﷽
لُغز وأختفاء "الهُجران"
. أنواره نوح .
. تصويت قبل القراءة لُطفاً وتعليق حلو
قناة التلگرام . anwara_noah7
حسابي أنستا فيِ أخر البارت مُتابعه لُطفاً
•──────────────────•
« هُجران »
-أنداريت وجان أشوف مره تقريباً عمرها بالاربعينات باوعتلنا وسلمت ردينه السلام
المُستفز: تفضلي خاله تفضلي شوي وجايج
عافنا وراح وهي دخلت باوعتلي بأستغراب وحجت..
: ها بنيتي شلونج منو انتي؟
هجران: الحمدلله بخير..حجيت بگلبي هسه هاي شرد عليها غيرت الموضوع كتلت الها تفضلي اصبلج غده
: لاحبيبتي متغديه وجايه خلي اكوم على الشغل كامت وبلشت تعزل.. فات المُستفز وكال الها..
- الله يسعدج خاله
-ويساعدك وليدي
-خاله هاي هجران اخت صديقي جاييني ضيوف اريدج تقومين بـ الواجب خاله أم سامر كل يوميه تجين والتردي اني حاضر
أم سامر: ماتقصر اوليدي
المُستفز: يله اخذي راحتج.. طلع بدت تشتغل واساعدها بشغلات بسيطه كمنه وكعدنه نشرب جاي كالت
أم سامر: بـ أي صف انتي؟ وشكد عمرج
هجران: رابع اعدادي عمري 17 سنه
ام سامر: العمر كله حبيبه ما شاء الله تخبلين
هجران: تسلمين خاله عيونج الحلوه.. خاله انتي تشتغلين هنا؟
ام سامر: أي خاله
هجران: زين خاله انتي جبيره شجابرج تشتغلين ماعندج بنات يجون وياج؟ يساعدون اذا مضطره تردين فلوس
ام سامر: لا ماعندي بنات بس ابني سامر بخصوص الفلوس سالفه وطويله
هجران: خاله سولفيلياها صار عندي فضول واذا ماتردين سولفين براحتج
ام سامر: ههههه مبين من عيونج الفضول مالتج لا راح احجيلج اريح فضولج سمعي حبيبه يوم من الايام ابني جان راجع من شغله يشتغل عماله
-واكع من فوك اخذو لمستشفى واتصلوا عليه وبسرعه رحت علي وشفته كبالي متكسر مابقى شي بجسمه صاحي وكع وكعه قويه وعالي المكان والله نجاه وكتبله عمر بقيت يمه ابجي
-وافكر شلون راح ادفع الفلوس وهم اكو علاج ربي دخيلك فات عليه ممرض وجيك عليه وكال الحمد لله صحته زينه كتله شوكت يطلع كال هل يومين اذا الله راد
-طلع وبقيت ابجي زادت المصاريف وخايفه على ابني بنفس الوقت بقيت الليل كله أعتني بي والحمدلله صحى وسولف وياي وأجه الممرض باوع علي وكالي عادي تنتضرين بره شوي طلعت
أنت تقرأ
لُغز وأختفاء" الهُجران "
Genel Kurguيا عيوناً خرافيّةَ الحلمِ، مسكونةً بالجرادْ أطفئي في الربيعِ الفتيِّ قناديلَهُ، أطفئيهنَّ فالضوءُ متَّشحٌ بالسوادْ! نحوَ أُفْق كلونِ الرمادْ عَبَرت أمسِ اشباحُهم وهي مذعورةٌ... وعينينِ حَدَّقتا في عنادْ!
