"Zuali"
Sik zeuh pah chuan kut zei zir chuan ka ko a, break lai anih angin hmun thawl deuh chu zawngkualin min zui tur chuan ka ti taa.
Tu vak mah an awm lo tih chuan ka thiannu chu enin, ka inpuan tur thu ka hrilh a, ka mitah tak enin a inring tawk ve hle. Thil ropui em em nilo mahse a in pumpekna hi a zahawm ka ti hrim hrim.
"Zual, nimin piah tlai kan school bang kha Sir Hriata'n dine out turin min sawm a, ka duh ru tih a hria nge hrelo chu ka hre lem hlei lova, hria pawh nise ka lawm tho a hrelo pawh nise a lawmawm hlei hlei a, tichuan ban hnu chuan kan kal taa, hmânah a mumangah mipa keimah ang hi a hmuh thu min hrilh a, ka mak ti lutuk chu awm ngaihna ka hrelo, ka rirlu chu a hah bawk sia, ka man ang ang a mang ve anih dawn hi tiin hrelo awm tak chuan ka awm kual a.
'I hmu ve thin em' tiin min zawt a mahse aih tiin ka chhanga, min rinloh hmel na in, dawt ka sawi a ring bik duh bawk silo a, a lu a bu nghut nghut a, tichuan a mumanga a mipa hmuh leh keimah chu kan in an em avang chuan a khât tawkin a sawi renga, ka inthiamlo ve deuh na in, ka inthup duh bawk si a, hreawm ka tih zia chu.
Chuan chutia eitur kan ei lai chuan ti hian a sawi bawk a,'Ka manga ka hmuh pa kha he khawvel ah awm tak ang imaw? Awm tarêng pawh nise kei ang mi tlak tlai lo hi min rawn zawng ve kher angem le? Ka zawn na a rei tawh zia hi hria se min khawngaih ve tho ang ka ring. Han intawng ngei ila aw ka thlah awm lo' tiin a sawi a, a sawi chhung zawng chuan ka thin a phu dup dup a, ka hmelah chuan a lan chhuah ka hlau takzet bawk, a mitmeng ah chuan min rimhleh na awm mahse ka hai der lui hram hram a, ka kut ka sik neuh neuh bawk.
Ti hian U Hriata'n a chhunzawm bawka,'Din nangmah nen hian an in ang chiah chiah a sin, i san dan leh i mizia, i nungchang, i nuih dan, engahah danglamna a awmlo, nangmah ini mai lo maw tiin ka lo ngaihtuah deuh a' tiin min hrilh bawk a, inpuan mai ka tum lai khan ka phone a rawn ri ta hlauh mai a ka lawm a ka lawm zia chu, chhang lo chuan thil ve chu engmah thleng lo ang mai chuan ka awm hnuhnawh bawk."
Dar a rik tawh avang chuan classroom chhungah kan lût leh a, sawi zolo inti viau mah ila kinah hun awl awm huna sawi leh turah ka dah rih tamai bawka.
Sir Hriata chu rinloh lam daihin a rawn lût thut a, ka thiante chuan min rawn melh deuh hû hlawm bawk, ka zak lutuk chu ka sa pawp pawp in ka hria.
"Vawiin chu in Biology teacher rawn kalloh avangin in duh duh in zir thei ang, bio ah thiamloh in neih chuan min zawt thei bawk anga, a bikin zoology lamah. Le in duh duh zir ru le second term ahnai tawh e." tiin Sir Hriata chuan a ti a, kan ngawih vek avang chuan a aw ri a ring bawk a, a sawi zo chu khuai ri mur mur ang vel kan ni.
"Laldinpuia a awm em?" a rawn ti a.
"Awm e." tiin ka chhang nghal bawk.
Sir hriata chu hriatthiam na dilin class atang chuan chhuakin office ah chuan ka chho tlang taa, Kan botany teacher chuan practical thil lei tur chuan minlo tir duh niin, paper a a ziah thlap hnuah chuan min pe taa, Sir hriata nen kan kal tur thu leh anin class a lak tur thu chu Sir hriata hnenah hrilh nghal turin min ti bawk, ava buaithlak tak em ve le.
Sir hriata ka hrilh zawh hnu chuan miss pawh chu rawn thleng hnuhnawh in, Sir nen chuan kan chhuak taa.
A hlat vak loh avang chuan ride pawh tu a mah in ken kan tum lem lova, ke chuan kan kal dun rial rial a, hmeichhe thenkhat thik hmel deuh deuh ka hmuh avang chuan Sir chu ka kal hlat deuh bawk.
A bik takin Rosyi'n alo thik palh ang.
"Din, tinge min biak duh lova"
"Space kan mamawh ve ve in ka hria"
"Aih, Din angai hleinem"
"Umm keiman ka mamawh"
"Aw le"
Kan ngawi dun veng veng a, mamawh vel chu leiin kan haw leh nghal a, awkward viau mahse hreawm ve em ani.
"Ka tihpalh aw."
"Umm apawilo dinte"
School kan thlen chuan a rilru chhungril nat ve tur zia chu ka hrethiam ve a, ni e, keipawh ka na alawm ka duh ve viau a mahsela hetianga awm angai si.
Classroom ah chuan lutin miss chu alo chhuak tawh a, cash memo leh kan thil lei vel ka pek hnu chuan class off tawh avang chuan Zuali chu kovin corridoor ah chuan kan thu dûn leh vang vang tawh a.
"Enge sawi dun te innei em?" tiin Zuali chuan tawng chu a rawn chuh hmasa a.
"Lawks te, break ami kha kala sawi zo reng reng hleinem, i hmanhmawh"
Kan la nui dun hak hak lawk a.
"Chuanin" tia tan te te in.
Rosyi nena restaurant a an chawlh dun thu te, school a an rawn inphurh dun thu te chu hrilhin, U Hriatan engmah anilo tia min tih te chu ka hrilh kim veka, Zuali pawh chu a ner deuh sak sak bawk. Runluih nana Thomas a ka hman thu te chu ka hrilh tel bawk a, thu zep mai mak thu tling hek lo.
School kan ban chuan rin ang rengin Thomas a chu hmeichhia pakhat phurin a haw leh tâk kha, huiham enga tan mah ka tih loh zia hria se chu e min suasam duh awm sia.
School kal lamah Thomas an min rawn hruai avang chuan haw lam chu ke a ka haw a tul ta a, Zuali nen chuan haw dun kan tuma mahsela Hmangaiha'n chhuahpui alo duh avang chuan keimah chuan ka mal tlat leh taa.
Kawng sirah chuan kal hnak hnakin, ka sirah chuan U Hriata chu a scooty nen chuan lo dingin,"Chuang rawh" a ti thum sat bawk, a hlauhawm ru hle.
Hlau ru ve tak chuan ka chuang taa, kan tlan rei hle, in lam erawh kan pan lem lo.
