Assembly ni ani bawka kan tho hma teh ang tih chu nizan thu hla mai ani e, ka tih dan thin ang bawkin ka thawh tlai leh tak hi. Ka insiam zawh meuh chuan ka la tlai chhe lem lo, Hmangaiha pawh a bialnu hruai hmasak angaih avangin alo va kal hmasa a, keipawh chu ka bike ti nung chuan ka in khalh chhuak ve ta nghal bawk a.
Ka bike parking hlun, scooty ka neih lai tang tawh rêng rênga ka park na hmunah min lo park khalh ta, ka chhe vek. “Heihi tu scooty nge?” ti a NCC gate lo vengtu ka zawh chuan, “Mipa pakhat ania ka hrelo ka vawikhat hmuhna” tiin min chhang ve bawk a.
Ka tawng ring deuh ani mahna, Scooty neitu ni awm tak chu a rawn kal hnâ hnâa,“Ka scooty nia, tinge a.” tia a rawn sawi chu, ka chhip atangin ka ke ler thlengin mur sum sum in ka in hria.
A helmet a phelh lova, mask dum a vuah bawk, a mit erawh ka hmu chiang, a mawi ani. A pa lian in a sang em em a, a zâng a kul lek lek, a kamis dum leh a cotton jeans dum te chu a in hmeh bik hluah hluah bawk.
A pheikhawk boot dum leh a nghawnga a thi class ve tak a awrh te chuan a vun ngona a ti êng mawi hle.
A sana pawh Rolex ani nghe nghe, a in chulh mawi kual vel vek in ka hria.
“Aaaaa, ka park thinna kum hlun ania, ka zawt mai mai anih kha.” ka ti bah nawk.
“Aw le nih, kan nawr sawn ange.” tiin a scooty chu a nawr sawn taa. Ka in thlahrung hnuhnawh hle.
A nawr sawn tâkah chuan zakzum leh inthlahrung tak chuan ka park taa, “Ka lawm e,” tiin class ah chuan ka tlan luh san a.
Assembly naah...
Principal chuan thu te chu sawi luam luam in, ka tih dan ngai ang bawkin keipawh chuan ka rilru ka kawm leh melh melh tawh.
“B.Ed te kha ka bulah hian rawn ding sela.” a tih chuan ka ngaihtuah na ata ka harh chhuak hlawk, students dang zawng zawng ang chuan ka phurna chu a nep bik lo hle.
A tawp berah a mawng dawl tu niin a rawn lang ta, tukin a ka hmuh ngei mai kha. Awiii pawi lutuk.
B.Ed dang zawng zawng introduction kan principal in a neih pui lai pawh chuan ama hming chauh ani ka nghahhlelh ber, “Heihi Sir Hriata ani a, Biology teacher ani.” ati ta, ka lawm a ka phur zia chu, kan thian ho chuan kan in melh rek rek hlawm a, kawng lehlam tak chuan a hlimawm ru ve viau.
Zuali pawh chuan ka sir atang chuan min rawn sik neuh neuh a, kei ang bawkin a khi ve suk bawk.
A hmel ka han en chian nâk chuan ka ngaihtuahna a la bo hneh hle, ka ngaihtuah zawka chu hmuh tawh na ka neih tawh vang ani.
School a awm reng si chu ka rilru a thlawk kual nasa hle a, kawnga intawnga inhmu vel mai mai anilo, ani hichu a danglam tih ka chiang.
Kan leng dûn a, kan inkawm ngaih bawk, kan hlim dun a kan nui dun nasa bawk mahse ka hre chhuak theilo chu ani pawi ta ber mai.
Assembly dismissed hnu chuan kan lut ho nak nak a, a then in lehkha an zira a then anlo in fiam bawk, a then fiamthu thawhin an in kawm ho bawk a. Ani chauh chuan ka ngaihtuahna a luah bawk si.
Class pawh chu rilru pe tha mang lo chuan ka awm a, ka thu ve mai mai ani.
Last period chu ka thleng ve thei hram, Zuali pawh chuan min ngaihtuah ve hle a, mahsela eng tih theih anei silo, ka ngaihtuah te chu ka hrilh ve reng bawk.
“Aw ka hre chhuak ta” tia ka din thut chuan, kan Miss chuan min lo melh nasa chiang ngang mai.
“Engmaw i hriat chhuah tak chu?” tia min zawh lai chuan, ka classmate te lo nui dur dur chuan min nuih tir ve ringawt.
Ding reng chung chuan ka ngawi ta veng veng a, “Aaa, Cancer treatment pali awm te kha mawle miss.” tiin ka thlan fim chu rawn bawl chhuak rek rek a.
Bio class ani hlauh chu ka lawm zia chu van a tawng hial awm e.
“Eng eng nge sawi rawh.” tiin min rawn la zawt zui, awii ka lawm rual rualin ka lawm lo.
Ka sawi zawh hnu chuan min thut tir ve maia, “I hriat chhuah leh pawn ka explain zawh ah i duh chuan i ding tawh dawnnia.” rawn la ti zui.
“Miss chu sual eee.” ani pawh chu nui tawpin.
Kan class chu kan ri mur mur nghal ringawt, Zuali pawh chu a bâng bik lo.
Ban dar rik hnu chuan ka in pack ta vat vat a, Zuali bawk chu awwww, a bula ding reng chuan a in pack chu ka nghak a.
Amah hmuh hman ka duh vang ani, Zuali in pack zawh hnu chuan ka kai chhuak dawr dawr a.
Sir Hriata pawh chu a scooty alo ti nung mek a, tukin ang bawkin Helmet leh mask a vuah leh tawh.
“Zuali saw ngei saw lawm U hriata boral hnu atanga ka manga lo lang kha. U hriata nen pawn an in an em saw. Ka mang ami kha U hriata nge kalo tive char char a mahse a thi awrh atang sawn amah saw ani tih ka hre thei.” tiin ka hrilh a.
Zuali pawh chuan mak ati ve hle nitur ani, sawi tur a hre lem lo.
Zuali nena kan din khawtlai mai mai lai chuan hmeichhia pakhat hi kan awmna lamah a rawn vei thak thak a.
Tu tak niang maw ka lo tih rilruk laiin ka hmaah tak ding chung chuan,“I cousin hur tak kha, hmeichhe dang a khawih chhiat leh hma in lo insum tawh rawh se.” tia rawn tawngin, ka ham haih chu ka nui tawp, a ngaihna ka hrelo ve em ani.
Zuali pawh chu phhawk tak chuan dingin a kal liam chu kan thlir zui bauh bauh.
Zuali pawh chu haw in keipawh chuan ka bike ka ti nung a, ka haw ve nghal bawk a.
Inah ka thlen chuan Hmangaiha ride pawh chu lo awm ve tawh, ka room ah ka kal nghal a, khumah chuan thu hahdam in ka awm mai mai ta a.
“Din, kalo lut thei ngem.” Hmangaiha chuan a rawn kik ri karh karh a.
“Aw nge nita.” tia ka chhan chuan, a rawn lut nghal a, ka bulah chuan thu in, min rawn kuah hlawp a, ka hamhaih viau.
“Tlangval a pumpa, i tha maw. Enge nita.” tia ka zawh chuan, “Eng nilo e, ka ngai che a.”
Ka nuih huk palh chu le. “Ka lawm e” tia chhang let in a mitah tak chuan ka en renga.
“Awleee nih, hmeichhia kha ka chetsual pui a, nimin a ka phurh nu kha, a lerh antia, a virgin tawhloh ka ring a, alo la virgin sia, ka inthlahrung lutuk, bialnu ka duh bawk silo, aaaa, ka rilru buai vek.” a sawi zawh chuan a thaw halh a.
“Umm heihi nia mipa chu kan mawl em em nachhan, hmeichhia te pawnlam landan ringawt kan en thin chang a awm a, heihi thalo lawm tu tan pawh, hmeichhia te pawn tilo se a tu a mah hian tilo se, a tha vek mai tur, mahse se bo hnu a se kawngkhar a sawt loh kha. Ngaihdam dil la, i thiamloh vek ani bik hleinem, ani pawn alo dawh duh kha a thiamloh na chin a awm ve alawm. I tihluih anihloh te chuan tha vek maiang.” tiin ka theih tawp chuan ka han hnem ve bawk.
“I nei te awm sia, pawi atih vak pawh ka ringlo,” tia kan fiam mai chu a duh lo chiang hle.
“I hmu duh mi” tiin in phawrh la tum tak tak zui, ka khumah chuan kan inbuan chu ni ta mai bawka.
Chaw te chu kan eikham hnu chuan lehkha te chu kan han zir ve deuh nain, ka rilru a la luahlan tlat avang chuan ka mu ta nghe nghe a, Hmangaiha pawh chu min dil tlat avang chuan ka bula mut ka phal ve ta bawk a, hahthlak tak hianin ah. Minla kuah thân zui.
