صلو على محمد وآل محمد
" بِسم الله الرحمٰن الرحيم "
♡♡♡♡
روند "
واكفة على المراية ارتب بشعري كملته ونزلت يم البنات توني أريد أفوت للأستقبال وحسيت شخص ضربني من ورا أبتسمت وحجيت
- أيسر شبيكك ترى بعدني مزاعلتك لا عبالك سامحتك صد...
شهكت ورجعت ليورا من شفت ابو أيسر
- اءء هلو عمو
- هلا بيچ انتِ خطيبة أيسر مو؟
هزيت راسي بأي
- خوش يختار ال***
- گلت شيء عمو؟
لزم شعري بأيده وقرب راسه يشمه بلعت ريگي متوترة من تصرفاته مو تصرفات رجال جبير
- عمو شدسوي؟
- شعرچ يخبل هنيال أيسر عليه
- وخر عمو
- تعاي لحضن عمچ تعاي
سحبني حيل وحضني أدفع بيه أريده يوخر بَس لزگ دگ گلبي بقوة من تلمس جسمي دفعته بَس ما وخر عطت بصوت عالي اجة أيسر بسرعة سحبة مني وضربة
رجعت ليورا دموعي تجري طلع الكل على صوت صياحي حضنت وهَج خايفة گلبي يدگ بقوة من شفت أيسر شلون معصب ويريد يموت أبو بسببي صار هل شيء
عمو الحاكم سحب أبو أيسر وطلعه برا وأيسر راح يم الولد شوية واجة سحبني من أيدي وصعدني فوك بغرفته وقفل الباب
- أيسر
تقرب يحچي وياي رجعت ليورا خايفة فتح أدينه واني ماصدگت رحت ركض حضنته وبجيت
- أيسر خايفة
- لا تخافين اني يمچ
مسح على ضهري دحست وجهي بصدره أتمنى أعيش بگلبه ومثل ما أحبه يحبني بَس گلبه يحب وحده غيري أحس گلبي ولع نار من تذكرت أبتعدت بسرعة مسحت دموعي
- شكراً
- روند أعتذر عن تصرفات أبوي و..
- تمام ماصار شيء بَس ما أريده يسلم عليه ولا حتى يباوعلي
- الي تردي يجرالچ
- تگدر ترجعني للبيت؟
هز راسه بأي طلع كدامي واني ورا ودعت البنات وصعدت بالسيارة طول الطريق ماحجة ولا اني حجيت ضليت صافنة بالشارع
نزلت بسرعة
- شكراً أيسر
- العفو
ردت أروح بَس صاح
- روند
التفتت اله نزل من السيارة واجة وكف قريب مني
- أسف من كل گلبي إذا انقهرتي بسبب كلامي وأسف على السوى أبوي بيچ أوعدچ هلشيء ميتكرر
حضني حيل أحسه تعبان ومحتاچ أحد يمة بَس ماحجيت وحتى ماحضنته
- تمام أيسر مسامحتك اني
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
