غل الغياث

بـارت 21

تفاعلوا للبارت بنجمة لُطفا وعلقوا 🎀
سدن الدُليم
غل الغياث - part 21

«أوَد أن أُلقي بنفسي إليها
لكي تشملني في سجل عشّاقها
ولا تحسبنّي بسبب ذلك ثَمِلاً
إن كنت أحب سيدتي
لأنني من دون حبها لا أقوى على العيش
فقد كان جوعي لحبِّها بالغ الشدة».

" " " حسابي الانستگرام :- Sd_7at

" (( اسفه بس ما عندي اي واهس للرواية لان ما جاي تاخذ حقها بالتفاعل وتعبت واني اروج الها بكل البرامج فـ دافكر اتوقف بيها فترة يرجع التفاعل وترجع ان بقى التفاعل نفسه .. واللهِ ادري نسيتو القصه شجعوني بنجمة حتى يصيرلي واهس استمر بيها 😔 وعد جان وصل هذا البارت خمسين نجمة منا لباجر ارجع للتنزيل اليومي ))

° ° °

ميلاء
التمت العالم ناس عالسيارات وناس على سلمان
شفت زلم شالوا ودمه يخر صعدوه بسيارتهم وطلعوا بيه اكيد للمستشفى

التموا الشرطة والي لابسين عسكري والناس حول السيارات وبعد ما كدرت اشوف شي

التفتت وشفت السايق واگف عن بُعد مسافة عني ويباوع مثلي للحادث عبرته ورحت صعدت بالسيارة وبلشت اسألة البنات وبلبلتهم

:- اكلج شنو هذا الحادث اسم الله شكد قوي

ميلاء :- والله ما ادري

:- اي بنات شفتو الولد شلون طار مات هسه ما ضل

:- والله كلش قهرني انوب بعده شاب خطيه

يلغن هواية واني بالي مو يمهم لدرجة صاعد السائق وماشين وما انتبهت الا نص الطريق حسيت الطريق صار ثواني بسبب شرودي وتفكيري السارح

ما حسيت غير واگف مقابيل باب بيتنه نزلت اشحط بروحي شحط والمنظر بعده براسي اريد اذب نفسي عالجرباية واغمض عيوني وما يجي ببالي هذا المشهد

فتت للبيت وذبيت جنطتي بالطرمة ورحت للمطبخ شفت رتيل غلست عليها وهيَ تحجي وياي وتسألني عن يومي

استمريت امشي ما وگفت او رديت بكلمة اعتبرتها ما موجودة اسمعها بس احس نفسي ما اكدر ارد

رتيل :- ميلاء شبيج ؟ احد مضوجج سامعه شي

وصلت لغرفتي وهيَ لاحگتني ومستمرة تسألني عن حالتي

رتيل :- ميلاء سراج بي شي بس رديييي كوليلي اييييييي لو لاااا

ذبيت نفسي عالجرباية وخليت وجهي بالمخدة
ميلاء :- لا رتيل لا مو سراج

- لعددد شبيج خوفتيني عليج شكووو

- سلمان

- شبي قندران هالمرة

نزلت دموعي من منظر الدم واللهِ الدموع مو على سلمان بس لاني ما متعودة اشوف هالكثر دم

بهتت رتيل من حست عليه ابجي حسيت بيها كعدت بصفي عالجرباية وكعدت تهز بيه واني دموعي بلشت تتسابق فضلت ابجي احسن ما اكتم وهم الا جلسة يلا تفض