لا تنسون التصويت 🪶.
صلو على محمد وآل محمد
"بِسم اللّٰه الرحمـٰن الرحيـم "
«««««««
بغداد الساعـة 12:00 ليلاً
حارة وكهرباء ماكو حاولت أنام ضليت أهفي بالورقة لحد ماتعبت ونمت
فزيت على أخوي گعدني يهز بيه حيل
- اششش
- شكو؟
- كومي وياي وماعليچ
كمت ممستوعبة شيء وهوَ جابلي شال وصاية لبستهن وطلعنا صعدني بالسيارة وساقها بسرعة وكف گلبي گلت بخوف
- مراد بيك شيء وين رايحين؟
ماحجة وضل ساكت وضل يمشي بينا گلبي راح يوكف من سرعته وكل ما أسئل ميجاوب !!
أخيراً وكف السيارة بعد طريق طويل نزل ونزلني ويا لزم أيدي ومشى سريع شاف ولد أثنين أخذ نفس وداني يمهم وصارو يحجون بكلام ممفهوم
تأفأفت كملو حجي بقاني يمهم وراح !
ركضت ورا أصيح
- مررراااد ويننن عايفنييي
التفتت يباوعلي مسح وجهة بحيرة
- أسف وهَج سامحيني
خله وصعد بالسيارة وراح !!
عافني مراد عافني يم ذول
گعدت بالگاع أصيح بأسمه وأبچي
- مرررراد وين عفتنيي
اجة ولد شالني
- حباب حباب خابر عليّ خلي يجي ياخذني ليش عافنيي
ذاك الثاني سحب كلينكس وحطه على خشمي أدفع بي أريد يوخره ماگدرت سحبت نفس وأغمى عليّ ..
فتحت عيوني راسي يوجعني باوعت الولد أثنينهم گبالي
- اخخ راسيي راح ينفجر شنطيتوني سم بگلبكم أن شاء الله
گعدت گال واحد منهم بصوت ناصي بَس سمعته
- هسة هاي إذا بعناها شكد نحصل عليها
جاوبه ذاك الثاني
- هوواي
بلعت ريگي خايفة من كلامهم خاف صدگ يبيعوني مراد وين جابني ليش هيچي سوى بيه مو اني أخته؟؟
شوية وطلعو ضليت بمكاني صافنة بالفراغ عقلي مشوش وحتى تفكير ما أريد أفكر
بليل جابولي أكل اكلت وانجبيت هسة إذا گلت ما أريد خاف ياخذو وبعد مايجيبولي أكل
گال واحد منهم
- خلي نوديها بذاك البيت
هز راسه واجة ذاك سحب كلينكس صحت
- لا فدوةة ولحُسين راسي يكوم يوجعني
باوع لصديقة وراح جاب وصلة شد عيوني وأدي وحتى حلگي وصعدوني بالسيارة مر وقت طويل واني ساكتة
- أكلك دعبول شو هاي عاقلة أحسن من ذيچ البنية
ضحك وجاوبه
- صدگ بَس لا تحسدها جوز بعدها مسطورة من المخدر
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
