صلو على محمد وآل محمد
"بِسم الله الرحمٰن الرحيم"
••••••
صاح عمي بصوت عالي
- جووووواد
جواد عصبي وماشايف شيء كدامه عمتي تعيط وتصيح ودارين تبچي وترجف والبنات لازمات دارين ويهدن بيها
عمي راح بسرعة يريد ياخذ المسدس من جواد تعاركو سوية جواد ميقبل ينطي وعمي يريد ياخذه
أيمان:- يمةةة ولك حكيممم
عطنا بصوت عالي من سمعت صوت طلقة حاطة أدي على أذاني رفعت راسي أشوف بمنو هلـ طلقة
سحب المسدس عمي وضمه صارت بالجو الحمدلله آشر الـ أيسر ودارين أخذهم وراحو بالأستقبال والولد راحو وياهم
تنهدت گلبي يدگ بقوة خايفة روحي راحت من تذكرتها ركضت بسرعة فوك ولگيتها حاصرها روحها بالزاوية وسادة أذانها وتصيح
- لا لا
رحت ركض حضنتها
- آثار حبيبي ماكو شيء لا تخافين اني يمچ آثار
صارت ترجف وتهمس
- مات بيها مات
حرت شلون أسكتها واهديها بجيت وياها خايفة
- آثار ماكو شيء حبيبي أهدي فدوة
اختنگت تفرگ برگبتها تريد هوى شربتها مي وضليت أهفيلها شوية گدرت تجر نفس بَس بعدها مو بوعيها
بجت خايفة
- نفسه نفسه نفس الصوووت نفسه
اجوي على صوت آثار
جواد:- وهَج شبيها آثار؟
- كله بسببك شوووف حالهااا بسبب المسدس مالتك والطلققق يعني انتَ موتدري بيهاااا تخاااف
الحاكم:- أهدي بابا ماصار شيء
سحب آثار حضنها وهيّ بَس تصيح
- نفسس الصوت نفسه
مسح على شعرها وضل يقرة آيات وسور لحد ماهدئت شهكت من وگعت بالگاع
- آثاااار
رحت ركض لزمتها وهيّ مفتحه عيونها وبَس تباوع جسمها صار ميتحرگ
- عموو شبيهااا آثااار
شالها عمو الحاكم خلاها على الجرباية وغطاها سحب تلفون جواد من أيده حيل مبين متعصب منه وزعلان شغل قرآن وعله الصوت كله وخلاه يم راس آثار
غمضت عيونها ونزلن دموعها من سمعت صوت القرآن بقيت گاعدة يمها وأبچي وياها
لحد مانامت طلعت گلبي يوجعني على حال أختي وماگادرة أسويلها أي شيء فتت للغرفة
لگيت آرون موجود ونايم رحت للحمام شغلت المي وبجيت بصوت عالي داتحمل أشياء فوك طاقتي
تعوذت من الشيطان مسحت دموعي وكمت فرشت مصلاية وصليت ضليت أحچي وبقيت نايمة على السجادة لحد مانمت ..
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
