."مِدهَالك القَلب و مربَاعك ضُلوعي".

."البارت السادس".

."البارت السادس".
.*.*.*.*.*.*.*.*.*.*.*.*.*.*.*.*.
.*بعيد شوي عن الإزعاج | عند جسار و الوليد *.
كان جسار زاقه معاه و ماله خلق
جا الوليد و ربط لجام الفرس على الشجره و راح و قعد جنبه
و قال وهو يتنهد : تحسب إنك أنت الوحيد إلي مغبون؟ و بداخلك نار تحرقك ؟
جسار رفع وجهه و قعد يمسحه بيده الي ترجف : الوليد ماني زيككك النار الي بقلبي مب زي إلي انت تحس فيها
الوليد لف له و بحده : وش فرقت النار الي بصدري عن النار الي انت قاعد تحس فيها؟؟
جسار شد على قبضته و برزو عروق يده و قال وهو يرفعها و يأشر على قلبه : الي هنا حلم مستحيل يتحقق !!
الوليد ضحك عليه : مو انت تبي شمس ؟ ليه ما تخطبها؟؟
جسار لف عليه : اخطبها ؟ صاحي انت ؟؟
الوليد بطقطقه : أجل خلك انتظر لين يجي برق و يسرقها
جسار حس بغصه بقلبه و قال بنبره تخوف : إذا هو ولد ابوه يأخذها وربي لأخذها من بين يدينه و اقطع راسه و أخليه مهر لها
الوليد بلع ريقه من النبره ذي و قال : أمزح أمزح
جسار اعطاه نظره و صد
الوليد قعد يناظره و قال بهمس : مستفز
جسار : غثيث
الوليد عقد حواجبه و قال : معليش بس ما الغثيث الا انت
جسار بغباء : إحنا ما طلعنا من البطن ؟
الوليد بغباء :إي جينا من بطن الدنيا و صرنا أصدقاء
جسار : و الدنيا تعلمنا يعني
الوليد : أكيد
جسار بذكاء : إي اليوم صديقي و بكره عدويي
الوليد بفهاوه : يعني وشو نتضارب الحين؟
جسار : لا
الوليد : يعني الحين كذا صارت العلاقه بيني و بينك ؟
جسار يقلب بعيونه و بغرور : والله ما صرت أأمن أحد الصراحه!! اليوم معاي بكره تقلب ضدي
الوليد بصدمه : أنا الjust friend
جسار :أدري بس وجهك ذا ما يطمن .. تشبه واحد من ذوليك الاشرار
الوليد فطس ضحك: كل ذي الشياكه و تقول شرير؟؟
جسار ضحك : بس تراني احبك يعني
الوليد بعفويه : حتى انا تراك صديقي الصدوق قسم بالله
جسار مسوي مستحي : يعمري
الوليد عايش جو : والله انشاء الله ما يجي يوم و اتهاوش معك !! ليه اتهاوش معك ؟؟
جسار ضمه : ولك تؤبرني
*.*.*.*.*.*.*.*.*.*.*.*.*.*
عند العيال إلي بالعزبة ..
________
كان هيف و مسفر قاعدين يتمشون و شافو أبو علي السوداني.
جلسو معه و قعدو يسولفو و دخلو جو معه شوي و الإ و يقول : اصبرو اقوم اشيك على النياق
و يروح
هيف لف لمسفر : أنت وش لون عيونك ؟
مسفر : عسليه
هيف بضحكه : ماشاءالله زيي
لف عليه مسفر بابتسامه غرور و خبث
هيف وهو يناظره من فوق لتحت : وع عشتو مسوي أجنبي
و يفطس ضحك
ناظره مسفر بإستنكار : ليه تقارني فالأجانب لاو الله إني سعودي
هيف يعدل جلسته : والنعم حتى أنا سعودي
مسفر : أنت هندي قلت خلي عنك
هيف يرقعها : لا
مسفر : تصدق أحس فيك شي من الأصول الهنديه
هيف : لالا يا حمار هم يقولون إن أنت فيك شبه من الهنود
مسفر ماسك الضحكه : إنت ؟
هيف يبي يصرف الموضوع: تعرف هيرتي ؟
مسفر : مين هيرتي ؟
هيف : هيرتي كورشان
مسفر : لا
هيف بغرور : لا عاااااد لا تسوقها
مسفر ضحك : قصدك إلي شعره طويل ؟
هيف : ايوه اقصد ذاك كريشنا
مسفر : إلي يطير
هيف بغرور : إي ذاك شبهوني فيه
مسفر : والله معي كلام لكن جنبنا أبو علي
هيف : تعال خلينا نشوفك شكله سحب علينا
و يروحو جهت النياق و ما يدرون وش منتظرهم هناك
.*.*.*.*.*.*.*.*.*.
أما بالجهه الثانيه كان ذيب قاعد يحوس بالخيمه وشاف حلى و راح لنهيان جري و قال: لقيت حلى شوففف
نهيان: مابي شبعت انا
ذيب عقد حواجبه و اخذ وحده : وربي لتآكل ،، كُلللللل
نهيان بقرف : مابييييييي
ذيب عصب : كُلللل
نهيان بصياح : ما ابغى اكل لا تأكلني
ذيب بعناد و عصبيه : والله لتاكل من يدي ولا مراح تآكلها
كان نهيان قاعد يناظر بالحلى وهو خايف
ذيب : كُللل
نهيان بقهر : أستغفر الله
ذيب بحده : يالله !! هنا يبين المواقف ياللهه
فطس نهيان ضحك وهو يشوفه جدي بالشكل ذا
ذيب بعناد : كُل ياللهه
نهيان بضحكه : شفيك ياخي ريحتها خايسه
ذيب : هنا اختبرك، ، و انشاءالله تنجح فالإختبار
نهيان : بسم لله الرحمن الرحيم // و ياكل
ضحك ذيب بصدمه : يلبى
نهيان مخنوق من الطعم و وده يطرش
ذيب مكمل و هو يأخذ الثانيه يبيه يآكلها : يعمري طلع يحبني صدق
نهيان: عشان ما أكسر بخاطرك
ذيب : الحمدلله
نهيان بقهر : انبسطت ؟؟
ذيب : كان عندي شك و كسرت شكوكي
نهيان لف له و اعطاه نظره
و شوي و الا يسمعون صراخ هيف و مسفر
.*.*.*.*.*.*.*.*.*.*.*.*.*.*.*.*.
نرجع لبيت الجد صالح | جهت البنات .
من وراهن : على وين ؟؟؟
شهقن بخوف الا و ذي الجده منيره
شمس ترقع الموضوع: ولا شي نبي نطلع برا شوي على الجو الحلو ذا
الجده منيره: إي إي اطلعن غيرن جو
و اخذت عبايتها و لبست البرق و طلعت
طيف : بنات بسرعه كل وحده تروح على المكان الي مطلوب عليها
تقسمن البنات كالتالي ...
شمس و ريوف على الغرف
منال و ميار يسرقن مفتاح السياره
اما شمه و أريام برا يوقفن قدام السياره عشان محد يأخذها
غزل و لين و حور و طيف بالحوش ينتظرن متى يطلعو الرجال
.*.*.*.*.*.*.*.*.*.*.
عند شمس و ريوف تقسمن على الغرف ..
شمس راحت يمين و ريوف يسار
دخلت شمس الغرفه و قالت : أف ريحه ذكور
و تقعد تفرفر بالغرفه و تنسدح بالسرير و تجيها ريحه عطر خلتها تدوخ و حست على نفسها و فزت
راحت و تفتح الدولاب و وتشوف ملابس كثير و واضح انه مره غاليات
أخذت ثوبين و شماغين و سروال و طلعت بسرعه
و راحت على الغرفه الثانيه و و زي السالفه تزرف الملابس و تهج
____
أما جهت ريوف دخلت غرفه شافت فيها عود و راحت جري و أخذته و شافت مكتوب عليه الوليد
أبتسمت و حمرو خدودها و قعدت تمسح على اسمه بأطراف أصابعها الناعمه و فجأه حست على نفسها و فزت و رجعته مكانه
و راحت عل طول و فكت الدولاب و اخذت الملابس بس جذبها دفتر صغير اخذته بسرعه و حطته في جيبها و طلعت على طول خايفه يدخل الوليد و يشوفها وهي بالشكل ذا
_______
أما جهت البنات إلي بالحوش .
لين : تعبت اففففف
غزل : الرجال ذول صاملين ما يطلعون
لين : يعني خلاص فطرو المفروض يروحو للعزبه
طيف تهمس : اش اش جا النشبه
جاهم حاتم وهو يتسحب و يخزهن بنظرات خبيثه و يقول وهو مبتسم : وش عندكن هنا ؟
حور تناظر طيف : وشو ؟؟ ابد ما عندنا شي !!
لين : إي إي بس ننتظر الرجال يدزون
البنات فتحن عيونهن و ناظرنها وهي حطت يدها على فمها
غزل ضحكت بتوتر : قصدها زبي نسوي فعاليات للبنات لحالنا و ما نبي رجال بالبيت عشان نأخذ راحتنا
حاتم بذكاء : طيب بلعب معكن
طيف بلعت ريقها : عيبببب هنا بس للبنات يلا مناك رح عند عيالك
حاتم ضحك: وخري أجل بروح غرفتي
حور : لالا لا تروح خلك نبي نسولف معك
حاتم حس ان الموضوع فيه بلاوي
شوي و تطلع بوجههم شمس و تقول : يلا بنات
و تنفجع من إلي قدامها
حاتم : لالا لازم اعرف وش عندتس انتي وياها !!
ريوف تهمس لشمس : رحنا فيها
شمس سوت نفسها طبيعيه : ما نبغاك رح عند جسار و العيال
ريوف : يلا بنات
و يدخلن البنات و تصفر حور عشان البنات الي برا يطلعن
و تمر منال و يقول بهمس : منال
لفت له : لبيه ؟
حاتم وده يذبح نفسه و بهمس : لا تقولي لبيه
منال عقدت حواجبها : وش اقول أجل؟؟
حاتم : إي شي بس لبيه ذي تعذبني
منال ابتسمت : لبيه ؟
حاتم صاح عليها: على زق
و هي هنا فطست ضحك وهو راح بسرعه جهت العيال
و تلف لشمس و تغمز لها و تبتسم وتدخل بسرعه وهي متحمسه للمصيبه
و يدخلن جري و يتوجهن لمجلس النساء و يقفلن الباب
و بدأ التحول عند البنات
كل وحده لبست الثوب وشمرت الأكمام و دقت اللطمه
رفعت شمس ثوبها و ربطته لان مره طويل
و البنات زيها
و هنا كل وحده بدأت تجيب أسم مسطنع لأسمها
شمس : شجاع
منال : مساعد
طيف : طلال
لين : لافي
حور : حمد
غزل : غالب
ميار : مانع
ريوف : ريان
شمه : شَنار
أريام : أسامه
.*.*.*.*.*.*.*.*.*.*.*.
في بيت أم مشاري | عند الحريم .
أم الوليد تهمس لأم جسار : أسمعي في بالي فكره
أم جسار عدلت الجلسه و لفت لها : أسلمي أسمعتس
أم الوليد : وش رايتس نقول للرجال نطلع لنا طلعه بر
أم جسار : وربي فكره ليه ما جت ببالي
أم إياد جت بالنص : وش عندتس إنتي وياها؟
أم الوليد تهمس لها : أقول ودي أهرج مع الرجال إنه نبي نطلع لنا طلعة بر
أم إياد : اوففففففف خلاص خلوها علي
أم جسار : ألعب يالفزعه
أم إياد بدت تقلب بعيونها بغرور و تقول : أفا عليتس
أم مشعل جتهن : سمعتي وش قالت أم مشاري ؟!
أم إياد : وش وش
أم مشعل : قالت إنه تبي تخطب لولدها
أم جسار : و مين تبي ؟
أم مشعل : تبي منال
أم الوليد : يشيخه عشان يجيب حاتم فينا العيد الكل عارف انهم لبعض وراها تحشر خشمها و تجي تخطب
أم إياد فطست ضحك
أم جسار ماسكه الضحكه : لو يدري حاتم : إحتمال يأخذ مشاري للجنه
أم مشعل بهمس : أنا الصدق مابي منال تروح لأحد ما أعرف وش أصله و وش سواياه
الجده منيره لفت للأمهات : وش عندكن متجمعات تسذا ؟؟ الوضع ما يبشر بالخير
.*.*.*.*.*.*.*.*.*.*.*.*.*.*.*.
عند الوليد و جسار كانو راجعين للبيت
و كان جسار شاد على لجام الفرس و لاف الشماغ على صدره و النظاره الشمسيه بعيونه و بيده الزقاره و قاعد يدخن ببرود
الوليد يناظره و يتأمله
جسار لف له و ضحك ذيك الضحكه الي تجيب لك الدوخه : مهووس؟
الوليد ضحك : لو إنك بنت كان جيت و خطبتك
جسار ضحك بصوت عالي : هههههههههههههههههههههههههههههههههههه لدرجه ذي انا مزيون ؟
الوليد بجديه : جت على مزيون وبس ؟ يبوي وربي ملامحك تقول واحد تركي مدري أجنبي
جسار بغرور : أكيد لان جمالي محدود نادر تشوف أحد زيه
الوليد بدأ يجري بالفرس و شعره يتطاير مع الهواء و بخبث : بس تراي سكرت ملفك
جسار عض شفايفه السفليه و ابتسم على جنب و قال : بس ما تجي جمالي
الوليد : يبوي وراي اقارن نفسي بالنجوم و انا القمر ؟
ضحك و قال : تسابق ؟
الوليد تحمس : قدامممممم
جسار : الي يوصل اول شي هو احلى واحد من بين العيال
الوليد ضحك : ياربي يالغرور ماتتعب انت ؟؟
جسار ضحك على جنب : لا
و صار يجري بالفرس بسرعه و توه يستوعب الوليد انه قد سبقه و يروح بسرعه وراه وهو يجري بالفرس و يصياح و يقول : غش
.*.*.*.*.*.*.*.*.*.*.*.*.*.*.*.
عند البنات .
ركبن السياره و حرك طلال "طيف" بسرعه
وهي مشغله اغنيه " X.o.X.o " و مطوله على الصوت عل الآخر
و تقعد تفحط فيهن و البنات صياح و حماس
و و فجأه يقول لافي"لين" : خلونا ننزل البقاله
قال شجاع بحماس "شمس" : قدامممم
و نزلن كلهن للبقالة الا طلال و مساعد
و كان صاحب البقاله طفشان يدور جدول و اول ما شاف الجيش جايه انصرع
و كان في فيه شخصين:)
تتوقعو مين ؟؟
كان ملفي و مشعل فالبقاله يتقضون و أول ما شافو كل ذول العيال قداهم انفجعو
ملفي صد ميار : شسمك ؟
مانع "ميار" لفت له و افنجعت و قالت وهي تخشن صوتها : تكلمني ؟
أبتسم ملفي و قال وهو يحط يده على خدها و يتأملها : إي أنتي
مانع "ميار" انخرشت و قالت بحده : لو سمحت وش شايفني عشان تكلمني بالأسلوب ذا ؟؟
ملفي ضحك : يبوي أطقطق شفيك تحسست ؟
مانع "ميار" بلعت ريقها : ما تحسست بس انت الله يرجك رفعت ضغطي
و تجي ريوف الي هي "ريان" : مانع عجل بنمشي
اعطته نظره و طلعت
ملفي لمشعل : ياخي وضعهم مشكوك فيه
مشعل : يبوي انت جلدك يحكك تدور هوشه
ملفي مسوي مسكين :الحين انا الي ادور هوشه ؟؟
مشعل ضحك بصدمه : ياربي كيف يسوي نفسه مسكين
ملفي : لاني مسكين من جد
مشعل : لأنك سكين
ملفي كشر و طلع مسوي فيها زعلان
.*.*.*.*.*.*.*.*.*.*.*.
في عزبة الجد صالح | عند العيال
سمعو صوت صياح هيف و مسفر و فز نهيان و ذيب معه
و راحو جري و هم ميتين خوف يحسبو شي جاهم
و أول ما شافو هيف رافع ثوبه و يجري و و معه مسفر الي يجري و يضحك و الناقه أميره تجري وراهم
هنا ذيب ما قدر يتحمل و فطس ضحك
نهيان ضحك و قال وهو يطقطق عليهم : هذا جزات الي ما يسمع النصيحه
مسفر بقهر : أنا أوريك
و يروح يجري جهت نهيان و ذيب و هيف وراه قده انهلك و شوي و يفطس
نهيان صاح عليه : لالااااا
ذيب كان باقي يضحك
انحنى نهيان يبي يب يوقف عشان يهجون
نهيان فكه اول ما شاف اميره جايتهم : الله يرحمك يا ذيب
ذيب توه يستوعب و يفز على طوله و ما عاد يشوفون العيال الا غباره
و صارو هم الأربعه يجرون و أميره وراهم
مسفر يبي يسوي جو : ذيب شوفها تبي تبلعك
و للمره الثانيه طلعت الصرخه الأنثويه الخاصه بذيب و قال :يمهههههه
نهيان فطس ضحك : يا سواد وجهك اذا صرختك تسذا
هيف يصايح : اسكتو و نادو على السوداني الفاهي يجي يفكنا من ذي
العيال مع بعض : ابو عليييييييي
ابو علييييييييييي
ابو علييييييييييييييييييي
و يطلع ابو علي و بيده علف النياق و ضحك عليهم اول ما شافهم بالحاله ذي و قعد يصايح على أميره و اول ما سمعت صياحه وقفت وراحه جري لابو علي
نهيان يأخذ نفس : اقول شقلبو انا برجع البيت
هيف : بالله وشلون هجدها ؟
مسفر : سر المهنه يا حبيبي
ذيب : يبوي الديره حقتكم مصيبه
نهيان: يا حبيبي باقي مطول عندنا
ذيب : خيررر
مسفر : أص لا تسولف واجد بتقعد يعني بتقعد
هيف : جرب تقول مره ابي ارجع المدينه وربي لألكمك
ذيب انحشر صدق و سكت
*.*.*.*.*.*.*.*.*.*.*.*
عند البنات ..
بعدو عن البيت و في منطقه خاليه من السكان و بنص الطريق غرزت السياره
....
وش تتوقعو بيصير مع البنات ؟؟
و وش بيصير بين شمس و جسار ؟؟