ناظر نمر في رماح اللي كان نايم وقام من عنده وطلع وناظر
وكان الجو ظلام وتوجه لخيمته وشاف ولده جالس على الفراش
وقرب شاله: خليتك لحالك ؟ اسف ، خلني اسوي لك شي تاكله
واسوي للشيخ وناكل مع بعض
جلس نمر يطالع حوله: الخيام بدت تقل عن قبل لو قام رماح باكر
بيضيق خاطره اكثر محد بقى بالديره
قام نمر وشال ولده بحضنه وجا ببطلع شاف عمه قرب من
الخيمه: نمر ! وين كنت ؟
نمر: وش تبي ياعم ؟
العم: ليه اخذت حفيدي مني وش تبي فيه؟؟
نمر: اسمع ياعم بنتك انا طلقتها وولدي باخذه معي
رضيت انت وبنتك كان ابيها مارضيتم دورولكم شي يرضيكم
العم: تبي تحرم الام من ولدها؟؟ انت قلبك حجر ؟؟ نبي نرحل
من الديره وهي تبكي عليه ومب راضيه تمشي معنا
نمر: وانا شوفني اقولها لك ولدي ماتاخذه
العم : مايكفيك انها ربته وانت بعيد !! ماجيت الا وهو يمشي
والحين تبي تحرمه منها لجل وش ؟؟
نمر: المره اللي ماتعرف تحفظ اسرار زوجها وبيتها مالها مكان عندي
العم: وش السر ! قصدك رماح ! وش لك فيه انت ! ووش دخلك فيه!
نمر: انت وبنتك نفس الكلام مافيه فايده
العم: الولد مايعرفك ولا يبيك ولو شاف امه بيروح لها ويخليك
نمر: هذا اللي مابيه انا مابيه يشوف امه ولا يتعلق فيها
العم: وانت ! ماتبي ترحل معنا ؟؟ بتجلس هان بديرة المعيوب؟؟
نمر: معيوب !! محترمك لجل هالشيب اللي بوجهك انا بروح
اوكل ولدي ماعندي كلام معك ولا مع بنتك
العم: حطها براسك ترا بتندم وماهو بمقدورك تربي ولد
بلحالك
نمر: انا اعرف اتصرف توكل على الله
العم: و النعم بالله
مشى نمر وتوجه للحلال : وش افضل من كبده الخروف !
ابساويها للشيخ الاكيد انه بيقوم من نومه جوعان ومابيه
يفتح عينه الا وعشاه جاهز وعنده
سحب نمر خروف صغير وذبحه وسلخه وقطعه واخذ الكبد
وجلس يحمرها ويشوحها وناظر نمر في رعد: هذا الاكل
لعمك اذا تبي اسوي لك مثله اكبر اول
رعد وهو يناظر فيه ورجع يلعب بالرمل وقام نمر وحط الاكل على
