."مِدهَالك القَلب و مربَاعك ضُلوعي".

."البارت الثامن".

."البارت الثامن".
*.*.*.*
في بيت الجد صالح | و بالتحديد في الحديقه الأمامية
دخل مشاري و معه برق و الكل كان متوتر من وجود برق و جسار بنفس المكان
كان جسار تاكي على الكنب و حاط رجل على رجل و يدخن ببرود و راسم على شفايفه إبتسامه شماته
لف عليه الوليد و قال : جسار حاول تروق
جسار بروقان : أنا حاليا كذا مروق ... بس
الوليد بإستغراب : بس وشو؟
جسار ناظر برق من بعيد و بكره قال : لو شفته بس حاط عينه على شمس وربي لأذبحه
الوليد عصب و قعد جنب جسار و قال : ياخي ما فهمتك انت الحين تبي شمس ولا تبي تلعب ؟
جسار لف عليه بحده و قال : أبيها !! و أبن أبوه يجرب يأخذها
تنهد و رجع شعره لورا و قال وهو يناظره : منت صاحي والله ،، توك قبل ساعه قلت ما ابيها !!
رمى الزقاره و بدأ يولع وحده جديده و قال : الوليد أنت عارف زين اني ابيها / و بغصه : و إني أحبها
ارتسمت على شافيفه الضحكه و قال : النفسيه ذا يحب ؟
رفع حاجب و قال : لا بس انت الي تحب
الوليد : تراك كسرت البنت و صدقني هالشي مو من صالحك
لف له جسار بخرشه : وش إلي كسرتها انت بعد ؟؟
الوليد : لأن شمس ت'''''
ما امداه يكمل كلامه الا هذا مشاري يصايح بأسم جسار
لفو له و فز جسار وهو مبتسم و ضمه بقوه و بنص الضمه هبده على ظهره و قال : وراك جايب المروح ذا ؟
مشاري بضحكه : برق ؟
جسار رفع حاجب : ويسوي نفسه ما يعرف .. إي برق مين غيره
مشاري : شعرفني إنك متهاوش معه ؟
جا ذيب : أنا بقوم أسوي شاهي و قهوه تبون شي ثاني؟
مشاري : لا جيت قول لي عشاني بروح اطبخ الفطور
ذيب : امحق فطور الساعه 9
مشاري : روح روح
راح للمطبخ وهو ما يدري وش ينتظره
*.*.*.*.*.*.*.*.*
كان ليتات المطبخ طافيات و المكان ظلام شوي دخلت على أطراف أصابعها تبي تسرق كم حاجه قبل لا تقفطها الجده و تهبدها بالعصا
جات بتفتح الثلاجه بس سمعت صوت احد يمشي و جاي جهت المطبخ
وهي من زود الخوف انخشت تحت الطاوله و بيدها مقلى حق البيض و اول ما شافت الشخص جاي مقرب من الثلاجه تسحبت بشويش و جت وراه و تبوس المقلى و تهمس : بسم لله الرحمن الرحيم
و طااااااااااااااااااخخخخ
طاح على الأرض و اتوقع انه فقد الذاكره من قوة الضربه
كان منبطح على بطنه و وجهه قاعد يشم ريحه الأرض
و قعدت تضحك بصوت عالي و كأنها ذبحت صرصور : حرامي و عيني عينك تدخل المطبخ و تسرق أكلنا !!! لا يكون تحسبه بيتكم؟؟
شافته ما رد عليها و خافت و راحت و مسكته من كتفه و سحبته و شهقت وهي تشوفه فاطس قدامها
قالت بخوف : ذيبببببب!!!!!
سمعت صوت شهقه من وراها لفت و الا ذي ميار
راحت جري و تقول : شكلي ذبحت اخوتس
ميار مصدومه : حور منجدتس؟؟؟؟
حور تسوي نفسها مسكينه :وشوو؟؟ ترا بالغلط أحسبه حرامي
ميار جتها ضحكه : وش حرامي ؟؟ بالله عليتس بيدخل حرامي و العيال بالحوش ؟؟
حور تحك راسها : إي والله صدق
ميار تناظر ورا حور و كانت حاطه يدها على فمها و فيها ضحكه
حور استغربت: وش تناظري انتي ؟؟
أول ما لفت شافت ذيب حاط راسه على يده و مستند على الطاوله و يناظر في حور صاح بعصبيه : مين السلح الي هبد راسي ؟؟
ميار و حور جتهم رجفه و سكتو
ذيب بعصبيه : مينن؟؟
حور تنرفزت : أنا وش بتسوي يعني ؟؟
ذيب رفع حاجب و ابتسم على جنب : إنتي ؟؟
حور : وش يضحك؟؟
ذيب قعد يضحك بصوت عالي وهو يناظرها
حور بخوف : أعوذ بالله توه يصايح معصب وراه قلب يضحك
ميار : يا بنت شكلتس الوحيده الي ما تعرفين ان ذيب
ذيب : اسكتيي!!!
ميار سكتت و نزلت راسها تحت
حور عصبت : هي لا تصايح عليها !! اوففف
و تمسك ميار و يطلعن برا المطبخ وهي تقول : مريض
اما هو نسى وش كان يبي ابتسم وهو يناظر الباب و همس و قال بضحكه : الله يقلع ذا الراس الي تقول رأس بعير
*.*.*.*.*.*.*.*.*
عند العيال | فالمجلس الخارجي
إياد : أيوه اخباركم
هيف : نحن ولا الضيوف؟؟
مشاري ضحك : أمحق ضيوف هيه محنا غريبين
جسار بخبث : الإ فيه ناس غريبة علينا
ولا وش تقول و يلف على حاتم إلي متكي و يدخن : صادق
ضحك بشويش و بشماته :أحب أقولك شي يا استاذ جسار
ارتسمت ضحكه الخبث على شفايفه و قال : اتحفني
برق ببرود : إحب أقولك لا تحتك بالجمل و انت حاشي
العيال انصدمو من كلمته و لفو على جسار
جسار ضحك و قال : و أنا حاب أقولك انك لا تحتك بالصقر و انت حمامه
صاحو العيال لا حرفيا برق انجلد و سكت و ما عرف يرد
جا ذيب لهم و راسه مصدع : وش تهبدون انتم ؟؟
مشاري : الشاهي وينه
ذيب توه يستوعب : ها
العيال ضحكوا عليه : اعترف وش شفت
ذيب يحك راسه و قال وهو يبلع ريقه : لا ما شفت شي
قام جسار و قال : مشعل وحاتم تعالو
قامو معه و طلعو برا البيت
مشعل لف لجسار : وش السالفه؟
جسار بإبتسامه: أبد بس محد حاس علي الا انتم و خطفتكم
حاتم : ياربي مهووس
جسار مد يده وهو يأشر على الباب : أرجع داخل بسرعه
حاتم عقد حواجبه : مابييييييي
جسار اعطاه ظهره : خلاص مشعل هو خويي
مشعل لف له و طلع لسانه لحاتم الي فاتح فمه بصدمه
هنا حاتم رمى الزقاره و رفع ثوبه و شمر اكمامه و صاح : يابو سلح
لفو له الإثنين و أول ما شافوه جاي لهم جري حطو رجلهم يبون الأمان
*.*.*.*.*.*.*.*.*.*.*.*.*
عند طيف و شمس | فالصالة
شمس تتشقلب فالأرض شوي و تموت من الطفش
طيف كانت منبطحه و تفكر في مصيبه
شمس ناظرتها : فطفط
طيف ناظرتها و تعرف شمس زين لا قالت فطفط يعني وراها مصيبه : وشووو
شمس ابتسمت بخبث : نهج ؟
طيف ضحكت: وين نروح؟؟
شمس : نفرفر بالديرة طفشت
طيف عدلت جلستها : معي فكره
شمس تحمست : وش وش وش
طيف : فيه بيت قديم و مره كبير وش رايتس نروح له ؟؟
شمس تحمست : تمممم
لبسن عباياتهن و النقاب و طلعت بسرعه قبل لا ينقفطن
وهن طالعات سمعن صوت الجده منيره و الأمهات راجعات للبيت
مسكت يد طيف و رفعت طرف الجلابية حقتها و راحن طيران
قبل لا تصيدهن الجده منيره
.**.*.*.*.*.*.*.*.**.
عند البنات / في غرفة الحش
منال : غريبة شمس مالها حس
لين : حتى طيف
ريوف : الهدوء ذا ما يطمن
غزل : ميه بالميه انها هاجه
أريام ضحكت : صادقه
حور تهوجس و ببالها ألف شيي
ميار ناظرتها و قالت وهي تخزها : احم احم لا تفكري فيه خلاص
حور لفت لها : اركدي لا اهفتس
شمه : وش عندتس إنتي وياها ؟؟؟
حور : نتكلم وش بتلبس للعيد
لين شهقت : صح ما باقي شي على العيد الأضحى
غزل : باقي اسبوعين
أريام : امممممم
ميار و كأنها تذكرت : صحححححح!!!! إحنا إشترينا فساتين
غزل تناظر ريوف : بنلبس فستان؟؟
شمه : ما قد لبسنا فساتين
لين تحمست : عشان كذا بيطلع شكلتس انتس وياها شق
حور : أنا أول وحده بختار
ميار همست لها : اهجدي انا جبت لتس فستان على ذوق ذيب
حور شهقت و بهمس : وشلون
ميار ضحكت : أمي حلفت الإ و يشتري لتس
حمرو خدودها و اخذت خصله من شعرها وقعدت تلعب فيها
ميار : ياربي شكلتس كيوت لما تستحي يالمروحه
حور ناظرتها و هبدتها : مافيه احد مروح الا انتي
طق طق طق
البنات ناظرن بعض
شمه : يمكن ذي شمس تبي تستهبل على راسنا
قامت ريوف و فكت الباب و انصدمت
و قالت : وش تبين ؟
*.*.*.*.*.*.*.*.*.*.*.*.*
عند الرجال | في السوق .
أبو جسار كان قاعد يناظر الرايح و الجاي و شوي و يدخل واحد معصب و يهاوش و يقول : الكَلب صالح وينه ؟؟
هنا فز أبو جسار و راح بسرعه و مسك الرجال من ثوبه و بحده : وش قلت ؟؟
الرجال بعصبيه : مين انتتت؟؟؟ فكنييييي فككك صاللححححححح ياجبان أطلع
هنا أو جسار بدأ دمه يغلي و ما حس و الا وهو يرفع يده و يعطيه بوكس بنص وجهه
صاح الرجال بوجع : ااااااهخخخخ وجهييي وجهي الله يحرقكم الله يحرقكم يالحراميه
أبو جسار بصراخ : باقي يتكلم للحين
جا بيمسكه بس جا أبو الوليد بسرعه و مسكه و قال : تركي وش فيككك؟؟ وراك عصبت ؟
أبو جسار و عيونه تطلق شرار : عاجبك قاعد يقول عن ابوك انه كلب و حرامي ؟؟
أبو الوليد ناظر الرجال وهو موسع عيونه بصدمه و ابتسم له و قال : تعال بقول لك شي
أبو جسار صاح عليه : وش تقول لهههههه؟؟؟ يالمريض وش تبي تسوييي؟؟
أبو الوليد باقي على وضعه و لف له و قال : لا تتدخل
و يلف على الرجال و قال : وين يوجعك
الرجال وهو متوجع : رآسييي و وجهيي
أبو الوليد : أشوف؟؟ ،، تعال أوقف قدامي
و الرجال الغبي جا و وقف و فجأة ما حس الا بكف محى ملامح وجهه
طاح الرجال على الارض وهو منكتم من قوه الكف و راح أبو الوليد و مسكه و قعد يضربه و أبو جسار مبتسم و مستمتع و تاكي على الجدار و يدخن ببرود
الا و يجي الجد صالح وهو رافع حاجب و مبتسم نص إبتسامه و قال : يا سامي
لف له أبو الوليد و قال له الجد : خلاص فك لا توسخ يدك فيه
دفه أبو الوليد برا المحل و طاح على الأرض و قعد يزحف بعيد عنهم يحاول انه يقوم شوي و الإ هذا أبو إياد و أبو مشعل جايين
أبو إياد أبتسم : اما تهاوشو من دوني؟
أبو جسار ضحك : يبوي وش نبي فيك ؟؟ ،،حنا لحالنا من زمان عن الهواش و نبي نستلم احد و نربيه و الحمدلله جا الرجال برجوله لين عندنا
أبو إياد تأفف : طماع حتى على الهواش يبي بس هو لحاله
أبو جسار ضحك : ترا ما سويت شي الي رباه هذا الي قدامك
أبو إياد ناظر في أبو الوليد و قال : سامي؟؟
أبو الوليد ضحك : وشو
أبو إياد : وراك تهاوش من دوني ؟؟
أبو الوليد يغمز له : الجايات أكثر
ضحكو الأخوان و كان الجد صالح تاكي بكرسيه و مبتسم
أما أبو مشعل مصدوم منهم و للحين مو مستوعب
.*.*.*.*.*.*.*.*.*.*.*.*.*.*.*.
عند شمس و منال | في جهه بعيده عن بيت الجد صالح
شمس بحماس : واااااووووو مره كبير
طيف تسحبها : تعالي تعالي خلينا ندخل
شمس : بسرعه بسرعه
و يدخلن البيت و ما يدرن وش الي منتظرهن
و مين الي كان يتبعهن ..
*.*.*.*.*.*.*.*
داخل القصر .
شمس تصفر : خير يبغالي أرممه و يصير بيتي
طيف : إي عشان لما تتكي بالصاله تشوفين الجن قالبين البيت مرقص
شمس : شفيتس انتي ؟؟ لا تزققي بجوي اص
طيف : خلاص خلاص
و جات بتتكلم الا و يدخل عليهن ناصر وهو مبتسم و يقول : ثمثثثثثث
شمس شهقت و ناظرت طيف إلي قد طاح قلبها في بطنها
طيف بصياح و خوف : هجيييييييييييي
ضحكت شمس و قالت وهي ترفع عبايتها : الله جدووووول
و تركض هي وياها و و يروحن للطابق الثاني و يعصب ناصر و يقول : ثمثثثثثثثثث تعاليييي
شمس تصايح من فوق : اسمي شمس يالمروح مب ثمث وععع
و يروح لها ركض
صرخت شمس و تروح ورا طيف إلي انخشت في غرفه و قفلت الباب بجسمها
شمس شوي و تكسر الباب : فكييييييييييييي
فكت طيف و دخلت و استندن على الباب و تقعد شمس تضحك و طيف خايفه
طيف بخوف : لا تضحكيييييي
و تسمع دق على الباب و يقعد يصايح و يقول : ثمثثثثثثث
شمس عصبت : ثمث براسككككككك
و فجأه تسمع صوت الباب وهو يتقفل
ناظرتها طيف بصدمه : قفل الباب؟؟؟؟؟
شمس بخوف : أيييييوه
طيف تدق الباب بقوه : يا مريضضضضضضض فكككككككك
ناصر : لااااااا
و يطلع و يروح يتكي بالمقلط و يطلع من جيبه "فرد" .مسدس*
*.*.*.*.*.*.*.*.*.*.*.*
....
..
.