حكاياتي مع المرضى

2_(شرح للأمراض النفسية)

بسم الله والصلاه والسلام على رسول الله

"المرضى النفسيين أعقل منا لكن العالم خذلهم!"
عدي شهر بحاله على أول حاله سجلتها عندي...قررت أقعد مع نفسي واسألها سؤال:
_ياتري يا نفسي ليه الناس بتتعرض للأمراض النفسية بكثرة؟
اممممم سؤال حلو برضوا (مانا ميجيش مني غير كل الحلو)...(#ايموجي مغرور)
طبعاً السؤال دا سألته لكتير من أصدقائي في المجال وكان ردهم كالآتي:_
1:الدكتوره
_" أعتقد أن الموضوع ليه علاقه بالطفولة...لازم الطفل يكون متربي تربية تخليه شخص سوي نفسياً...محدش هيقدر يتربي في بيئة مليانة مشاحنات بين الأهل... أو ضغط منهم... أو إهمال...وغيرهم كتير..لذا من رأيي أن عشان مينتشرش الموضوع اكتر من كده لازم نربي عيالنا كويس نديهم حبه إهتمام...حبه مشاركه...حبه تقدير حاجه كدا تدفعهم لقدام عشان ميحسوش في يوم أنهم مش قادرين يحددوا هوية أنفسهم ويتحولوا لقتله متسلسلين... أو تجار المخدرات... أو حتي يكون شخص سادي مع زوجته وأولاده مستقبلاً..."
2:دكتور
_" أظن أن الموضوع ليه علاقه بالتنمر... أن مثلاً عشان شعره قصير... أو لون بشرته مختلف...فا يبدأ ينشأ جواه كره ليهم ويبدأ يتحاول لشخص سايكوباثي... لذا من واجبي إني كأب او ولي أمر... أو حتي موجود في بيئة مليئة بالتنمر...يا اوقفهم...يا اهتم بطفلي وافهمه هما بيتنمروا ليه..وافهمه بطريقة تناسب سنه"
٣:انا بقي (ماليش حق أقول وجهه نظري ولا ايه؟؟)...(#ايموجي غاضب ومغرور معاً)
_"طبعاً كلام الدكاترة مظبوط ودي كذا حاجه من الأعراض اللي بتسبب نمو كائن مريض نفسي..بس أحب أضيف أن لازم برضوا البيئة... المكان إللي اتولد فيه لازم يكون هادئ خفيف..(طيب يا ست ليلا إحنا هاديين وكل حاجه بس بتحصل مشاكل بين الوالدين..بين الأقارب نعمل ايه؟)ورقه وقلم وسجلي ورايا ياست الكل"
1_"اذا كان هناك أي خلاف بين الزوجين أو الأقارب..لا بأس يمكنكم الخلاف لكن يجب عليكم أن تتخالفوا على الأقل بعيداً عن الطفل حتي لا يتعرض لأي أثر سلبي"
2_"أو أن تخبري طفلك بطريقة سهلة الفهم بأمر تلك الخلافات وما سببها بدون أن تلقي اللوم على الطرف الآخر...يجب أن تكون عادلاً معه وأن تخبره بأن تلك الخلافات محبه وأنكم بالنهاية سوف تعودون كما كنتم"
وبس كدا نرجع بقي لموضوعنا طبعاً الكل دلوقتي بيسألني السؤال دا(ليلا أخبار وليد ايه؟...حالته بقت عامله إزاي؟...العلاج نفع ولا لأ ؟)حيلك حيلك منك ليه ليها...ايه كل الأسئلة دي؟؟ بس عشان بحبكم هجاوب
بسم الله الرحمن الرحيم
أولا وليد حالته صعبه شويه خصوصاّ أنها قديمه...دا كمان الدكتور اللي رشحتهوله حكالي عن طفوله وليد(طبعاً دا غلط أن دكتور يحكي حاله مريض لأي حد بس إحنا هنا أعز أصحاب ومفيش بينا أسرار)
المهم أكتشفت حاجه...وليد تعرض إلي تنمر شديد أثناء طفولته ومكنش حد من أهله بيسمعله...لذا نشأ في رأسه أنه إنسان لا يصلح لأي شئ مثلما قال الاطفال عنه... وأن شكله قبيح للغاية...وبأنه فاشل دراسياً وعاطفياً
وطبعاً لأنه كان طفل الموضوع دخل دماغه وقال...بس انا مش إنسان وانا سمكة أصلا وعليا وعلى أعدائي.. أخد جمب من الناس والدنيا وفضل عايش لوحده ودايماً حاسس أنه ميستهلش أي شيء وأن عمر ما فيه مزه... احم أقصد بنت تقبله...فطبيعي تنعدم ثقته بنفسه وعلاجه يستمر لحد انهاردة واكتر كمان...لكن اضمنلكم أنه هيخف.. لأني حطيت بنته (اللي عرفت أن إسمها نسمه) حافز...لذا نسمه بقت حافز ليه وفعلاً نجحت نسمه صاحبه الثلاث سنوات في أنها تخليه يبدأ يحب نفسه سنه سنه...بس مش لدرجه النرجسية والغرور!
رجعت بيتي بعد يوم ممل في العيادة وحالات أتفه من إني أحكيها...قعدت على سريري المريح...ولقيت إني معرفتش عن نفسي بشكل أوضح...يعني مين هيا ليلا؟...قصه حياتها إيه؟
لذا عزيزي القارئ قررت افضفض عن نفسي
أنا ليلا شخصية خيالية من دماغ روان...قررت تحولني لدكتوره نفسيه وتحل مشاكل الناس بيا...وتوصل معلومات نفسيه مهمه بشكل وشرح مبسط اكتر عشان الكل يفهم...قصه حياتي بقي اللي مألفاها روني...
لما كنت صغيره كنت بحب كتب علم النفس جدآ من رابعه ابتدائي كدا وكان حلمي إني اخش كليه طب وابقي طبيبه نفسيه... والحمد لله إن الله لا يضيع أجر من أحسن عملاً...نجحت ودرست اسوء سبع سنين من حياتي كلها جد واجتهاد عشان اتخرج بتقدير كويس...
حالتي العاطفية حبيت مره واتخذلت وقولت نو أمان لأي مان مهما كان...وفضلت عيشه السنجله الجنتله... وأن الارتباط بيجيب إحباط...عندي أمراض نفسية بعدد شعر راسي ومحتاجة اتعالج وبعالج الناس...عائلتي بقي...عندي أخت أصغر مني فاتحه كافية ومتجوزة...وعندي أخ أكبر مني ومسافر السعودية ومتجوز...(أنا بس اللي سنجل)...(#أيموجي نكد_حزين)
معنديش لا ماما ولا بابا... للأسف توفوا في السنه الرابعه من كليتي... الموضوع كان صعب إني أتجاوزه خصوصاً أنهم كانوا أحسن أب وأم في الدنيا...رغم الخناقات وكل الأوقات اللي قولت بكرههم فيها(طبعاً من ورا قلبي!)وكل المرات اللي حلفت إني هسيب البيت يوم من الأيام...ورغم كل العقُبات إللي اتعقبتها... إلا أني لسه بحبهم وبتمني ترجع أيامهم الوحشه قبل الحلوه كمان..
"الأهل يا جماعة مهما طلعتوا عنهم عيوب برضوا هتفضلوا تحبوهم...أصل دول أهلك حد هيكره أهله؟ رغم أن فيه أهل ميصحش نقول عنهم أهل ربنا يهديهم ويهدينا...لذا بقولكم لو عندكم حد عصبي...حد خلقه ضيق...حد بيخاف عليكم أوفر...بوسوا أيديكم وش وضهر... أنا والدتي كانت بتخاف عليا من الهوا وكنت بشوف أن دا تحكم وتخلف...بس بعد ما توفت وأنا بتمني يجي يوم إللي اخش البيت والاقيها قاعدة بتسألني يومي كان عامل ازاى..وهل حد زعلني ولا لا؟...واكلت ولا لسه... الموضوع صعب وحقيقي بزعل على اللي زيي فقد أعز ما يملك من أهله وبنصح إللي لسه أهله ربنا يديمهم عايشين...يبوسهم ويهتم بيهم من دلوقتي عشان ربنا ميحرمهمش منهم.."
والسلام....
يتبع......