Unicode
နေခြည်ဟိုမိန်းမကြီးနဲ့တွေ့ပြီး သင်တန်းရှိသေးတာကြောင့် အတန်းတက်ရသေးသည်။ အတန်းဆင်းရင်လူကြီးလာခေါ်မှာကြောင့်လဲ သူ့မှာဖင်တကြွကြွ။ အသံဖိုင်ကိုအရမ်းဖွင့်ပြချင်နေပြီလေ။ တစ်ချိန်လုံးအဲ့တာကိုဘဲအာရုံရောက်နေတာ ဘယ်လိုဘယ်လိုအတန်းပြီးသွားလဲတောင်မသိလိုက်။ အတန်းပြီးတာနဲ့လွယ်အိတ်ဆွဲကာရှေ့ဆုံးကနေပြေးထွက်လိုက်ပြီး လူကြီးစီသုတ်ခြေတင်ကာသွားတော့သည်။
"လူကြီး...."
"အင်း...ကိုယ်မင်းကိုစောင့်နေတာ လာကားပေါ်တက် ကိုယ်မင်းနဲ့စကားပြောစရာရှိသေးတယ်"
"sweetie လဲ လူကြီးကိုပြောစရာရှိတယ် ဟီးဟီး.."
နေခြည်တို့ကားပေါ်ရောက်တော့ လူကြီးကမမောင်းသေးဘဲမျက်နှာသေနှင့်ငြိမ်နေသည်
"လူကြီးဘာဖြစ်လို့လဲဟင် အလုပ်မှာအဆင်မပြေခဲ့လို့လား sweetie ကိုပြော"
"နေခြည်ရွှန်း"
"ဟင်...ဘယ်..ဘယ်လိုခေါ်လိုက်တယ်"
"မင်းဒီနေ့ထက်ထက်ကိုသွားတွေ့တယ်ဆို ပြီးတော့အလုပ်ထုတ်ပြီးရေနဲ့ပါပက်ခဲ့တာဆို"
"ဟုတ်တယ် နေခြည့်စိတ်ထဲမှာဆူးနေတဲ့ဆူးတစ်ချောင်းကိုဆွဲနှုတ်လိုက်တာ အဲ့တာဘာဖြစ်လို့လဲ"
"ဘာတွေလျှောက်လုပ်နေတာလဲကွာ ကိုယ်ကသူတို့မိသားစုကိုကူညီနေတာလေ သူဟိုမှာအလုပ်လုပ်ရတာအဆင်မပြေဘူးဆိုလို့ ကိုယ်ကကူညီပေးလိုက်တာ မင်းအဲ့လိုလုပ်လိုက်တော့ ဟိုဘက်ကအလုပ်လက်မဲ့ဖြစ်သွားပြီး သူတို့မိသားစုထမင်းအိုးကွဲသွားမှာပေါ့"
"ခင်ဗျားအဲ့လောက်တောင်ဘဲ ခံစားသွားရလား အရမ်းစိတ်ထိခိုက်သွားလား ခင်ဗျားနဲ့အဲ့ကောင်မကြီးနဲ့ကဘယ်လောက်တောင်ပတ်သတ်နေလို့ ခင်ဗျားကကြားထဲကနေနာနေရတာလဲ ဟမ်"
"sweetie မင်းစကားပြောတာမရိုင်းနဲ့ကွာ ကြားထဲကနာတာတွေဘာတွေအဲ့အထိမရောက်ဘူး sweetie လုပ်တာတွေမှားနေတယ်လို့ပြောချင်တာ"
"ကောင်းပြီ ကျွန်တော်ကမှားနေတယ်မလား ရော့အဲ့မှာph ဒီနေ့သွင်းထားတဲ့အသံဖိုင်ကိုနားထောင်ကြည့်လိုက် ကျွန်တော်နဲ့ခင်ဗျားဒီမှာတင်ဇာတ်လမ်းပြတ်ပြီ စေ့စပ်ပွဲကိုလဲ ကျွန်တော့ဘက်ကနေပြီးရုတ်သိမ်းတယ် ရော့ခင်ဗျားလက်စွပ်"
YOU ARE READING
ချည် နှင့် သွယ်သော ချစ်ကြိုးတစ်မျှင်
Fantasíaဖြတ်ရအခက်ဆုံးက သံယောဇဉ်လို့ပြောကြပေမယ့် ချည်နှင့်သွယ်တဲ့ အချစ်ကြိုးလေးကိုတော့ ဘယ်မှီလေ့မလဲနော်....
