صلو على محمد وآل محمد
"بِسم الله الرحمٰن الرحيم "
•••••
حرت أشيل منو وأشوف منو تقربت الروند وشفت الدم يطفر من أيدها ركضت على الدرچ ورحت گعدت آرون
لبس ملابسة ونزل وياي گع رحت بسرعة شلت روند وآرون شال وهَج صعدناهن بالسيارة ورحنا للمستشفى
سحبت وصلة وشديت أيد روند بيها لحد ما وصلنا للمستشفى نزلتها
أخذوها للطوارئ رحت للحمام أغسل أيدي من دم روند ورجعت
آرون:- شبيهااا وهَج؟؟ ومنو هاي البنية؟
- صديقة وهَج جنت طالع برا وشفتها أجتي عليكم سئلتها شتريد ماحجت تريد بَس وهَج
وكفت باب الحوش واجيت على وهَج أصيحلها نزلنا وهَج بَس شافت روند تخربطت
- وروند شبيها؟
- منتحرة
- معقولة؟ شنو الي يخليها تسوي هيچ
- ما أعرف شفت سجينة بالگاع لمن شلتها أكيد شاگة أيدها بيها
- لا حول ولا قوة الا بالله
گعدت على الكرسي صافن شلون گدرت تنتحر شلون صارت عدها الجرئة وشگت أيدها واني ماتأخرت عليها هواي شنو الخلاها تسوي هيچ !
دعيت ماتموت خطية بعدها بنية شابة وحلوة شوية واجة عمي
الحاكم:- خيرر بابة شصاير فهموني
سولفله آرون مختصر وبقى هم ينتظر ويانا طلعت برا ادخن بقينا ننتظر لحد ماطلع الدكتور
أيسر:- بشر دكتور؟
- الحمدلله عدت على خير خيطنه أيدها بَس بعدها فاقدة الوعيي
آرون:- ووهَج نگدر نشوفها؟
هز راسه بأي
- مابيها شيء تگدرون تشوفوها
راح آرون يشوفها بقيت بمكاني الله كتبلها عمر جديد أبتسمت انتبهت على عمي يباوعلي خفيت ابتسامتي
لحد ماگعدت روند فتت أشوفها لگيتها تبچي ولازمة أيدها
أيسر:- الحمدلله على السلامة روند
مسحت دموعها تباوعلي رجعت تباوع العمي همست
- شكراً الله يسلمك
الحاكم:- شلون صرتي بابة
انتبهت لعيونها انترسن دموع حجت بغصة
روند:- أيدي توجعني ودايخة
أيسر:- هسة شوية وتصيرين زينة
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
