بسم الله والصلاه على رسول الله
أهلاً يا شباب للمرة الأخيرة في حكايتي مع المرضى... غصنا معاً في رحلة طويلة منكم من استفاد ومنكم من عرف معلومات جديدة...ومنكم من أستمتع ببعض القصص وتأثر بالاخري... أعتذر أن تلك النهاية من المذكرات وليست نهاية حياتي أو نهاية الأمراض أو نهاية المواضيع الشيقة آلتي قد تجعلكم متفتحين على العالم بشكلاً أفضل... كتبت مذكراتي بالعامية عشان أجرب فرصة إني أكتب عامي وعشان الكاتبة عايزه كدا... أي قصة وأي معلومه في الرواية كلها حقيقية إلا شخصية ليلا اللي هيا أنا يعني... ودلوقتي اسيبكم مع روني عشان تضع النقاط على آخر الكلمات.
مرحباً في تالت رواية ليا وليست الاخيره بعون الله
كتبت الرواية دي في تاريخ (30/7/2024) وانتهت الحمدلله في تاريخ(4/10/2024)
الروايه دي بالذات أخدت مني وقت طويل جدآ عشان أجيب قصص قديمة من أصدقائي زمان أو دلوقتي...دا غير المعلومات النفسية والطبية واللي أغلبها من جوجل وبعض الكتب النفسية من مكتبه المدرسة...وتظبيط اللغة عشان تكون مناسبة وواضحة للكل...يعني الرواية دي تعبت فيها حرفياً تعب بس الصراحة تستاهل
_جاتلي فكره الرواية منين بقي؟
قولت مرة ياه لو أقدر أعمل فرق في حياه حد وانصح الناس من غير ما حد يقولي انتي مالك...فا قولت بس كدا أعمل رواية كوميدي عبثية وتبقي ليلا هيا اللي بتنصح وأكيد بعون الله هلاقي كذا حد اتنفع بالنصائح دي...القصص بقي إللي في الروايه كلها حقيقية على لسان أصحابها...كل اللي عملته غيرت النهاية والسن والاسماء عشان الحبكة وعشان أصحاب القصص الحقيقية ميزعلوش مني...في النهاية مستنية رأيكم ونقدكم وأي حاجه في روايتي وبعون الله أخلص تالته ثانوي وافضي بقي لأكبر رواية في مسيرتي الكتابية
(كلمة كاتبة صغيره مبتدئة)
أنا مش طالبة الشهره ولا بحبها من الأساس... وحتي أنا مكنتش حاطه في دماغي موضوع الكتابة دا عشان أنا فاشلة في النحو...هتلاقوني شاطره في كل حاجه إلا النحو...بس حالياً بدرس النحو دا كويس عشان خاطر أقدر مغلطش...كل اللي عايزاه بقي هو أن الناس تفتكرني بحاجة حلوه سواء نصيحة أو تخفيف حزن أو دعم... والحمد لله انا من قبل ما اكتب وانا عندي اصدقاء كتير اوي سوشيال بيسألوا عليا على طول...المهم أتمني أن الرواية تعجبكم وأن ليلا القمر تعجبكم وأتمنى تكونوا استفدتوا او استمتعوا يالرواية من كل النواحي... بعون الله الرواية هتنزل كلها مرة واحدة... أو نزلت أصلا كلها مرة واحدة
واشوفكم أن شاء الله بعد ست شهور على خير في رواية جديدة وهتكون قصة حقيقية يا جماعة... جريمة كدا لقيتها هكتبها رواية وهغير أسماء وحاجات لأجل الخصوصية والحبكه وأن شاء الله هتكون اكبر من أي رواية كتبتها وتكون مميزة
وأخيراً وليس آخراً... أدعوا لطالبه كحيانة في ثانوي تجاري 🤡
واشوفكم في رواية جديدة بعد ست شهور أو ربما أقل...من يعلم؟
والسلام....
لا يوجد يتبع فقط النهاية...ಥ‿ಥ
أنت تقرأ
حكاياتي مع المرضى
Short Storyقصص قصيرة ممتعة ومفيدة لكل الأعمار يوجد بها حالات نفسية... يوجد بها مواضيع وقضايا مجتمعية... اتمني أن تعجبكم...
