بسم الله والصلاه على رسول الله
"نري كل ما يحدث معهم وما باليد حيله سوى الدعاء!"
دا آخر حاجه هنتكلم فيها والبارت اللي فات كان آخر حاله برضوا من مذكراتي... وعشان نختتم ختم حلو هحكيلكم حدوتة وواثقه مليون في الميه أنكم هتفهموا الحدوتة دي... سردها هيكون مصري عشان أنا اللي هحكيه اوك؟...بسم الله فلنبدأ
_"كان ياما كان...منذ زمن طويل...كان فيه (مدينة للقطط)وكانوا القطط دول عايشين حياتهم وسعداء فيها ودايماً مبسوطين... والمدينة بتاعتهم كانت كبيرة جداً ومُبهجة...وكان فيه منطقة ثعالب عايشين على المكر والخبث وكانوا عايزين ينشروا الشر في الأرض بس مكنوش عارفين يبدأو منين...لحد ما قابلوا في يوم بركة وحل(طين) خاصه بالخنازير... والبركة دي كانت صغيرة وموجودة في أماكن كتير اوي... قررت الثعالب أنها تقنع الخنازير دول أنهم أولي بالمدينة عن القطط... عشان هما الاقوي...لحد ما اقتنعوا الخنازير واتلموا من كل برك الوحل...وقرروا يقتلوا كل القطط ويستولوا على كل المناطق بتاعتهم أو أي مكان قريب منها... وفعلاً الثعالب علمتهم كل الخبث والمكر اللي في الدنيا واديتهم قيمة وأمال مكنتش عندهم ولا ليهم من الأساس... وفعلاً دخلوا المدينة الكبير ودمروها وقتلوا مُعظم القطط والباقي للأسف هرب ولجأوا للمناطق القريبة يتحاموا فيها...وفيه بعض القطط اللي فضلت بس استخبت في المدينة وجواهم فاقدين الأمل ومستنين دورهم للموت... وبعد فترة من استعمار الخنازير للمدينة قررت القطط أنها لازم تعمل واقفه وتطرد الخنازير من مدينتهم...بدأو يلجأوا للمناطق التانيه... زي غابة الأسود...وغابة الفهود...والنمور... ومنطقة النسور...الصقور... الطيور الملونة... بس محدش فيهم كان قادر يساعدهم بسبب قانون غبي وسخيف...وكان القانون بينص أنهم ملهومش دعوة باللي الخنازير بتعمله مدام معدوش مناطقهم...بس القطط مسكتتش على كدا دول مسكوا كل حاجه حاده ممكن يلاقوها وبدوأ يأذوا الخنازير...وبالفعل خنازير كتير تضررت ومنهم اللي هربوا وراحوا للثعالب...وساعتها الثعالب ادتهم أحجار ملونه قدروا يسرقوها ورموها على بيوت القطط اللي باقيه... وللأسف الحجارة الملونه كانت تقع على البيوت تدمرها...وكتير أوي من القطط حديثي الولاده ماتوا من الحجارة...وبعضهم مات من الرعب والصدمة...وفضلوا فتره بتتم إبادتهم...ولما حسوا انهم مبقاش فيهم حيل يحاربوا...اتجهت الخنازير إلي المنطقة الجديدة... منطقة النسور... وبمساعدة الثعالب قدروا يحتلوا منطقة النسور...وبدأت طموحاتهم تزداد وسابوا شويه خنازير في مدينة القطط...وشويه في منطقه النسور...واستعدوا لمنطقه الصقور...وهنا بقي الطيور الملونة قالت بس إحنا مش هنفضل ساكتين دول مهما كانوا من نفس العشيرة ونفس الدم لازم نوقفهم وعشان ميجيش الدور علينا فيما بعد...وبالفعل راحوا جابوا أحجار ملونه زي اللي جابوها الثعالب ورموها على المناطق اللي فيها الخنازير جوا مدينة القطط...وتم قتل100خنزير وأذيه ألف خنزير....والقطط كانت جواها جزء صغير مبسوط أن الطيور بتساعدهم... وجزء كبير خايف أن الخنازير ترد الضربة دي ليهم هما....
(ما قد يحدث مستقبلا في تلك القصة وما نتمناه نحن)
وبعد فترة ليست بالطويله الأسود اضايقت من قرار حاكمهم وقرروا يعملوا إتفاقية دفاع مشترك بينهم وبين القطط...زي ما عملوا مع النسور من سنين فاتت...ولما بقية الكائنات شافوا اللي عملته الأسود قرروا كلهم يتجمعوا ويحطوا خطه بين الرؤساء...وانصدموا من وجود رئيس التماسيح المجنون بنفسه معاهم...والاجتماع دا كان فيه... الأسود...النمور... الفهود...الطيور الملونة...التماسيح...ما تبقي من النسور... والصقور...واتفقوا انهم يروحوا بنصف عشيرتهم ويقفوا كلهم ضد الخنازير والثعالب عشان كلهم اتضرروا منهم...ووافق الجميع وفجأة يتفاجأ القطط أن كل عشيرتهم وبعض العشائر جاءووا عشان يحاربوا معاهم... وفعلاً تمت عملية إبادة جماعية لكل الخنازير واللي ساعدهم في كدا كمان ظهور جيش العقارب إللي كان ليها عداوة مع الثعالب (الإتحاد الـــ هاه🤫)...وبعد حرب قوية من جهه الحق مع محاولة خداع ومكر الخنازير والثعالب...تم إبادتهم جميعاً بكل سهولة لأن الكثرة تغلب الشجاعة (دا لو فيه شجاعة!)
وتوتا توتا رجعت القطط لمدينتهم وكل العشائر قرروا انهم يبنوا مع القطط والنسور العشش بتاعتهم وساعدوهم بكل ما أوتي لهم من قوة وبقي فيه الاتفاقية دي مابين العرب كلهم....(احم أقصد العشائر 🤫)"
_توضيح أنا ليه خليتهم حيوانات؟
عشان الحيوانات لطيفة يا جماعة وأحنا بنحبهم عالفكرة...ماعدا الــــخــنــازيـــر!
واخبي ليه صحيح أيوا أنا روان جمال عابدين أتحدث على لسان الطبيبه ليلا عن القضية الفلسطينية وتوقعاتي للي ممكن يحصل لو شدينا حيلنا شويه...هيحصل ايه بقي؟...حد هيعملي حاجه ؟
وايوا أقصد بالخنازير المحتلين اللي فاكرين أن كل الأراضي أراضيهم وهما أصلا جايين من بركة وحل...
وايوا أقصد بالثعالب...ولاد الــــ اللي بيساعدوهم في الإحتلال...محدش ليه حاجه عندي عشان أعمل تمويه والجو دا مانا كتبت قصه ثانويه عامه وقولت كل اللي كان بيحصل من كام سنه والله وأعلم مازال أو لأ...مش بخاف غير من ربنا...وايوا يعني لو عملنا اتفاقية دفاع مشترك بين كل الدول العربية وحاربنا معاهم هيحصل حاجه؟...المهم أتمني القصة تكون عجبتكم ودي آخر حاجه هختتم بيها وبعد كدا فيه خاتمه وبس كدا خلصت رحلتنا مع ليلا وأن شاء الله بعد ست شهور هرجع اكتب تاني ಡ ͜ ʖ ಡ
هنزل الروايه يوم 6اكتوبر
الشهر دا اتلغي من عند الخنازير أساساً (أصل عاملهم عُقدة)
أنت تقرأ
حكاياتي مع المرضى
Contoقصص قصيرة ممتعة ومفيدة لكل الأعمار يوجد بها حالات نفسية... يوجد بها مواضيع وقضايا مجتمعية... اتمني أن تعجبكم...
