حكاياتي مع المرضى

10_(الواتباد)

بسم الله والصلاه على رسول الله

"لماذا نحكم على الكتاب من عنوانه في حين أننا يمكن أن نحكم حين ننهيه؟"
موضوع انهاردة... موضوع الصراحه مثير للجدل...في مره ويوم من أيام ربنا وفي ساعه ما يعلم بيها إلا الله...كنت قاعدة في الجنينه(الحديقة)مع بعض أصدقائي القدامى... اصدقاء الدراسة بقي وكدا... وإذا بهم يسبون ويشتمون الواتباد بأبشع الألفاظ... والصراحة من غير كدب كان فيه فئة من صحابي بيقولوا أن قد ايه الواتباد دا أحلي حاجه في حياتهم...وهما أصلا بيقرأو الروايات اللي هيا(هاشتاج #غمزة)...أتكلم الأول عن الفئات اللي أنا وانتوا منهم وبعد كدا نتكلم عن الواتباد:
1_"الفئه الأولي...دي اللي بتحب جلد الذات والبطل السادي الجامد جموده...ودي فئه بتحب الألفاظ البذيئة والمشاهد ال.....بس ملهمش بقي في حته الروايات ال...والروايات الشاذه...سهل أقول شاذه صعب اقول الكلمة التانية عشان مخدش حياء البشر"

2_"الفئة الثانية...دول بقي بيتابعوا أنمي... الصراحه فيه روايات أنمي تستحق القراءة بجد مفيهاش أخطاء ولا كلمات بذيئة ولا أي حاجه ممكن تخدش حيائك...وفيه الأنمي اللي هو بقي...مع الصور والوصف بقي...بيوصفوا كل خطوة وحركة في الروايه "

3_"الفئة الثالثة بقي...ودول بير سلم...حوار وسرد مليان أخطاء...كلمات بذيئة وألفاظ...ومشاهد استغفر الله...دي البطلة بدون كرامة والبطل والحمدلله مشتري نص كوكب الأرض...بيفكرني بفرعون لما كان بيقول أنا الرب الأوحد ومفيش غيري على الكوكب... استغفر الله هنكفر؟"

5_"والفئة دي فئة مراهقة بتكتب روايات (إبا*يه) روايات بمعني الكلمة بتتكلم عن الكلام ده والناس بتقرأ وبتاخد ذنوب وعادي يا جماعة محدش شايفني!"

دي الانواع وطبعاً أنا كنت من النوع السادس اللي بيقرأ الكتب اللي ليها القيمة والروايات اللايت الخفيفة دي... وأنا كا بشر مبحبش الأخطاء الكتير ولا الأوفر...لذلك مش أي رواية تخش دماغي واقول هيا دي الرواية التوب...يعني مثلا لو قولنا الحاجات اللي بتقفل ليلا من الروايات هيا هنقول:......
1_"ان الكوميديا تكون مبالغ فيها لدرجة مثلاً يكونوا مخطوفين ويهزروا ويعبثوا عادي...فيه طبعاً اللي بيهزر على سبيل السخرية والجو دا وفيه الكوميدي التافه الأوفر."

2_"ان الروايه تبقي رحله انتقام بقي وتفضل الرحله طويلة ومليانه غباء... إلا من رحم ربي يعني فيه كتُاب قرأت روايات ليهم كان فيها انتقام وكدا طبعاً تحفه متقلقوش."
3_"ويالهوي بقي يبقي فيه شرير ويحب قريبه الابطال ويبقي طيب عشانها بعد فصول طويله شر وكره...طب ما كان من الأول الله...وبعدين ما تعاقبوه متوافقوش عليه اي حاجه طاه."
4_"وتخيلوا بقي طفل إبن الابطال بيحب بنت عمه...بيغير عليها من وهما في اللفه...بيعرف يقولها غزل فصحي وعامي ونشيد أي حاجه بعمر السنه...حاجزها للجواز في حين أن أنا وأنا في عمر الخمسه عشر... كنت مفكره أن لو جوزي مسك أيدي وباسها كدا بقيت حامل!...والدنيا ايزي يا عزيزي ويالا...طفل بعمر السابعه او التاسعه...بيغير على طفله مش واعيه لأي حاجه وبيعاكس فيها... لأ وكمان دي بتاعتي ومتلعبيش مع حد... وغالباً أبو الطفله مش موافق بأبن أخوه."
5_"سؤال للكتُاب اللي بيكتبوا نفس القصه كلهم...هاتوا اي حاجه جديده طيب...فيه قضايا...فيه رعب...فيه اي تصنيف إلا اللي بتكتبوه دا... أنا زهقت من كتر تشابه القصص وفقدت الشغف وركنت روايات أجمد منها على الرف...هبقي ارشحهم للي حابب لأنهم كتير."

المهم نرجع للي بيقولوا الواتباد وحش...بصوا يا شوباب...الواتباد زيه زي أي حاجه في الدنيا فيها الحلو وفيها الوحش...ولو تعمقتوا في الواتباد هتلاقوا روايات جميله اوي وبصراحة...وبعدين التطبيق قدامك مليان وحش بيغريك والحلو مستغبي أنت ودينك وضميرك وقرارك بقي...بس متجيش تعيب على الواتباد وتقول دا فيه كذا وكذا وكذا...فيه روايات دينيه جميله اوي وفيه رومانسي محترم ومؤدب...وفيه فانتازيا محترمه...وفيه رعب وحزن وكل الانواع ليه متختارش الصح؟... ليه منبعدش عن أي حاجه هتجبلنا ذنوب؟... عموماً انتوا أحرار في قراراتكم... الموضوع التاني بقي القراءه مش بعدد الكتب ولا بنوع الكتب اللي قرأتها... القراءه بالكتب اللي ادتك نصيحه او فتحت عينيك على موضوع مكنتش تعرف عنه حاجه...وممكن تكون كوميديا من غير نصايح بس بتفصلك عن الواقع شويه...يعني عادي مادام مفيهاش أي حاجه خارجه يبقي أنت في السليم...وبس كدا الموضوع المره دي الكلام عنه قليل لأني المفروض مكتئبه من الحاله بتاعت امبارح
ولذا يا عزيزي أخبرك بأنك أنت من تحدد ما الصحيح وما الخطأ... واتمنى أن تعلم بأن تلك الروايات التي قد تقرأها يوماً ما سوف تكسبك الكثير من الذنوب والمعاصي...وربك لن يرضي عنك في الاخره ولا في الدنيا...لذا خلي بالكم من أنفسكم وابعدوا عن أي حاجه ممكن تؤذيكم
والسلام....
يتبع......