تفاعلوا بنجمة وعلقوا لُطفا 🎀
سدن الدُليم : Write
غل الغياث - Part 20
يا ربيع الحياة أين ربيعي
أين أحلامُ يقظتي وهجوعي
أين يا مرتعَ الشبيبة
آمالُ شبابي وأمنياتُ يفوعي
أين يا شاعرَ الطبيعة
لحنٌ صاغه القلب
من هواهُ الرفيعِ
رددته مشاعري وأمانيّ
ورفّتْ به حنايا ضلوعي
يا ربيعَ الحياة ما لحياتي
لونها واحدٌ بلا تنويعِ ؟!
° ° °
سراج :- ليخليهن يعرفن والله اشگه وصلتين اذا وحده بيهن عرفت .. واذا هدد شسويله طبه طوي خلي يكتلني اني اذا هو رجال .. كتلك البنت صارت مرتي خلي يحاول بس يمد ايده عليها .. والله لو مو يهدد لو على گص رگبتي ما يجيس شعره من راسها .. اي ابن ابويه وطالع من بطن امي خلي يسويها
فتت للبيت اركض ما أريد اسمع اكثر من هيج
سراج مهددينه بالقتـل !
صعدت الدرج اركض سويته خطوتين ورحت لغرفة ميلاء فتحت الباب چفت للغرفه بدون لا أدگة
لگيتها متمددة بالكاع ومكرفصه نفسها رجليها طابكه على صدرها ووجهها أصفر
بلعت ريگي على حالتها يعني هيَ سامعه شي !
او بالاكيد تعرف
حجيتلها بصوت يرجف أشبه للهمس
رتيل :- ميلاء تعرفين ؟
كامت سحبت تلفونها من جربايتها و فتحته گلبت بيه شويه ووجهته عليه
تقربت عليها وشفت شخص لازم سلاح مصور وواگف وره السلاح سراج على بُعد مو كلش قريب بس داير وجهه ، احتقن وجهي وانگلب احمر واني اباوع لميلاء الي لزمتها رجفه
لا كدرت اسوي شي ولا هيَ تسوي شي
اثناء صفنتنا انطبگ باب الشارع الخارجي ركضت على شباك غرفته وشفته طالع ودميشي بالفرع
ضربت على وجهي وصحت بكل قوتي
اجتني ميلاء تركض مع انو لازمتها رجفه
ميلاء :- شبيييي رتيلللل شبيييي بسسس لا طلععع
- طلعععع طلللعععع
گعدت بالكاع وبلشت ابجي وميلاء گابلتني وثنيناتنه كعدنه نبجي ، ربع ساعه يلا صحيت على نفسي وكرصت ميلاء
- كومييي ميلاء كومي نخابر علييه نشوفه وين البجي ميفيد ميفييددد
هزت راسها وجابت تلفونها
دگينه عليه دگتين جان يرفضه رجعت دگت عليه وهم رفضها كمت جبت تلفوني ودكيت عليه وكذلك رفض رجعنا نتصل ثنيناتنه بنفس الوقت لحد ما جاوب على ميلاء
سراج :- شبيج ميلاء اكو شي ؟
حجتله بصوت يرجف وهيَ تمسح بدموعها متريد تحسسه هيَ دتبجي بس وين الرجفه والخنگه لازمتها
ميلاء :- سراج انت وين الله عليك ارجع للبيت
سراج :- ميلاء ميلااااء اكو شييي احد اجاكممم
- لا لا بس ارجع
- ليش ارجع احجييي اكو شييي
- لا بس رتيل تخربطت مدري شبيها
- جاي
سد الخط وشكله فعلا جاي
ضربت على گصتي بقوه من وره ميلاء وسوالفها
أنت تقرأ
غل الغياث
ChickLitَفتـاةٌ لم تبلغ العشرون عاماً بعد استشهاد والدها تنتقل للعيش في منزل قريبتها ، لتلتقي به تُطعن بشرفـها ، تتعرض للضرب ، تتعرض للإجهاض لم يكن لديها غيره ، هل سوف ينفذها ؟ ام يتركها تقاوم مصيرها بمفردها . او ! ... يكون هوَ من يفعل بها ذلك ؟
