رماح: وش قلت ؟
نمر: ولاشي
رماح: وش قصدك بالشي اللي تسويه فيني؟؟
نمر وهو يناظر فيه: قلت لك ولاشي
ناظر رماح في رعد اللي كان بحضنه ونايم: ولدك نام
نمر: ايه حس بدفى حضنك
رماح: شيله وروح لزوجتك
نمر: ابي اجلس عندك
اخذ نمر رعد من يدين رماح ودخل لمكان نومه وحطه على الفراش
وطلع ورماح يناظر فيه: ليه نومته على فراشي ؟
نمر: لاني ببقى عندك لليل
رماح: نمر ! ارجع لزوجتك خلك بقربها مابيها تلومني اكثر
مابي هالشي يصير انا ماصدقت على الله ترجع
نمر : رجعت لجلك ابيك تعرف هالشي
قرب نمر من الاكل وجلس قدامه واخذ لقمه ومدها لرماح:
كُل
رماح: وش اللي تساويه !! قلت لك مابي ويكفي
نمر: وش تبيني اسوي عشان تاكل من يدي ؟؟
رماح: مابيك تسوي شي لاني مابي اكل
نمر نزل راسه وهو يفكر : كان في مره اعرفها بيوم زعلت مني
ورفضت تاكل
رماح: خنت زوجتك؟؟
نمر ناظر فيه: هذا قبل اعرفك وقبل اتزوج
رماح: كمل
نمر: ويوم زعلت شلت الاكل وحطيته بفمي وقربت من فمها
واكلتها بها الطريقه
رماح عقد حواجبه: وش تقصد !
نمر: مااقصد شي بس قلت احكي لك اللي صار
رماح: لا تقول هالهرج قدام زوجتك
نمر: ماقلته ولا ابي اقوله
رماح وهو يناظر فيه: انا بقوم اقيل شوي
نمر: ولدي بفراشك
رماح: ماتبي تشيله !
نمر: لا
رماح: تعارض كلام شيخك؟
نمر: لا
رماح: وش تبي يا نمر ؟
نمر: وش تشوف !
رماح صد عنه: مااشوف شي ابي تساوي مثل ماسوو بقية
الرجال ابيك تاخذ زوجتك وولدك وترحل من الديره لديرة ابوي
نمر: انا اموت قبل اخليك مره ثانيه
