."مِدهَالك القَلب و مربَاعك ضُلوعي".

."البارت العاشر".

."البارت العاشر".
*.*.*.*.*.*.*
****************

.. أعذروني على التأخير لكن البارت ذا جاب لي الهواجس و قعدت افكر ألف مره وش اكتب المهم الحين نزل لكم أطلق بارت و صدقوني بيعجبكم  
و لا تنسون النجمه و الكومنت الخفيف اللطيف الي يسعدني دايم
و قرآءة ممتعه 💕
..
.*.*.*.*.*.*.*.*.
*******************
عند الرجال |في المجلس الخارجي

كان جسار رايح جاي و حده متوتر و العيال على رآسهم ألف إستفهام
الوليد : جسار وش فيك ؟
إياد : يبوي لي ساعه أهرج معه ولا يرد علي
الوليد حس بشي مب طبيعي و شاف حاتم و مشعل جايين و حاتم يعطي جسار نظره إن جبت حقك
جسار أول ما شاف حاتم جاي الا و يفك سبرنت و يروح بسرعه لبيت أبو مازن و كل خطوه يخطيها تهز الأرض من عصبيته و هيبته
حاتم تأفف و راح بسرعه وراه و العيال أستغربو و فزو بسرعه يبون يعرفون وش السالفه
*.*.*.*.*.*.*.*.*.*.*
في جهه ثانيه|في بيت أبو مازن
مازن بعصبيه : حمار أنت ؟؟؟؟ وراك خطفت البنت ؟ الحين وش يفكنا منهم؟
كان تاكي و حاط رجل على رجل و حاط الزقاره بفمه و يدخن ببرود و يقول : يبوي انا قد قلت لك ان شمس ذي لي و تحرم على غيري دامني عايش
قال فهد بعصبيه : أنت تدري لو أهل الديره عرفو انك صاحي مب مجنون لذبحوك
سلطان : و الحمار يسوي نفسه طالع منها
برق عصب : اقولك احلم فيها شمس لي انا
ناصر بصياح : خلاصص أنت وياه مالي خلق لهرجكم البايخ فكوني منكم بس
شوي ليجي فلاح و لافي و يتكون جنب ناصر وكل واحد راسم على شفايفه إبتسامه خبث
شوي ليسمعون صوت تكسير الباب و صوت جهوري يصايح بإسم ناصر
أبتسم بخبث و قام و مسكه فهد بسرعه و قال : لو شافك جسار على حقيقتك بيذبحك
ناصر : خله يعرف
و طلع له و العيال وراه
ناصر يصفر و يضحك و يقول : اووووووووووففففففف جبت جماعتك اشوف
كان جسار يتنفس بسرعه و دمه يغلي يبي يذبح ناصر و يبرد قلبه
الوليد بعصبيه : وش السالفه ؟؟
مشعل : إلي قدامك حاول يقتل اختك
هنا لا أحكيلكم عن نظره نهيان و الوليد
تقدم بشويش و وقف بصف جسار و جا الوليد جنبه و صفو العيال جنبهم
ما همهم شي .. يبون الموت بس أهم شي يأخذون حق شمس
لافي بضحكه سخريه : الإ يا ناصر قد قلت لي انك شفت مع البنت وحده مزيونه ، شسمها؟
ناصر ابتسم على جنب: قصدك طيف ؟
العيال كانو في حاله صدمه من ناصر / وين الرجال المجنون ؟ و الي مب صاحي !!
ملفي بإستنكار وهو يرفع أصبعه بوجه ناصر : يعني كل ذي السنوات و انت تكذب و تلعب علينا ؟
ناصر ابتسم ابتسامه واسعه و قال : إي؟ وش رايك بس؟
بعيد عن كل هالتوتر كان شخص واحد قاعد يغلي ميت قهر  و ما حس بنفسه الا وهو رايح و يمسك لافي من رقبته و يطرحه فالأرض و يبدأ يلكم وجهه
اول ما استوعبو هجمو عليهم و بدو يتهاوشون
راح حاتم إلي حاقد على مازن و حشره و استلمه تصفيق
اما لافي ف حرفيا وجهه تفقع بسبب مشعل
و كان مسفر و هيف ورا تاكيين و يصورون الهوشه
كان نهيان مساك فهد من رقبته و شاد عليه و خانقه و شوي و يموت و بدأ يلكمه بدون ما يحس على نفسه
و الوليد ماسك فلاح و المسكين يبي الفزعه ميت من الخوف
اما مشاري الي انقهر من برق راح و قعد يشوته و يعطيه بكوس مسحت ملامح وجهه
اما ناصر ف كان منسدح على الارض و فوقه جسار و كان خانقه و قاعد يلطمه
و حرفيا وجهه تشوهه
*.*.*.*.*.*.*
في جهه ثانية | في بيت الجد صالح
......
في المجلس/ عند الجده منيره و شمس
بعد ما عقمت الجرح و شافت إن شمس قاعده تهوجس و تتنهد
قالت الجده منيره: شمس؟
شمس ناظرتها : لبيه
الجده منيره بخبث : تحبين جسار ؟
حمر وجهها و صدت هنا طيف فطست ضحك عليها
الجده منيره ضحكت : هاه شمس قولي
طيف : إي إي تحبه
شمس فزت و ناظرتها يعني بصفقتس
الجده منيره : والله ما يرجع جسار المدينه الا و انتي على ذمته
لفت لها شمس بسرعه و بدت عيونها تدمع وهي تهز راسها بالنفي
طيف بإستغراب: شمس !! ترا جسار يحبتس
ناظرتها شمس بصدمه : وش ؟
طيف بجديه : زي ما سمعتي ! جسار يحبتس و مهووس فيتس لدر..
ما امداها تكمل كلامها الإ ذا جسار داخل و مهلوك و اول ما شاف شمس كاشفه صد بسرعه و أعطاها ظهره
قال وهو يبلع ريقه و يحاول يضبط من دقات قلبه : معليش ما دريت انها هنا
تغطت شمس بسرعه بسرعه و جات بتقوم الا و تتوجع
هو لا شعوريا لف لها بسرعه يبي يطمن عليها
قال وهو يشد على يده : وشلونها يمه ؟
شمس صدت عنه : جسار
فز قلبه لما قالت اسمه و قال : لبيه ؟
شمس دمعت عيونها : أطلع برا
جسار جا بيتكلم بس أشرت له جدته انه يطلع
تنهد و قال : أبشري
و طلع
طيف قامت : بطلع اشوف البنات
و طلعت و قفلت الباب بسرعه قبل لا يروح جسار
صاحت له و قالت : جسار جسار
لف لها بسرعه و راحت جري و قالت بهمس : ترا شمس بخير و مابها الا العافيه لكن لأن الجده سألتها عنك ف قعدت تبكي .
جسار استغرب : تبكي ؟؟ ليه؟
طيف تصرف الموضوع : ولاشي
و تهج و تتجه غرفة البنات ..
*.*.*.*.*.*.*.*
عند العيال فالمقلط .
كل واحد فارش نفسه على الارض و حده متوجع
نهيان ضحك: تصدقون منزمان ما هاوشت أحد
إياد ضحك : والله صادق
دخل حاتم وهو شاق على وجهه أكبر إبتسامه ممكن تشوفونها و قال : يا عياللللل معي مفاجأة
الكل فز على صراخه و قال مشعل إلي ظهره منعدم : وش عندك؟؟
حاتم بحماس : بكره بنطلع طلعة بر و بالتحديد/ لصحاري نجددددد
الكل نط الي يرقص و الي مستانس ماشاءالله متعافين مابهم بلى
شوي و يدخل جسار الي قده تطمن على شمس
و يشوف العيال يرقصون و مبسوطين
راح لمشاري و قال : ابك شسالفه
مشاري : بنطلع طلعه بر و ترانا بنمشي معكم
شهق جسار و قال : بذمتك ؟؟
مشاري ضحك : وربيييي
جسار ضحك و قال : منزمان على هالاجواء
شوي الا و يدخل أبو الوليد و ابو جسار و كل واحد على فمه إبتسامه خبث
هجدو العيال و راحو يسلمو على الاعمام
و شوي و يتكلم و يقول أبو جسار : يلا بسرعه كل واحد يوريني عضلاته
العيال ناظرو بعض مستغربين
ملفي : يا عم وشهو ما فهمنا
أبو الوليد: يعني بكره بنمشي للبر و اكيد الكل وصله العلم لكن الي ما دريت عنه انكم لازم تنقسمون 3 افرقه و كل واحد بنوزع عليه الشغل
تأففو العيال قدهم متوجعين و مهلوكين من الهوشه و الحين يبون يكرفونهم
ذيب يهمس لنهيان : وربي لينزل لك اقوى كرف
نهيان تنهد : خلها على ربك
حاتم : ايوه وش بنسوي؟؟
أبو جسار  تنحنح و عدل جلسته و قال ..
...
جسار و حاتم و الوليد
( يروحون للعزبه و يجيبون احسن 3 طليان و فوقها لا تنسو تجيبو 5 دجاجات و تأخذون حليب الإبل من عند ابو علي )
جسار و الوليد و حاتم : سم
و ألتفت للباقين و إلتفت لأبو الوليد عشان يكمل
ابتسم أبو الوليد و قال : مشاري و مشعل و إياد و ملفي
يروحو لمحل الكشتات البريه و يشترون كالتالي .
1. خيمه
2.طربال بلاستيك
3. حبال
4.مطرقه
5.لمبات
6.رواق
7. مراكي
8. فرشات أرضيه
9. كراسي
10. طاولات
و قال وهو يبتسم بخبث : ولا تنسون لوازم السياره
تنهدو العيال و قالو : وش بعد ؟
أبو الوليد ضحك : تشترون
1. ماطور هواء
2. حبل سحب
3. بطاريه
ملفي تعب : خلاص ؟
أبو الوليد : إي
و يكمل أبو جسار و يقول: و انتم لا تحسبون اننا نسيناكم
يا مسفر و يا هيف و ذيب و نهيان
تروحون سوق الخضار و تشترون كل شي قدامكم و لا تنسون فواكه
دقو التحيه و قالو : أبشر
و يضحك أبو الوليد و ابو جسار و يعطونهم مفاتيح السيارات و يتجهزون على طول للشغل
*.*.*.*.*.*.*.*.*
عند البنات فوق في الغرفه
دخلت طيف و قالت : ترا مشمشه تحت تعبانه امشن عندها
فزن البنات و قالت منال بخوف: وش فيها ؟؟
طيف : سالفه طويله
أريام هبدتها : اهرجي
طيف : ناصر أطلق عليها النار بس انها سليمه
فجأة و ما تشوف طيف الا غبار البنات وهن متجهات لشمس
طيف انخرشت :  أعوذ بالله بسم الله تقول قطيع عنز
و تروح وراهن وهي نازله و تسمع الجده منيره تقول : وين البنات يجين يخلصن الشغل
و تهج و تحط رجلها و تدخل المجلس و تشوف قدهن قلبن المكان عزاء
شمس عصبت : اوففففففف ماني ميته وراتس أنتي وياها تبتسن؟؟
منال تمسح دموعها : إسكتي بس،، ترا خايفين عليتس وشلون ما تبينا نسأل عنتس ؟؟
طيف بصياح : بناتتتتتتتت
الكل انخرش و قالت ريم : طيف وربي يا إني فيتس دفاشه مب طبيعيه
طيف ترجع شعرها لورا: غلطانه انا مره رقيقه لدرجه ان الهواء لا مر من جنبي يستحي
شهقت ريم و قالت غزل : لا يروحي مره غلطانه
شمه : وراتس تصايحين قولي قولي اهرجي
طيف : أيييييوه صحححححح .. يا ويلنا امي جايه تبي تكرفنا
الا و ذي أم إياد و أم مشاري و أم مشعل داخلات على البنات
أم إياد: ماشاءالله ماشاءالله.. اشوف الانسات مرتاحات
حور : وش رايتس بس
أم إياد أبتسمت و قالت : مره يجنن
حور بخوف: بنات الإبتسامه ذي وراها شر
و تضحك أم مشعل و تقول : وراكن كرف يلا يلا بس
شهقن البنات و قالت ريم لسلطانه: نحن ضيوف مستحيل ننكرف
سلطانه ضحكت : ما هقيت
شوي و تقول أم مشاري : سلطانه و طيف و منال و حور
ناظرنها بسرعه و انفجعن
كملت أم مشاري بضحكه : تروحن و تصنعن الحلى و تحطنه فالحافظات و تطبخن الموالح بعد
حطت طيف يدها على راسها بصدمه : جاك الموت يا تارك الصلاة ؟؟
و تلتفت ام مشعل و تقول : ميار و غزل و لين و أريام
يروحن و يحطن أغراض الطبخ في الشنطه الكبيره حقت العده
ميار : وش هي يا خاله ؟
أم مشعل : الحين يجيك
1. قدور
2. صحون
3. ملاعق
4. سكاكين
5. مفتاح علب
6. دافور
7. ذرايه
8. كرسي للنار
9. ملقط
10. حافظه طعام
11. خشبه تقطيع
12. صابون غسيل الأواني
13. اسفنجة و ليفه حديد
14. فرشه أرضيه
شهقت لين و قالت : يا كثرهم
ضحكت أم مشعل و قالت : ذا شغلكن
و تقول ام إياد و تكمل : أريام و ريوف و شمه و ريم
أريام: هاه
أم إياد : لازم تجهزن لوازم عده القهوه و الشاهي .
1.دلال
2. أباريق
3. فناجيل قهوه
4. بيالات شاهي
5. دله حليب
6.جيك ماي
7. كبريت
8. حطب
9. ثلج للتبريد
10. أكياس نفايات
تنهدن البنات بكسل و قالت: أبشرن | و يطلعن على طول متجهات للمطبخ
شمس من بعيد : يلا يلااا بجي اشرف عليكن عقبها
و يصياحن البنات معترضات
و تضحكن عليهن
و يضحكن الامهات و يطلعن برا
.*.*.*.*.*.*.*.*.*.
عند أصحاب العزبه .
نزل جسار و الوليد و حاتم و بدأ كل واحد يقسم الشغل
جسار : انا علي الطليان
الوليد : و أنا الحليب
حاتم: و أنا الدجاج
و يتفرقو على شغلهم
دخل جسار شبك الغنم و رفع ثوبه و أعطاها وضعيه الأسد
هنا الغنم و الطليان بحكم انه جسار جديد عليهن قعدن يفحطن خايفات من جسار
و يدخل وسطهن و يمسك طلي من رجوله و فجأه ما يحس الا برفسه جاته و الا و ذا زوج الطليه الي بيد جسار
عصب و قال : مسوي فيها رجال و انك تغار انت و ذا الوجه ؟؟
و يبعده و يروح و يحطها بحوض السياره و يربط رجولها على حديد السياره و يروح يجي الثاني و يمسك زوجها و يقول : حرام افرقك عن زوجتك تعال أقرب
و يمسكه من شوشته و يسحبه و يحطه على حوض السياره و نفس الأول ربط رجله بحديد السياره
و يرجع ظهره لورا وهو يقول : شيبت وربي
و يروح يجيب الثالث و اول ما مسكه نطحه و فلت من يده و صار يركض يبي الحريه
و يروح جسار جري وراه يبي يمسكه
*.*.*.*.*.*.*.*.*
عند حاتم .
دخل بيت الدجاج و انكتم من الريحه
و قال وهو متقرف : اوفف يالريحه . تفوح تفوح .
و يروح و يدخل و يربط ثوبه و يتلثم و يروح جري ورا الدجاج و الدجاج يطير يبي الأمان و حاتم حالف الا و يصيدهن و بعد مرور ساعات
اخيرا قدر يمسك 5 دجاجات و قعدن يصايحن
صاح حاتم : سد فمك انت وياه
و شوي و الا و يشوف جسار فاك سبرنت يركض ورا الطلي و هنا ما تحمل و قعد على الأرض يضحك و يروح و يأخذ شبك الدجاج و يحطه بالحوض و يروح يركض ورا الطلي مع جسار وهو يضحك
*.*.*.*.*.*.*.*.*.*
اما الوليد ما أخذ منه حتى 5 دقايق
أخذ الحليب و حطه فالسيارة و قعد ينادي على جسار و حاتم و ها هم جايين و فارشين الطلي فرش
جسار ماسكه من يده و حاتم من رجوله
حط يده على رأسه بصدمه وهو يقول : لاااا المسكين بيموت
جسار : متعافي ذا مراح يموت
و يحطوه بالحوض و يركبون السياره و يرجعون البيت وهم مهلوكين
*.*.*.*.*.*.*.*.*.*.*.*
عند أصحاب الخضره
هيف يشم ريحه الجرجير و يقول : ذا مو حق العنز ؟
و ما يحس الا بذيك الضربه على رأسه و يقول له نهيان : ذا جرير يا مخنز انت الي تأكله مو العنز يا عنز
هيف : وربي اني مسكين
جا مسفر و بيده عربه مليانه فواكه و ذيب قاعد بأكل عنب
شهق نهيان و قال : ذا وش ؟
مسفر يأشر على ذيب : أبوه قال جيبو كل شي
ذيب : و احنا على الوصاية جبنا كل شي
نهيان : ما قصرتو
و يروحو يأخذون الي شروه و يحطونه بالسياره و يتجهزون للبيت
.*.*.*.*.*.*.*.*.*.
عند أصحاب الكشته
إياد: ما عليكم عندي الموضوع
مشعل : الي يسمع يقول هنا الخبره
مشاري ضحك و قال : اخلصو ماباقي شي على أذان العشاء نبي نعجل اخلصو
ملفي جا : يا عيال
إياد: هاه
ملفي : وراه ما نحجز لنا دباب ؟
مشعل : اوفف فكرهه
مشاري : خلوها علي
و يروحو و يشترون
و يروح مشاري و يدق على واحد يعرفه منزمان وهو اساسا صاحب محل دباب
و قال له وهو مبتسم: نبي 11 دباب
المتصل : ولا يهمك بكره على الفجر يكونو واصلين
مشاري : على القوه
و يقفل و يروح و يشوف العيال جاهزين و يرجعون البيت بسرعه
.*.*.*.*.*.*.*.*.*.*.*.*.
عند الحريم / في بيت الجد صالح
ام مشاري تضحك : شوفي انتي بس
ام جسار : أدب .. خلهن ينكرفن شوي 
الجده منيره ضحكت : تشوف البنات الي منبطحات على الارض و توهن خلصن الشغل
و كل وحده شوي و تموت
قالت الجده منيره: يلا كل وحده تروح تتروش و تبدل و تصلي و تنام ورانا قعده من الصباح.
محد قال لا ، لأن البنات قدهن انكرفن و يبغن ينامن
و كل وحده تروح جري للطابق الثاني يبغن ينامن
*.*.*.*.*.*.*.*
رجعو العيال بعد صلاه العشاء و هم حدهم مهلوكين و كل واحد رمى نفسه و نام
و دخلوا في غيبوبه جماعيه
*.*.*.*.*.*.*.*.*.*.*.*.*
الصباح .. الساعه 6:00 | في بيت الجد صالح
الكل كان جاهز و الكل لابس فروته و جاهزين للطلعة
و يحترون الجد يقول يلا سرينا
كان الجو مغيم و مطر خفيف و صوت الرعد مالي المكان و نسمات الهوا البارده جمدت وجوه الموجودين