بعد مرور ثلاث شهور//
شاهين: ماله اثر ياشيخ كأن الارض انشقت وبلعته مابقينا
احد الا وسألناه وكلهم يقولون مانعرفه
رماح: و ابوه؟
شاهين: حتى ابوه مايدري وينه يقول مر عليه يوم انك خليته
يطلع من الديره وسلم عليه وبات عنده ذيك الليله ومن الصبح
اختفى بدون لا سلام ولا كلام
رماح: وين ادوره هالرجال ؟؟ بديت اندم اني طردته !!
دوروته بالديار اللي حولنا؟؟
شاهين: اي بالله بكل ديره رحنا وسألنا عنه ويقولون ماشافوه ابد
رماح: وين راح هالمخلوق معقول الارض انشقت وبلعته
ولا مات واندفن ومحد يدري عنه
شاهين: وش هالفال ياشيخ؟؟
رماح: زوجته تمت الخمس شهور بالحمل كيف تبيها تولد
ورجلها مب موجود ؟؟ ماصارت ذي
شاهين: تعوذ من ابليس ياشيخ اكيد بنلقاه انت اصبر بس
رماح : احس قلبي ينغزني ياشاهين
شاهين: بسم الله عليك ياشيخ وش بلاك؟؟
رماح: والله مدري قلبي يسوي هالسوايا ان صار شي مهب زين
شاهين: فال الله ولا فالك ، وش تقول ياشيخ؟؟
رماح: انا بس خايف ان اهلي صايبهم شي ولا يمكن نمر !
او عمي وسيف ؟
شاهين: وان صار شي بيجينا خبره
قام رماح اول ماشاف خيل تقرب من خيمته وقام بفزع
وطلع برا الخيمه وشاف مرسول سيف ونزل المرسول من فوق
خيله وقرب من رماح: صبحك الله بالخير ياشيخ؟؟
رماح: سيف جراله شي ؟؟؟
المرسول : لا مابه الا العافيه وانا مرسول منه ومن ابوه
رماح: وشهي رسالتك
المرسول: الشيخ و سيف يبلغونك سلامهم ويقول حياك الله على عرسه
بديرته وتراك بامان الله ثم الشيخ ابو سيف مايمسك شي ابد
رماح: سيف بيتزوج؟؟
المرسول: ايه
رماح وهو يناظر وكان يفكر ورجع ابتسم : ايه زين وصله سلامي
وقول له ان دعوته مقبوله
دخل رماح للمجلس وقرب من شاهين: ياشيخ وش اللي قلته؟؟
انت صادق بتروح!! بين ديرة عمك وابوك عداوه وان درى ابوك
خوفي مايسامحك
