﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾
_______________________________________
في صباح اليوم التالي
استيقظ معتز بسبب قوة طرق الباب ، فتح سريعاً و هو يقول : في ايه ؟ حد يخبط كدا !
لم يكمل حديثه عندما وجد ضباط الشرطة أمامه فرد : في حاجة يا فندم ؟
قال الضابط و هو يدخل البيت : في امر بتفتيش البيت ، و أمر بالقبض على حضرتك ، ثم أشار للآخرين أن يبدأوا بتفتيش البيت .
توسعت عيون معتز بصدمة ، قال و هو يحاول استيعاب هذا الخبر : القبض عليا انا ! ليه يا فندم ؟
رد الضابط : حضرتك متهم بقتل سيدة الأعمال جوليا ليوناردو .
أغمض معتز عيونه بشدة و قد فهم ما حدث ، دقائق و اقترب أحد رجال الشرطة و هو يمسك بكيس شفاف به حقنة و عبوة آمبول فارغة و قال : لاقينا الكيس دا يا فندم .
أخذه الضابط ثم نظر لمعتز و هو يقول : الأفضل لحضرتك تتفضل معانا منغير شوشرة أكتر من كدا يا دكتور .
وضع الضابط الكلبشات في يده ، نزل معتز مع الضباط ثم ركب في سيارة الشرطة و انطلقوا الى القسم لاكمال التحقيق .
_______________________________
في منزل نور
استيقظت نور و هي تنظر حولها و تبتسم ، و لكن اختفت ابتسامتها فور أن رأت ديما تنظر لها بشر ، فقالت بصوت مبحوح : يا ساتر في ايه ! حد يصحى على الخلقة دي !!
اقتربت منها ديما ببطئ و هي تقول : انتي تقومي تفوقي كدا و تحكيلي ازاي عملتي كدا امبارح احسنلك .
قضبت نور حاجبيها و هي تقول : عملت ايه ؟! كل دا علشان نمت قبل ما نشوف الفيديو سوا ، خلاص متزعليش نفسك نشوفه النهاردة .
ضحكت ديما بسخرية و هي تقول : لا يا حبيبتي تقومي تحكيلي ازاي نطيتي في بلكونة الراجل و انتي بهدومك دي ، لا و كمان كنتي مسطولة ، امسكتها من كتفها و هي تقول بشك : انتي بتشربي حاجة من ورانا يا بت انتي؟!
نهضت نور بفزع و هي تقول : راجل مين اللي نطيت عنده في البلاكونة ؟ و بشرب ايه انتي اتهبلتي على الصبح !
جلست ديما و قالت : هقولك دلوقتي مين اللي اتهبل امبارح سياتك دخلت الاوضة ملقتكيش ، دخلت البلاكونة ملكيش اثر ، و فاجئة اسمع صوتك من بلاكونة حبيب القلب .
Flash back
حركت نور يدها في الهواء و هي تقول لأدهم : هاي .
ردد خلفها بصدمة : هاي !
تقدم بسرعة و جعلها تجلس على الأرض حتى لا يراها أحد بهذا الشكل ، دفعته و حاولت النهوض فثبتها و هو يقول : انتي ايه اللي جابك هنا ! و ايه هدومك دي !
حركت رأسها يميناً و يساراً و هي تضحك و تقول : جيت أشوفك يا أدهومتي .
ابتعد عنها بفزع و هو يقول : ادهومتك ايه ! نور انتي كويسة ؟!
اقتربت هي منه و تكشر وجهها من ابتعاده و تقول : يووه انت بتبعد ليه ؟ هو انا هعضك يا ادهومتي .
YOU ARE READING
ﺧﯾوط القدࢪ
Romanceخطأ واحد من الممكن ان يعرضك لكثير من المتاعب حتى لو كان صغيرا ، "في عالم مليء بالغموض، تنطلق قصة تجمع بين الشجاعة والمغامرة، حيث يتقاطع مصير الأبطال في لحظات مليئة بالإثارة والتشويق. استعدوا لرحلة لا تُنسى!" 📖✨
