صلو على محمد وآل محمد
"بِسم الله الرحمن الرحيم "
••••••
رفعت راسي اله وگلبي أحسه حيطلع من مكانه قفل الباب واجة
- وهَج !!
سكتت ماعندي كلام أگولة حتى أستحي أباوع بوجهة
- أحچي وياچ !
- ها
- شبيهن عيونچ؟
- شنو
- انتِ بوعيچ بطة؟
- أي بوعيي
- المن لابسة هذا؟
- الك
- عود صدگ تحچين؟
- تشوف شكلي ديچذب؟
- لا
آرون:- عاينيلي وهَج
- ها
- حطي عيونچ بعيوني
بالگوة واكفة على رجليه بلعت ريگي ورفعت عيوني بعيونه الجوزية اتخيل رافد يگتل أصيل مرة ثانية وأدري بيه يسويها وميهمه شيء
لزمت وجهة بأدي غمضت عيوني وبسته ضغط على خصري حيل أبتعدت گلبي يدگ بقوة
- وهَج شجاي تسوين؟
لأزمة دموعي گوة لزمني من اكتافي
- أحد جابرچ أحچي أمي گالتلچ لو أبوي؟
- محدد
- گولي منو وهَج
دفعته وركضت للحمام توني أريد أسده الباب دفعه وفات
- روحح آرون ما أريد أشووف أحد
- گولي منووو واعوفچ
گعدت بالگاع حاضنة نفسي وأبچي
- رافد
- شوكت گلچ؟
- قبل شوية اجة وجابلي هذا گلي إذا ما تتممين زواجج من آرون خاف ضربته طلقة لأصيل انوب أموته خلاص ما أدري شيستفاد من هلشيء
- *** برافد
- تعرف ليش يسوي هيچ؟
- أي
- ليش؟
- من اتمم زواجنا راح يچينا طفل ويربطنا إذا ردنا نتطلگ مراح نگدر والسبب الطفل وأكيد أبوي مراح يقبل حتى لو ردنا
- وشنو الي يستفاد؟
- علمود فلوس
- **** بيهن وبرافد هم
ضحك ومدلي أيده
- يلا گومي بدلي لبسي غير شيء وامشي ننام
لزمت أيده وكمت
- ورافد؟
طلع وطلعت ورا أخذت الچرچف اغطي بيه نفسي سحب فانيلة من مالاته بيضة جاب مگص وگص شوية من عدها
- شدسوي آرون
جاب سجينة وشهكت من جرح أيده
- آرون !
ماهتم ملتهي ما أعرف شيسوي خله الدم بالفانيلة وصفطها جاب علاگة حطها بيها
أنت تقرأ
ديـرة وهَج
Randomفَتاة يغدرُها مَن يفترض أنُ سندها تتوه بَين نَفوس العالم الحَقير لتلتقي بـ مَن لأقت نِفس مصيرها يواجهان الحَـياة القاسيـة وتتلقان الظلم ممَن يچب أن يكون لهم آمان فهل تنجو منهم أم للقدر رأي آخر ..
