Unicode
ဒီနေ့ချည်အိပ်ယာထနောက်ကျတာကြောင့် မေမေတို့ကတောင် အံ့ဩနေကြသည်။ ချည်ကပုံမှန်ဆို ၅နာရီလောက်တည်းကနိုးပြီး မေမေတို့နှင့်ဆွမ်းထချက်နေကျပင်။ ညကမောင်နဲ့တူတူစကားတွေပြောကြပြီး မနက်လင်းမှအိပ်ယာထဲရောက်အိပ်ပျော်သွားတာကြောင့် ၁၀နာရီလောက်မှနိုးလာခဲ့သည်။
မေမေတို့ကချည် ထူးထူးဆန်းဆန်းနောက်ကျသည်အထိအိပ်နေတာကြောင့် နေမကောင်းဟုထင်ပြီး တမင်မနှိုးသည်တဲ့။ ထိပ်တုံးမှာလဲမောင်ကမရှိတော့တာမို့ ညီမလေးကိုမေးကြည့်တော့ ' ဖေဖေနိုးတည်းက ကိုကြီးသတိုးကိုထိတ်တုံးကလွှတ်ပေးပြီး အိမ်ပြန်ခိုင်းလိုက်ပြီလေ" ဟုပြန်ဖြေသည်။
ချည်မနက်စာစား ပြင်ဆင်ပြီးတော့မှ အိမ်ခေါင်းရင်းကအပင်ကြီးအောက်မှာလုပ်ထားတဲ့ ကွတ်ပျစ်မှာ သွားထိုင်နေလိုက်တယ်။ ခဏကြာတော့ညီမလေးလဲလိုက်လာပြီး ချည့်ဘေးဝင်ထိုင်ကာ နှစ်ယောက်သားအပျင်းပြေ စကားပြောကြသည်။
ချည်တို့ရွာတွင် သီးပင်စားပင်မဟုတ်ဘဲ အိမ်ရှေ့တိုင်းမှာအရိပ်ကောင်းသည့်သစ်ပင်ကြီးတစ်ပင်စီတော့ရှိကြတယ်။ ဒါ့ကြောင့်နေ့လည်နေ့ခင်း ရွာထဲလမ်းလျှောက်ထွက်တောင် နေမပူဘဲ တိုက်ခတ်သည့်လေကအစ အေးနေတတ်တယ်။
တစ်လမ်းလုံးအရိပ်ရတာကြောင့် ကလေးတွေလဲကျောင်းပိတ်ရက်ရောက်ပြီဆို လမ်းပေါ်တွင် ဥပစ်တိုင်း ခိုတိုးတိုင်း ထုတ်စီးထိုးတိုင်း စတဲ့ ကစားနည်းမျိုးစုံကိုပျော်ပျော်ရွှင်ရွှင်ဆော့ကစားတတ်ကြသည်။ တစ်ခါတစ်လေဆို ချည်တို့ နွယ်တို့ ကြည်ပြာတို့ပင် ကြီးကောင်ကြီးမားဝင်ကစားတတ်ကြသေးသည်။ ချည်တို့က အေးအေးဆေးဆေးနေတတ်တယ်လို့ထင်ရပေမယ့် အရမ်းအဆော့မက်ကြသည်။
"နွယ်မျှင် အဖေလမ်းလျှောက်ထွက်ဖို့ လိုက်ကြအုံးမလား"
"ဟုတ် လိုက်မယ်လေဖေဖေ"
"ချည်နှောင်ရော"
"လိုက်မယ် ဖေဖေ"
"အဲ့တာဆို ဖေဖေတို့သွားကြမယ်လေ"
"ဟုတ်!!"
မနက်ဖြန်လွတ်လပ်ရေးနေ့ဖြစ်သည့်အတွက် ရွာထဲကကလေး လူကြီးအကုန်ဆော့ကစားနိုင်ရန် အလှူငွေများကောက်ခံကာ မနက်ဖြန်ပြုလုပ်မယ့်ပြိုင်ပွဲတွေကိုကြိုပြီးပြင်ဆင်ကြသည်။ ချည်တို့လဲ ပြင်ဆင်တာကိုကြည့်ချင်တာကြောင့် ဖေဖေနှင့်တူတူလမ်းလျှောက်လိုက်လာခြင်းပင်။
YOU ARE READING
ချည် နှင့် သွယ်သော ချစ်ကြိုးတစ်မျှင်
خيال (فانتازيا)ဖြတ်ရအခက်ဆုံးက သံယောဇဉ်လို့ပြောကြပေမယ့် ချည်နှင့်သွယ်တဲ့ အချစ်ကြိုးလေးကိုတော့ ဘယ်မှီလေ့မလဲနော်....
