لاتنسون التصويت 🪶..
صلو على محمد وآل محمد
"بِسم الله الرحمٰن الرحيم "
««««««««««««
آثار "
فتحت عيوني لمن سمعت صوت برا كمت بسرعة
لگيت مراد ! توه راجع الساعة ب 4 الفجر
رحت اله
- مراد؟ وين جنت ليش هيچ حالتك
جان وضعه تعبان كلش بالگوة يمشي وعيونه حمر حضني حيل وصار يبچي !!
- مراد حَبيبي شبيك ليش تبچي؟
مايحچي
- فدوة جاوبني مراد گلبي راح يوگف لا تخوفني
سحبته وگعدته على المرجوحة أمسح على راسه
مراد:- آثـار وهَج راحت ماكو بعد وهَج
وزاد بالبچي يضم راسه بصدري ميريد أشوف وجهة حضنته
- شبيها وهَج نايمة أگعدلك ياها؟
- ماكو بعد راحتتتت
كمت سندته عليّ ونومته بفراشه ضليت أقرة عليّ آيات لحد مانام كمت أشوف وهَج ليش يگول راحت؟
باوعت ماكو بفراشها رحت لأمي جوز نايمة يمها هم ماكو ! افتريت البيت كله ماخليت مكان مادورته عطت بصووت عالي
- وهججججج وينننننچ
دموعي صارت تجري رحت ركض لمراد اهز بي
- وينهااا وينننن وديتهااااا
صرت أضرب بي لزم أديه حيل
- اششش آثر حبابة لا تگولين لأحد خاصتاً
رافد فدوة والله بَس يعرف يدفني
واني عايش
ضربته راشدي
- وينن وديتتت أختيييييي
گعد الكل على صوتي وأولهم رافد صح خفت منه بَس مومهم لو هسة يموتنا كلنا مومهم! أهم شيء حبيبة گلبي وهَج
اجة يمشي ويلبس بفانيلته عصبي وعيونه دم
رافد:- شكوو شبيچ تصيحين؟
نزلن دموعي ومراد يگرص بيه من ورا علمود لا أحچي بَس مستحيل أسكت مستحيل وأختي ما أعرف وينها ووين وداها مراد
غمضت عيوني وگلت
- وهَج ماكو مراد ما أدري وين وداها
أمي لطمت على وجهة
- صخام بعيني
راحت تركض هيّ ونسوان أخواني يدورنها گعدت بالگاع من الخوف ونظرات رافد
مرت مراد:- صدگ ماكو وينن راحت
أمي ضلت تبچي مابيدها شيء ومنتظرة رافد يحچي گال جملة وحدة
- مراد وين وهَج !
مراد باوعلي وملامح الندم والخوف تحولن لـ غضب وحقد !!
مراد:- ما أعرف گعدت بليل لگيتها تريد تطلع سئلتها وين ماقبلت تگول فتحت الباب وشردت رحت أركض وراها بَس شفت واحد صعدها بسيارة وأخذها وراحو مالحكت أشوف حتى وجهة
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
