اليوم الثاني//
قام نمر من النوم وناظر بجنبه وكانت زوجته نايمه: اه يازين وجه
اقوم عليه من زمان ماقمت وانا فيني كل هالنشاط
قام نمر من الفراش وطلع واغتسل وغسل وجهه ولبس ثيابه
و توجه لخيمة الشيخ ودخل للمجلس: غريب وينه؟
وليد: يا هلا بالمعرس صبحك الله بالخير
نمر: الشيخ وينه؟
وليد: نايم شكل ليلة امس كانت طويله من هالعشا والرقص
نمر: نايم لها الحزه ؟؟ ماهي من عوايده
وليد: ايه غريب
نمر: ابشوفه
وليد: لا تدخل مكان رقاد الشيخ هذي لزوم تتعلمها
نمر : اجل بروح لخيمتي
وليد: فمان الله
طلع نمر وتوجه لورا الخيمه وفتح الستار وشاف رماح نايم
بس مو لوحده كان نايم بحضن سيف ونمر يناظر فيهم بصدمه
وفتح سيف عيونه من اشعة الشمس وناظر في نمر اللي كان
واقف : مين انت ؟؟
تراجع نمر بخطوات ورا وطلع برا الخيمه وهو مفزوع من اللي
شافه ومشى بسرعه لخيمته و سيف ماستوعب اللي صار وناظر
في رماح اللي كان نايم بحضنه وجلس يحرك يده على شعره:
رماح
رماح: ايه
سيف: قوم الصباح طلع
رماح: الصباح !!
سيف: ايه
قام رماح بفزع: ليه ماقومتني ؟؟
سيف: انا قمت معك
لبس رماح ملابسه : امش من هالمكان ليه للحين جالس؟
سيف: تبيني اطلع بها الوقت والكل يشوفني طالع من مكان
نومك !!
رماح اخذ نفس بعصبيه: قوم البس ملابسك واجلس مكانك
ولا تتحرك
سيف: سم
لبس رماح بشته وشماغه وعقاله : للحين ابيك ارجع شوي للفراش
رماح: اول ماتغيب الشمس روح ولا ابي اشوفك
قام سيف وقرب منه : نسيت اللي ساويناه البارح؟ ماودك
نعاودها مره ثانيه؟؟
رماح: ايه نسيته
سيف: حتى قولتك انك تحبني ومشتاق لي كلها نسيتها؟؟
رماح: ايه
سيف وهو يناظر برقبته: غط رقبتك يالشيخ
طلع رماح من عنده وجلس في المجلس وهو معصب وقرب
