Mimkût thla alo in her chhuah chuan, thli fim thianghlim leh hrisel tak pawh chu a hit vawng vawng a, ber thla anih angin Lal pian ni pawh kan hnaih ani tih kan rilru khing bai hmun thenkhat ah chuan a lang leh tawh reng ka ring. Mi te chu kan hlim tlang hlê bawk.
School leh in lamah pawh chuan ka nitin nun chu hmang chho leh zelin, harsat châng leh hreawm châng awm thin in rilru hahna thlêngin nei thin mah ila, dam leh hrisel taka min hruai thleng tu chung Pathian hre reng chunga nun hman hichuan kan buaina leh rilru kap tu rêng reng te chu min kian bo san thin tihhi thinlung ah ka vawng reng bawk.
“Bawng in rûnpui a be...bawng in rûn pui a be....bawng in rûnpui a be...” tih chu ka cousin Lalhmangaihtluanga chuan a rawn sa lâng lang a.
Kei tukverh atanga dak chhuakin, September (Mimkût thla) thli fim thaw heuh heuh in a ka hmai lo chhem chu nuam ti tak chuan ka dawh veng veng a.
Thhawk chu la halh in a ring thei ang ber chuan, “Vanlalhmangaihchuaitluanglopa.” tiin kan ko mai chu, a duhdan anilo chiang ngang mai.
Ka kawngkhar chu rawn hawngin, lut lo chuan kawngkhar zâwnah chuan a ding reng a, ka room chhunga rawn dak lûtin, “Eng tin maw, Laldinvelopuisilo pa.” pawr tak chuan rawn ti ve in, ka nuih huk.
Hmangaiha hi, inti pa ve tak niin, a aw hi a pa em em a, kei aiin thla khat in a naupang deuh na in, kei aia u tur ang mai hian min en a, keipawh chuan ka zah der ve thin viau bawk.
Kan naupan atanga U hriata tih lovah chuan ka kawm ve ber ani a, ka cousin te zinga ka engkima engkim ani ve tlat.
A sang em em lova, a taksa a bulk lam a pawl mah, tawi em em ni si lo hian, coat te hi a in hmeh bik hi ka lo ti thei viau, kan school ah chuan rawn lut thar ani a, timai ang, private atanga rawn insawn ani a, an zir a danglam chuanglo tiin kan Principal in a pawm ta anih kha.
A pa hi Kolasib Higher Secondary school a Principal chan chanlai anih avangin, kan school Principal nen pawh chuan an in hre pawh em em a, thian dûn tih takah, alo hautak viau lo ania nge.
A rawn luh tirh te chuan e, rapthlak khawp hian ka best in an duh ngei bawk a, hriatthiam ngaihna ka neilo, ka mit hi atha lo nge Zuali mit hi a chhia.
A mithmul a sei in, a mit ko hmul chu a dum em em bawk, a hnar chu a zum tawi ve viau, a hmui hnuailam hi a lian zawk bawk. Tianghi ami miin hmeltha an tih chu?
Science a la lo hichu ka lawm ani,
Sec - A ah chuan awm in, an class a ‘pick me girl’ tih nen chuan an haw dun ngei kha a rawn luh ni khan.
“Umm, rawn dak lo khan, i rawn luh dawn chuan rawn lut la, dawn lo anih chuan kawngka kha khar tha la, keimah in min awm tir rawh.” ka ti thâwp sat.
“Aw le, aw le” tiin kawngka chu khar lem lo chuan a bo ta daih maia, ka ngei ngei mai.
Chaw kan ei mek lai chuan, zak ru ve tak chuan,“Vawiin minlo phur, hawn lam chu ka thiante'n min phur tawh anga animai.” ngen aw deuh chuan ka ti a.
Hmangaiha chuan,“Ummle, mahse vur min lei sak angai ang.” tiin a vei nuih suk.
Zuali in hmuh tir ka duhloh avang chuan gate ah Hmangaiha chu ka in drop tir ta a.
“Hello hello, bestie!!.”
“Tunge heihi??”
Ka dar sân at chung chuan hnunglam chu muang fahran hian ka hawi riai riair a, eng dang sawi angailo ka bestie ngei ani e.
“Hmangaih hei Zuali ka sawi thin kha. Ka best anihhi.” tiin Zuali darah chuan ka kut chu ka nghat a.
“E ani maw,” tiin a kut chu chibai tur chuan a rawn phar chhuak a.
Zuali chuan zâm deuh ngul chung chuan khur bap bap chungin a kut a phar chhuak a, a chibai ve thei hram.
Hamngaiha chu gate chhungah chuan tlan lut in, a bike chu a park ta a, Zuali nen pawh chuan kan lut zui ve nghal bawk.
“Ka chau mang e,” tia fan hnuai chu dar a rik rual chuan ka chuh nghal a, Zuali ka hmaa thu chu ka han en nak chuan kaih thawh tur a awm ta lo.
DNA -> RNA -> Protein
En ringawt hichuan a awlsam mawle, mahsela, teacher te'n an han explain tak tak mai chu, energy hip kang tu ka ti mai.
“Zualiiiii”
“Enge niiiiii.” men pawh a tum lem lo.
“Tho rawhhh, i star pa rawn kal.” meng thei talo emaw ka tih khan, thawk leh khatah a rawn meng ta thut chu ka phu chiang ngang mai.
“Khawi maw?” tiin kawngka lam chu a en nghal vat.
Hmangaiha lo ding reng chu a hmu a, a tuiral riai riai in ka hria.
Hmangaiha lam pan chuan ka kal nak nak a, “Enge nita.” tiin a hmaah chuan kava ding vat.
“Eng nilo e, vawiin chu ka bialnu nen kan inphur haw dawn a, ka rawn haw tlai maithei aw, ka putea min lo hrilh sak mai dawnnia.” tiin a khi ver ver zui.
“Aw le,” ka thaw sap, kava han peihlo vele, bus in nge taxi in ka haw tak ang.
School ban ah chuan Hmangaiha chu a bialnu nen chuan ka hmu ta ngei bawk a, a bialnu lah chu mawng poh deuhin ala thu zui, ala dâk vâh leh nghal.
Hmangaiha lo duh ve tu te leh lo star ru ve em em te chuan anlo ngei ru hle, chu mi te zingah Zuali pawh hi ala tel zel e. Huiham.
“Dinnnnnnn, khawngaihin then tir tehhh, rilru a dam lo tiang ringawt hi chuan, a ni thei lo, ani em em tawh looo.”
Ka kut vuan meuh chuan Zuali chu min tah aw a, ka khawngaih lutuk, engmah tih theih ka nei silo.
“Ni e, ni e, eng tin tin nge mawni tih dan kalo ngaihtuah dawn nia.” tiin ka chhan tak mai kha.
