Unicode
ဘာလိုလိုနဲ့ အချိန်တွေအကုန်မြန်လာတာ ခုတပို့တွဲကုန်လို့ တပေါင်းလာတောင်ရောက်လာပြီ။ ဘုရားပွဲလဖြစ်တာကြောင့် တစ်ရွာလုံးကတော့အပြိုင်အဆိုင်ကိုပျော်နေကြတော့သည်။ တပေါင်းလဆန်းတစ်ရက်ကနေ ၁၅ရက်နေ့ထိဘုရားပွဲကိုကျင်းပပြီး ဘုရားပွဲစတာနဲ့ ရပ်နီး ရပ်ဝေးကဘုရားဖူးဧည့်သည်တွေအကုန်လာကြတာကြောင့် အချို့ရက်များဆို ရင်ပြင်ပေါ်တွင်ခြေချစရာတောင်မရှိအောင်ဖြစ်ရသည်။
(မော်တင်စွန်းဘုရားပွဲကိုရည်ညွှန်းထားတာပါနော်)
"အင်း...နောက်တစ်ပတ်ဆိုဘုရားပွဲတောင်စတော့မယ် တစ်ရွာလုံးပျော်နေတဲ့ ဘုရားပွဲလမှာ မပျော်နိုင်တာဆိုလို့ ငါဘဲရှိတယ်ကွာ တောက်စ်.."
"ဟေ့အောင် မင်းကမပျော်နိုင်ရအောင် ဘာဖြစ်နေလို့လဲကွ"
"အေးလေ"
"ဟ ဘုရားပွဲလည်ဖို့ပိုက်ဆံမရှိတာကို မင်းဘကြီးမို့ပျော်နေရမှာလားကွ"
"အော် မင်ကလဲကွာအဆန်းလုပ်လို့ မင်းအဖေစီကတောင်းလိုက်ပေါ့"
"ဟေ့ကောင်ချက်ကြီး မင်းပြောသလိုသာလွယ်နေလို့ကတော့ ငါခုလိုထိုင်ဘူမနေဘူး တော်ပြီကွာ နောင်ခါလာနောင်ခါစျေးပေါ့ ခုတော့ချည်တို့အိမ်ဘက်သွားလိုက်အုံးမယ်"
"ဟေ့ကောင် ချည်ခုချိန်အိမ်မှာရှိမယ်မထင်ဘူးကွ"
"ဟမ် ဘာလို့လဲ"
"ငါတို့မင်းစီလာတော့ သူနဲ့တွေ့လာတယ် မြို့ကသူ့သူငယ်ချင်းတစ်ယောက်လာလည်မလို့ ကားဂိတ်သွားကြိုတယ်ဆိုလား"
"ဟ ငါ့လဲဘာမှမပြောပါလား ဒါငါ့ကိုပမာမခန့်လုပ်တာ တွေ့ကြသေးတာပေါ့ကွာ"
"ဟေ့ကောင် ပြဿနာသွားမရှာနဲ့အုံးနော် ဟေ့ကောင်"
ပြောရင်းဆိုရင်းထထွက်သွားတဲ့သတိုးကြောင့် ကျောက်ဒိုးအလန့်တကြားထအော်ပေမယ့် ချက်ကြီးကတော့အထာသိနေသူပီပီ
"ထားလိုက်ပါကွာ အဲ့ကာင်အပိုတွေပြောနေတာ ဟိုကသတိုးဆိုတာနဲ့ သူ့မှာအမြှီးကုပ်ပြီးသား"
"ဟားဟားဟားးး"
____________________
"ချည်....သူငယ်ချင်း"
YOU ARE READING
ချည် နှင့် သွယ်သော ချစ်ကြိုးတစ်မျှင်
Fantasíaဖြတ်ရအခက်ဆုံးက သံယောဇဉ်လို့ပြောကြပေမယ့် ချည်နှင့်သွယ်တဲ့ အချစ်ကြိုးလေးကိုတော့ ဘယ်မှီလေ့မလဲနော်....
