لاتنسون التصويت..
صلو على محمد وآل محمد
"بِسم الله الرحمٰن الرحيم "
••••••••••
- شجان يسويلچ؟
- منو؟
- امجد
وهج:- ماسوالي شيء
خزرني بعيونه الجوزية
- شبيك
- چا شنو هذا البرگبتچ؟
- تحسس
- تضحكين عليه لو على نفسچ؟
- عليك
- أحچي
- ابوي أمي انتَ حتى أحچيلك؟
سكت ماحجة خله وطلع
سحبت رجليه لصدري وحطيت راسي بحضني بليل أجة وبَس شفته انفتحت البواري
دموعي تجري كمت وكفت گباله وعطت بوجهة
- منوووو انتَ؟؟؟
جان شايل صينية خلاها على الميز وطگ أصبع وغنه
- انـه الموزا الأمورة صفرة وحلوة وغندورة انـه طعمي مي متلو في النحاء المعمورة
أباوع صافنة عليّ حصرتني الضحكة بَس لزمتها أسوي نفسي عصبية تقدم عليّ ويهز براسه وكمل أغنيته صوته موحلو بَس مستمر
- طرية وهشة في الفم مُفيدة جداً للجسم لا كن لا تكثر مني بيكفي حبة فاليوم
تخوصرت
- كملت؟
ضحك بصوت عالي
- أي كملت يلا تعاي أكلي
مسحت دموعي گعدت على الجرباية اكل وهوَ گاعد بصفي يباوع عليّ
- اكل وياي لا تستحي
- ما أريد أكلي انتِ
- طبك حمس موصوجك
- راح أشگه لحلگچ
- أمجد يريد يبوسه وانتَ تريد تشگه بَس شوف الفرق
رجع خزرني
- هذا لسانچ إذا جاب طاري ذاك القذر أگصه فهمتي لو لا
توقفت عن الأكل ورفعت راسي أباوعله
- شوفني أفعالك لا بَس تحچي
ماحجة سكت
- يلا نامي
- شنو أنام أريد أرجع للبيت يلا رجعني تعبت منكمممم كل يوممم ماخذيني بيت كرهت عيشتييي كاافيي رجعونييي للبيت خلوو رافد يذبحنيي يموتنييي مومهمممم أهم شيء أبقىى يممم أميي واختيييي
تهسترت بعد ما أگدر أتحمل تحملت وضليت ساكتة واگول تفرج ربي موجود وياي بَس ما أگدر أسكت واتحمل كل يومية ماخذيني بيت
لزمني من أمتوني
- تمام وهَج أهدي
وخرته مني
- منييين تعررف أسميييي
- مومهم هسة بَس أهدي
صرت أسحب النفس بالگوة اختنكت وخرت شالي وضليت أفرگ برگبتي نفخ بوجهي وضل ينفخ لحد ما صرت اتنفس طبيعي غمضت عيوني ونمت
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
