..
وصلو على محمد وآل محمد
"بِسم الله الرحمٰن الرحيم "
♡♡♡♡♡♡
شهكت بصوت عالي والكل ضل يباوعلي ورافد خزرني بلعت ريگي
- أسفة بَس أجيت أوگع
محد حجة وهوَ باوعلي مبتسم أخذ گهوتة وديت للولد الباقين وبسرعة طلعت من الأستقبال
رحت بالغرفة سديت الباب گلبي يدگ بقوة شمعرفه بينا ومنو هذاا؟؟ ليش جاي علينا اسئلة هواي براسي
فزيت لمن أدفر الباب وفات رافد عصبي ضربني راشدي حيل
- اني شكلت !
باوعتله عيوني دمعت حجيت خايفة يضربني مرة ثانية
- مو أعتذرت والله أسفة ما أعيدها بعد
ضربني مرة ثانية
رافد:- هسة ترجعين تگعدين ونفس ما أسمعلچ تمام وإذا انوب جفصتي بشيء تعرفين عقابچ وأكثر !
هزيت راسي وهوَ طلع گعدت على صفحة شوية وكمت مسحت أدموعي باوعت على خدي لگيت آثر أصابيعه عليّ أجيت أخفي بَس بعدين گلت
هوَ ضربني ليش اني أجي أخفي آثار ضربة؟ خل يشوفون شكد اخوي حقير ومريض نفسي
مسحت دموعي عدلت روحي رجعت مبتسمة دخلت وگعدت بصف آثار ومَيسم
كل شوية أباوع لهذا ابو العيون الجوزية ومن أحسه يباوعلي ادير وجهي أسوي نفسي العب بالمحبس الأبسته
شاورتني مَيسم
- رافد ضربچ؟
هزيت راسي بلا
- لا تچذبين خدج أحمر
الغصة ذبحتني ما أگدر أحچي هزيت راسي
تنهدت تباوعلي أبتسمتلها أطمنها مابيه شيء
لحد ما راحو رافد گللهم ضلو على العشة بَس ماقبلو قبل لا يطلعون شفت الكل ملتهي يسولف ويا الثاني آثار صادقة بناتهم وضلت وياهم ومَيسم هم
دورت على أبو عيون بَس مالگيته وين أختفى هذا
التفتت وشفته جاي يخنگ برافد !! محد داير راسه لأن ديسولفون اني لأن التفتت شفتهم
تقربت شوية سمعته يگله
- اخر تحذير الك مد أيدك عليها ألنوب إذا ما كسرتها
ورافد يهز براسه بسرعة التفتت أسوي نفسي جنت أسولف ويا البنات ..
رجع وصعدو بسياراتهم وراحو
ليش رافد يخاف من هذا ابو عيون الجوزية؟
رجعت للغرفة وسديت الباب ذبيت شالي وگعدت على الجرباية افكر بهذا ابو عيون الجوزية
صفنت شوية وگلت
- لا شنو ابو عيون الجوزية طويلة لأزم أدورله أسم
أبتسمت من لگيت الأسم
- ابو الموزا
ضحكت من تذكرت شكله وهوَ يغنيها ويرگص ...
***
روند"
جنت گاعدة بالغرفة كل عادة مطشرة كتبي أقرة انفتح الباب لا شنو أنفتح؟ اندفر الباب والا شوية يتفلش
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
