“Vahan lum tak.”
Meng lem lo chuan ka puan sin lai chu hnuhsawn ka tum a, Hmangaiha chuan minlo la kuah reng chu niin, puan pawh chu a delh hneh hle bawk, puan sin lai hnuhsawn tumin kan bei leh a, mahsela ka chêt apianga thil khawng ûl in min dal chu mak ka ti hle, hei enge tih rilru pu a ka'n vuan nak chu.
Ani theilo.
“Lalhmangaih lulawk, aaaaaaa,” ka tha neih zawng zawng chuan a bân chu ka vawr lawp a khum bulah chuan ka ding tho nghal ulh.
“Enge ni a, zing kar karah.” rawn la ti ngam zu nia.
“Ngatinge kekawrte nen chauh a i mut.” ka au ti tih.
“Awww a lum em hi, enge ka mut loh ang.”
“Ehhh, i khawih fuh nimaw, lian iti.” ala khi vur vur ngam zu nia.
“Heiha.” ka thaw halh ringawt, tih ngaihna ka hretawh biklo.
“Mipa te kan nia, zingkarah khawng ve loh in, mipa zia lawm heihi chu.” puan chu sin tha hnawk hnawk in ala mu hem hem zui.
“Aw nimai tehse.” tiin ka hmai chu phih tur chuan bathroom lam ka pan nghal a, ka zawh meuh chuan Hmangaiha pawh chu rawn tho chhuak ve in.
“Enge ni a, in pahnih chu in va buai dûn ve nichin khan.” ti a ka nu in min zawh chuan, Hmangaiha chuan lo chhang vat in.
“Eng nilo e, a ngaihzawng nge mintia, keimah ani tih a hriat khan a rilru chhia a harh thut anih kha.”
“I daw heh maw, Lalhmangaih.”
Ka hmai phih zo chiah tilo chuan e, a sa hem hem mai, a châk dawnlo alawm.
Cousin nilo se chuan star mah na mahse cousin chhungkua ania engti kawngzawng pawn a theihloh hi ani tawp. A body a mawiin a chhelo ve pangai hliah hliah a, chuta chhap a, tukin ah rulpui kala man fuh zui, ishhhh.
Ka chaw chu ka tih ngailoh ang tak chuan ka ei rang hle a, ka beng te chu a sa vek ka ngaihtuah mai mai naah te pawh chuan.
“I hak ange, Dinpui” tia Hmangaiha'n a rawn sawi zawng te pawh chuan ka haw hliah hliah tawh in ka hria.
Eikham hnu chuan kan pahnih tiffin tur chu ka siam mawlh mawlh a, tiffin chu insiam thei mahse a tlai dawn avang hian ka ta tur ka siam rualin ka siam ve mai bawk thin.
Ka tiffin chu pack zovin, polythene ah ka khung a, a ta pawh chu khung sak in fian te pawh chu ka dah sak nghal bawk.
Ka bike chu ti nung in ka hru fai nawk nawk, ava han mawi chungchuang tak em, ka tlan chhuak rual chuan Hmangaiha pawh chu ka hnungah chuan min rawn zui ve nghal bawk.
Kawngah chuan Zuali kan tawk hlauh a, ka ding dat a, Hmangaihna pawh chu ka hnungah ding ve in.
“Zuali, rawn chuang ve duh em?” tia ka zawh chuan, “I seat a te emmai,” tiin hnar ve khanglang a.
Hmangaiha chuan,“Kalo phur angche, kan ding tawh sa sa.” tiin Zuali chu a kova, Zuali pawh phur ngang mai. A zam chhe bawk si a aw ngam chiah bawk silo, zawi muang chuan ka thu ve a, kei rawh kalo nuih khulh khulh.
School chu thleng ve vat in, ka parking lot bik ah chuan ka tlan tlang nghal a, ka din leh rual chuan kan B.Ed thar pawh chu rawn thleng chawpchilhin ka en leh vawng vawng hman.
Ka bike bulah tak chuan a rawn dah a, Zuali'n min nghawk zeuh vang chuan ka harh ve hlawl. Ka zak lutuk chu ka kûn ngul a, Zuali chu ka kal bo pui ta hlawp hlawp a.
Classroom ah chuan kan thu dûn ta vel mai mai a, Zuali chu a hlim tih chiang lutuk chu a hmel atang chuan hmuh hmaih rual anilo, a ha zawng zawng a lang kim vek in ka hria.
“Enteh maw,” tiin bul an han tan phawt ah.
“Ka lawm lutuk, hmeltha pa, aaa tukin kha chu awii, avan nuam tak, ka lawm a kim lutuk 70% laiin. Hmangaiha aw mawlh kha ka thinlung lairil chhung ber thlengin a fang kualin ka hria. Kawng a chep sia, a tlan chak reuh sia, ka mal khan ka chep tawp a na lo te in. ‘I hlauh chuan min vuan dawnnia’ la ti zui awiiii.
Din, ka duh takzet, ka hmangaih tep in ka hria,” tih pah chuan desk ah chuan a lu nghat mawlh chuan a maimit chhing ta daih a.
“Anih 20% chuan i lawm ala kim lo ami?” tia ka zawh chuan.
“Umm, 20% chu arsi ani ang ka neih hunah a kim ang.” ala ti zui.
“Isshhh.” tih ngaihna ka hrelo, lehlam ka hawisan tak daih kha.
“Eng lam nge in sawi reng reng a.?” tia ka zawh leh chuan. Ngaihtuah awm hmel pawh a pu lo, a mumang ramah chuan a cheng te pawh ania nge, ka thutnaah chuan thu tur chuan ka kal ta daih a.
Tukina a vans pheikhawk chu, tia ka ngaihtuah lai tak chuan kan class teacher chu a rawn lut ve ta a, class chu kan tan ani deuh ber mai.
“Last second leh last period innei dawn lo.” roll call zawh chuan kan teacher chuan a rawn puang a.
Kan hlimpui hle tih kan hengchhen danah a hriat. Class lak lai te chuan hun te chu a kal chak sawt in ka hre nghe nghe bawk. Break chu rawn ni leh in, tiffin te chu kan han ei ta hlawm nak nak a.
“Aw ani chiang lutuk, ani chiang, ka chiang.” Zuali hnenah chuan ka sawi chhuak thut a, a phu deuh awrh in ka hria, ni e, a pheikhawk tukin ami kha, ka mumanga a pa fam tawh leisak tiin min hmuh nge nge kha.
Mahse tinge min hriat ve loh le, aaa keipawn ka chiang tawp bik silo.
Zuali chuan, “I aa deuh mawnle, therapy ah kalpui te i duh em?” min tih nghe nghe kha.
“Aih”
Dar a rik hnu chuan last period chu nita mai a, vawiin atan chuan. Ka tawng lai tak chuan Teacher rawn lut thutin, hmeichhia te chu an tre deuh chûl a, an ri zui mawlh mawlh bawk, mak tia kan en nak chuan B.Ed pa ngei kha lo nisi, awiii.
Kan han wish a, thut hnu te chuan a vei kual reng te chu ka nuih a ti za lek lek, ka mang angchiah, a zam apianga thil pawimawh lo tih a hrat reuh lutuk chu keimah te chuan ka khi veng veng ringawt.
“Ehe, ka mangah pawh tianghian a awm tawh, tunge anih fako le.” ka chal chuar meuh chuan ka ngaihtuah a, a chhana ka dawn theih ni hek silo hian.
Eng ti lem lo chuan lehkha chu zir tur chuan minti hlawm taa, midangin an zirin ka hria kei erawh ka mu hmak, ka chau ve bawk em ani.
A ding mai mai lai te chu ka melh hian min lo melh ru ve than a ka hriatna chuan ka tim ve mur mur mai.
“In zirtir kalo thawn teh angche u,” kan CR chu ko ding a, mahsela a phone alo chhiat avang chuan Kan Cr chuan min din tira ka phone no. pe tur chuan min han ti chuleh.
Ka lungnilo hle, ka melh rum nasa ngang, ka no. chu ka pe ta tho a.
Zuali chuan,“A ho emmai, in bengdai teh.” tiin min rawn signal zeuh avang chuan ka in sum hram.
Dar rik hnu chuan a chhuak zui nghal a, kei pawh chu bag te in pack in chhuah ka tum nghal a, mahsela, Zuali bawk chu ala in pack zo ve talo.
Ava han hahthlak thin tak em.
A in pack zawh meuh classroom chu kan chhuahsan ve thei ta.
