لا تنسون التصويت ..
صلو على محمد وآل محمد
" بِسم الله الرحمٰن الرحيم "
•••••••••
آثار"
رحت أبدل لأن مرت الحاكم عازمتنا ورافد منتظرنا نخلص
كملنا وصعدنا بالسيارة اني لبست بنطرون أسود وقميص أسود ومَيسم لبست دشداشة وعباية وهَج لبست نفنوف أسود
جميلة:- شني يمة مايصلح لابسات أسود امشن ذبنااا
وهَج:- يمة هوَ لون شني
- انلصمي امشي ذبي
تأفأفت راحت لبست بنطرون وقميص واني بدلت بَس القميص ردت البس شال بَس رافد ماخلاني الا أذبة باوعت لوهَج الدمعة بطرف عيني ليش بَس وهَج خلاها تلبس ومَيسم انقهرت بَس سكتت عفت شعري محلل
طلعنا وتقريباً نص ساعة ووصلناهم
رافد:- وهَج ومَيسم انزلن
وهَج:- وآثار؟
- عندي كلام وياها انزلن گلت
نزلنا ووكفن بالباب
- آثار
دگ گلبي بقوة خفت شووف شعنده
- باعي أريدچ تتقربين من جواد تعرفي هوَ عنده وسواس
ف، تقربي منه لزمي أيده بوسي من هلسوالف يعني خلي يتعود عليچ علقي بيچ وخلي متلعب نفسه منچ فهمتي
لو لا؟؟
- راف...
- اششش ممنوع ترفضين إذا سمعت لو عرفت انتِ ممسويه هيچ أخذ وهَج منچ شفتي شصار بيچ من مراد أخذها وشهرين يلا رجعت مو؟ هسة اني مو شهرين طول العمر أعتبري وهَج ماتت وماموجودة بعد وتعرفين بيه مخبل وأسويها !
عيوني غوشن من الدموع تذكرت شصار بيه من مراد أخذها الوهَج باعها علمود يشتري مخ*درات بالفلوس ! ومن شردت وهَج منهم اجوي على مراد أخذو
يومين ومراد ماكو رجعولنا مراد مدمة من فوك ليجوا مانقهرت عليه يستاهل لأن باع وهَج رافد ماسواله شيء بَس حبسه بالمخزن كم يوم وطلعه أصيل
ردت أنزل لزمني من أيدي
- غلطة صغيرة منچ تروح حبيبة گلبچ
دفعت أيده ونزلت بسرعة أختنكت سحبت نفس وهوَ راح
وهَج:- شراد رافد منچ؟؟
- هيچ لتهتمين
سكتت ماحجت
فتنا وشفنا ام جواد سلمنا عليها
وشفنا ما شاء الله البيت متروس بنات عمهم وخالتهم بحيث هوسة هوسة
بَس كلش حلو البيت عبارة عن بنات ماكو وولد أتطمنت وگلت بالكت جواد ميجي وضليت أدعي وادعي
خاب آملي من شفته فات يركض صعد فوك
تسحبت من البنات بهدوء ورحت صعدت فوك خايفة بلعت ريگي ماگدرت أفوت لغرفته گبل رحت بالسطح گعدت بالزاوية
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
