جوهن مره حماسي
.*.*.*.*.*.*.*.*.*.*.*.
في جهه ثانيه عند طيف و شمس
طيف تتأفف : وش يبي ذا السلح ؟
شمس جاها نوم و قالت : وش عرفني أنا ؟؟ شوفي الوقت تأخر
طيف : تتوقعين أحد بيجي يفزع لنا ؟
شمس : غصب عنهم يجون .. خير وشو نجلس هنا ؟
طيف جات بتتكلم بس الا و تشوف صرصور يمشي على عبايه شمس
صرخت طيف بخوف : يمممممممممممهههههه
هنا خافت شمس و قالت: وشو وشووو ؟؟ وش عندتس ؟
طيف بخوف: صرصور على عبايتس
شمس صرخت بأقوى ما أعطاها ربها : يممممممممممممممممممممممممممممهههههه
و صارت ترقص رقصات غريبه بس عشان يروح الصرصور من عبايتها
هنا طيف ضحكت عليها و على حركاتها
شمس بصياح : افزعي لي يالمخنزززززز
و ما امداها تتكلم الا يطير و يروح جهت طيف إلي كانت تضحك
شمس : شوفي مين جايتس
و تناظر الا ذا الصرصور قاعد يطير بالغرفه و جاي لها و تصرخ و تروح جري عند شمس
شمس : وخرييي
طيف : وربي ما اوخر
شمس : يا سلح وخري بيجي علي
طيف : احسن عشان لا جا يجي عندي انا و ياتس
شمس : الله يقلعه من صرصور واضح إن معه رتبت طيار أول
طيف بدل ما تخاف قعدت تضحك
شمس شوي و الإ تشوف مشرط بالأرض و حطت وضعيه المحقق كونان و تروح للباب تحاول تفتحه الا و تجيها طيف
طيف : وش تهبدين انتي ؟
شمس : أص .. قد شفت في مسلسلات يسوون كذا و ينفتح الباب
طيف ضربت رأسها: ابلش
شوي و الإ ينفتح الباب و تصايح شمس : يسسسسس
طيف حطت يدها على فمها : اصصصص لا يسمعنا المجنون ذا
و راحن يتسحبن
*.*.*.*.*.*.*.*.*.*
عند الثلاثي المجنون .
حاتم : يا عيال
لفو له جسار و مشعل : وشو
حاتم : تعالو هنا تعالو
و دخلو بسرعه و قال جسار : أبوك يالفخامه وش ذا البيت الاسطوري
مشعل : وش رايك نأسس هنا نادي العزوبيه و ربي وناسه .. و فوقها نفتك من ازعاج البنات
هنا فطس جسار ضحك و انصدمو انه ضحك
حاتم بصدمه: ول!!! جسار يضحك
مشعل : وربي ضحكتك تخقق يا حمَار
جسار سكت و كشر : شقلب انت وياه
و هنا سمعوا فجأه صوت جري فالطابق الثاني
حاتم استغرب : أحد هنا ؟
جسار رجع لوضعه الطبيعي و قال : تعالو وراي
و راحو بسرعه للطابق الثاني و اول ما قربو من النهايه شافو شخصين لونهم اسود يجرون بسرعه
صاح جسار بحماس : الله جنن
و راح جري وراهن
مشعل : يبوك ذا باتمان مب جن
ضحك و راح وراه
شاف الشخصين انحشرو و صاح و قال : وقفو نبي نسولف بس
**حمار يبي يسولف مع الجن**
راح لهن و لفن له و كل وحده ميته خوف
شهقت بصدمه : وش تسوي هنا ؟؟
جسار بصدمه : وش تسوي انتي وياها هنا
شمس تقلب بعيونها و تقول : ولاشي
جا مشعل و حاتم و طيف اول ما شافت مشعل صدت عنه لان كان عيونها مليانات دموع
حاتم : أوف؟؟ انتن هنا ؟؟
مشعل : أقول برا برا ذا البيت لنا
شمس رفعت حاجب : نعم ؟
مشعل : أي زي ما سمعتي
شمس : اقول يلا بس مناك انا ابي أسوي هنا نادي العنوسة
ضحك على كملتها و لفت له بسرعه تبي تتأمل ضحكته
طيف و كأنها تذكرت : اقول ترا ناصر هنا
حاتم : ناصر ؟ مين ذا
مشعل بسرعه: لا يكون ذاك المجنون ؟؟
طيف : إي إي هو
مشعل : وش يسوي هنا ؟
طيف : مدري عنه داهمنا يقول يبي شمس
تغيرت ملامح جسار إلي كان مبتسم إلى واحد معصب : يبي وش ؟
شمس بلعت ريقها : تراه مجنون ما يعرف شي
شوي و الإ يسمعو صوت ناصر جاي يقول : ثمث !! هبيبتي ليه طلعتي ؟
جسار عصب و جا بيروح له و بس مسكت يده بسرعه و بدون ما تحس : لا تروحححح !! تراه مب صاحي !! عادي يذبحنا هنا
جسار جته قشعريرة أول ما حس بيدها الناعمه و كأنه نسى نفسه
ناصر طلع المسدس و قال : ثمث تعالي بثرعه
شمس بعصبيه: مابييييييي
حاتم: هيه ناصر يا حبيبي وين مازن عنك ؟؟
مشعل : ياخي اسكت ما تشوف الفرد بيده
ناصر اول ما شاف شمس يدها بيد جسار عصب و جا بيطلق على جسار
بس شمس اول ما شافت ان الطلقه بتجي لجسار دفته بقوه و هي الي تصاوبت بداله
صرخت طيف بخوف و راح مشعل بسرعه و سحب السلاح من يد ناصر و شال الشماغ إلي على رأسه و ربط يده و قال بعصبيه : الله يقلع ذا الراس .. ذبحت البنتتتت
اما جسار كان بالأرض و منصدم من إلي صار قبل شوي و اول ما استوعب ان شمس تصاوبت شال الشماغ إلي كان لافه على رأسه و حطه على جرحها و قال : تتوجعين؟؟
شمس صرخت بألم : فكنييي
راح حاتم و بعد جسار لانه مب محرمها و مشعل قد نزل للطابق الأول
حاتم فك الشماغ و شاف عباية شمس الي كلها دم و قال وهو يتنهد : سليمه بس جرح ،،الحمدلله انها ما دخلت الطلقه في ذراعها
شمس ما تبي تبكي قدام جسار و ماسكه دموعها و وقفت بعد ما لف عليها حاتم الشماغ
راحت طيف و ضمتها وهي تبكي : تحسين بوجع ؟؟
شمس بإستهبال : يبوي انا اتوجع ؟؟ مستحيل
عرفت طيف انها تمثل القوه قدام جسار و ان فيها بكيه بس ماتبي تطلعها
حاتم : امشو نرجع البيت قبل لا يلتهب الجرح
و نزلو و جسار حاس بغصه بقلبه من إلي صار قدامه قبل شوي
اما جسار اول ما شاف ناصر راح له و الغصب عامي عيونه و مسكه من ثوبه و جا بيعطيه بوكس بس مسكه مشعل بسرعه : شفيككك؟؟
جسار بصياح : يبوي يبي يذبح شمس و تقول لي وش فيك؟؟
مشعل : يا هطف الولد مجنون و مرفوع عنه القلم يعني حتى لو يسوي الي يسويه ترا مراح يتحاسب ف فكه
جسار رفع أصبعه بوجه ناصر و قال : أحمد ربك انك كذا ولا كأن شوهت الوجه الزق ذا
حاتم بعصبيه و صراخ : خلاصصصص امشي انت وياه بسرعهههه
*.*.*.*.*.*.*.*.*.*.*.*
في بيت الجد صالح | عند العيال
حس بنغزه في قلبه و تعوذ من الشيطان و أخذ جواله و دق عليها و ما ردت
كان جوالها بالصاله ناسيته
الوليد تأفف و اتصل مره ثانيه و شوي و الا يجيه صوت مب صوت شمس
قال : ألو؟ شمس
بلعت ريقها اول ما سمعت صوته و قالت : ها؟
عرف صوتها و بحته و قال: ريوف شمس وينها ،؟
ريوف انفجعت كيف عرفها : مب موجوده .. ما شفتها اساسا
الوليد تأفف و قال : لا جت خليها تدق علي
ريوف : أبشر
الوليد : يلا سلام
و يقفل
*.*.*.*.*.*.*.*.*.*.*.*
عند الرجال كانو راجعين للبيت و هذول هم جسار جايين
الجد صالح استغرب من شكل شمس و قال بشك : شمس وش فيتس؟
شمس بتوتر : مافيني شي يبه
طيف بكت : المجنون ذا أطلق عليها / و تأشر على ناصر .
ابو الوليد عصب و راح بيهاوش ناصر بس مسكه أبو مشعل : لا يكون نسيت انه مب بوعيه!!
ابو الوليد بصراخ : بس ما توصل انه يطلق على بنتي !!
راح حاتم و قال ببرود و دمه يغلي: خلوه علي !! خذوها عند جدتي تعالجها و انا شوي و اجيكم
و يلف على مشعل و قال : تعال
جسار : بجي معكم
حاتم عارف انه يدور هواش و قال له : مراح تجي اقعد مكانك
جسار بعصبيه : الا بجي
حاتم بصراخ : ان جيت وربي لافقع وجهك
و يروح و يسحب ناصر و يروح جهت بيت أبو مازن
و صار يدق الباب بشكل مجنون و شوي و الإ ذا مازن فاك الباب و اول ما شاف وضع اخوه كذا عصب و قال : بأي حق تسوون فيه كذا؟؟
حاتم لف لمشعل : امسكه شوي / و يعطيه ناصر
مسكه مشعل زي ما قال له حاتم
و يروح حاتم و يمسك مازن من ثوبه و يعطيه ذاك البوكس الي خلع له فكه و قال وهو يمسكه مره ثانيه و بحده و برود : أسمع!! يقرب اخوك التبن ذا من محارمنا وربي لاجي و اقلب الديره كلها على راسك انت و جماعتك فاهم ؟؟ ولا تبيني ارجع افهمك!؟
مازن بعصبيه: فكككك
و يدفه حاتم و يطيح على الارض قال بشماته وهو ينظف يده : الله لا يبلانا
و يدفون ناصر على مازن و يقول مشعل بسخريه : شماغي هديه له
و يضحك و يروح هو و حاتم و يرجعون للبيت .
*.*.*.*.*.*.*.*.*.*.*
عند الحريم / في مجلس النساء
دخلت طيف و معها شمس و تقول : يا جده شوفي حل لشمس
الجده منيره : وش فيها ؟
شمس على طول رمت نفسها في حضن جدتها و انهارت تبكي
ام الوليد بخوف: طيف وش فيها شمس ؟؟ و شماغ مين ذا ؟؟
طيف بقلق : شمس تصاوبت بس الحمدالله سليمه
شهقن الامهات بخوف و أم الوليد راحت لبنتها بخوف و قالت : شمس يمه تحسين بوجع ؟؟
الجده منيره بعدت يد ام الوليد و قالت : خليها تبكي شوي
ام إياد : وشلون تصاوبت ؟؟
طيف : ناصر كان يبي يطلق على جسار بس شمس تدخلت و هي الي تصاوبت
ام جسار شهقت: نعممممممم؟؟ يبي يذبح ولدي؟؟
ام مشعل بإستغراب: اهله وينهم عنه ؟؟
أم ملفي : يا حبيبتي إنتي انا لو اشوف امهم بس الله يعينها مني
الجده منيره عصبت شوي: أطلعن ابي اقعد مع شمس و انتي يا طيف روحي لغرفتي و جيبي عدتي
طيف : أبشري يمه
و تروح طيران لغرفة أمها تجيب العده الطبيه
و طلعن الامهات و أم الوليد عييت تطلع و قالت لها الجده منيره : يا بنت الحلال اطلعي تراها معي انا أمها الثانيه ماهي عند أحد غريب
ام الوليد تبكي : تكفين طمنيني عليها
الجده منيره : ما تعرفين شمس انتي؟؟ في ثواني تجيك بخير زي الخيل
قامت أم الوليد: عسى يارب
و تروح برا
و تجي طيف و تحط العده عند امها و تقعد
الجده منيره: وش تبين ؟؟
طيف : يمه وربي ما أخليها،، لا تحاولي
تنهدت الجده و قالت لشمس انها تنسدح عشان تعرف تعقم جرحها
*.*.*.*.*.*.*.*.*.*.*.*