غل الغياث

بـارت 4

ذمة برگبتها الما تحط نجمه 🔪

الكاتـبة سـدن أحمد

° ° °

ميلاء :

سراج : تريد تعقدد عليهاااا مووو محد ياخذهاا محددددد ياخذها

گام غياث منه ولزمه من ياخة قميصه

غياث : اي اخذها واعقد عليها وتصير مرتي شرعاً غصبا عنك

ياخذها منه ! كل الاعرفه سراج ورتيل اعداء ضلينه صافنين أني و امي و ما تدخلنه لان فاهمين شسالفه من راسها ضلوا يتعاركون ذاك يكبس وهذا يرفع

سراج : ولكككككك ليشش تحرككك گلبيي بيهاا

الا ان امي صاحت بيهم

هند : كافيييي بسسسس بسسسسس شوفو البنيه راح تموتتتتتت واحد يشيلها يوديها لمستشفى صخاممم

اجه غياث حتى يشيلها جان يدفره سراج بخاصرته خلاه يتلوى و هوَ شالها طلع ركض

غياث : ابن الـ "" انعل """ لابو """

امي عافته وراحت گعدت بالاستقبال حطت شيلتها على وجهها وگعدت تبجي

ميلاء : شبيج ماما والله ما بيها شي تدرين بيها بس واحد يلخها تفقد

اني محروگه حرگ من داخلي على رتيل واعرف كلش زين غياث مو هيج ويحبها من جانو صغار بس لمن تزوج مرام گلب وهوَ اساسا ما جان يحب مرام فجأه بدون سوابق انذار عرفنه غياث يريد مرام
حچه بابا وياه وحچت ماما وما غيروا شيء الرجال قافل عليها

من يوم حبها وحبته احنا لا طاب خير ولا رزق لبيتنا و اربعة وعشرين ساعه متكافشين وصوتنا يسمعه الاطرش

هند : ولج يمه والله اتمنى ياخذني الموت ولا اشوف ولدي وامانتي متمالخين هسه هذا جزاتي هذا جزاة تعبي ورباي والله سهرت عليهم ليالي جانو يخبلون مثل الزيت والزعتر يخبلوووون بس هاي بنت الحرام بنت الگـ،واويد حسبي الله عليها والله اريد ادعي على عجيانها ( جهالها ) وتشوف بيهم يوم بس هذولي همه نفسهم احفادي وبنفس الوكت ما اريدها تحبل بلكت يطكها بمره ونرتاح منها من يومها ملعبه وحيه اني اعرفها وربيتها

ضربت صفنه وطگيتها بضحكة

هند : وجع شبيج بحال ضحك احنا

ميلاء : ماما اضحك على كلامج ساعه تدعين عليها ساعه تدعين على ولدتج ساعه تحجين على رتيل شبيج امي

هند : عوفينه هسه جيبي تلفوني خلي اخابرهم اشوف شلون صارت رتيل

° ° °

رتيل :

فتحت عيوني بيهن غواش واسمع اصوات يمي بس ما اگدر ارد ولا اركز وافهم اني وين اصوات شخص يحجي وياي وصوت الاجهزه وصوت بنيه هم

فركت عيوني وضحت الرؤيه شويه و بلشت اسمع زين شفت سگف غريب عليه وشفت يمي المغذي حاولت استرجع ذاكرتي واعرف شجابني هنا صفنت شويه يلا استوعبت